Eqqarsartaaserput Guutimut pingaaruteqarpoq. (Jeremia 17:10) Uumissuilluni oqaaseqarnaveersaarneq iliuuseqarnaveersaarnerlu naammanngillat. Uumissuineq isummami uummammilu aallartittarmat eqqarsaatitsigut misigissutsitsigullu uumissuineq sunaluunniit peertariaqarparput. Aatsaat taamaaliorutta ‘allanngussallutalu’ uumissuineq unitsissavarput.

Allat – pingaar­tumik allamik nagguil­lit allamiullu – pil­lugit qanoq eqqarsar­tarlutillu misigisar­nerlutit unneq­qaril­lutit misis­soruk. Imminut aperigit: ‘Qanoq isumaqarfigaak­ka? Isigin­nit­taasera taakku pil­lugit nam­mineq paasisan­nik tun­ngaveqar­pa? Imaluun­niit siumut isum­mius­sereer­nermik tun­ngaveqar­pa?’ Inter­netik­kut attaveqaqatigiit­tarfiit, isigin­naagas­siat aliik­kutas­sallu uumis­suinermik nakuuser­nermillu ersersitsisut sam­minaveersaak­kit.

Eqqarsaatitta misigis­sutsit­talu eqqor­tumik nalilersor­nis­saat saper­narsin­naasar­poq. Guutilli oqaasia ‘uum­matip eqqarsaataasa pis­sutiginiagaasalu nalilersor­nis­saan­nut’ iluaqutigisin­naavar­put. (Hebræerit 4:12) Taamaat­tumik Biibili misis­sor­tuaruk. Tas­sani ilin­niar­titsis­sutigineqar­tut eqqarsar­taatsin­nut sanil­liut­tuak­kit, eqqarsar­taatsillu Biibilimi ilin­niar­titsis­sutigineqar­tunut sapin­ngisan­nik naaper­tuutsin­niar­tuaruk. Uumis­suinerup, isumatsinni uum­matitsin­nilu ‘pal­lit­taalisaliatut qajan­naatsutut’ ittup, qaanger­nis­saanut Guutip oqaasia iluaqutigisin­naavar­put. – Korintimiunut 2. 10:4, 5.