1. Inuit ilaat asasar­tik ilagiin­nut ilaajun­naarsin­neqarmat qanoq misigisimap­pat?

ASASAVIT ilaat ilagiin­nut ilaajun­naarsin­neqar­nikuua? Taamaap­pat aliasungaarsimas­saatit! Qatan­ngut Hildamik * atilik ima oqar­poq: “Ukiuni 41-ni aap­pareereerluta uiga toqum­mat misigivunga al­lamik alianar­nerusoqarsin­naan­ngitsoq. Er­nermali ilagiit, nuliani qitor­nanilu qimam­magit ajor­nerungaangaar­poq.”

2-3. Tus­siaat 78:40, 41-lu naaper­torlugit Jehova in­nut­tami ilaat im­minut kif­far­torun­naaraangat qanoq misigisar­pa?

² Takorlooruk Jehova qanoq aliasutsigisimas­sasoq ilaqut­tami ilaan­nit, tas­sa in­ngilit ilaan­nit, tunun­neqarami! (Jud 6) Aam­ma aliasungaar­tarsimas­saaq in­nut­tami asasami, Israelik­kut, arlaleriarlutik pikitsitsif­figim­man­ni. (Tussiaat 78:40, 41 atuakkit). Qularis­san­ngilat Ataatar­put qilam­miusoq asan­nit­toq aam­ma aliasut­tar­toq asasavit ilaat im­minut kif­far­torun­naaraangat. Alianangaar­tumik nalaataqar­nin­ni paasil­luarsin­naavaatit. Misigin­neqataal­luni tup­pal­lersarlutil­lu pisariaqar­titan­nik isumagis­savaatit.

³ Al­laaserisami matumani sam­mis­savar­put taamatut aliasuuteqar­nitsin­ni Jehovap ikiuinera iluaqutigiumal­lugu susin­naasugut. Aam­ma paasis­savar­put ilagiin­niit­tut taamatut nalaataqar­tut qanoq ikiorsin­naagigut. Sam­meq­qaariar­tiguli nikal­lor­nar­tumik eq­qarsar­naveersaar­tariaqar­ner­put.

4. Angajoq­qaar­pas­suit qitor­namik Jehova qimak­kaangas­suk qanoq misigisar­pat?

⁴ Qitor­nap asasap Jehova qimak­kaangagu angajoq­qaajusut amerlanersaasa eq­qarsaatigisar­paat qitor­nar­tik sal­lusuis­sum­miigin­narsin­naaq­qul­lugu  iliuuseqar­nerusimasin­naagaluar­nerlutik. Luke er­nermi ilaajun­naarsin­neqar­nerata kingor­na ima oqar­poq: “Im­minut pisuutip­punga. Sin­nat­tupiluutigisar­para. Qiasar­punga uum­matik­kul­lu an­niar­tarlunga.” Qatan­ngut Elizabethimik atilik tamatumun­nga as­singusumik nalaataqar­toq ima eq­qarsarsimavoq: “Anaanatununa qanoq kuk­kus­suteqarsimasunga? Misigivunga er­nerma Jehovamik asan­nin­nis­saanik ilin­niar­tin­nerani kuk­kus­suteqarsimal­lunga.”

5. Jehovamik qimatsisoqaraangat kina pisuusar­pa?

⁵ Eq­qaamasariaqar­par­put Jehovap inuit tamaasa piumasamit­tut iliorsin­naatik­kai. Taman­na isumaqar­poq Jehovamut naalak­kusun­nerluta nam­mineq aalajangersin­naagip­put. Inuit ilaat angajoq­qaamin­nit ilin­niar­tin­neqarluarsiman­ngik­kaluarlutik aalajangersimap­put Jehova kif­far­torfigalugulu ilumoorfiginiarlugu. Al­lat angajoq­qaamin­nit Jehovamik asan­nin­nis­samin­nik ilin­niar­tin­neqarluaraluarlutik aalajangersimap­put Jehova qiman­niarlugu. Tas­sa tamat­ta Jehovamut kif­far­torusun­nerluta nam­mineq aalajanger­tariaqar­par­put. (Jos 24:15) Taamaat­tumik angajoq­qaajususi aliasut­tusi, qitor­nas­si Jehovamik qimatsinera pil­lugu im­minut pisuuteqinasi!

