suna pivdlugo Harmagedon nagdliútariakartok

’GÛTE ASÁSSUTAUVOKʹ.’ Gûte asangnĩnángilaĸ, apustile Johannes agdlagpoĸ, ãmátaordle asássutauvoĸ — tamatigut asangnigdluínartûvdlune. — 1 Juánase 4:8.

taimáikaluartordle Gûte asangnigtoĸ táunarpiaĸ inungnit aulajangersimassunit navsuiarneĸartarpoĸ gûtitut akiniaiumatûtut iluaríngisaminik nãkigtaitsumik pitdlaissartutut. taimáitumik inugpagssuit Gûtimut ugperungnaersimáput imalũnît bîbile mitautigissardlugo, oĸartaramik bîbile gûtimit taima ítumit pisimasínaunaviángitsoĸ. ingangmik sarĸúmersitat ilait issornartorsiorneĸartarput, tássane Gûtip ajortunut erĸartũssutai kîsalo sorssungnigssap Harmagedonip nagdliúnigssâ oĸalugtuarineĸarmata.

ássersûtigalugo taineĸarsínauvoĸ Joseph Whelessip atuagkiâne Is It God’s Word?-ime (tássauva Gûtip oĸausia?) agdlagsimassoĸ: „atuartup malugssarigsup takussat sarĸúmersitane agdlauserineĸartut atuardlugit nuánarísángivigpai, ajortuliortut nagdlingnartut (tássaunersut ajortisiagdlit imalũnît piâralutik ajortuliorsimassut) ilagingmássuk nagdlingnartúnguakasik perĸigsimissoĸ, tássanilo ’ániartíneĸásáput ingnermik ikuatdlagsáumigdlo íngilit ivdlernartut sãne savârĸavdlo sâne’, tamarmingme nikíngitdluínardlutik issigingnârtut ’pujoĸ ivkua ániarnerata pia majortuásassoĸ nâgssáungitdluínartumik, uníngaveĸángitdlatdlo uvdlúkutdlũnît únuákutdlũnît’ Gûtip ajugaĸángitsup kamangnerata tugfigingmatik (sarĸ. xiv, 10, 11). tássáuput Gûtip asangningârtup sarĸúmersitai.“

ãmátaoĸ professorip Gerald A. Laruep University of Southern Californiamêrsup sarĸúmersitane agdlautigissaĸ akuerssãngilâ, atuagagssiame Free Inquiry-me ungasíngitsúkut agdlagkame: „ugpíngitsut itinerssuarmut nâgdliungârfiussumut takordlûgagssáungivigsumut igíneĸarput. lex talionis, tássa isse issimik naleĸartitsineĸ, táuna nâpertordlugo pitdlarneĸartaríngitdlat; akiniaissaĸátârnertutdlo íngilaĸ, sôrdlo ínugtaoĸatigît tamavingmik piunêrúneĸarneráne pissartoĸ (tak. 1 Môrs. 4:23, [24]; Jôrs. 6; il. il.). tássanile pitdlagaunerat nâgssáungilaĸ. isumákêrfigineĸarfigssaĸángilaĸ, soraiuitsumigdle pitdlarneĸartuáinásáput, sûjungnaernerup erĸigsinertânik neriugissaĸaratik. tássane Jesusimut sáimassumut sagdlaitsumutdlo inigssaĸángilaĸ.“ tauva, sarĸúmersitat 14:9-11 íssuaivfigalugo nangitdlune agdlagpoĸ: „ulússamigut erssârneĸartup igdluátaoĸ manísagâ najorĸut matumûna najorĸutarineĸángilaĸ — kisiánile ajoĸusîumatûmik kamangârtumigdlo akiniaineĸarpoĸ ima nãkigtaitsigissumik tamákunúnga nazistit nâgdliugtitsinere nalerĸiutísagáine sũngitsutut ísagaluardlutik.“

ajortuliortut nâgssáungitsumik nâgdliugtitauvdlutik ániangârtut erĸarsautigigáine, Gûtip ’asangnigtutut’ taineĸarnera erĸortumik aperĸutaulersíneĸarsínauvoĸ. erĸarsautitdle taimáitut túngavigât bîbilimik tássanilo ássersûtinik paitsôrneĸ. bîbilime ajoĸersûtigineĸángilaĸ tarneĸ toĸusuitsûssoĸ. bîbilimile takutíneĸarpoĸ ’ajortip akigssarsiarititâ tássa toĸo’ — tássáungitsoĸ nâgssáungitsumik nâgdliugtitauneĸ — toĸumigutdlo inuk misigíssusêrútoĸ, ãmátaoĸ ániarsínáussusêrutdlune. — Rûmamiut 6:23; akugdlîssup oĸausê 9:5, 10.

