1. Qaquguk­kut Jehovamut kif­far­tor­ner­put saper­nar­tis­sin­naavar­put?

QAQUGUK­KUT Jehovamut kif­far­tor­nerit saper­nar­tis­sin­naaviuk – ajor­nar­torsiuter­pas­suaqaraangavit imaluun­niit ajor­nar­torsiun­ngik­kaangavit? Ajor­nar­torsioraangat­ta Jehovamik tatigin­neriaan­naasar­pugut. Ajor­nar­torsiuteqan­ngik­kaangat­tami? Guutimut kif­far­tor­nitsin­ni al­lamut saasar­tit­tar­pugut? Taamaat­toqarsin­naanera pil­lugu Jehovap Israelik­kut ilisimatip­pai. – 5 Mos 6:10-12.

2. Kun­ngi Asa qanoq maligas­saal­luar­pa?

² Kun­ngi Asa Jehovamik tatigin­nil­luin­narami silatusaar­poq. Qanorluun­niit atugaqaraluaraangami Jehova kif­far­torfigiuar­paa. “Asa inuunini tamaat uum­matimigut iluun­ngarluni Naalak­kamut ilumoor­poq.” (1 Kng 15:14) Jehovamut ilumoorfigin­nin­nini ilaatigut Judami guutipilus­sior­ner­nik piiaanermigut ersersip­paa. Biibilimi ima al­las­simavoq: “Al­lamiut pil­liivii qat­tor­ngil­lu pil­liisarfiit piiar­pai ujaq­qal­lu napasut sequtserlugit napasul­lu Asheramut pigititaasut kil­lorlugit.” (2 Nal 14:2, 4) Al­laat aanani Ma’aka nuimasutut inis­sisimajun­naar­tip­paa. Sooq? Taas­suma guutipilus­sior­neq siuarsarmagu. – 1 Kng 15:11-13.

3. Al­laaserisami matumani suut sam­mis­savavut?

³ Asap Judamiut Jehovamut utersin­naaq­qul­lugit ikior­niarlugit guutipilus­sior­neq atorun­naarsiin­nar­nagu pal­lorfigin­nin­neq ilumoor­toq siuarsar­paa. Jehovap Asa Judamiul­lu  eq­qis­sineqar­tip­pai. * Asap kun­ngiunerani ukiuni qulini ‘nunami eq­qis­sineqar­poq’. (2 Nal 13:23; 14:3, 5) Al­laaserisami matumani Asap pif­fis­saq eq­qis­sisimaf­fiusoq qanoq atorluaraa sam­mis­savar­put. Taava kristumiut siul­liit Asatut pif­fis­saq qanoq atorluaraat sam­mis­savar­put. Kiisalu apeq­qut una akis­sutis­sarsis­savar­put: Nunami Jehovamik pal­lorfigin­nin­nermik kil­lilersuif­fiun­ngitsumi najugaqaruit pif­fis­saq eq­qis­sisimaf­fiusoq taman­na qanoq atorluarsin­naaviuk?

4. Nalunaarsuutit aap­paat 14:1, 5, 6-ilu naaper­torlugit Asap pif­fis­saq eq­qis­sisimaf­fiusoq qanoq atorluar­paa?

⁴ 2 Nalunaarsuutit 14:1, 5, 6 atuakkit. Asap nunaq­qatini oqarfigai ‘eq­qis­sisimatitsisoq’ tas­saasoq Jehova. Asa isumaqan­ngilaq taamani eq­qis­sisimaar­nis­samut pif­fis­saasoq. Qarmarsualin­nik, napasulialialin­nik isaaf­filin­nil­lu il­loqarfilior­poq. Judamiut ima oqarfigai: “Suli nuna inuuf­figisin­naavar­put akor­nusersor­neqar­nata.” (Testamentitoqaq) Sunaana pigaa? Oqaatiginiar­paa akeq­qanik akor­nusersor­neqaratik nunar­tik angalaarfigalugulu sanaar­torfigisin­naagaat. Pif­fis­samik eq­qis­sisimaf­fiusumik atorluaaq­qul­lugit kajumis­saar­pai.

5. Sooq Asap sak­kutuuni amerlisar­pai?

⁵ Asap pif­fis­sami eq­qis­sisimaf­fiusumi sak­kutuuni amerlisar­pai. (2 Nal 14:7) Jehova tatigin­ngin­namiuk taamaalior­pa? Naamik. Asap nalun­ngilaa kun­ngiugami in­nut­tami siunis­sami ajor­nar­torsiuler­nis­saan­nut piareersaat­tariaqarlugit. Aam­ma nalun­ngilaa Judami eq­qis­sineqarun­naar­tus­saasoq, paasinarsivorlu taman­na ilumoor­tuusoq.

