1-2. Sajun­neq as­sersuutaasoq nalitsin­ni pisoq qanoq siulit­tuutigineqar­pa?

“MINUTSIALUIT ingerlanerin­naan­ni pisiniarfiit il­lul­lu pisoq­qat up­pikaap­put.” “Sumi tamani uip­pal­ler­nersuaqar­poq. ... Inup­pas­suit oqar­put minutsit marluk mis­saan­ni nuna sajut­toq. Uangali misigivunga sivisunerujus­suusoq.” 2015-imi Nepalimi nunap sajun­neranit aniguisut taama oqarsimap­put. Il­lit taama amiilaar­nar­tigisumik misigisaqas­sagaluaruit pisoq puioruminaatsis­sagunar­pat.

² Uagut maan­nak­kut sajun­neq al­laanerusoq, il­loqarfim­mik nunamil­luun­niit ataasiin­naan­ngitsumik eq­quisoq, misigaar­put. Ukior­pas­suar­ni inuiaat tamarmik sajutsin­neqar­put. Taman­na pruf­fiitimit Haggajimit ima siulit­tuutigineqarsimavoq: “Ima oqar­poq Katersaarsuit Naalagaat: Ungasin­ngitsun­nguak­kut sajutsik­kumaar­pak­ka qilak nunalu, imaq nunalu paner­toq.” – Hagg 2:6.

3. Sajun­neq as­sersuutaasoq nunap sajun­neranit qanoq al­laanerua?

³ Sajun­neq Haggajip eq­qar­tugaa nunap sajun­neratut aseruinermik kinguneqar­tar­tutut iin­narani aam­ma nuan­nersumik kinguneqar­tar­poq. Jehova ima oqar­poq: “Inuiaat tamaasa sajutsik­kumaar­pak­ka, erlin­nar­tuutitil­lu maanga aggiuk­kumaar­paat; il­lulu man­na alutor­narsisik­kumaar­para.” (Hagg 2:7) Siulit­tuut taman­na Haggajip nalaani inuusunut qanoq eq­quup­pa? Nalitsin­nimi qanoq eq­quup­pa? Apeq­qutit taak­kua akis­sutaat ul­lumik­kul­lu inuiaat sajutsin­neqar­neran­nut qanoq peqataasin­naasugut sam­mis­savagut.

4. Sooq Jehovap Haggaji in­nut­taminut aal­lar­tip­paa?

⁴ Pruf­fiiti Haggaji Jehovamit pingaarutilim­mik sulias­sin­neqar­poq. Qanoq pisoqarsimasoq eq­qarsaatigiuk. Babylonimut aal­larus­saaq­qasut Kr.in.si. 537-mi Jerusalemimut uter­tut Haggaji ilagigunar­paat. Pal­lorfigin­nit­tut aalajaatsut taak­kua Jerusalemimut apuuteq­qam­merlutik Jehovap il­luata, tas­sa naalaf­fiata, tun­ngavia sanaler­paat. (Ezra 3:8, 10) Akerlilersor­neqaramil­li sivitsun­ngitsoq nikal­lorlutik sanaar­tor­ner­tik unitsip­paat. (Ezra 4:4; Hagg 1:1, 2) Taamaat­tumik Jehovap Kr.in.si. 520-mi Haggaji peq­quaa taak­ku aal­lus­sil­luaq­qilersin­naaq­qul­lugit ikius­sagai naalaf­filiamin­nil­lu naam­mas­sin­nin­nis­saan­nik kajumis­saarlugit. * – Ezra 6:14, 15.

5. Sooq Haggajip tusarlius­saa Guutip in­nut­taanut tup­pal­ler­narsimas­sava?

⁵ Juutit Jehovamut up­perluar­neruler­nias­sam­mata Haggaji tusarliinis­samik sulias­sin­neqar­poq. Pruf­fiitip juutit nikal­lungasut sapiil­luni ima oqarfigai: “Tatitusaaritsi nunap inui tamas­si! oqar­poq Naalagaq. Aal­lar­tin­niaritsi, uangami najor­pas­si, oqar­poq Katersaarsuit Naalagaat.” (Hagg 2:4) Oqaatsit “Katersaarsuit Naalagaat”, tas­sa sak­kutoor­pas­suar­nut naalagaq Jehova, tup­pal­ler­narsimas­sap­put. Jehova in­ngiler­pas­suar­nut sak­kutuunut naalagaam­mat juutit ingerlal­luarumal­lutik taan­na tatigisariaqar­paat.

