1. Sooq tupaal­laatigin­ngilar­put inup­pas­suit tatigin­nin­ngin­nerat?

 SAATANIP silarsuaani inup­pas­suit kik­kut tatigisin­naanerlugit naluaat. Niuer­tut, politik­kerit upperisarsior­nik­kullu siulersor­taasut iliuusii pakatsis­sutigiuar­paat. Aamma amerlasuut ikin­ngutitik, sanilitik allaallu ilaqut­tatik tatigiuminaatsip­paat. Tamanna tupaal­lan­nan­ngilaq. Biibilimimi siulit­tuutigineqar­poq: ‘Ulluni kingul­lerni inuit tas­saalerumaar­put ilumoorfigin­nin­ngitsut, nikas­saal­lutik sal­luliuutigin­nit­tar­tut akeq­qanullu pisitsisut.’ Allatut oqaatigalugu inuit nalitsinni guutiusup tatiginan­ngil­luin­nar­tup kinaas­susianik ilaarsisas­sap­put. – Tim 2. 3:1-4; Kor 2. 4:4.

2. (a) Kik­kut tatigil­luin­narsin­naavagut? (b) Ilaasa suna eqqarsaatigisar­paat?

² Kristumiuugat­tali Jehova tatigil­luin­narsin­naal­lugu nalun­ngilar­put. (Jer 17:7, 8) Qularin­ngilar­put asagaatigut ikin­ngutinilu ‘qiman­navian­ngik­kai’. (Tuss 9:11) Aamma Kristusi Jiisusi uagut pil­luta toqum­mat tatigisin­naavar­put. (Pet 1. 3:18) Aamma nam­mineq misigereer­par­put Biibilimi siun­nersuutit tutsuiginar­tut. (Tim 2. 3:16, 17) Qularin­ngilar­put Jehova, Jiisusi Biibililu tatigisin­naal­lugit. Immaqali ilaasa ilagiinni qatan­ngutit tatigiuaan­narsin­naanerlugit eqqarsaatigisar­paat. Tamanna ilumoor­pat taava sooq tatigisin­naavagut?

3. Suna immik­kut pisin­naatitaaf­figaar­put? (Mak­korsi 10:29, 30)

³ Jehovap nunarsuarmi ilaqutariis­sor­taminut ilaasus­satut  toq­qarsimavaatigut. Ilaqutariit­tut guutisiorfiginera immik­kut pisin­naatitaaf­fiul­lunilu iluaqutis­sar­tar­pas­suaqar­poq! (Makkorsi 10:29, 30 atuakkit). Nunani tamalaani qatan­ngutigut uagutsitulli Jehovamik asan­nil­lutillu najoq­qutas­siaanik sapin­ngisamin­nik maleruaaniar­tuar­put. Oqaatsigut, kulturer­put atisalersoriaaser­pullu allaanerugaluar­tut allaat siul­ler­paamik naapik­kaluarlugit misigisar­pugut qanil­lugit. Pingaar­tumik taakku ilagalugit Ataatatta qilam­miusup asan­nit­tup unnersiutiginera guutisiorfigineralu nuan­naringaar­tar­par­put. – Tuss 133:1.

4. Sooq qatan­ngutigut pisariaqar­tip­pagut?

⁴ Qatan­ngutitta ataasioqatiginis­saat aatsaat taama pingaaruteqar­tigaaq. Ilaan­nik­kut naner­tuutigisatsin­nik nam­maqatigisar­paatigut. (Rom 15:1; Gal 6:2) Aamma Jehovamut kif­far­tor­nermi ulap­puteqar­tuaq­qul­luta anersaak­kullu nukit­tujuaq­qul­luta kajumis­saar­tar­paatigut. (Tes 1. 5:11; Hebr 10:23-25) Akeq­qatta Saatanip Diaavulup silarsuaatalu ajor­tup akior­tuar­neranni ilagiin­nit illersor­neqar­neq ajorutta qanoq misigis­sagaluar­nersugut eqqarsaatigiuk. Saatani aqutaalu qanit­tuk­kut Guutip kif­faanik saas­sus­sis­sap­put. Taamanik­kus­samulli qatan­ngutitsin­nit tapersersor­neqar­ner­put qujamasuutigingaas­savar­put!

