1. Jehovap map­persagaq suna allas­simavaa, sunillu imaqarpa? (Malaki 3:16)

 UKIUNI tuusintilinni Jehova map­persak­kamik immik­kuul­laris­sumik allas­simavoq. Atinik allas­simasunik imaqar­poq, aterlu siul­leq allas­simasoq tas­saavoq Aabeli, nalunaajaasup aalajaatsup siul­liup atia. b (Luk 11:50, 51) Taamanimiilli Jehovap atit allat allas­simavai, nalitsin­nilu atinik mil­lionilip­pas­suar­nik allas­simasoqar­poq. (Malaki 3:16 atuaruk). Taanna Biibilimi ‘inuunerup map­persagaanik’ taaneqar­poq. – Saqq 3:5; 17:8.

2. Kik­kut atii inuunerup map­persagaani allas­simap­pat, qanorlu ater­put tas­sunga ilan­ngutis­sin­naavar­put?

² Jehovamik mianerin­nil­lutik, imaluun­niit ataq­qin­ningaarlutik, guutisior­tut aqqanillu pingaar­titsisut tamarmik atii map­persak­kami immik­kuul­laris­sumi tamatumani allas­simap­put. Naas­saan­ngitsumik inuunis­samut periarfis­sin­neqarumaar­put. Jehovap ernerata, Jiisusip Kristusip, uter­titsis­sutitut pil­liutaa tun­ngavigalugu Jehovamut qanimut attaveqaler­nitsigut ater­put allan­neqar­tis­sin­naavar­put. (Joh 3:16, 36) Tamatta – qilam­miin­nis­samik nunarsuarmiluun­niit inuunis­samik neriuuteqaraluarutta – atitta map­persak­kamut allan­neqar­nis­saa kis­saatigaar­put!

3-4. (a) Ater­put inuunerup map­persagaani maan­nak­kut allas­simap­pat naas­saan­ngitsumik inuus­saagut? Nas­suiaruk. (b) Allaaserisami matumani tul­lianilu suut eqqar­tor­neqas­sap­pat?

³ Taava imaappa inuit inuunerup map­persagaani allas­simasut  tamarmik naas­saan­ngitsumik inuunis­sar­tik qulak­keeraat? Jehovap oqaasiinit Mosesimik allak­kat aap­paat 32:33-mi issuar­neqar­tunit tamanna akis­sutis­sarsisin­naavar­put. Jehova oqar­poq: “Kialuun­niit uan­nut ajor­tulior­tup aqqa uanga map­persak­kan­nit piias­savara.” Tassa atit maan­nak­kut map­persak­kami allas­simasut piiar­neqarsin­naap­put, imaluun­niit nunguter­neqarsin­naap­put, soorlulusooq Jehovap atit aqerluusamik allaq­qaar­tarai. (Saqq 3:5, q.a.i.) Atitta “pilik­kimik” nunguter­neqarsin­naan­ngitsumik allan­neqar­nis­saata tungaanut map­persak­kamiigin­nar­nis­saat qulak­keer­tariaqar­par­put.

⁴ Immaqa apererusulis­saagut. Assersuutigalugu atit inuunerup map­persagaani allas­simasut allas­siman­ngitsullu pil­lugit Biibilimi qanoq allas­simasoqarpa? Map­persak­kami allas­simasut qaqugu naas­saan­ngitsumik inuuneqalis­sap­pat? Taavami toqusimasut Jehovamik ilisarisiman­niler­nis­samik periarfis­saqarsiman­ngitsut? Taak­kua atii map­persak­kami allan­neqarsin­naas­sap­pat? Apeq­qutit taakku allaaserisami matumani tul­lianilu akineqas­sap­put.

KIKKUT ATII MAPPERSAK­KAMI ALLASSIMAPPAT?

5-6. (a) Kik­kut inuunerup map­persagaani allas­simap­pat? (Filip­pimiut 4:3) (b) Qaqugu atii inuunerup map­persagaani atajuar­tus­samik allan­neqas­sap­pat?

⁵ Kik­kut atii map­persak­kami assersuutaasumi allas­simap­pat? Tamanna akis­sutis­sarsiumal­lugu inuit eqimat­tat assigiin­ngitsut tal­limat sam­mis­savagut. Taak­kua ilaasa atii inuunerup map­persagaani allas­simap­put allalli allas­simanatik.