6. Sajutsitsineq Haggajip eq­qar­tugaa qanoq kinguneqar­tus­saasimava?

⁶ Haggajip Jehovamit isumas­sarsisitaal­luni inuian­nik tamanik sajutsitsineq oqalut­tuaraa. Juutit nikal­lungasut naalaf­fim­mik sanaar­torun­naarsimasut siulit­tuut taman­na qiim­maal­laatigisimas­savaat. Tas­sanimi ersersin­neqar­poq Jehovap Persia, taamanik­kut nunarsuarmi pis­saaneqar­ner­paajusoq, sajutsis­sagaa. Sajutsitsineq taan­na qanoq kinguneqas­sava? Guutip in­nut­taasa naalaf­fim­mik sanaar­tor­ner­tik naam­mas­sis­savaat. Taava al­laat juutiun­ngitsut naalaf­fim­mi sanaq­qin­neqarsimasumi Jehovamik guutisioqatigin­nis­sap­put. Siulit­tuut taman­na Guutip in­nut­taanut qiim­mas­saataangaarsimas­saaq! – Zak 8:9.

7. Nalitsin­ni qanoq sajutsitseqataavugut? Nas­suiaruk.

⁷ Haggajip siulit­tuutaa uagutsin­nut qanoq sun­niuteqar­pa? Aam­ma nalitsin­ni Jehova inuian­nik sajutsitsivoq, tamatumanilu sajutsitseqataavugut. Una eq­qarsaatigiuk: 1914-imi Jehovap kun­ngeqarfim­mini, tas­sa naalagaaf­fim­mini, qilam­miit­tumi Jiisusi Kristusi kun­ngin­ngor­tip­paa. (Tuss 2:6) Kun­ngeqarfiup tamatuma pilersin­neqar­nera nunarsuarmi naalak­kersuisunut nutaarsias­saavoq nuan­niitsoq. Taman­nami isumaqar­poq “Guutimik nalusunut pif­fis­sarititaasut” naasut, tas­sa pif­fis­saq Jehova sin­nerlugu naalak­kersuisoqan­ngif­fiusoq naasoq. (Luk 21:24) Taamaat­tumik ingam­mik 1919-ip kingor­na Jehovap in­nut­taasa Guutip kun­ngeqarfiata inuian­nut neriuutis­satuaanera oqaluus­sis­sutigaat. Kun­ngeqarfim­mik nutaarsias­sat nuan­nersut oqaluus­sisutigineqar­nerat inuian­nik sajutsitsivoq. – Matt 24:14.

8. Tus­siaat 2:1-3 naaper­torlugit tusarlius­samut inuit amerlanersaat qanoq qisuariar­pat?

⁸ Tusarlius­samut tamatumun­nga inuit qanoq qisuariarsimap­pat? Amerlanersaasa nuan­narin­ngilaat. (Tussiaat 2:1-3 atuakkit). Inuiaat uumitsal­lutik Jehovap kun­ngin­ngor­titaa itigar­tip­paat. Kun­ngeqarfim­mik  tusarlius­sar­put nutaarsias­satut nuan­nersutut isigin­ngilaat. Al­laat naalak­kersuisut ilaasa oqaluus­siner­put iner­teq­qutigaat! Naalak­kersuisut taak­kua Guutimut kif­far­tor­neraraluarlutik pis­saaner­tik oqar­tus­saas­suser­til­lu iperarusun­ngilaat. Jiisusip nalaani naalak­kersuisut iliorsimanerat­tul­li nalitsin­ni naalak­kersuisut Jehovap kun­ngin­ngor­titaa akerlilersor­paat malin­nit­taanik malersuinermik­kut. – ApS 4:25-28.

9. Inuiaat nuan­niitsumik qisuariar­nerat Jehovap qanoq iliuuseqarfigaa?

⁹ Inuiaat nuan­niitsumik qisuariar­nerat Jehovap qanoq iliuuseqarfigaa? Tus­siaat 2:10-12 ima al­las­simavoq: “Ilis­si kun­ngit silatusaaleritsi, siun­nersuutit akuersaar­tar­niarsigit nunarsuarmi eq­qar­tuus­sisut ilis­si: Naalagaq kif­far­torfigisiuk mianeralugu! Uul­luserlusi kunis­sigit isigai kamaleq­qunagu nungutitaaq­qunasilu; tas­san­ngaan­narmi kamalersin­naasar­poq. Pil­luar­poq kinaluun­niit taas­sumani qimar­nguf­fis­sarsior­toq.” Jehovap asan­nil­luni akerlilersuisut peq­qis­siminis­saan­nut periarfis­sip­pai. Al­lan­nguinis­samin­nut Jehoval­lu kun­ngeqarfianik akuerin­nin­nis­samin­nut suli periarfis­saqar­put. Pif­fis­saarutiler­pul­li. Silarsuup matuma ‘ul­lus­saani kingul­ler­ni’ inuuvugut. (2 Tim 3:1; Es 61:2) Inuit ilumoor­tumik paasin­nin­nis­saat eq­qor­tumil­lu aalajangiinis­saat aatsaat taama nukingin­nar­tigaaq.