5. Sooq ilaasa qatan­ngutitik tatigiuminaatsis­sin­naasar­paat?

⁵ Immaqali allat paasisas­sarin­ngisaan­nik ingerlatitseq­qiisoqar­nera neriorsuisimaner­tul­luun­niit ilior­toqarsiman­ngin­nera pis­sutigalugu qatan­ngutitta ilaasa uppeqatitik tatigiuminaatsit­tar­paat. Immaqaluun­niit ilagiin­niit­tut arlaata oqaasii iliuusiiluun­niit ajual­laatigerujus­suarsimavaat. Taama misigisaqar­ner­put pis­sutigalugu allat tatigiuminaatsis­sin­naavagut. Qatan­ngutitta tatigeq­qiler­nis­saan­nut suut iluaqutigisin­naavagut?

6. Asan­nin­neq tatigin­nin­neruler­nis­samut qanoq iluaqutigisin­naavar­put? (Korintimiunut 1. 13:4-8)

⁶ Asan­nin­neq tatigin­nin­nermut tun­ngaviuvoq. Korintimiunut allak­kat siul­liit kapitali 13-imi asan­nin­nerup immik­koor­tui arlal­lit allanik tatigin­nin­neruler­nis­samut tatigin­neq­qiler­nis­samul­luun­niit iluaqutigisin­naasagut allaatigineqar­put. (Korintimiunut 1. 13:4-8 atuakkit). Assersuutigalugu versi 4-mi allas­simavoq: “Asan­nin­neq naam­magit­tar­tuuvoq inus­siar­nersuul­lunilu.” Jehovap allaat ajor­tuliorfigigaangatsinni naam­magit­tarfigisar­paatigut. Taamaat­tumik uagut­taaq qatan­ngutigut uumitsaatigisatsin­nik ajual­laatigisatsin­nil­luun­niit oqaaseqarlutil­luun­niit iliuuseqar­tut naam­magit­tarfigisin­naavagut. Versi 5-imi nangip­poq: ‘[Asan­nin­neq] qin­ngaritsaas­sineq ajor­poq. Ajual­latsin­neqar­ner­nik naatsorsuusior­neq ajor­poq.’ Uagut­taaq ‘ajual­latsin­neqar­ner­nik naatsorsuusiorusun­ngilagut’, tassa qatan­ngutitta uagutsin­nik narrutsatsitsineri eqqaamajuarusun­ngilagut. Oqaluus­sisar­tup oqaasii 7:9-mi allas­simavoq: “Kamaam­mer­naveersaar­tar­niarit.” Efesos­simiut 4:26-mi allas­simasut maleruar­nis­saat pitsaanerungaar­poq: “Ulloq naatin­nagu kamas­simajun­naas­saasi”!

7. Najoq­qutas­siat Matiusi 7:1-5 allas­simasut tatigin­nin­neruler­nis­samut qanoq iluaqutigis­savagut?

⁷ Jehovatut qatan­ngutitsin­nut isigin­nit­taaseqar­neq aamma tatigin­nin­neruler­nis­samut iluaqutigisin­naavar­put. Guutip asagamigit ajor­tuliaat allat­tor­neq ajor­pai. Uagut­taaq taamaalius­san­ngilagut. (Tuss 130:3) Kuk­kuneri isiginiar­nagit pis­susii nuan­nersut ajun­ngitsor­pas­suar­nillu angusaqarsin­naanerat isiginiar­nerusariaqar­pagut. (Matiusi 7:1-5 atuakkit). Asan­nin­nerup ‘suut tamaasa upperisarmagit’ eqqarsar­neq ajor­pugut ajor­tunik pis­sutiginiagaqar­tut. (Kor 1. 13:7) Imaan­ngilarli Jehovap kis­saatigigaa allat tun­ngavis­saqan­ngitsumik tatigisas­sagigut, tatiginar­tuunermin­nilli ersersitsisimam­mata tatigis­savagut. b

8. Qatan­ngutitit qanoq tatiginerulersin­naavigit?

⁸ Qatan­ngutitsin­nik tatigin­nin­nermik ineriar­tor­titsineq sivisusin­naavoq. Qatan­ngutitit qanoq tatiginerulersin­naavigit? Ilisarisimal­lualik­kit. Ilagiit ataatsimiin­nerini oqaloqatigisak­kit. Oqaluus­seqatigisak­kit. Tatiginar­tuunermin­nik ersersitsinis­samut periarfis­sin­nerisigut naam­magit­tarfigik­kit. Ilimanar­poq eqqarsaatitit misigis­sutsitillu tamarluin­naasa ilin­niar­nialik­kan­nut oqalut­tuarineq ajoritit. Ilisarisimal­luar­nerujar­tor­til­lugit misigis­sutsin­nik oqalut­tuuk­kusun­nerulis­sagunar­patit. (Luk 16:10) Qatan­ngutivilli tatigin­nin­nerit innarler­pagu qanoq iliorsin­naavit? Ingerlaan­naq ikin­ngutigiun­naar­nagu sivisulaamik periarfis­siguk. Aamma amerlan­ngitsut iliuusii pis­sutigalugit qatan­ngutitit tamaasa tatigiun­naaqinagit. Tamatumun­nga tun­ngatil­lugu Jehovap kif­faasa aalajaatsut ataasiak­kaanit pakatsisin­neqaraluarlutik allanik tatigin­nit­tuar­tut maligas­siuinerat sam­meriar­tigu.

