SIUNISSAT ILUMUT AALAJANGERSINNAAVIUK? Inuit ilaasa up­peraat inuuner­tik siumut aalajangeriigaasoq, nam­mineq al­lan­ngor­tis­sin­naan­ngisaq. Anguniak­katik angun­ngitsooraangamik­kit oqaan­nar­tar­put taman­na siumut aalajangeriigaam­mat taamaagin­nar­tus­saasoq.

Al­lat silarsuarmi inuuf­figisamin­ni naqisimaneqar­ner­nut naaper­tuil­luan­ngitsulior­ner­nul­lu aaq­qiis­sutis­saqan­ngis­sorigamik­ku nikal­lor­tar­put. Sapin­ngisamin­nik inuuner­tik pitsan­ngorsar­niaraluarlugu misigiin­nar­tar­paat ilungersor­nitik sorsun­nermit, pinerlut­tulior­nermit, pin­ngor­titarsuarmi ajunaar­nersuarmit nap­paatinil­lu asuliin­nar­tin­neqar­tuar­tut. ‘Taamaagin­nar­niarlimi!’ eq­qarsaan­nar­tar­put.

Ilumoor­poq pis­sutsit il­lit pilersaarutin­nut sun­niuteqangaarsin­naasut. (Jaaku 4:13, 14) Siunis­san­nul­li naas­saan­ngitsumut tun­ngatil­lugu nam­mineq aalajangiisin­naavutit. Aap, Biibilimi ersersin­neqar­poq il­lit nam­mineq aalajangik­katit siunis­san­nut aalajangiisuusut.

Mosesi, itsaq Israelik­kun­nik siulersuisoq, inuit nunamut neriorsuutigisamut siulersuk­kani ima oqarfigai: “Ilis­sin­nut saq­qum­miup­pak­ka inuuneq toqulu, pil­luaq­qus­sut perloq­qus­sul­lu. Inuuneq qiner­niaruk il­lit kinguaas­satil­lu inuugin­naq­qul­lusi! Naalagaq Guutit asas­savat naalas­sal­lugulu at­tavigit­tuin­narlugulu!” – 5 Mosesi 30:15, 19, 20.

“Ilis­sin­nut saq­qum­miup­pak­ka inuuneq toqulu, pil­luaq­qus­sut perloq­qus­sul­lu. Inuuneq qiner­niaruk.” – 5 Mosesi 30:19.

Aap, Guutip Israelik­kut Egyptenimi inus­siaataaneran­nit aniguisip­pai nunamilu neriorsuutigisami pil­luarlutik kif­faan­ngis­suseqarlutil­lu inuusin­naatil­lugit. Taman­nali misigiumal­lugu iliuuseqar­tariaqar­put – ‘inuuneq qiner­tariaqar­paat’. Qanoq? ‘Guuti asas­savaat naalal­lugulu at­tavigiuarlugulu.’

Ul­lumik­kut il­lit as­singusumik aalajangigas­saqar­putit, aalajangik­kal­lu siunis­san­nut aalajangiisuus­saaq. Guuti asaniarlugu, naalan­niarlugu at­tavigiuarumal­lugulu aalajanger­nik­kut inuuneq – nunami paratiisiusumi naas­saan­ngitsumik inuuneq – qinis­savat. Piumasaqaatil­li pingasut taak­ku qanoq paasisariaqar­pat?

Guutip pis­susiinit asan­nin­neq pingaar­ner­paavoq. Apustili Paulusi isumas­sarsisitaal­luni ima al­lap­poq: ‘Guuti tas­saavoq asan­nin­neq.’ (1 Johan­nesi 4:8) Taamaat­tumik Jiisusi aperineqarami inas­sutit suna an­nersarineraat ima akivoq: “Guutit asas­savat uum­matik­kut iluun­ngarlutit tar­nik­kul­lu iluun­ngarlutit isumak­kul­lu iluun­ngarlutit.” (Mat­thæusi 22:37) Jehovamut Guutimut at­taveqarluar­neq, naalan­niaan­narluni naalan­nermik siooranermil­luun­niit tun­ngaveqar­tin­nagu, asan­nin­nermik tun­ngaveqar­tit­tariaqar­par­put. Taavami sooq asajumal­lugu aalajangis­saagut?

Jehovap inun­nik asan­nin­nera angajoq­qaat qitor­namin­nik asan­nin­nerat­tut ip­poq. Angajoq­qaat asan­nit­tut naam­mal­luin­nan­ngitsuugaluarlutik kis­saatigigamik­ku qitor­natik pil­luarlutil­lu ingerlal­luas­sasut qitor­natik ilitsersor­tar­paat, kajumis­saar­tar­paat, tapersersor­tar­paat perorsar­tarlugil­lu. Angajoq­qaat qitor­namin­nit suneqar­nis­sar­tik kis­saatigaat? Kis­saatigaat qitor­namik asas­sagaatsik ikior­niarlugil­lu ilin­niar­titsis­sutigisatik uum­mam­miuliutis­sagaat. Ataatap qilam­miusup naam­mal­luin­nar­tup uagut pil­luta iliuuserisaminik tamanik  qujamasuutigin­nil­luta asas­sagitsin­ni naatsorsuutigis­sagaa pis­susis­samisuuginar­poq, ilaa?

