Eqqunngitsumik pineqarnermi kamattarnerput pissusissamisooraluartoq Guutip akiniaanerput iluarinavianngilaa. Eqqunngitsut tamaasa qanittukkut aaqqissagamigit utaqqeqqulluni kimigiiserfigaatigut. – Tussiaat 37:7, 10.

Inuit naam­mal­luin­nan­ngitsut akiniaanerat uumis­suinerulersitsiin­nar­tar­poq. Taamaat­tumik ajual­latsin­neqaruit ajoquser­neqaruil­luun­niit akiniaas­san­ngilatit. Eqqis­sil­lutit imminullu aqus­sin­naal­lutit qisuariar­niarsaris­saatit. Ilaan­nik­kut pisut puiuin­nar­nis­saat pitsaanerusar­poq. (Ussatit 19:11) Soorunami pisunik nalunaaruteqar­nis­saq pitsaanerusin­naasar­poq. Assersuutigalugu pinerlut­tuliorfigineqaruit politiinut oqar­tus­saasunul­luun­niit allanut nalunaaruteqarsin­naavutit.

Taavami ajor­nar­torsiut eqqis­sisimasumik aaq­qin­neqar­pasis­sin­naan­ngip­pat? Eqqis­sisimal­lutil­luun­niit aaq­qik­kumal­lugu sapin­ngisan­nik iliuuseqareersimaguit? Akiniaaqinak, taman­nami ajor­nerulersitsiin­nas­sagunarmat. Uumis­suiun­naarlutit Guutip ajor­nar­torsiutinik aaq­qeeriaasiata tatiginis­saa ilin­niarsin­naavat. “Tatigiuk, taava akuliuk­kumaar­poq.” – Tus­siaat 37:3-5.