6. Angajoq­qaajusup Jehova qimak­kaangagu qitor­naasoq qanoq misigisar­pa?

⁶ Angajoq­qaajusut ilaasa sal­lusuis­sut al­laal­lu ilaqut­tatik qimat­tar­paat. (Tuss 27:10) Qitor­naasut angajoq­qaamin­nik ataq­qin­nit­tut taman­na aliasuutigingaar­tar­paat. Esther, ilaajun­naarsin­neqarsimasumik ataatalik, ima oqar­poq: “Qiasaqaanga paasilerak­ku sal­lusuis­sum­mit qimaguk­kiar­tuin­narani aalajangersimasoq Jehovamut kif­far­torun­naar­niarluni. Ataataga asagak­ku ilaajun­naarsin­neqar­nerata kingor­na qanoq in­nera eq­qarsaatigisar­para. Al­laat an­nilaangarujus­suar­tar­punga.”

7. Jehovap inuusut­toq ilaajun­naarsin­neqarsimasumik angajoq­qaalik qanoq misigis­suseqarfigaa?

⁷ Inuusut­tuusutit, ilaajun­naarsin­neqarsimasumik angajoq­qaaqaruit misigin­neqatigingaar­patsigit! Qularutigis­san­ngilat Jehovap an­niaateqar­nerit ilisimal­luaraa. Asavaatit ilumoorfigin­nin­neril­lu pingaar­til­lugu, taamatut­taaq uagut ilagiin­ni qatan­ngutaasugut ilumoorfigin­nin­nerit nuan­naarutigaar­put. Eq­qaamajuk angajoq­qaavit aalajangigaanut pisuun­ngitsutit. Eq­qaaneqareersutut inuit tamarmik Jehovamut kif­far­torusun­nerlutik nam­mineq aalajangersin­naatitaap­put. Tun­niul­luin­narlutil­lu imermut morsutsin­neqarsimasut tamarmik akisus­saaf­fitik ‘nam­magas­satut nam­min­neq nam­mas­savaat’. – Gal 6:5.

8. Ilaqutaasut aalajaatsut asasamik ilaajun­narsin­neqarsimasup Jehovamut uter­nis­saa utaq­qitil­lugu susin­naap­pat? (Aam­ma takuuk ungalusaq “ Jehovamut uterit”).

⁸ Asasavit ilaata Jehova qimas­simap­pagu uter­nis­saa soorunami neriuutigis­savat. Uter­nis­saali utaq­qitil­lugu susin­naavit? Anersaak­kut nukit­tujuar­niarsin­naavutit. Taamaalioruit ilaqut­tan­nut al­lanut im­maqalu al­laat ilaajun­narsin­neqarsimasumut maligas­siuil­luas­saatit. Aam­ma aliasun­nin­ni piner­tusaar­nis­san­nut nukis­saqas­saatit. Iliuuserisin­naasatit sam­meriar­tigit.

9. Up­perluar­tuujuarumal­lutit susin­naavit? (Aam­ma takuuk ungalusaq “ Asasavit Jehova qimap­pagu – Al­las­simaf­fiit tup­pal­ler­nar­tut”).

⁹ Up­perluar­tuujuarumal­lutit sapin­ngisan­nik iliuuseqar­tarit. Pingaaruteqangaar­poq il­lit ilaqut­tatil­lu up­per­nik­kut nakus­satsit­tuar­nis­sarsi. Qanoq taamaaliorsin­naavit? Jehova nukis­san­nik aal­lerfigisaruk Guutip oqaasianik atuar­tuar­nik­kut eq­qarsaatigin­nit­tuar­nik­kul­lu aam­ma ataatsimiin­ner­nut najuut­tar­nik­kut. Joan­na, sal­lusuis­sum­mik qimatsisumik ataatalik angajulil­lu, ima oqar­poq: “Biibilimi oqalut­tuarineqar­tut soorlu Abigajili, Esteri, Jobi, Josefi Jiisusilu pil­lugit atuaraangama toq­qis­sisimaler­tar­punga. Maligas­saal­luar­neri qiim­mas­saatigalugil­lu isumal­luar­tuunis­san­nut iluaqutigisar­pak­ka. Aam­ma im­mik­kut erin­niat qiim­maal­laatigingaar­tar­pak­ka.”