⁶ Eqimat­tat siul­liit tas­saap­put qilammi Jiisusimik naalak­kersueqateqartus­satut toq­qakkat. Taak­kua atii maan­nak­kut inuunerup map­persagaani allas­simap­pat? Aap. Apustilip Paulusip suleqatiminut Filip­pimiit­tunut  oqaasii naaper­torlugit tanitat, Jiisusip kun­ngioqatiginis­saanut qaaq­qusaasut, atii maan­nak­kut inuunerup map­persagaani allas­simap­put. (Filippimiut 4:3 atuaruk). Atitilli map­persak­kamiigin­naq­qul­lugit aalajaat­tuar­tariaqar­put. Taava toqun­ngin­nerminni imaluun­niit annikil­lior­nar­tus­sarsuup nal­liutin­ngin­nerani inaarutaasumik naqis­suser­neqareerunik atii map­persak­kami atajuar­tus­samik allan­neqas­sap­put. – Saqq 7:3.

7. “Inup­par­pas­suit” atii qaqugu inuunerup map­persagaani atajuar­tus­samik allan­neqas­sap­pat? (Saq­qum­mersitat 7:16, 17)

⁷ Eqimat­tat aap­paat tas­saap­put “inup­parpas­suit”. Taak­kua atii maan­nak­kut inuunerup map­persagaani allas­simap­pat? Aap. Harmagedon­nimit aniguereerlutik atii suli inuunerup map­persagaani allas­simas­sap­pat? Aap. (Saqq 7:9, 14) “Inup­par­pas­suit” aamma ‘savanut allanut’ ilaap­put. (Joh 10:16) Jiisusi oqar­poq taakku ‘naas­saan­ngitsumik inuuneqas­sasut’. (Mat 25:46) Harmagedon­nimilli aniguisut taakku ingerlaan­naq naas­saan­ngitsumik inuuneqalis­san­ngil­lat. Atii inuunerup map­persagaani aqerluusamil­lusooq allaq­qagal­las­sap­put. Ukiuni tuusintini naalak­kersuinermi Jiisusip ‘paaris­sal­lugillu puilasunut inuus­sutaasunut siulersus­savai’. Kristusip siulersuineranut naalat­tut inaarutaasumik eqqar­tuus­sinermi Jehovamut aalajaatsutut naatsorsuun­neqar­tut atii inuunerup map­persagaani atajuar­tus­samik allan­neqarumaar­put. – Saqqummersitat 7:16, 17 atuakkit.

8. Kik­kut atii inuunerup map­persagaani allas­siman­ngil­lat, qanorlu pineqas­sap­pat?

⁸ Eqimat­tat pingajuat tas­saap­put savaasat Harmagedon­nimi suujun­naarsitaasussat. Taak­kua atii inuunerup map­persagaani allaq­qan­ngil­lat. Jiisusi oqar­poq taakku ‘naas­saan­ngitsumik suujun­naarsitaas­sasut’. (Mat 25:46) Paulusi isumas­sarsisitaal­luni allap­poq ‘taakku qaqugorsuarmut piuneerus­saanis­samik pil­lagas­satut eqqar­tuun­neqas­sasut’. (Tes 2. 1:9; Pet 2. 2:9) Aamma oqalut­tuarisaanerup ingerlanerani anersaamut iller­nar­tumut piaaralutik ajor­tuliorsimasut taama allaatigineqarsin­naap­put. Taak­kut­taaq naas­saan­ngitsumik inuuneqaler­natik naas­saan­ngitsumik suujun­naarsitaas­sap­put. Makititaanavian­ngil­lat. (Mat 12:32; Mak 3:28, 29; Hebr 6:4-6) Maanna inuit eqimat­tat marluk nunarsuarmi makititaajumaar­tut pil­lugit misis­suilaariarta.