6. Kristumiut siul­liit pif­fis­saq eq­qis­sisimaf­fiusoq qanoq ator­paat?

⁶ Kristumiut siul­liit malersugaasaraluarlutik ilaan­nik­kut toq­qis­sil­lutik inuusin­naasar­put. Pif­fis­saq eq­qis­sisimaf­fiusoq qanoq ator­tar­paat? Tusagas­saq nuan­nersoq aalajaal­lutik oqaluus­sis­sutigiuar­paat. Apustilit Suliaan­ni al­las­simavoq ‘Jehova mianeralugu inuusut’. Oqaluus­siuaramik ‘amerliar­tor­put’. Erseq­qip­poq pif­fis­sami eq­qis­sisimaf­fiusumi ilungersorlutik oqaluus­sinerat Jehovap pil­luaq­qugaa. – ApS 9:26-31.

7-8. Paulusip al­lal­lu periarfis­satik sumut ator­tar­paat? Nas­suiaruk.

⁷ Kristumiut siul­liit nutaarsias­samik nuan­nersumik siaruar­terinis­samut periarfis­satik tamaasa atorluar­tar­paat. As­sersuutigalugu apustilip Paulusip Efesosimi oqaluus­sinis­samut ajoqersugan­ngor­titsior­tor­nis­samul­lu periarfis­saqarlualerami taman­na atorluar­paa. – 1 Kor 16:8, 9.

⁸ Kipineqar­neq pil­lugu apeq­qut ukiumi 49-mi akineqarmat Paulusi kristumiul­lu al­lat oqaluus­sineruler­nis­samut periarfis­saqaq­qiler­put. (ApS 15:23-29) Akis­sut ilagiin­nut tamanut nalunaarutigineqareermat ajoqersuk­kat aal­lus­sil­luarlutik Jehovap ‘oqaasia nalunaajaatigaat’. (ApS 15:30-35) Taman­na qanoq kinguneqar­pa? Biibilimi al­las­simavoq ‘ilagiit up­per­nermin­ni nakus­satsitaasar­tut ul­lul­lu tamaasa amerliar­tor­tut’. – ApS 16:4, 5.

9. Ul­lumik­kut nunar­pas­suar­ni pis­sutsit qanoq ip­pat, im­minul­lu qanoq aperisin­naavugut?

⁹ Ul­lumik­kut nunar­pas­suar­ni akor­nusersor­neqarata oqaluus­sisin­naavugut. Il­lit nunat taama it­tut ilaan­ni najugaqar­pit? Taamaap­pat im­minut ima aperigit: ‘Kil­lilersugaan­ngin­neq taman­na qanoq ator­para?’ Ul­luni kingul­ler­ni pis­sanganar­tuni mak­kunani Jehovap peqatigiis­sor­tai nunarsuarmi aatsaat taama ilin­niar­titsitigalutil­lu oqaluus­sitigip­put. (Mark 13:10) Jehovap in­nut­tai periarfis­sar­pas­suaqar­put.

10. Timotheusimut al­lak­kat aap­paat 4:2-mi qanoq kajumis­saar­neqar­pugut?

¹⁰ Pif­fis­saq eq­qis­sisimaf­fiusoq qanoq atorluarsin­naaviuk? (2 Timotheusi 4:2 atuaruk). Pis­sutsit atuk­katit misis­sorsin­naavatit. Oqaluus­sinerusin­naavit, im­maqa pionerin­ngorlutit, ilaqut­tavil­luun­niit ilaat taamaaliorsin­naava? Pisuun­ngor­niar­nis­samut pigisar­pas­suaqaler­nis­samul­lu pif­fis­saan­ngilaq, tamak­kumi an­nikil­lior­nar­tus­sarsuarmi naleerutis­sap­put. – Uss 11:4; Matt 6:31-33; 1 Joh 2:15-17.

11. Nutaarsias­saq nuan­nersoq amerlaner­paanut tusarliuk­kumal­lugu ilaat susimap­pat?

¹¹ Oqaluus­sisar­tor­pas­suit oqaluus­sinerujumal­lutik al­lamiutut oqalun­neq ilin­niarsimavaat. Taak­ku tapersersor­niarlugit Guutip peqatigiis­sor­taasa Biibililersaarutit oqaatsini amerliar­tuin­nar­tuni saq­qum­mersit­tar­paat. As­sersuutigalugu 2010-mi Biibililersaarutaativut oqaatsini 500-t mis­saan­ni atuar­neqarsin­naap­put. Ul­lumik­kut oqaatsini 1.000-nit amerlanerusuni atuar­neqarsin­naap­put!

