1-2. (a) Us­satit 16:31 naaper­torlugu utoq­qaat aalajaatsut qanoq isigis­savagut? (b) Apeq­qutit suut al­laaserisami matumani akineqas­sap­pat?

DIAMANTIT silineqan­ngitsut qil­larin­neq ajoramik erlin­nar­tuutitut isik­koqar­neq ajor­put. Taamaat­tumik inup­pas­suit diamantimik nunaan­narmiit­tumik takugaangamik naleqangaar­tumik nas­saar­ner­tik nalusar­paat.

² Qatan­ngutigut utoq­qaat diamantitut naleqangaar­put. Nutsat qeersuut niaqorum­mut kusanar­tumut Biibilimi as­sersuun­neqar­put. (Ussatit 16:31 atuaruk; 20:29) Taamaak­kaluar­toq utoq­qar­tagut maluginian­ngitsoorsin­naavagut. Inuusut­tut utoq­qar­nik pingaar­titsiner­tik iluaqutigingaar­tar­paat. Al­laaserisami matumani apeq­qutit uku pingasut sam­mis­savagut: Sooq Jehovap utoq­qaat pingaar­tingaar­pai? Sooq Jehovap peqatigiis­sor­taanut pingaaruteqar­pat? Taak­ku maligas­siuinerat iluaqutigiumal­lugu qanoq iliorsin­naavugut?

3. Tus­siaat 92:13-16 naaper­torlugu sooq utoq­qaat Jehovamit pingaar­tin­neqangaar­pat?

³ Jehovap kif­fani utoq­qaat pingaar­tip­pai. Ilisarisimal­luar­pai pis­susaal­lu nuan­nersut ilisimal­luarlugit. Utoq­qaat ukior­pas­suar­ni kif­far­torsimasut ilisimasamin­nik inuusut­tunut  ingerlatitseq­qiisar­nerat Jehovap nuan­naarutigisar­paa. (Job 12:12; Uss 1:1-4) Aam­ma piner­tusaar­nerat pingaar­tingaar­paa. (Mal 3:16) Ajor­nar­torsior­taraluarlutik up­per­tuar­put, siunis­sarlu pil­lugu neriuutaat aatsaat taama piviusuutigaaq. Jehovap utoq­qaat asavai ‘utoq­qalingaaraluarlutik al­laat’ atini nalunaajaatigiuarmas­suk. – Tussiaat 92:13-16 atuakkit.

4. Qatan­ngutit utoq­qalisut suut qiim­maal­laatigisin­naavaat?

⁴ Il­lit utoq­qaliar­toruit qularin­ngisaan­naruk Jehovap suliarisimasatit eq­qaamagai. (Hebr 6:10) Oqaluus­sineq ilungersorlutit tapersersor­pat, taman­nalu Ataatat­ta qilam­miusup nuan­naarutigingaar­paa. Ilungersunar­torsior­taraluarlutit piner­tusaar­tuar­putit, Biibilimi najoq­qutas­sat maleruar­patit, Jehovap peqatigiis­sor­taani pingaarutilin­nik suliaqar­tar­putit al­lanil­lu ilin­niar­titsisarlutit. Jehovap peqatigiis­sor­taani al­lan­nguuter­pas­suar­nut sapin­ngisan­nik naleq­qus­sarsimavutit. Up­peqatin­nik tapersersuisar­putit pif­fis­sarlu tamaat kif­far­tor­tunik qiim­mas­saasarlutit. Ilumoorfigin­nit­tuugavit Jehovap asangaar­paatit. Neriorsor­paatit ‘im­minut ilumoor­tut im­miniigin­nas­sanagit’! (Tuss 37:28) Aam­ma ima oqar­poq: “Kis­sumias­savas­si qeersuun­ngorserlusi.” (Es 46:4) Taamaat­tumik eq­qarsaqinak utoq­qalisimagavit Jehovap peqatigiis­sor­taani pingaar­tin­neqarun­naarsimasutit. Pingaar­tin­neqangaar­putim­mi!

5. Utoq­qaat suna eq­qaamasariaqar­paat?

⁵ Utoq­qaat sior­natigutul­li nukis­saqar­tigin­ngik­kaluarlutik misilit­tagaqar­ner­tik pis­sutigalugu iluaqutaangaarsin­naap­put. Jehoval­lumi as­sigiin­ngitsor­pas­suar­nik sulias­saqar­tit­tuar­pai. Taman­na Biibilip nalaani ul­lumik­kul­lu pisimasunit ersersin­neqar­poq.