MAKITIN­NEQARUMAARTUT

9. Inuit eqimat­tat marluk suut nunarsuarmi makititaas­sap­pat, sunalu assigiin­ngis­sutigaat? (Apustilit Suliaat 24:15)

⁹ Inuit eqimat­tat marluk makititaajumaar­tut nunarsuarmilu naas­saan­ngitsumik inuunis­samut periarfis­saqar­tut Biibilimi eqqar­tor­neqar­put, tassa inuit ‘naaper­tuil­luar­tut naaper­tuil­luan­ngitsul­lu’. (Apustilit Suliaat 24:15 atuaruk). ‘Naaper­tuil­luar­tut’ tas­saap­put inuugal­laramik aalajaal­lutik Jehovamut kif­far­tor­tut. ‘Naaper­tuil­luan­ngitsul­li’ tas­saap­put Jehovamut kif­far­torsiman­ngitsut. Taak­kua amerlanersaat eqqun­ngitsuliungaar­tarsimap­put. Inuit eqimat­tat marluk tamarmik makititaajumaarmata oqarsin­naavugut atii inuunerup map­persagaaniit­tut? Tamanna akiumal­lugu eqimat­tat marluk immik­koor­til­lugit sam­meriar­tigit.

10. Sooq ‘naaper­tuil­luar­tut’ makitin­neqas­sap­pat, ilaallu sumik pisin­naatitaaf­feqarumaar­pat? (Aamma takuuk atuagas­siami matumani nunarsuarmi makititaanis­saq pil­lugu “Atuar­tar­tut apeq­qutaat”).

¹⁰ ‘Naapertuilluartut’ tas­saap­put eqimat­tat sisamaat. Toqun­ngin­nerminni atii inuunerup map­persagaani allaq­qareer­put. Toqum­mata atii peer­neqar­pat? Naamik, Jehovammi suli eqqaamavai. Jehova “toqusut Guutigin­ngilaat, inuusulli Guutigaat. Taas­sumami  tamaasa inuusutut isigai.” (Luk 20:38) Tassa naaper­tuil­luar­tut nunarsuarmi makititaap­pata atii inuunerup map­persagaani “aqerluusamik” allaq­qariis­sap­put. (Luk 14:14) Qular­nan­ngitsumik makititaasut ilaat ‘naalagarsuan­ngor­tin­neqarlutik’ kif­far­tor­nis­samut pisin­naatitaaf­feqarumaar­put. – Tuss 45:17.

11. ‘Naaper­tuil­luan­ngitsut’ atitik inuunerup map­persagaani allan­neqaq­qul­lugit suna ilin­niaq­qaar­tariaqar­paat?

¹¹ Kiisalu eqimat­tat tal­limaat, ‘naapertuilluanngitsut’, eqqarsaatigeriak­kit. Immaqa Jehovap inatsisaanik ilisimasaqan­ngin­ner­tik pis­sutigalugu toqun­ngin­nerminni naaper­tuil­luar­tumik inooriaaseqan­ngil­lat. Taamaat­tumillu atii inuunerup map­persagaani allan­neqarsiman­ngil­lat. Makitin­nerisigulli Guutip periarfis­sis­savai atimik map­persak­kami allan­neqar­tin­nis­saan­nut. ‘Naaper­tuil­luan­ngitsut’ taak­kua ikior­neqarluar­nis­sar­tik pisariaqar­tis­savaat. Toqun­ngin­nerminni ilaat ajorluin­nar­tunik iliuuseqarsimagamik Jehovap najoq­qutas­siaanik naaper­tuil­luar­tunik maleruaanis­samin­nik ilin­niar­tin­neqar­tariaqas­sap­put. Taamaat­tumik ilin­niar­titsinermik inuit oqalut­tuarisaaneranni aatsaat taama anner­tutigisumik suliaqar­toqas­saaq, taman­nalu Guutip kun­ngeqarfiata isumagis­savaa.

12. (a) Kik­kut inun­nik naaper­tuil­luan­ngitsunik ilin­niar­titsis­sap­pat? (b) Ilik­kak­kamin­nik maleruaarusun­ngitsut qanoq pineqas­sap­pat?

¹² Kik­kut inun­nik naaper­tuil­luan­ngitsunik ilin­niar­titsis­sap­pat? “Inup­par­pas­suit” naaper­tuil­luar­tullu makititaasut. Naaper­tuil­luan­ngitsut atii inuunerup map­persagaani allan­neqas­sap­pata Jehovamut attaveqaler­tariaqar­put tun­niul­luin­narlutillu. Naaper­tuil­luan­ngitsut ilin­niar­tin­neqar­nermin­nut qisuariar­nerat soqutigalugu Jiisusip Kristusip tanitallu qilam­miit nak­kutigis­savaat. (Saqq 20:4) Ikior­neqar­nermin­nut ajun­ngitsumik qisuarian­ngitsut, 100-nil­luun­niit ukioqaraluarunik, inuuin­nas­san­ngil­lat. (Es 65:20) Jehovap Jiisusillu inuit qanoq uum­mam­mioqar­nersut takusin­naavaat paratiisimilu ajoqusiisoqar­nis­saa akuerinaviar­nagu. – Es 11:9; 60:18; 65:25; Joh 2:25.