10. Haggaji 2:7-9 naaper­torlugit sajutsitsinermut aam­ma qanoq qisuariar­toqas­sava?

¹⁰ Sajutsitsinermut as­sersuutaasumut Haggajip siulit­tuutigisaanut inuit ilaat ajun­ngitsumik qisuariar­put. Sajutsitsineq pis­sutigalugu inuiaat ‘erlin­nar­tuutaasa’, tas­sa inuit eq­qor­tuliorusut­tut, Jehova guutisiorfigiar­tor­paat. * (Haggaji 2:7-9 atuakkit). Esajap Mikal­lu aam­ma taman­na “ul­lus­sani kingul­ler­ni” pinis­saa siulit­tuutigaat. – Es 2:2-4; Mika 4:1, 2.

11. Kun­ngeqarfim­mik tusarlius­saq tusaq­qaaramiuk qatan­ngut qanoq qisuariar­pa?

 ¹¹ Qatan­ngutip Kenip qul­lersaqarfim­mi kif­far­tor­tup tusarlius­samut sajutsitsisumut qisuariar­nera sam­meriar­tigu. Ukiut 40-t mis­saat matuma sior­na Kun­ngeqarfim­mik tusarlius­samik paasin­neq­qaar­nini eq­qaamaq­qis­saar­paa. Ima oqalut­tuar­poq: “Ilumoor­toq Guutip oqaasianeersoq tusaq­qaarak­ku qujamasup­punga paasigak­ku silarsuup matuma naggatis­saata nalaani inuusugut. Paasivara Guutimit iluarisaajumal­lunga naas­saan­ngitsumil­lu inuusin­naajumal­lunga silarsuarmit tatigisas­saan­ngitsumit matuman­nga avis­saarsimasariaqarlungalu Jehova tatigil­luin­nar­tariaqarlugu. Jehovamut qinuvunga iliuuseqapal­lal­lungalu. Silarsuaq tapersersorun­naarlugu Guutip kun­ngeqarfia atajuar­tus­saq qimar­nguf­figaara.”

12. Jehovap naalaf­fiata anersaak­kut it­tup ul­lus­sani kingul­ler­ni erlin­nar­tuutinik ulik­kaar­neqar­nera qanoq erser­tar­pa?

¹² Jehovap in­nut­taminik pil­luaq­qusisimanera erseq­qip­poq. Ul­lus­sani kingul­ler­ni mak­kunani Jehovamik pal­lorfigin­nit­tut amerleriapiloor­nerat takusimavar­put. 1914-imi tuusintialuin­naasimap­put. Maan­nak­kut 8 mil­lioninit amerlanerusut Guutimut kif­far­tor­tuup­put, inuil­lu suli mil­lionil­lit ukiut tamaasa Jiisusip toquneranik eq­qaaniaaqataasar­put. Jehovap naalaf­fiata anersaak­kut it­tup, tas­sa guutisior­nermik minguitsumik aaq­qis­suus­sinerata, silarlia nunarsuarmiit­toq ‘inuiaat erlin­nar­tuutaan­nik’ ulik­kaar­poq. Aam­ma inuit al­lan­nguil­lutik inut­tut nutaamik pis­suseqaler­nermik­kut Jehovap aq­qa ataq­qinarsisip­paat. – Ef 4:22-24.

13. Siumukar­neq siulit­tuutinik al­lanik sunik eq­quutitsiva? (Saq­qaani as­sit takuk­kit).

¹³ Siumukar­neq taman­na aam­ma siulit­tuutinik al­lanik, soorlu Esaja kapitali 60-imiit­tunik, eq­quutitsivoq. Versi 22-mi ima al­las­simavoq: “Min­nersaat tuusintilin­ngus­saaq nukarlersaal­lu tas­saalis­sal­luni inuiaat pis­saasut. Uanga tas­sa Naalagaq; pif­fis­san­ngor­pat piler­tor­tumik taman­na naam­mas­sis­savara.” Inuit amerlasuut Jehovamut kif­far­tuler­nerat nuan­ningaar­tumik kinguneqar­poq. ‘Erlin­nar­tuutit’ taak­ku as­sigiin­ngitsunik  pik­korif­feqarlutik Kun­ngeqarfim­mik nutaarsias­sap nuan­nersup oqaluus­sis­sutiginis­saanut kajumip­put. Taamaat­tumik Esajap eq­qaasaatut “inuiaqatigiit im­muutaat” Jehovap in­nut­taasa iluaqutigaat. (Es 60:5, 16) Angutit ar­nal­lu taak­ku ikior­tigalugit nunani 240-ni oqaluus­sisoqar­tar­poq Biibililersaarutil­lu oqaatsinut 1.000-nit amerlanerusunut nutser­neqar­tarlutik.