9. (a) Jehovap sin­niisaasa ilaat kuk­kugaluar­tut aaq­qis­suus­saa Han­nap qanoq tatigiuar­paa? (b) Jehovap aaq­qis­suus­saanik tatigin­nin­nermut tun­ngatil­lugu Hanna qanoq ilin­niarfigaajuk? (Assiliaq takuuk).

⁹ Qatan­ngutip angutip akisus­saasup pis­susilersor­nera pakatsis­sutiginikuuiuk? Taamaap­pat Hannap maligas­siaata eqqarsaatiginera iluaqutigis­savat. Itsaq Israalimi palasiuneq Eli anersaak­kut oqar­tus­saas­suseqar­ner­paavoq.  Ilaqutaali maligas­saal­luan­ngil­lat. Ernini palasiusut kan­ngunar­tumik atoqatigiin­nik­kut eqqun­ngitsuliukulasaraluar­tut naq­qip­pian­ngilai. Jehovap Eli ingerlaan­naq palasiunerujun­naarsin­ngilaa. Han­nalli Eli palasiunerutil­lugu tupermi naapeqatigiit­tarfimmi guutisiorun­naar­nik­kut Guutip aaq­qis­suus­saa tunun­ngilaa. Elip Hanna isumatsaq­qangaarluni qinusoq takugamiuk kuk­kul­luni aalakoorsoraa. Qanor­piaq pisoqar­nersoq paasiniaq­qaar­nagu arnaq nikal­lungasoq isor­nar­torsior­paa. (Sam 1. 1:12-16) Taamaak­kaluar­torli Han­nap erner­taaruni ernini tupermi naapeqatigiit­tarfimmi kif­far­toq­qul­lugu Elimut isumagitin­niarlugu neriorsuutini eqqor­tik­kumavaa. (Sam 1. 1:11) Elip erneri suli naq­qin­neqar­tariaqar­pat? Aap, Jehovallu naggataatigut pil­lar­pai. (Sam 1. 4:17) Guutilli taamaaliun­ngin­nermini Hanna ernermik, Saamualimik, akis­sarsisip­paa. – Sam 1. 1:17-20.

10. Kun­ngi Daavi ilumuun­ngitsuliorfigineqaraluarluni allanik qanoq tatigin­nit­tuarpa?

¹⁰ Ikin­ngutigil­luak­kan­nit ilumuun­ngitsuliorfigineqar­nikuuit? Taamaap­pat kunngip Daavip misigisaa eqqarsaatigiuk. Akitofelimik atilim­mik ikin­nguteqar­poq. Absalomilli ataatani Daavi kun­ngius­sutsimik arsaariarmagu Akitofeli pikitsitseqataaler­poq. Daavip ernerminit ikin­ngutimisullu isigisaminit tapersersor­neqarun­naar­nini anner­naringaarsimas­savaa! Taak­kuali ilumuun­ngitsulior­nerat Daavip allanik tatigin­nik­kun­naas­sutigin­ngilaa. Ikin­ngutini alla ilumoorfigin­nil­luni pikitsitseqataajuman­ngitsoq, Hushaji, tatigiuar­paa. Daavi tatigin­nin­nis­samut pis­sutis­saqarluar­poq. Hushajip ikin­ngutaal­luar­nini ersersip­paa allaallu Daavi ikior­niarlugu inuunini navianar­torsior­til­lugu. – Sam 2. 17:1-16.