6-7. Jehovap utoq­qar­nik im­minut ilumoorfigin­nit­tunik pingaar­titsinera pil­lugu Biibilimi as­sersuuteqarit.

⁶ Up­per­nik­kut maligas­saal­luar­tut utoq­qalinermin­nut al­laat Jehovamik kif­far­tuus­sisut Biibilimi al­laatigineqar­put. Taak­kua  ilagaat Mosesi. Taan­na pruf­fiititut kif­far­tulerami inuiaqatigiin­nul­lu Israelik­kun­nut siut­tun­ngor­tin­neqarami 80-it mis­saan­nik ukioqar­poq. Aam­ma Danieli 90-it sin­nerlugit ukioqalereeraluar­toq Jehovap pruf­fiitimisut kif­far­tor­tip­paa. Kiisalu apustilip Johan­nesip 90-it sin­nerlugit ukioqarluni Saq­qum­mersitat isumas­sarsitin­neqarluni al­lap­pai.

⁷ Al­lat up­perluaraluarlutik ilisimaneqar­pal­laan­ngil­lat, taman­nalu pis­sutigalugu maluginian­ngitsoorsin­naavagut. Jehoval­li maluginiarsimavai ilumoorfigin­nin­neral­lu pil­lugu akis­sarsisit­tarsimal­lugit. Sim­miuut as­sersuutigisin­naavar­put. Taan­na Biibilimi eq­qaaneqar­pian­ngilaq, Jehoval­li up­perluar­tuunera maluginiar­paa im­mik­kul­lu it­tumik misigisaqar­til­lugu. Taamaalil­luni Sim­miuup toqutin­nani Jiisusi naalungiarsuusoq takusin­naasimavaa, kiisalu Jiisusi anaanaalu pil­lugit siulit­tuisin­naatitaasimavoq. (Luk 2:22, 25-35) Uil­lar­neq An­na aam­ma eq­qarsaatigiuk. 84-inik ukioqaraluarluni “naalaf­fik qiman­ngisaan­nar­paa”. Jehoval­lu pil­luaq­qul­lugu Jiisusi naalungiarsuusoq takusin­naatip­paa. Erseq­qip­poq Sim­miuut An­nalu Jehovamit pingaar­tin­neqangaar­tut. – Luk 2:36-38.

8-9. Qatan­ngut uiminik toquk­kut an­naasaqar­nermi kingor­na sua?

⁸ Nalitsin­ni utoq­qaat aalajaatsut inuusut­tunut maligas­siuil­luar­put. Qatan­ngut ar­naq Lois Didur eq­qarsaatigiuk. Taan­na 21-in­nar­nik ukioqarluni Canadami specialpioneritut kif­far­tuler­poq. Kingor­na uini, John, nak­kutil­liisutut angalasar­tutut kif­far­tor­toq tapersersor­paa. Kingusin­nerusuk­kut Canadami Betelimi ukiut 20-t sin­nerlugit kif­far­tor­put. 58-inik ukioqarluni Lois uinilu Ukrainemut kif­far­toriar­toq­quneqar­put. Eq­qarsarsimasin­naagaluar­put utoq­qalileramik nunamut al­lamut nuus­sin­naanatik. Sulias­siis­sutigineqar­torli akueraat Johnilu Im­mik­koor­tor­taqarfiup Ataatsimiititaliaani kif­far­tuler­poq. Ukiut arfineq-marluk qaangiut­tut uini toqum­mat Lois Ukrainemiigin­nar­niarluni aalajanger­poq. Lois maan­na 81-inik ukioqar­poq, sulilu Ukrainemi Betelimi aalajaal­luni kif­far­tor­poq.

⁹ Uil­lar­nerit Loisitut it­tut uitik uumagal­larmata maluginiar­neqar­nerusarunar­put. Maan­nali maluginiar­neqar­pal­laan­ngik­kaluarlutik suli pingaaruteqangaar­put. Jehovap qatan­ngutit ar­nat uimin­nik tapersersuiuar­tut aalajaal­lutil­lu kif­far­tor­tuar­tut pingaar­tingaar­pai. (1 Tim 5:3) Aam­ma ar­nat taamaat­tut inuusut­tunut maligas­siuil­luar­put.