 INUUNISSAMUT EQQARTUUNNEQAR­NISSAMULLU MAKITITAANEQ

13-14. (a) Sior­natigut Johan­nesi 5:29-mi Jiisusip oqaasii qanoq paasisimavagut? (b) Oqaatsini taak­kunani suna maluginiagas­saava?

¹³ Nunarsuarmi makititaasus­sat Jiisusip aamma eqqar­tor­pai. Assersuutigalugu oqar­poq: “[Pif­fis­saq] nal­liuk­kumaar­poq ilivermiit­tut tamarmik taas­suma nipaanik tusarumaarfis­saat aniumaarfis­saallu. Ajunngitsuliorsimasut naas­saan­ngitsumik inuuneqalis­sap­put ajortuliorsimasul­lu eqqar­tuun­neqas­sal­lutik.” (Joh 5:28, 29) Jiisusi qanoq isumaqarpa?

¹⁴ Sior­natigut isumaqaraluar­pugut makititaasut makititaareerlutik iliuusii pineqar­tut, tassa ilaat inuulerumaar­put ajun­ngitsuliorlutillu ilaallu inuulerumaar­tut ajor­tuliorlutillu. Maluginiariarulli Jiisusi oqan­ngitsoq iliver­nit aneq­qam­mersut ajun­ngitsulius­sasut imaluun­niit ajortulius­sasut. Qanga pisutut oqaatigai “ajun­ngitsuliorsimasut” “ajortuliorsimasul­lu”. Tassa toqun­ngin­nerminni iliuuserisimasaat pineqar­put. Ilaa, paasinar­poq! Paratiisimimi kialuun­niit ajor­tumik ilior­nis­saa akuerineqar­navian­ngilaq. Naaper­tuil­luan­ngitsut toqun­ngin­nerminni ajor­tuliaat pineqarsimas­sap­put. Taavami iliver­nit aniumaar­tut pil­lugit Jiisusip oqaasii, ilaat ‘inuuneqalis­sasut’ ilaallu ‘eqqar­tuun­neqas­sasut’, qanoq paasis­savagut?

15. Kik­kut ‘naas­saan­ngitsumik inuuneqaler­nis­samut’ makititaas­sap­pat, aamma sooq?

¹⁵ Naaper­tuil­luar­tut toqun­ngin­nerminni ajun­ngitsulior­tut atii inuunerup map­persagaani allas­simareermata “naas­saan­ngitsumik inuuneqalis­sap­put”. Tassa makititaasut “ajun­ngitsuliorsimasut” Johan­nesi 5:29-mi eqqaaneqar­tut ‘naaper­tuil­luar­tul­lu’ makititaasut Apustilit Suliaat 24:15-imi eqqaaneqar­tut assigiip­put. Ilumoor­poq Romamiut 6:7-imi allas­simasoq ‘toqusoq ajor­tuliani pil­lugit pin­ngitsuutitaasoq’, tassa ajor­tuliai isumak­keer­neqar­put. Soqutiginar­porli Jehovap aalajaal­lutik iliuuserisimasaat eqqaamajuas­sagai. Atii suli inuunerup map­persagaani allas­simap­put. (Hebr 6:10) Naaper­tuil­luar­tut makititaasut atitik inuunerup map­persagaani allas­simaan­naq­qul­lugit soorunami aalajaat­tuar­tariaqar­put.

16. ‘Eqqar­tuun­neqar­nis­samut’ makititaaneq qanoq paasisariaqarpa?