14. Inuit maan­na suna aalajangigas­saraat?

¹⁴ Maan­na naggatis­sap nal­liutingajaler­nerani inuian­nik sajutsitsineq pis­sutigalugu inuit tamarmik aalajangigas­saqaler­put. Tas­sa aalajanger­tariaqar­paat Guutip kun­ngeqarfia imaluun­niit naalak­kersuisut inuit pilersitaat tapersersorusun­nerlugit. Jehovap in­nut­taasa nunagisamin­ni inatsisit naalat­tar­paat, politik­kimul­li akuliun­naveersaaq­qis­saar­tuup­put. (Rom 13:1-7) Nalun­ngilaat inuit ajor­nar­torsiutaan­nik aaq­qiisin­naasutuaq tas­saasoq Guutip kun­ngeqarfia. Kun­ngeqarfil­lu taan­na silarsuarmut ilaan­ngilaq. – Joh 18:36, 37.

15. Saq­qum­mersitat naaper­torlugit Guutip in­nut­tai aalajaan­nermik­kut qanoq misilin­neqas­sap­pat?

¹⁵ Saq­qum­mersitani al­laatigineqar­poq Guutip in­nut­tai aalajaan­nermik­kut ul­lus­sani kingul­ler­ni misilin­neqas­sasut. Taamaat­tumik nalun­ngilar­put malersor­neqar­ner­put sak­kor­tusiar­tus­sasoq. Naalak­kersuisut nunamiit­tut pal­lorfigineqar­nis­sar­tik piumasaqaatigis­savaat im­min­nil­lu tapersersuiuman­ngitsut malersorlugit. (Saqq 13:12, 15) “Tamaasalu, angisuut mikisul­lu, pisuut piitsul­lu, inus­siaataan­ngitsut inus­siaatil­lu, taler­piisigut qaavisigul­luun­niit” nalunaaqutser­neqaq­qul­lugit pin­ngitsaalis­savaat. (Saqq 13:16) Itsaq inus­siat kik­kun­nit pigineqar­nerat takuneqarsin­naatik­kumal­lugu uutarlugit nalunaaqutser­neqar­tar­put. Tamatumun­nga as­singusumik nalitsin­ni inuit naatsorsuutigis­savaat kik­kut tamarmik as­sersuutaasumik qaamik­kut as­sam­mik­kul­luun­niit nalunaaquteqar­nis­saat. Piumasaris­savaat eq­qarsar­taatsimik­kut iliuutsimik­kul­lu naalak­kersuisunik tapersersuinermin­nik ersersitsis­sasut.

16. Sooq Jehovamik ilumoorfigin­nin­ner­put maan­na nakus­satsit­tariaqar­par­put?

¹⁶ Naalak­kersuisunik tapersersuinik­kut as­sersuutaasumik nalunaaqutser­neqar­nis­sar­put akueris­savar­put? Nalunaaqutser­neqarusun­ngitsut ajor­nar­torsiorlutil­lu navianar­torsius­sap­put. Saq­qum­mersitani aam­ma ima al­las­simavoq: ‘Nalunaaqum­mik taas­sumin­nga nalunaaqutser­neqarsiman­ngitsunut pisineq tuniniaanerluun­niit ajor­narsisin­neqar­poq.’ (Saqq 13:17) Guutil­li in­nut­taasa nalun­ngilaat Saq­qum­mersitat 14:9, 10-milu eq­qaaneqar­tutut nalunaaqutser­neqar­tut qanoq pineqas­sasut. Taamaat­tumik nalunaaquser­neqar­natik as­sam­min­ni ima al­las­sap­pul­lusooq: “Naalak­kap pigisaa.” (Es 44:5) Jehovamik ilumoorfigin­nin­ner­put maan­na nakus­satsit­tariaqar­par­put. Taamaaliorut­ta Jehovap pigisamisut akuererusus­savaatigut!