10. Misigis­sutsik­kut ar­torsar­nin­ni susin­naavit? (Tus­siaat 32:6-8)

¹⁰ Isumakuluutitit Jehovamut oqalut­tuarisak­kit. Misigis­sutsik­kut ar­torsar­nin­ni Jehovamut qinusarun­naaqinak. Guuter­put asan­nit­toq kimigiiserfigisaruk taas­suma isigin­nit­taasiatut isigin­nit­taaseqaq­qul­lutit aam­ma ‘ilin­niar­teq­qul­lutit ilitsersoq­qul­lutil­lu ingerlavis­san­nik’. (Tussiaat 32:6-8 atuakkit). Soorunami qanor­piaq misiginin­nik Jehovap oqalut­tuun­nis­saa saper­nar­tis­sin­naavat. Jehoval­li uum­matik­kut an­niaateqar­nerit paasil­luin­nar­paa. Asangaar­paatit kajumis­saarlutil­lu uum­mam­miun­nik aniatitsivigeq­qul­luni. – 2 Mos 34:6; Tuss 62:8, 9.

11. Hebræerit 12:11 naaper­torlugu Jehovap asan­nil­luni oqaaq­qis­saarisar­nera sooq akueris­savar­put? (Aam­ma takuuk ungalusaq “ Ilagiin­nut ilaajun­naarsitsineq – Jehovap asan­nin­neranut ersiutaasoq”).

¹¹ Utoq­qaaner­tat aalajangigaat tapersersoruk. Ilagiin­nut ilaajun­naarsitsineq Jehovap aalajangersagaanut ilaavoq. Taamatut asan­nil­luni  oqaaq­qis­saarineq tamanut, aam­ma ajor­tulior­tumut, pitsaaner­paavoq. (Hebræerit 12:11 atuaruk). Ilagiin­niit­tut ilaat im­maqa oqas­sap­put utoq­qaaner­tat aalajangigaat kuk­kusuusoq. Eq­qaamajul­li inuit taamatut oqar­tut ajor­tulior­toq pil­lugu nuan­niitsumik oqaaseqarusun­neq ajor­tut. Pisimasut ilaan­naat ilisimavagut. Taamaat­tumik silatusaar­nerus­saaq up­perigutsigu utoq­qaaner­tat ilaajun­naarsitsinis­samik aalajangiinermin­ni najoq­qutas­siat Biibilimeersut maleruar­niarlugit aam­ma Jehova ‘eq­qar­tuus­sis­sun­niarlugu’ sapin­ngisamin­nik iliuuseqarsimasut. – 2 Nal 19:6.

12. Jehovap oqaaq­qis­saarineranik tapersersuiner­tik ilaasa qanoq iluaqutigisimavaat?

¹² Asasavit ilagiin­nut ilaajun­naarsin­neqar­neranik utoq­qaaner­tat aalajangigaan­nik tapersersuiguit taas­suma Jehovamut uter­nis­saminut im­maqa iluaqutigis­savaa. Elizabeth, siusin­nerusuk­kut eq­qaaneqar­toq, ima oqar­poq: “Er­nit­ta inersimasup at­tavigiun­naar­nis­saa as­sut saper­nar­tip­par­put. Jehovamul­li uter­nermi kingor­na nas­suer­poq ilaajun­naarsin­neqar­nis­saminik aalajangiineq eq­qor­tulior­nerusoq. Kingusin­nerusuk­kut oqar­poq ilin­niarfigil­luarsimal­lugu. Jehovap oqaaq­qis­saarinerata eq­qor­tuujuaan­nar­nera paasivara.” Uia Mark ima oqar­poq: “Kingusin­nerusuk­kut er­nit­ta oqarfigaanga peq­quneqar­nitsitor­piaq iliorsimaner­put ilaatigut pis­sutigalugu uterusulersimal­luni. Naalat­tuarsin­naaq­qul­luta Jehovamit ikior­neqar­ner­put qujamasuutigingaar­para.”