12. Inuit Naalagaaf­fim­mik tusarlius­saq ilitsoq­qus­saralugu oqaatsimin­ni tusaraangamik­ku qanoq iluaqutigisar­paat? As­sersuuteqarit.

¹² Inuit sal­lusuis­sut Guutip oqaasianeersoq ilitsoq­qus­saralugu oqaatsimin­ni tusaraangamik­ku taak­kunun­nga qanoq sun­niuteqar­tar­pa? Qatan­ngutip ar­nap Memphisimi USA-miit­tumi ataatsimeersuar­neq qanoq iluaqutigisimagaa eq­qarsaatigiuk. Ataatsimeersuar­neq oqaatsit kinyarwanda – Rwandami,  Congomi (Kinshasami) Ugandamilu oqaaserineqar­tut – atorlugit ingerlan­neqar­poq. Ataatsimeersuar­nerup kingor­na qatan­ngut oqaatsit kinyarwanda atorlugit ilitsoq­qus­saralugu oqalut­tar­toq ima oqar­poq: “Ukiut 17-it matuma sior­na USA-mut nuuk­kamali aatsaavis­suaq saq­qum­mius­sat anersaak­kut it­tut tamak­kiisumik paasivak­ka.” Qatan­ngut taan­na ilitsoq­qus­saralugu oqaatsini ataatsimeersuar­nermi ator­neqarmata kil­litsingaar­toq erseq­qip­poq. Il­lit oqaluus­sif­figisar­tak­kan­niit­tut ikiorumal­lugit oqaatsinik al­lanik ilin­niar­nis­samut periarfis­saqar­pit? Taman­na eq­qarsaatigisin­naavat ingam­mik oqaluus­sif­figisar­tak­kan­ni il­lit oqaatsin­nit al­laanerusunik oqaaseqar­toqar­pat. Periarfis­satit atorluaruk­kit taman­na nuan­naarutigingaas­savat.

13. Ruslandimi qatan­ngutit­ta pif­fis­saq eq­qis­sisimaf­fiusoq qanoq atorluar­paat?

¹³ Qatan­nguteqar­pugul­li akor­nusersor­neqaratik oqaluus­sisin­naan­ngitsunik. Nunat ilaan­ni naalak­kersuisut oqaluus­sinitsin­nik kil­lilersuisar­put. Qatan­ngutivut Ruslandimiit­tut as­sersuutigisin­naavavut. Ukior­pas­suar­ni malersugaareerlutik marsimi 1991-imi kil­lilersugaajun­naar­put. Taamanik­kut Ruslandimi 16.000-t mis­saan­nik oqaluus­sisar­toqar­poq. Ukiut 20-t tamatuma kingor­na oqaluus­sisar­tut 160.000-nit amerlanerulersimap­put! Erseq­qip­poq qatan­ngutit­ta akor­nusersor­neqaratik oqaluus­sisin­naaner­tik atorluarsimagaat. Oqaluus­sinerli kil­lilersugaaq­qiler­poq. Pis­sutsil­li al­lan­ngoraluar­tut Jehovamut aalajaat­tuar­put. Periarfis­satik tamaasa atorlugit kif­far­tor­tuar­put.

14-15. Jehovap Asa ikiorlugu pis­saanini qanoq ator­paa?

¹⁴ Kun­ngip Asap nalaani Judami eq­qis­sineqarun­naar­poq. Sak­kutoor­pas­suit mil­lioninit  amerlanerusut Nubiamit, tas­sa Etiopiamit, sorsugiar­put. Taak­kua naalagaat Zera isumaqarluin­nar­poq Juda ajugaaf­figisin­naal­lugu. Kun­ngil­li Asap Guutini, Jehova, tatigaa. Asa ima qinuvoq: “Naalagaq Guuter­put, ikior­tigut il­lit tas­saagavit tunaarisar­put, il­lil­lu atik­kut sak­kutoor­pas­suit uku sorsuf­figinialeratsigit.” – 2 Nal 14:10.

¹⁵ Etiopiamiut sak­kutuui Judamiut sak­kutuuinit marloriaam­mit amerlanerugaluar­tut Asap nalun­ngilaa Jehova in­nut­taminik ikiuinis­samut pis­saaneqar­toq. Asalu pakatsin­ngilaq, Etiopiamiut sak­kutuui ajorsar­titaarujus­suar­put. – 2 Nal 14:7-12.