17. Jehovap utaq­qisin­naas­susianut tun­ngatil­lugu suna eq­qaamasariaqar­par­put?

¹⁷ Jehova ul­lus­sani kingul­ler­ni mak­kunani utaq­qisin­naas­suseqangaarsimavoq. Kialuun­niit suujun­naarsitaanis­saa kis­saatigin­ngilaa. (2 Petr 3:9) Kik­kut tamaasa al­lamik isumataar­nis­saan­nut eq­qor­tumil­lu aalajangiinis­saan­nut periarfis­sip­pai. Utaq­qisin­naas­susiali kil­leqar­poq. Periarfis­sin­neqar­nermin­nik maangaan­nar­titsisut Faraotut Mosesip nalaani inuusutut misigisaqas­sap­put. Jehova Faraomut ima oqar­poq: “As­saga isatsil­lugu il­lit in­nut­tatil­lu toqoraataasumik nap­par­tis­simagaluarus­si qangali nunap qaavanit piiagaareersimas­sagaluar­putit. Man­nali pil­lugu atatip­pak­kit: Pis­saanera ilin­nut takutik­kumagak­ku ateralu nalunaarutigineqaq­qugak­ku nunarsuarmi tamarmi.” (2 Mos 9:15, 16) Inuit tamarmik paasis­savaat Jehova Guutiusoq ilumoor­tutuaq. (Ez 38:23) Qanoq paasis­savaat?

18. (a) Sajutsitsineq Haggaji 2:6, 20-22 eq­qaaneqar­toq qanoq al­laanerua? (b) Qanoq nalun­ngilar­put Haggajip siulit­tuutaa siunis­sami eq­quut­tus­saasoq?

 ¹⁸ Haggajip toquneraniit ukiut hundredel­lit qaangiut­tut apustilip Paulusip isumas­sarsisitaal­luni ersersip­paa Haggaji 2:6, 20-22 siunis­sami eq­quutis­sasoq. (Atuakkit). Ima al­lap­poq: “Maan­nali ima neriorsuisimavoq: ‘Suli ataasiarlunga nuna piin­nar­nagu, kisian­ni aam­ma qilak sajutsis­savara.’ Oqarami: ‘suli ataasiarlunga’, tamatumuuna ersersip­paa suut pin­ngor­titaan­naagamik aalatin­neqarsin­naasut al­lan­ngus­sasut aalatin­neqarsin­naan­ngitsut ataan­naq­qul­lugit.” (Hebr 12:26, 27) Sajutsitsineq taman­na sajutsitsinermit Haggaji 2:7-imi eq­qaaneqar­tumit al­laaneruvoq. Paulusip eq­qaasaa ima paasisariaqar­poq Faraotut Jehovap kisimi oqar­tus­saas­susianik akuerin­nin­ngitsut piuneerus­saal­luin­nas­sasut.

19. Suna sajutsin­neqas­san­ngila, taman­nalu qanoq nalun­ngilar­put?

¹⁹ Suna sajutsin­neqas­san­ngila, tas­sa piuneerun­neqas­san­ngila? Paulusi ima nangip­poq: “Naalagaaf­fik aalajaatsoq pigileratsigu qujas­sutigisigu, qujamasul­lutalu Guuti kif­far­tuun­niar­tigu taman­na piumasarim­magu mianerin­nil­luta ataq­qin­nil­lutalu.” (Hebr 12:28) Inaarutaasumik sajutsitsisoqareer­pat Guutip kun­ngeqarfia kisimi ataan­nas­saaq, aalatin­neqarsin­naan­ngin­nami! – Tuss 110:5, 6; Dan 2:44.

20. Inuit sumik aalajangigas­saqar­pat, qanorlu ikiorsin­naavagut?

²⁰ Pif­fis­saarutilermat inuit aalajangiisariaqar­put. Silarsuaq man­na tapersersor­tuarunik­ku suujun­naarsitaas­sap­put. Jehovali kif­far­torfigalugulu piumasaa naaper­torlugu inuunermin­nik al­lan­nguigunik naas­saan­ngitsumik inuulis­sap­put. (Hebr 12:25) Oqaluus­sinitsigut inuit pingaarutilin­nik aalajangiinis­saan­nut ikiorsin­naavagut. Qanor­toq inuit erlin­nar­tut suli amerlanerusut Guutip kun­ngeqarfianik tapersersuiler­nis­saan­nik ikior­tigit, naalak­kat­ta Jiisusip oqaasii uku eq­qaamal­lugit: “Naalagaaf­fim­mil­lu iivangkiiliu taan­na silarsuarmi tamarmi oqaluus­sis­sutigineqas­saaq inuian­nut tamanut nalujun­naarsil­lugu, taavalu naggatis­saq nal­liutis­saaq.” – Matt 24:14.