13. Misigis­sutsik­kut ar­torsar­nin­ni suna iluaqutigisin­naaviuk?

¹³ Ikin­ngutit paasin­nit­tut oqaloqatigisak­kit. Kristumiut inersimal­luar­tut isumal­luar­tuunis­san­nut ikiuisin­naasut peqatigisak­kit. (Uss 12:25; 17:17) Joan­na, siusin­nerusuk­kut eq­qaaneqar­toq, ima oqar­poq: “Kisimiit­tutut misiginin­ni ikin­ngutima tatigisama oqaloqatigisar­neri iluaal­laatigisar­para.” Taavami ilagiin­niit­tut ilaat misigis­sutsik­kut ajor­nerulersitsisumik oqaaseqar­pat?

14. Sooq ‘kamageqatigiit­tariaqarlutalu isumak­keerfigeqatigiit­tariaqar­pugut’?

¹⁴ Up­peqatitit kamagit­tarfigisak­kit. Ilimagisin­naan­ngilar­put kik­kut tamarmik eq­qor­tumik oqaaseqar­tuaan­nas­sasut. (Jaak 3:2) Tamat­ta naam­mal­luin­nan­ngitsuugat­ta tupaal­laatigis­san­ngilar­put ilaasa qanoq oqar­nis­sar­tik nalor­nis­sutigip­pas­suk piaarinatil­luun­niit aliasulis­sutigisatsin­nik oqaaseqar­pata. Apustilip Paulusip siun­nersuutaa una eq­qaamajuk: “Kamageqatigiigitsi isumak­keerfigeqatigiit­tarlusilu arlas­sin­nut as­suarliutis­saqaraangas­si.” (Kol 3:13) Qatan­ngut ar­naq ilaajun­naarsin­neqarsimasumik ilaqutalik ima oqar­poq: “Jehovap ikiuineratigut qatan­ngutit ajun­ngitsumik siuner­taqaraluarlutik aliasulis­sutigisan­nik oqaaseqar­tut isumak­keerfigisin­naasar­pak­ka.” Ilaqutaasut aalajaatsut ilagiin­niit­tunit qanoq ikior­neqarsin­naap­pat?

15. Ilaajun­narsin­neqaq­qam­mersumik ilaqutal­lit qanoq tapersersorsin­naavagut?

¹⁵ Ilaqutaasut aalajaatsut asan­nit­tuliorfigisak­kit.  Qatan­ngutip Miriamimik atil­lip aq­qalus­sami ilaajun­naarsin­neqar­nerata kingor­na ataatsimiigiar­nis­sani merserisimavaa. Ima oqar­poq: “Inuit qanoq oqas­sanersut an­nilaangas­sutigaara. Ikin­ngutaal­luar­tul­li aliasoqatigaan­nga aq­qaloralu pil­lugu nikal­lor­nar­tumik oqaaseqaratik. Taak­koqaral­lar­til­lugu aliasun­nin­ni kisimiit­tutut misigin­ngilanga.” Qatan­ngut ar­naq al­la ima oqar­poq: “Er­nit­ta ilaajun­naarsin­neqar­nerata kingor­na ikin­ngutit­ta asasat­ta tup­pal­lersariar­tor­paatigut. Ilaat nas­suer­put qanoq oqas­sanerlutik nalor­nis­sutigalugu. Ilaasa qiaqatigaan­nga al­lal­lu al­laf­figalunga. Iliuuserisaat as­sut iluaqutigaak­ka!”

16. Ilagiin­niit­tut qanoq tapersersuiuarsin­naap­pat?

¹⁶ Ilaqutaasut aalajaatsut tapersersor­tuak­kit. Ingam­mik maan­na asaneqar­nis­sar­tik qiim­mas­sar­neqar­nis­sar­til­lu pisariaqar­tip­paat. (Hebr 10:24, 25) Ilaajun­narsin­neqarsimasumik ilaqutal­lit ilaat misigisimap­put aam­ma nam­min­neq ilagiin­niit­tut ilaan­nit peqatigineqarusuk­kun­naarsimal­lutik. Taamatut misigititserusun­ngilagut! Ingam­mik inuusut­tut meeq­qal­lu sal­lusuis­sum­mik qimatsisimasumik angajoq­qaal­lit nersualaar­neqar­tar­nis­sar­tik qiim­mas­sar­neqar­tar­nis­sar­til­lu pisariaqar­tip­paat. Mariap uiata ilagiit ilaqut­tanilu qimap­pai. Maria ima oqar­poq: “Ikin­ngutima ilaasa aggerlutik iggap­paatigut ilaqutariit­tul­lu atuaq­qis­saaqatigiin­nitsin­ni ikiorluta. Misigin­neqatigalungalu qiaqatigaan­nga. Uanga pil­lunga nuan­niitsumik oqaaseqar­toqarmat il­lersor­paan­nga. Ikin­ngutik­ka qiim­mas­saatigeqaak­ka!” – Rom 12:13, 15.