16. Qanoq nalun­ngilar­put pif­fis­saq eq­qis­sisimaf­fiusoq kil­leqas­sasoq?

¹⁶ Tamat­ta im­mik­kut siunis­sar­put qanoq is­sanersoq sukumiisumik ilisiman­ngik­kaluarlugu nalun­ngilar­put Guutip in­nut­taasa eq­qis­sisimanar­tumik maan­nak­kut atugaqar­nerat kil­leqas­sasoq. Jiisusi oqar­poq ul­lus­sani kingul­ler­ni ajoqersuk­kani ‘inuian­nit tamanit uumis­sor­neqas­sasut’. (Matt 24:9) Aam­ma apustili Paulusi al­lap­poq ‘Guuti mianeralugu Kristusi-Jiisusimi inuujumasut tamarmik qinugineqas­sasut’. (2 Tim 3:12) Saatani ‘kamat­torsuuvoq’, isumaqarut­talu kaman­nera uagutsin­nut sun­niuteqas­san­ngitsoq sianiil­lius­saagut. – Saqq 12:12.

17. Up­per­nik­kut qanoq misilin­neqarsin­naavugut?

¹⁷ Siunis­sami qanit­tuk­kut tamat­ta up­per­nik­kut misilin­neqas­saagut. Ungasin­ngitsuk­kut “naal­liun­nar­toqangaas­saaq silarsuup pileq­qaar­neraniit maan­namut as­seqan­ngitsumik nal­liuteq­qin­ngisaan­nas­sasumil­lu”. (Matt 24:21) An­nikil­lior­nar­tus­sarsuup nalaani ilaqutaasut akerlilersuilersin­naap­put, oqaluus­siner­pul­lu iner­teq­qutaalersin­naavoq. (Matt 10:35, 36) Il­lit Asatut Jehovap ikiorumaarlutil­lu il­lersorumaaraatit tatigis­saviuk?

18. Hebræerit 10:38, 39-lu naaper­torlugit pif­fis­sap eq­qis­sisimaf­fiujun­naar­nis­saanut piareersimanis­satsin­nut suna iluaqutigis­savar­put?

¹⁸ Jehovap siunis­sami pisus­sanut anersaak­kut piareersaap­paatigut. Aalajaas­sin­naaq­qul­luta “inus­siaq aalajaal­lunilu silatooq” atorlugu “pif­fis­saq eq­qorlugu” anersaak­kut nerisas­sanik tunisar­paatigut. (Matt 24:45,  NW) Up­perluar­tuujumal­lutali uagut nam­mineq iliuuseqar­tariaqar­pugut. – Hebræerit 10:38, 39 atuakkit.

19-20. Nalunaarsuutit siul­liit 28:9 tun­ngavigalugu suut eq­qarsaatigis­savavut, aam­ma sooq?

¹⁹ Kun­ngi Asatut ‘Jehova ujar­tariaqar­par­put’. (2 Nal 14:3; 15:1, 2) Jehovamik ilisarisiman­niler­nitsigut kuisin­nik­kul­lu taas­sumin­nga ujaasiner­put aal­lar­tip­par­put. Jehovamut asan­nin­neruler­nis­samut periarfis­sat tamaasa ator­tar­pavut. Tamatumun­nga tun­ngatil­lugu im­minut ima aperisin­naavugut: ‘Ataatsimiigiar­tar­punga?’ Ataatsimiin­ner­num­mi Jehovap peqatigiis­sor­taanit aaq­qis­suus­sanut najuuk­kaangat­ta anersaak­kut inuum­maris­sisar­pugut peqatigiin­ner­pul­lu ineriar­tor­nar­tuusarluni. (Matt 11:28) Aam­ma im­minut ima aperisin­naavugut: ‘Ul­lut tamaasa Biibilimut tun­ngasunik sam­misaqar­tar­punga?’ Soorlu ilaqutaqaruit ilaqutariit­tut atuaq­qis­saaqatigiin­neq pif­fis­saqarfigisar­pisiuk? Imaluun­niit kisimiit­tuuguit aam­ma Biibilimik atuaq­qis­saar­neq pif­fis­saqarfigisar­piuk? Sapin­ngisan­nil­lu oqaluus­sineq ajoqersugan­ngor­titsior­tor­nerlu peqataaf­figisar­pigit?

²⁰ Sooq tamak­ku eq­qarsaatigisariaqar­pavut? Biibilimi al­las­simavoq Jehovap eq­qarsaativut uum­mam­miugisavul­lu misis­sor­tarai, taamaat­tumik uagut aam­ma taamaalior­tariaqar­pugut. (1 Nalunaarsuutit 28:9 atuaruk). Anguniak­katsin­nut, isigin­nit­taatsitsin­nut eq­qarsar­taatsitsin­nul­luun­niit tun­ngatil­lugu al­lan­nguisariaqarluta paasigutsigu Jehovamut ikioq­qusariaqar­pugut. Misilin­neqar­nis­satsin­nut maan­na piareersar­tariaqar­pugut. Pif­fis­samik eq­qis­sisimaf­fiusumik atorluaanis­san­nik sumil­luun­niit akor­nuser­teqinak.