AJUNAAR­NERSUAQAR­TIL­LUGU aniguisimaguit aniguisimasut al­lat misigisaat uku paasisin­naas­savatit: Tupaq­qaneq, up­periuminaatsitsineq, paatsiveerun­neq, isumakulun­neq sin­nat­tupilun­nerlu. Aniguisor­pas­suit nikal­lungal­lutil­lu nukis­saarus­simasut inoorusus­suseerus­simap­put.

Ajunaar­nersuarmik ar­torsin­neqarsimaguit im­maqa aam­ma il­lit sapilivis­sutut misigivutit. Misigisimalersin­naavutit inuunerit naleerus­simasoq. Biibilimili nas­suiar­neqar­poq inuunerit naleqaqqilersinnaasoq isumal­luar­nar­nerusumil­lu siunis­samut neriuuteqalersin­naasutit.

Oqaluus­sisar­tup oqaasii 7:8-mi ima al­las­simavoq: “Suul­luun­niit naggataa aal­lar­tin­nerminit pitsaanerusar­poq.” Ajunaar­nersuarmit anigueq­qam­merluni neriuutis­saqar­pasin­nan­ngilaq. Piner­tusaar­niarsaralutil­li ingerlaq­qin­niarsariguit inuuneq atoruminar­nerulis­saaq.

Biibilimi siulit­tuutigineqar­poq ‘qianermik nil­lianermil­luun­niit tusarsaasoqarun­naas­sasoq’. (Esaja 65:19) Taman­na piviusun­ngus­saaq Guutip naalagaaf­fiata naalak­kersuinerani nunarsuaq paratiisin­ngor­pat. (Tus­siaat 37:11, 29) Ajunaar­nersuaqar­tarun­naas­saaq. Misigisapiluit kingunerlutsitsineril­lu eq­qaamaneerutis­sap­put, Guutimi Ajugaqan­ngitsoq ima neriorsuivoq: “Pereersut eq­qaamaneerutis­sap­put eq­qaaq­qin­neqar­natil­lu.” – Esaja 65:17.

Aana qilanaar­nar­tua: Pin­ngor­titsisup neriorsor­paatit ‘siunis­saqar­tis­sal­lutit neriuutis­saqar­til­lutil­lu’ – tas­sa Guutip naalak­kersuinerani toq­qis­sil­lutit inuus­sasutit. (Jeremia 29:11) Sal­lusuis­sut taman­na ilisimagaan­ni inoorusun­nis­samut iluaqutaasin­naava? Sal­ly, al­laaserisami siul­lermi is­suar­neqar­toq, ima oqar­poq: “Guutip naalagaaf­fiata uagut pil­luta siunis­sami naam­mas­siumaagai eq­qaamagaan­ni pereersunik puiuinis­samut inuunermilu ingerlaq­qin­nis­samut iluaqutaasin­naavoq.”

Guutip naalagaaf­fiata qanit­tuk­kut inun­nut naam­mas­siumaagai pil­lugit paasisas­sarsioq­qul­lutit kajumis­saar­patsigit. Paasisaqar­neruguit qulariun­naas­savat ajunaar­nersuarmik nalaataqarsimagaluarlutit maan­na, siunis­sap ajunaar­nersuar­taqan­ngitsup utaq­qinerani, inuunerit naleqar­toq. Taman­na nal­liutserlugu ajunaar­nersuup nalaatavit kingunipiluinik naam­magalugit atuinis­san­nut siun­nersuutit Biibilimeersut iluaqutigisin­naavatit. Ilaat sam­meriar­tigit.