Guutip Adami oqarfigaa: ‘Or­pik nerif­figigaluaruk­ku toqus­saatit!’ (1 Mosesi 2:17) Adami utoq­qalil­lunilu toqusus­saasuup­pat Guuti taamatut peq­qus­suteqar­nis­samut pis­sutis­saqas­san­ngik­kaluar­poq. Adamip nalun­ngilaa or­pik nerif­figin­ngik­kuniuk toqunaviar­nani.

Naatsiivim­mi inerititaqar­tunik or­pip­pas­suaqarmat Adamip Eval­lu inuuin­narumal­lutik or­pik taan­na nerif­figisariaqan­ngik­kaluar­paat. (1 Mosesi 2:9) Or­piup nerif­figin­ngin­neratigut aap­pariit siul­liit inuunermik Tunisisoq naalal­lugu aam­ma Guutip qanoq ilior­nis­samin­nik peq­qusisin­naatitaanera akueralugu ersersis­simas­sagaluar­paat.

Sooq Adami Evalu toqusut paasiumal­lugu oqaloqatigiin­neq tamatsin­nut sun­niuteqar­toq misis­sor­tariaqar­par­put. Saatanip Diaavulup ajoqusiiniarluni pulateriaarsuk sal­lunermut ator­paa. Biibilimi al­las­simavoq: “Pulateriaarsuk nersutinit nujuar­tanit Guutip Naalak­kap pin­ngor­titaanit tamanit peq­qusersuuneruvoq; ar­narlu aperaa: ‘Ilumut Guuti oqar­pa naatsiiviup or­pii nerif­figis­san­ngik­kisi?’” – 1 Mosesi 3:1.

Eva akivoq: “Naatsiiviup or­piisa paar­naan­nik nerisin­naatitaavugut, kisian­niuna Guuti oqar­toq or­piup naatsiiviup qeq­qaniit­tup paar­naanik neris­san­ngitsugut at­tor­nagil­luun­niit, taamaaliorut­ta toqus­sagat­ta.” Taava pulateriaarsuup oqarfigaa: “Naamik, toqus­san­ngivip­pusi! Guutil­li nalun­ngilaa nerif­figigaluarus­siuk isisi uisitaajumaar­tut Guutisul­lu ilerumaar­tusi ajun­ngitsoq ajor­torlu nalujun­naas­sal­lugit.” Saatanip taamaasil­luni oqaatigaa Jehova sal­lutuujusoq angajoq­qaatsin­nul­lu siul­ler­nut ajun­ngitsumik erliguus­sisoq. – 1 Mosesi 3:2-5.

Evap tusak­kani up­perai. Or­pik qiviar­paa. As­sut nerif­figiuminarlunilu isigiuminar­poq! As­sani isaap­paa paar­naanil­lu tiguseriarluni nerilerluni. Biibili naaper­torlugu tamatuma kingor­na “uini saniminiit­toq [tunivaa]; taan­nalu aam­ma nerivoq”. – 1 Mosesi 3:6.

Guutip meeq­qani asasani piaaralutik naalan­ngitsut takul­lugit aliasuutigisimas­savaa! Qanoq ilior­pa? Jehova Adamimut oqar­poq: “Is­sumut [utis­saatit], tas­san­nga pigavit. Is­sumim­mi pivutit, is­sun­ngus­saatil­lu.” (1 Mosesi 3:17-19) Taman­na pis­sutigalugu “ukiut Adamip inuuf­figisai katil­lutik 930-n­ngor­put; taava toquvoq”. (1 Mosesi 5:5) Adami inuuin­narumal­luni al­lamut, soorlu qilam­mut, ingerlaq­qin­ngilaq. Jehovap is­sumit pin­ngor­tin­ngik­kal­larmani piun­ngilaq. Taamaat­tumik  inuunini an­naavaa, timaalu is­sun­ngoq­qip­poq. Piujun­naar­poq. Ila alianas­susia!

Adami Evalu piaaralutik naalan­ngik­kamik naam­mal­luin­nar­tuujun­naarlutil­lu naas­saan­ngitsumik inuusin­naajun­naar­put. Timaat al­lan­ngoriar­tor­poq; naam­mal­luin­nar­tuujun­naar­put ajor­tilin­ngorlutil­lu. Ajor­tuliamil­li kinguneri kisimiil­lutik misigin­ngilaat. Ajor­tilius­suser­tik kinguaamin­nut ingerlateq­qip­paat. Romamiut 5:12-imi al­las­simavoq: “Soorlu inuk­kut ataasiin­nak­kut [Adamik­kut] ajor­ti silarsuarmut tikiut­toq ajor­tik­kul­lu toqu tikiul­luni, taamatut toqu inun­nut tamanut an­ngup­poq tamarmik ajor­tuliormata.”

Ajor­ti toqulu Biibilimi ima al­laatigineqar­put: “Inuiaat tamarmik [saagorivaat] ulik inuiaqatigiin­ni tamani ator­neqar­toq.” (Esaja 25:7) Saagoq taan­na putsutut toqunar­tutut aniguif­figineqarsin­naan­ngitsutut inun­nik ulis­sivoq. Aap, ‘Adamimi inuit tamarmik toqusar­put’. (1 Korinthimiut 15:22) Apustilip Paulusip al­lan­neratut una apeq­qutaaler­poq: “Kia kif­faajun­naarsis­savaanga timimit matuman­nga toqup pianit?” Taamaalior­toqarsin­naava? – Romamiut 7:24.