10. Tony qanoq maligas­siuil­luar­pa?

¹⁰ Aam­ma qatan­ngutigut utoq­qaat il­luiniit­tut pingaar­tingaar­pagut. Tony as­sersuutigeriar­tigu. Taan­na 20-nik ukioqarluni 1942-mi aggustimi imermut morsutsin­neqar­poq. Tamatuma kingunin­ngua sak­kutuun­ngoq­quneqar­nini  akuerin­ngin­namiuk ukiuni marlun­ni af­farmilu par­naarus­saavoq. Nulianilu, Hilda, meeq­qatik marluk sal­lusuis­sum­mi perorsar­paat. Tony ukiut ingerlanerini nak­kutil­liisutut siulit­taasutut (maan­na utoq­qaaner­taqatigiin­ni ataqatigiis­saarisutut ilisimaneqar­toq) ilagiin­ni arlalin­ni kif­far­tor­tarsimavoq ataatsimeersuar­ner­nilu nak­kutil­liisuusarsimal­luni. Aam­ma par­naarus­sivin­ni ataatsimiin­ner­nik aqutsil­lunilu Biibilimik ilin­niar­titsisarsimavoq. Ul­lumik­kut Tony 98-inik ukioqaraluarluni suli ulapit­tuar­poq. Ilageeqatini suleqatigalugit Jehova sapin­ngisaminik kif­far­tuut­tuar­paa.

11. Qatan­ngutitsin­nik utoq­qaat il­luiniit­tunik pingaar­titsiner­put qanoq ersersis­sin­naavar­put?

¹¹ Qatan­ngutitsin­nut utoq­qaat il­luiniit­tunut ataq­qin­nin­ner­put qanoq takutis­sin­naavar­put? Ajor­nan­ngik­kaangat utoq­qaaner­tat ikiuus­sin­naap­put, soorlu ataatsimeeqataasar­nis­saat ataatsimiin­ner­niluun­niit im­mius­sanik tusar­naarsin­naanis­saat isumagalugu. Aam­ma oqaluus­seqatigisarsin­naavaat. Uagut­taaq pulaar­nerisigut inter­netik­kul­luun­niit oqaloqatiginerisigut soqutigin­nin­nermik ersersitsivigisin­naavagut. Qatan­ngutigut utoq­qaat il­luiniit­tut puiorusun­ngilagut, im­mik­kul­li soqutigin­nin­nermik takutitsivigisarusup­pagut. Eq­qaamas­savar­put utoq­qaat ilaasa im­minut eq­qar­tor­nis­sar­tik tunuarsimaarfigisaraat. Ukior­pas­suar­nili kif­far­tor­nermin­ni misilit­tagar­pas­suatik pil­lugit oqalut­tuaraangata paasisas­sarsiorfigalugil­lu tusar­naar­tarutsigit up­per­nik­kut nakus­satsis­sutigis­savar­put.

12. Ilagiitsin­ni utoq­qar­tagut up­per­nik­kut qanoq nakus­sas­saatigisin­naavagut? As­sersuuteqarit.

¹² Utoq­qar­nik maligas­siuil­luar­tunik ilagiitsin­ni ilaqar­pugut. Qatan­ngut ar­naq USA-mi najugalik, Harriet­te, as­sersuutigisin­naavar­put. Taan­na aalajaal­luni ukior­pas­suar­ni kif­far­tor­poq. Pif­fis­sap ingerlanerani panim­mi ilagiivinut nuup­poq. Ilagiin­ni nuuf­fiani qatan­ngutit Harriet­te ilisarisimaneruleramik­ku up­per­nik­kut nakus­satsin­neqar­put. Sooq? Harriet­te sal­lusuis­sut 1925-p mis­saani ilik­karamiuk oqaluus­sisarsimanini pil­lugu oqalut­tuas­sar­pas­suaqarmat. As­sersuutigalugu oqalut­tuar­tar­poq oqaluus­sigaangami kigutigis­saatini nas­sar­tarsimal­lugu par­naarus­saariataaqinagami. Aam­mami 1933-mi marloriarluni par­naarus­saasimavoq tamarmik im­mik­kut sapaatip-akun­neranik ataatsimik sivisus­susilim­mik. Uiata Nalunaajaasuun­ngitsup tapersersorlugu par­naarus­saagaangat meeq­qatik pingasut isumagisarsimavai. Qatan­ngutit utoq­qaat Harriet­tetut it­tut ataq­qineqar­tariaqar­put!

