MISISSUINISSAMUT SIUNNERSUUT
Nutaanik ilikkagaqarumallutit misissuisarit
Misissuinnginnitsinni sunik ilikkagaqassanerluta isummereersimasinnaavugut. Kisianni ilikkagaqarusussuseqarutta naatsorsuutiginngisatsinnik Jehovap ilinniartissinnaavaatigut. Susinnaavugut?
Ilisimassuseq qinnutigiuk. Maanna Jehovap ilinnut ilinniartitsissutigerusutai paasiumallugit taassumunnga ikioqqugit. (Jaak 1:5) Ilisimariikkatit naammageqinagit. – Uss 3:5, 6.
Biibili inuuninni sunniuteqartittaruk. ‘Guutip oqaasia uumavoq.’ (Hebr 4:12) Taamaattumik Biibilimik atuaraangatta nutaanik ilikkagaqartuarsinnaavugut inuunitsinni iluaqutigisassatsinnik. Kisianni aatsaat ilikkagaqarusussuseqarutta Biibili taama sunniisinnaavoq.
Jehovap sassaalliutigisai tamaasa qujamasuutigisakkit. Jehova anersaakkut ‘neriartortitsisarpoq nerisassat pikkunartut sassaallugit’. (Es 25:6) Sammisassat nuannarisorisatit kisiisa misissoqinagit. Jehovap sassaalliutigisai tamaasa iluaqutigalugillu misissuisarneq nuannarilissavat!