11. Nabalip kif­faasa ilaat tatigin­nin­nermik qanoq ersersitsiva?

¹¹ Aamma Nabalip kiffaasa ilaata maligas­siaa eqqarsaatigiuk. Daavip angutitaasalu Israalik­kuusup Nabalimik atil­lip kif­fai inus­siar­nisaarfigalugit illersor­tarsimavaat. Kingusin­nerusuk­kut Daavip Nabali pigis­saar­toq angutitami nerisas­saan­nik suugaluar­tunil­luun­niit tuneq­qul­luni qin­nuigaa. Nabalip annikitsun­nguanil­luun­niit tunerusun­ngim­mani Daavi kamangaaler­poq aalajangerlunilu Nabalip illuani angutit tamaasa toqun­niarlugit. Kif­fap  pisut Nabalip nulianut, Abigajilimut, nalunaarutigai. Inoqutaanut ilaagami nalun­ngilaa Abigajilip annaas­sin­naagaani. Qimaanani Abigajilip pis­sutsinik aaq­qiisin­naanera tatigaa. Arnatut silatuutut ilisimaneqarmat nalun­ngilaa tatigisin­naal­lugu. Tatigin­nin­nis­samullu pis­sutis­saqar­nera pisunit ersersin­neqar­poq. Abigajilip sapiil­luni Daavi pilersaarutimisut ilioq­qunagu akuersitip­paa. (Sam 1. 25:2-35) Daavi silatusaas­sasoq tatigaa.

12. Jiisusip ilin­niar­titani kuk­kusaraluar­tut tatigalugit qanoq ersersip­paa?

¹² Jiisusip ilin­niar­titani kuk­kusaraluar­tut tatigai. (Joh 15:15, 16) Jaakup Johan­nesillu Kun­ngeqarfimmi immik­kut inis­sisimaf­feqar­nis­samin­nik qin­nuigim­manni Jehovamut kif­far­tor­nermut pis­sutiginiagaat apeq­quser­nagulu apustiliujun­naarsin­ngilai. (Mak 10:35-40) Kingusin­nerusuk­kut Jiisusi unnuak­kut tigusaagami ilin­niar­titaminit tamanit qiman­neqar­poq. (Mat 26:56) Jiisusilli tatigiun­naan­ngilai. Naam­mal­luin­nan­ngis­sutaat nalun­ngil­luin­naraluarlugit “toqussi tikil­lugu asavai”. (Joh 13:1) Allaat Jiisusip toqusunit makititaareer­nermi kingorna apustilini aalajaatsut aqqanil­lit oqaluus­sinermi siulersuisun­ngor­tin­nerisigut savaatiminillu erlin­nar­tunik isumas­suisun­ngor­tin­nerisigut anner­tuumik akisus­saaf­filer­pai. (Mat 28:19, 20; Joh 21:15-17) Pis­sutis­saqarluarluni angutit naam­mal­luin­nan­ngitsut taakku tatigai. Tamarmik nunami inuujun­naar­nis­sar­tik tikil­lugu aalajaal­lutik kif­far­tor­put. Aap, Hanna, Daavi, Nabalip kif­faa, Abigajili Jiisusilu inun­nik naam­mal­luin­nan­ngitsunik tatigin­nin­nermut tun­ngatil­lugu maligas­siuil­luar­put.

13. Suna pis­sutigalugu allat tatigiuminaatsis­sin­naavagut?

¹³ Qatan­ngut tatigalugu oqaloqatigereerlugu kingor­natigut paasinikuuiuk allanut ingerlatitseq­qiisimasoq? Tamanna anner­nangaarsin­naavoq. Qatan­ngutip arnap taamaal­luni nam­minerminut tun­ngasunik utoq­qaaner­taq tatigalugu oqalut­tuup­paa. Aqaguani utoq­qaaner­tap nuliata allanut ingerlateq­qin­neqar­tus­saan­ngitsut nalun­ngip­paluuil­lugit qatan­ngut arnaq qiim­mas­sar­niarlugu sianerfigaa. Qatan­ngutip arnap utoq­qaaner­taq taanna tatigiuminaatsim­magu paasinar­poq. Taamaak­kaluar­torli utoq­qaaner­tamut allamut saaf­figin­nip­poq utoq­qaaner­tanillu tatigin­neq­qiler­nis­samut ikior­neqarluni.

14. Qatan­ngutip angutip allat tatigeq­qiler­nis­saan­nut suna iluaqutigaa?

¹⁴ Qatan­ngutip angutip utoq­qaaner­tat marluk tatigineqarsin­naan­ngis­sorisani sivisuumik narrujuum­mis­sutigai. Kisianni qatan­ngutip ataq­qisami oqaasii isumaqarluar­tut paasiuminar­tullu uku eqqarsaatigiler­pai: “Qatan­ngutigut akerarinagit Saatani akeraraar­put.” Oqaasii eqqarsaatigeq­qis­saareerlugit qinoqat­taareerlunilu utoq­qaaner­tat marluk taakku eqqis­seqatigai.