17. Utoq­qaaner­tat qanoq tup­pal­lersaasin­naap­pat?

¹⁷ Utoq­qaaner­taasusi, ilaqutaasut aalajaatsut nakus­satsik­kumal­lugit periarfis­sasi tamaasa ator­tarsigit. Up­peqatisi Jehovamik qimatsisumik ilaqutaqar­tut tup­pal­lersar­nis­saat im­mik­kut akisus­saaf­figaarsi. (1 Th 5:14) Ataatsimiin­nerit sior­na kingor­nalu tup­pal­lersar­niarlugit siul­liul­lusi iliuuseqar­taritsi. Pulaar­tarsigit qin­nut­tarlugil­lu. Oqaluus­seqatigisarsigit, aam­ma ilaan­nik­kut ilaqutariit­tut atuaq­qis­saaqatigiin­nis­sin­nut qaaq­qusarsin­naavasi. Ilagiin­ni paarsisut Jehovap savaatai aliasut­tut misigin­neqatigin­nin­nermik, asan­nin­nermik soqutigin­nin­nermil­lu ersersitsivigisariaqar­paat. – 1 Th 2:7, 8.

18. Petrusip al­lagaasa aap­paat 3:9 naaper­torlugu ajor­tulior­tut pil­lugit Guuti qanoq kis­saateqar­pa?

¹⁸ Jehovap ‘kimil­luun­niit tam­maq­qusin­ngin­nami tamaasa al­lamik isumataar­nis­samut periarfis­sik­kumavai’. (2 Petrusi 3:9 atuaruk). Al­laat ingasat­tumik ajor­tuliorsimasut inuuneri Guutimut erlin­nar­tuup­put. Eq­qarsaatigiuk Jehova ajor­tulior­tut pil­lugit qanoq akisutigisumik akiliisimasoq – tas­sa er­nermi asasami inuunera uter­titsis­sutitut pil­liutigaa. Jehovap ajor­tuliorsimasut asan­nil­luni im­minut uteq­quai. Er­nermik tam­maraluar­tumik Jiisusip as­sersuusiaanit ersersin­neqar­tutut uteq­qin­nis­saat Jehovap neriuutigaa. (Luk 15:11-32) Sal­lusuis­sum­mik qimatsisimasut ilar­pas­sui Ataatamin­nut asan­nit­tumut qilam­miusumut uter­put. Ilagiin­nil­lu tikil­luaq­quneqangaar­put. Er­nini ilaalerseq­qin­neqarmat Elizabeth, siusin­nerusuk­kut eq­qaaneqar­toq, nuan­naangaar­poq. Ima oqar­poq: “Neriuutaarutin­ngin­nis­satsin­nut kajumis­saar­neqar­tarsimaner­put qujamasuutigeqaara.”

19. Sooq Jehova tatigiuarsin­naavar­put?

¹⁹ Jehova tatigiuarsin­naavar­put. Ajoqutigisin­naasatsin­nik piumaf­figin­ngisaan­nar­paatigut. Ataataavoq tuk­kor­tuul­lunilu misigin­neqatigin­nit­toq, asan­nil­lutil­lu guutisiorfigin­nitsini asangaar­pai. Qularutigis­san­ngilat aliasun­nin­ni Jehovap najor­tuarumaaraatit. (Hebr 13:5, 6) Mark, siusin­nerusuk­kut eq­qaaneqar­toq, ima oqar­poq: “Jehovap qiman­ngisaan­nar­paatigut. Ajor­nar­torsiuteqar­nitsin­ni qanit­tuaan­nar­paatigut.” Jehovap ‘pis­saanermik as­seqan­ngitsumik’ tuniuas­savaatit. (2 Kor 4:7) Aap, asasavit Jehova qimak­kaluar­paguluun­niit up­per­tuarlutil­lu neriut­tuarsin­naavutit.