¹⁶ Taavami toqun­ngin­nerminni ajorluin­nar­tunik ilior­tar­tut? Toqum­mata ajor­tuliaat nunguter­neqaraluar­tut inuugal­laramik Jehovamut kif­far­tun­ngil­lat. Taak­kua atii inuunerup map­persagaani allas­siman­ngillat. Tassa ‘ajor­tuliorsimasut’ aamma ‘naaper­tuil­luan­ngitsut’ Apustilit Suliaat 24:15-imi eqqaaneqar­tut assigiip­put. Taakku ‘eqqar­tuun­neqar­nis­samut’ makititaas­sap­put. c Naaper­tuil­luan­ngitsut eqqar­tuun­neqar­nis­saat isumaqar­poq Jiisusip nak­kutigis­sagai iliuusiilu nalilersus­sal­lugit. (Luk 22:30) Pif­fis­saq ingerlareer­pat Jiisusip paasis­savaa atiisa inuunerup map­persagaani allan­neqar­nis­saan­nut piuk­kun­nar­nersut. Naaper­tuil­luan­ngitsut taakku iliuuserisimasatik ajor­tut taamaatis­simal­lugit Jehovamullu tun­niul­luin­narunik aatsaat atii inuunerup map­persagaani allan­neqarsin­naas­sap­put.

17-18. Nunarsuarmi makititaasut tamarmik susariaqar­pat, aamma ‘iliuutsit’ Saq­qum­mersitat 20:12, 13-milu eqqaaneqar­tut suup­pat?

¹⁷ Sior­natigut naaper­tuil­luar­tuusimagaluarunik imaluun­niit naaper­tuil­luan­ngitsuusimagaluarunik  makititaasut allak­kani imusani nutaani taamanik­kus­samut ukiut 1.000-t ingerlaneranni siaar­neqar­tus­sani inatsisit maleruar­tariaqas­savaat. Apustilip Johan­nesip takorluuisitaanermi takusani allaatigai: “Toqusimasut, angisuut mikisullu, issiavis­saarsuup saavani nikorfasut takuakka, allak­kallu imusat siaar­neqar­put. Allak­kalli imusat allat, inuunerup map­persagaa, siaar­neqar­put. Toqusimasullu allak­kani imusani allas­simasut tun­ngavigalugit, iliuutsitik naaper­torlugit, eqqar­tuun­neqar­put.” – Saqq 20:12, 13.

¹⁸ ‘Iliuutsit’ suut naaper­torlugit makititaasut eqqar­tuun­neqarumaar­pat? Toqunngin­nerminni iliuuserisimasaat pineqar­pat? Naamik. Eqqaamajuk toqugamik ajor­tuliatik pil­lugit pin­ngitsuutitaam­mata. ‘Iliuusaat’ tas­saasin­naan­ngil­lat inuugal­laramik iliuuserisimasaat. Paratiisimi ilin­niar­tin­neqar­nermut qisuariar­nerminni iliuuserisas­saat pineqarsimas­sap­put. Allaat angutit upperluar­tut, soorlu Nooa, Saamuali, Daavi Daanialilu, Jiisusi Kristusi pil­lugu ilin­niar­tin­neqas­sap­put pil­liutaanullu upper­tariaqarlutik. Naaper­tuil­luan­ngitsut ilin­niar­nerusariaqan­ngin­ner­pat!

19. Periarfis­samik nuan­nerluin­nar­tumik itigar­titsisut qanoq pineqas­sap­pat?

¹⁹ Periarfis­samik nuan­nerluin­nar­tumik itigar­titsisut qanoq pineqas­sap­pat? Saq­qum­mersitat 20:15-imi ilisimatin­neqar­pugut: “Inuunerup map­persagaani allas­siman­ngitsut tatsimut innerusumut naloriun­neqar­put.” Aap, naas­saan­ngitsumik suujun­naarsitaal­luin­nas­sap­put. Taamaat­tumik atitta inuunerup map­persagaanut allan­neqar­nis­saata nunguter­neqan­ngin­nis­saatalu qulak­keer­nis­saa pingaaruteqar­poq!

20. Ukiuni tuusintini naalak­kersuinermi suliaq pis­sanganar­toq suna suliarineqas­sava? (Saq­qaani assiliaq takuuk).

²⁰ Ukiuni tuusintini naalak­kersuinermi pisus­sat pis­sanganangaas­susii! Nunarsuarmi ilin­niar­titsinermik aatsaat taama anner­tutigisumik suliaqar­toqas­saaq. Aamma taamanik­kus­samut naaper­tuil­luar­tut naaper­tuil­luan­ngitsullu pis­susilersor­nerat nalilersor­neqas­saaq. (Es 26:9; ApS 17:31) Ilin­niar­titsineq qanoq ingerlan­neqas­sava? Tamatuma paasinis­saanut qujamasuutiginis­saanullu allaaserisap tul­lia iluaqutigis­savar­put.