13. Utoq­qaat Jehovap peqatigiis­sor­taani pingaaruteqar­nerat pil­lugu suna ilik­kar­par­put?

¹³ Qatan­ngutigut utoq­qaat Jehovamit peqatigiis­sor­taanil­lu pingaar­tin­neqangaar­put. Jehovap pil­luaq­qusinera malugisimavaat, aam­ma takusimavaat peqatigiis­sor­tani as­sigiin­ngitsutigut pil­luaq­qusarai. Aam­ma kuk­kusar­nitik ilin­niutigisar­paat. ‘Ilisimas­sutsip puilaf­fiatut’ isigalugil­lu ilin­niarfigik­kit. (Uss 18:4) Aam­ma ilisarisimaneruler­niarlugit pif­fis­saqarfigisak­kit, taman­nami up­per­nik­kut nakus­satsis­sutigis­savat.

14. Inuusut­tut Mosesimik al­lak­kat tal­limaat 32:7-imi qanoq kajumis­saar­neqar­pat?

¹⁴ Utoq­qaat siul­liul­lutit oqaloqatigisak­kit. (5 Mosesi 32:7 atuaruk). Isigiarsulersimagaluarlutil­lu arriil­lisimagaluarlutik  suli anersaak­kut nukit­tup­put, aam­ma Jehovamit ‘ajun­ngitsumik tusaamaneqar­put’. (Oqal 7:1) Jehovamit sooq pingaar­tin­neqar­tut eq­qaamasaruk, ataq­qin­nin­nermil­lu takutitsivigiuak­kit. Taamaalioruit Elisa ilaas­savat, taas­sumami Elia qiman­niar­nagu pingasoriarluni kimigiiserfigaa. – 2 Kng 2:2, 4, 6.

15. Utoq­qaat qanoq aperisarsin­naavagut?

¹⁵ Utoq­qaat inus­siar­nersumik aperisar­nerisigut soqutigin­nin­nermik ersersitsivigisak­kit. (Uss 1:5; 20:5; 1 Tim 5:1, 2) Ima aperisin­naavatit: “Sal­lusuis­sutip nas­saarisimaneranut suna qularun­naas­sutigaajuk? Misigisatit suut Jehovamut qanin­nerulis­sutigaagit? Jehovamut kif­far­tor­nin­ni nuan­naar­tuar­nis­san­nut suut iluaqutigaagit?” (1 Tim 6:6-8) Oqalut­tuaraangatalu tusar­naaq­qis­saar­tarit.

16. Inuusut­tup utoq­qaal­lu oqaloqatigiin­ner­tik qanoq iluaqutigisar­paat?

¹⁶ Utoq­qaap inuusut­tul­lu oqaloqatigiin­ner­tik tamarmik im­mik­kut iluaqutigis­savaat. (Rom 1:12) Jehovap in­nut­taminik aalajaatsunik isumagin­nit­tar­nera inuusut­tup up­per­narsis­savaa. Utoq­qaq asaneqar­tutut misigis­saaq, aam­ma Jehovamit pil­luaq­qusaasar­nini pil­lugu oqalut­tuarsin­naanini nuan­naarutigis­savaa.

17. Sooq oqarsin­naavugut qatan­ngutigut utoq­qaliar­tor­til­lutik erlin­nar­neruleralut­tuin­nar­tut?

¹⁷ Qatan­ngutigut utoq­qaat aalajaat­tuar­ner­tik pis­sutigalugu Jehovamut erlin­nar­neruleralut­tuin­nar­put. (1 Th 1:2, 3) Sooq taamaap­pa? Guutimit ilusilersor­neqar­nermik­kut pis­sutsit ajun­ngitsut ineriar­tor­tis­simagamik­kit. Qatan­ngutigut taak­ku asanar­tut ataq­qinerulerlugil­lu ilisarisimanerujar­tor­til­lugit pingaar­tin­nerulis­savagut.

18. Al­laaserisami tul­liut­tumi suna sam­mis­savar­put?

¹⁸ Utoq­qaat inuusut­tul­lu im­min­nut pingaar­teqatigiik­kaangata ilagiit ataasius­suseqar­neruler­tar­put. Al­laaserisami tul­liut­tumi sam­mis­savar­put utoq­qaat qanoq inuusut­tunik pingaar­titsisin­naasut.