“[Guuti,] ilinnut qinnutitsinnik tusartartutit. Inuit tamarmik ornissavaatsit.” – Tussiaat 65:3.

Inuit ilaasa qinuneq toq­qis­sial­laatigisaramik­ku qinusar­put, naak up­perin­ngik­kaluarlugu qin­nutitik tusar­neqar­tar­tut. Qin­nutil­li ajor­nar­torsiutit­ta qaanger­niar­nerani toq­qis­sial­laataagin­nan­ngil­lat. Biibilimi ima al­las­simavoq: “Naalagaq qanip­poq torlorfigisiminut tamanut, tamanut ilumoorlutik im­minut torlorfigin­nit­tunut. ... An­nikil­lior­nermin­ni nil­lianerat tusar­tar­paa.” – Tus­siaat 145:18, 19.

Taamaat­tumik qularis­san­ngilar­put Jehovap * Guutip pal­lorfigin­nitsimi qin­nutaat tusar­tarai. Asan­nil­luni ima oqar­poq: “Torlorfigigus­singa akiumaar­pas­si, qin­nuigigus­singalu tusarumaar­pas­si.” – Jeremia 29:12.

‘Qinunissinni qasusuigitsi.’ – Romamiut 12:12.

Biibilimi kajumis­saar­neqar­pugut periarfis­sani tamani qinusas­sasugut qinujuas­sasugul­lu. Erseq­qip­poq Jehovap Guutip qin­nuigisas­sagitsin­ni kis­saatigigaa. – Mat­thæusi 26:41; Efesosimiut 6:18.

Sooq Guutip im­minut qinusaq­quaatigut? As­sersuuteqariar­ta: Ataataasup kis­saatigis­san­ngin­ner­paa meeq­qani ima oqar­toq tusaas­sal­lugu: “Ataata, ikiulaan­nga”? Soorunami ataataasup meeq­qami pisariaqar­titai misigis­susiilu nalun­ngeriis­sagunar­pai, ikioq­qusorli tusaagaagamiuk paasisar­paa meeq­qami tatigalunilu qanitarigaani. Taamatut­taaq Jehovamut Guutimut qinugaangat­ta ersersit­tar­par­put taan­na tatigalugulu qanil­lerusuk­kip­put. – Us­satit 15:8; Jaaku 4:8.

‘Isumakuluutisi tamaasa taassumunnga pisissigit isumassormasi.’ – 1 Petrusi 5:7.

Guutip asagamisigut soqutigigamisigul­lu im­minut qinusas­sasugut kis­saatigaa. Ajor­nar­torsiutigut isumakuluutigul­lu tamaasa eq­qumaf­figai, ikiorusup­paatigul­lu.

Kun­ngi Daavi inuunini tamaat ikioq­qul­luni Jehovamut Guutimut qinusar­poq eq­qarsaatinilu misigis­sutsinilu aniatil­lugit. (Tus­siaat 23:1-6) Guutip Daavi qanoq misigis­suseqarfigaa? Asavaa qin­nuter­pas­suilu tusar­naar­tarlugit. (Apustilit Suliaat 13:22) Taamatut­taaq Guutip soqutigigamisigut qin­nutigut tusar­naar­tar­pai.

Tus­siaatit Biibilimeersut ilaan­nik tus­siaasior­toq taama al­lap­poq. Qin­nutini Guutip tusar­tarai up­peril­luin­naramiuk taan­na qanil­lugulu an­nikil­lior­nermini aliasun­nerminilu naam­magit­tar­nis­saminut nukis­saqalis­sutigaa. – Tus­siaat 116:1-9.

Guutip qin­nutigut tusar­tarai up­peril­luin­narutsigu taas­sumun­nga qasusuil­luta qinusas­saagut. Pedrop Spaniami najugal­lip misigisaa eq­qarsaatigiuk. Er­nera 19-inik ukioqarluni ajunaar­poq. Aliasungaarluni Pedrop uum­mam­miugisani tamaasa Guutimut aniatip­pai tup­pal­lersaq­qul­lunilu qinujuarluni. Taava qanoq pisoqar­pa? Pedro ima oqalut­tuar­poq: “Jehovap qin­nutik­ka akil­lugit nuliaralu up­peqatitsin­nit tup­pal­lersar­neqar­tip­paatigut.”

Qinunik­kut er­nerat uter­tin­neqarsin­naan­ngik­kaluar­toq Pedrop ilaqutaasalu qinuneq iluaqutigingaar­paat. Nulia, María Carmen, ima oqalut­tuar­poq: “Aliasun­nin­ni qinuneq iluaqutigeqaara. Qinugaangama eq­qis­sisar­punga, tamaat­tumil­lu naluneq ajor­para Jehovap Guutip paasisin­naagaanga.”

Biibilimit inup­pas­suil­lu misigisaan­nit erser­poq Guuti qin­nutinik tusar­tar­tuusoq. Aam­mali erseq­qip­poq qin­nutit ilaan­naat akisarai. Sooq Guutip qin­nutit ilai akeriarlugit qin­nutit al­lat akineq ajor­pai?