15. Sooq tatigin­neq­qiler­niar­neq sivisusin­naasarpa? Assersuuteqarit.

¹⁵ Ilagiinni immik­kut pisin­naatitaaf­fim­mik annaasaqar­nikuuit? Tamanna anner­narsin­naavoq. Grete anaananilu 1930-kkunni Tysklandimi nazistit naalak­kersuineranni suliatta iner­teq­qutaanerani Nalunaajaasuup­put ilumoorfigin­nit­tut. Gretep Napasuliaq Alapernaarsuiffimmik uppeqatiminut allaq­qiisar­nermik immik­kut pisin­naatitaaf­fini nuan­naraa. Qatan­ngutilli ataataava akerlilersuisuusoq tusarlugu ilagiin­niit­tut akerlilersuisunut pisin­neqar­nis­saat annilaan­ngatigileramikku Grete immik­kut pisin­naatitaaf­feqarun­naarsip­paat. Gretelli ajor­nar­torsiutit allat aamma naam­magalugit ator­tariaqar­pai. Sorsun­nersuarmi kingul­lermi qatan­ngutit Grete arnaalu atuagas­sianik  tunerusun­neq ajorlugillu aqqusinermi naapik­kaangamik­kit oqaluuk­kumaneq ajor­paat. Gretep tamanna anner­naringaaramiuk qatan­ngutit sivisuumik isumak­keerfiginagillu tatigin­ngilai. Jehovamilli isumak­keerfigineqarsimar­pasim­mata isumak­keerfigisariaqarlugit paasivaa. c

16. Qatan­ngutitta tatigiler­nis­saat sooq tamaviaarutigisariaqar­par­put?

¹⁶ Tamatumun­nga assingusumik nikal­lor­nar­tumik misigisaqarsimaguit tatigin­nileq­qin­nis­sat sulis­sutigiuk. Tamanna sivisusin­naavoq, imminulli akilersin­naal­luni. Assersuuteqariar­ta: Ataasiarluta toqunar­tulin­nik nerisimagutta ilimanar­poq nerisas­sanut tun­ngatil­lugu mianersor­neruler­tugut. Ataasiarlutali ajor­tunik neriner­put pis­sutigalugu nerisarun­naar­navian­ngilagut. Taamatut­taaq ataasiarluta ajor­tumik misigisaqarsimaner­put pis­sutigalugu qatan­ngutigut uagutsitulli naam­mal­luin­nan­ngitsuusut tamaasa tatigiun­naar­navian­ngilagut. Tatigin­neq­qilerutta nuan­naar­nerus­sal­lutalu ilagiinni tatigeqatigiin­neq anner­tusarumal­lugu qanoq iliorsinnaanerluta eqqarsaatigil­luar­nerusin­naalis­savar­put.

17. Tatigin­nin­neq sooq taama pingaaruteqar­tigaa, allaaserisallu tul­liani suna eqqar­tus­savar­put?

¹⁷ Saatanip silarsuaani tatigin­nin­neq qaqutigoor­tuuvoq, nunanili tamalaani qatan­ngutigiit­tut asaqatigiik­katta tatigeqatigiis­sin­naavugut. Taama tatigeqatigiin­neq maanna nuan­naalersitsisarlunilu ataasioqatigiilersitsisar­poq siunis­samilu erloqinar­torsior­nermi illersuutaas­sal­luni. Pakatsisin­neqar­nerilli pis­sutigalugu tatigin­nik­kun­naarsimaguit qanoq ilius­savit? Jehovatut isigin­nit­taaseqar­niarsarigit, Biibilimi najoq­qutas­siat maleruar­niar­tak­kit, qatan­ngutitit asaneruler­niarsarik­kit Biibilimilu maligas­siuil­luar­tut ilin­niarfigalugit. Ajual­latsin­neqarsimaner­put qaangersin­naal­lugulu allanik tatigin­neq­qilersin­naavugut. Taamaaliorutta “qatan­ngum­mik unneq­qarin­nerusunik” ikin­nguter­pas­suaqarsin­naavugut. (Uss 18:24) Allalli tatigiin­nar­nagit aamma nam­mineq tatiginar­tuusariaqar­pugut. Allaaserisap tul­liani tatiginar­tuuner­put qatan­ngutitsin­nut qanoq takutis­sin­naanerlugu eqqar­tus­savar­put.