Akeraq toqu ajugaaffigineqassaaq – Qanoq?
ANGAJOQQAATTA siulliit, Adamip Evallu, naalannginnerat pissutigalugu inuit tamarmik ajortilinngorlutillu toqusaleraluartut Guutip inuiannut siunertaa allanngunngilaq. Guutip oqaatsimini, Biibilimi, siunertami allanngorsimannginnera arlaleriarluni uppernarsartarpaa.
-
“Iluartut nuna kingornutissavaat najugaqassallutillu tassani naassaanngitsumik.” – Tussiaat 37:29.
-
“Toqu nungutinneqassaaq piujunnaarsivillugu. Guutillu Naalakkap isit tamaasa qullingiarumaarpai.” – Esaja 25:8.
-
“Akeqqani kingullersaalluni toqu suujunnaarsitaajumaarpoq.” – 1 Korinthimiut 15:26.
-
“[Toqu] peerukkumaarpoq, aliasuttoqarunnaarlunilu nilliasoqarunnaarlunilu anniartoqarunnaassaaq.” – Saqqummersitat 21:4.
Guutip akeraq toqu qanoq ‘nungutissavaa,’ tassa ‘suujunnaarsissavaa’? Biibilimi erseqqissumik allassimasutut ‘iluartut naassaanngitsumik’ inuussapput. Aammali allassimavoq: “Nunami ima iluassuseqartigisumik inoqanngilaq ajunngitsuliuinnavilluni ... inuusumik.” (Oqaluussisartup oqaasii 7:20) Guutip toqu ajugaaffigiumallugu najoqqutassiani unioqqutissavai? Naamerluinnaq! ‘Guuti sallusuitsuugami’ taamaaliornavianngilaq. (Titusi 1:2) Taavami Guutip inunnut pinngortitaminut siunertani nuannersoq qanoq piviusunngortissavaa?
GUUTIP ‘TOQU NUNGUTISSAVAA PIUJUNNAARSIVILLUGU’. – ESAJA 25:8
UTERTITSISSUMMIK AKILIINIKKUT TOQU AJUGAAFFIGAA
Utertitsissummik akiliinikkut inuit toqumit aniguisinneqarnissaat Jehovap Guutip isumagaa. Utertitsissut tassaavoq sequmitap nalinganik akiliineq imaluunniit naapertuilluarnerup piumasaqaataanik naammassinninneq. Inuit tamarmik ajortiliummata toqumillu pillarneqartussaammata Biibilimi unneqqarissumik allassimavoq: “Kialuunniit qatanngut utertitaassussinnaanngilaa, Guutimulluunniit akiliussinnaanagu. – Akiliutissarmi utertitsiniutissaq inummut ima angitigaaq taamaatiinnartariaqartarluni.” – Tussiaat 49:8, 9.
Inuup naammalluinnanngitsup toqunermini nammineq ajortuliaminut pillaatisiassani taamaallaat akilersinnaavai, imminut utertissinnaananilu allat ajortuliaat akilersinnaanngilai. (Romamiut 6:7) Inuk naammalluinnartoq ajorteqanngitsorlu – ajortuliani pinnagit uagulli ajortuliavut pillugit – imminut pilliutigisinnaasoq pisariaqartipparput. – Hebræerit 10:1-4.
Tamannarpiaq Guutip isumagaa. Ernini, Jiisusi, nunarsuarmi naammalluinnartutut, ajorteqanngitsutut, inunngortussatut qilammit aallartippaa. (1 Petrusi 2:22) Jiisusi oqarpoq tikiulluni inuunini “akissatut tunniutissallugu amerlasuut utertinneqaatissaattut”. (Markusi 10:45) Ajortivut akilerniarlugit toqumillu aniguisinniarluta toquvoq. – Johannesi 3:16.
QAQUGU TOQU AJUGAAFFIGINEQASSAVA?
Biibilimi siulittuutigineqartutut ‘ulluni atugarliungaarfiusuni’ inuuvugut, tamannalu pissutsit aaqqissuussaanerata matuma ‘ulluini kingullerni’ inuunitsinnut uppernarsaataavoq. (2 Timotheusi 3:1) Ullut kingulliit sakkortunerpaaffissaat tassaavoq ‘ulloq iluaatsut nungutitaanissamik ikuallagaanissamillu eqqartuussaaffissaat’. (2 Petrusi 3:3, 7) Inuilli Guutimik asannittut suujunnaarsitsinermit aniguisinneqassapput ‘naassaanngitsumillu inuunermik’ pilluaqquneqassallutik. – Matthæusi 25:46.
Jiisusi tikiuppoq inuunini “akissatut tunniutissallugu amerlasuut utertinneqaatissaattut”. – Markusi 10:45
Lukasi 7:11-15) Apustili Paulusi oqarpoq Guutimut neriugisaqarluni “toqusut makikkumaartut – iluartut iluaatsullu”. Neriuut tutsuiginartoq taanna Guutip inuiannik asanninneranut uppernarsaataavoq immikkuullarissoq. – Apustilit Suliaat 24:15.
Millionillit allat makititaagunik naassaanngitsumik inuuneqalernissamut periarfissinneqassapput. Jiisusi illoqarfik Naini tikeraaramiuk makititsivoq. Uillarneq ernituaminik toqusoortoq ‘nalligiummeramiuk’ ernera makitippaa. (Milliardillit naassaanngitsumik inuuneqalernissaq qilanaarisinnaavaat. Biibilimi allassimavoq: “Iluartut nuna kingornutissavaat najugaqassallutillu tassani naassaanngitsumik.” (Tussiaat 37:29) Taamanikkussamut apustilip Paulusip ukiut 2.000-ngajaat matuma siorna allataata eqquunnera nuannaarutigalugulu tuppallersaatigissavaat: “Toqu, ajugaanerit naak? Toqu, iguutit naak?” (1 Korinthimiut 15:55) Inuiaat akeraat toqu pissaasoq ajugaaffigineqassaaq!