Guuti naalas­sagutsigu oqaasii paasisariaqar­pavut. Guutip nipaa tusaasin­naan­ngin­natsigu oqaasiani, Biibilimi, al­las­simasut atuarlugil­lu maleruar­tariaqar­pavut. – 1 Johan­nesi 5:3.

Guutimut naalan­nerup pingaaruteqar­nera ersersin­niarlugu ilaan­ni Jiisusi ima oqar­poq: “Inuup timiusaan­naq inuus­sutis­sarin­ngilaa, oqaaserli sunaluun­niit Guutip qar­nanit anisoq.” (Mat­thæusi 4:4) Timik­kut nerisas­sat pingaaruteqangaar­put, Guutili pil­lugu ilisimasaqar­neq pingaar­nerungaar­poq. Sooq? Kun­ngi Salomo silatooq ima nas­suiaavoq: “Ilisimas­susermik ser­nis­sor­teqar­neq pisuus­sutinil­lu ser­nis­sor­teqar­neq as­sigiigin­nar­put, ilisimas­sutsip pitsaaqutigiin­nar­paa ilisimas­suseqar­toq inuutit­taramiuk.” (Oqaluus­sisar­tup oqaasii 7:12, Testamentitoqaq 1990-imi naqitigaq) Ilisimas­suseq Guutimeersoq ul­lumik­kut il­lersuutigisin­naavar­put naas­saan­ngitsumil­lu inuunermik kinguneqarsin­naasumik silatusaar­tumik toq­qaanis­satsin­nut iluaqutigalugu.

Al­laaserisap matuma siuliani Jiisusip as­sersuusiaa is­suar­neqar­toq una eq­qarsaatigiuk: ‘Nerukeqaaq inuus­sum­mut isaaf­fik tas­sungalu aq­qutaa ameqaluni; ikit­tuin­naap­pul­lu taas­sumin­nga nanisisut!’ (Mat­thæusi 7:13, 14) Aq­qusinik­kut taamaat­tuk­kut ingerlal­luta or­nitar­put – inuuneq naas­saan­ngitsoq – angus­sagutsigu ilisimasor­taq tusar­naarluarutsigu iluaqutigis­savar­put. Taamaat­tumik Guutimut qanin­nis­samut pis­sutis­saqarluar­pugut. (Tus­siaat 16:8) Qanorli taamaaliorsin­naavugut?

Ul­lut tamaasa sulias­sar­pas­suaqar­tar­pugut sulilu amerlanerusut iliuusererusul­lugit. Tamak­ku ulap­putiginermik al­lamul­luun­niit saasaatiginermik Guutip uagutsin­nut iliuusereq­qusaanik eq­qarsaatigin­nin­nis­samut pif­fis­sakil­lisar­pugut pif­fis­saarul­lutaluun­niit. Taamaat­tumik Biibilimi ima eq­qaasin­neqar­pugut: “Sianiginiarsiuk qanoq inuunersusi, siuneqan­ngitsutut pin­nasi, siuneqar­tutul­li iliorlusi. Pif­fis­saq­qis­soq ator­niarsiuk, ul­lut ajor­tuum­mata.” (Efesosimiut 5:15, 16) Guutimut at­taveqar­ner­put inuunitsin­ni pingaar­ner­paatik­kutsigu taas­sumun­nga qanit­tuas­saagut. – Mat­thæusi 6:33.

Pereersut al­lan­ngor­tis­sinaan­ngilatit, aalajangiisin­naavutil­li ilin­nut asasan­nul­lu siunis­saq nuan­nersoq qulak­keer­niarlugu. Biibilimit erser­poq Ataatar­put qilam­miusoq, Jehova Guuti, uagutsin­nik asan­ningaar­tuusoq qanorlu iliuuseqas­sasugut kis­saatigigini ilisimatik­kaatigut. Pruf­fiitip Mikap al­latai uku malugik­kit:

“Il­lit inuk, ilisimatin­neqareer­putit suna ajun­ngitsuusoq, Naalak­kap suut ilin­nit piumasarigai: Iluar­tumik ilius­sasutit, ilumoor­tumik asan­nis­sasutit, misis­suil­luarlutil­lu Guutit inooqatigis­sagit.” – Mika 6:8.

Jehovap inooqatigeq­qul­luni, tas­sa kif­far­torfigeq­qul­luni, kajumis­saarutaa ilas­serusup­piuk naas­saan­ngitsumil­lu pil­luaq­qusaajumaar­tunut ilaal­lutit? Tas­sa il­lit aalajangigas­sat!