imáipordle pitdlaut, imáinane pitdlagauneĸ, nâgssáungitsũsassoĸ — ajortúme ’tatsime ingnerussume’, piujungnaerdluínarnermut ássersûtaussume, sûjungnaersitáusáput. (sarĸúmersitat 20:14, 15; 21:8) akiũnerssûvdle Harmagedonip inuiait nâgdliungârtísavai angnikitdliungârtísavdlugitdlo, aitsâtdlo taima  toĸoráunerssuaĸarfiutigissumik sorssungneĸásaoĸ. (Matîuse 24:21, 22; sarĸúmersitat 14:20; 19:17, 18) ’Gûtip asangnigtup’ tamána nagdliutísavâ? Gûtip sorssungneĸ taima ítoĸ ilumut pitísavâ?

Gûtip asangningneranut erssiutáusaoĸ

imáikame: Gûtip asaningnera píssutigalugo akiũnerssuaĸ Harmagedon nagdliutíneĸartariaĸarpoĸ. Jehova Gûtip nunamut sujunertarâ autdlarĸáumut pâratîsitut píssuseĸaraluarnera atûtilerserĸigkumârdlugo inuitdlo erĸigsisimârdlutik nãmagdluínardlutigdlo tássane najugaĸarnigssât, ánilârsarneĸaratik inûnigssât. (Hisĩkiale 34:28; Migga 4:3, 4; sarĸúmersitat 21:4) tauva inuit pinerdlugtuliornermíkut perssugtaissarnermíkutdlo pâratîsime pilerserĸingneĸartugssame torĸigsisimanermut akornusĩsagaluartut ĸanoĸ pineĸásápat? mána tikitdlugo inuit ârĸigssũssisínausimángitdlat ajornartorsiutip tamatuma ârĸĩssutigssãnik. tamatigut erĸigsisimârneĸásagpat ajortuliornermut ârdlerĸutausínaussut tamavingmik pêrsíneĸartariaĸarput. âp, Gûtip iluaitsut iluarsivigssaĸángitsut aserortariaĸarpai iluartumik iliorusugtut pivdlugit. asangningnermit iliûseĸarumârpoĸ nunamik aseruísagaluartut nunamit pîásavdlugit. — sarĸúmersitat 11:18.

toĸorusúngitsutdle toĸussariaĸángitdlat. „[Gûtip] inuit tamaisa ánarĸuvai,“ apustile Paulus agdlagpoĸ. (1 Timûtiuse 2:4) ãmalo Peter Gûtip súnîneratigut isumagssarsisitauvdlune agdlagpoĸ: „támarsimassoĸarĸussíngíname, tamaisale avdlamik isumatârĸuvdlugit.“ (2 Pîtruse 3:9) ’nâlagauvfingmik tusagagssap nuánersup’ nalunaerutigineĸarnigssâ Gûtip isumagerêrsimavâ inuit tamarmik ingmíkut periarfigssíneĸarnigssãnut ánangnigssartik sulíssutigísavdlugo. (Matîuse 24:14, NW; Filípimiut 2:12; Galâsiamiut 6:5) pâratîsime nunamĩtume nãmagdluínardlutit nâgssáungitsumik inûsínauvutit. ivdlit nangmineĸ aulajangísavat. (Rûmamiut 2:5-9; Hisĩkiale 18:23, 32) Gûtip asangnigtup taimailiornigssâ ilimagísángíkaluarpiuk?

kisime oĸartugssauvdlune nâlagáussusermik akerdlerĩssut

erĸigsivdluarnerup torĸigsisimârneruvdlo aulajaitdlisarneĸarnigssãnut aĸutsissut nunarssuarmut tamarmut nâlagkersuissut atausĩnáusáput — tássa Gûtip nâlagauvfiatigut aĸutsissut. nuname nâlagkersuissut ássigĩngitsorpagssuit, tamarmik ingmíkut nangminigssarsiordlutik inuiaĸatimingnuínaĸ iluanârutigssarsiordlutik norĸainiarnere píssutausimángínerpat nunarssuarme tamarme akiũnerit toĸoraineritdlo ilarpagssuinut? nâlagkersuissut táuko pêrneĸarĸârtariaĸarput Kristus nâlagkersuissoralugo Gûtip nâlagauvfiata nâpertuivdluartumik aĸutsinigssâta  inigssaĸartíneĸarnigssânut. (Dâniale 2:44) nâlagkersuissut ĸilangmĩtut táukua aĸutsinigssât ivdlit tikiuterĸugaluarpat ĸínut najorĸutagssaussoĸ Jesusip ajoĸersugkaminut ĸínutigerĸussâ uterângagko, oĸardlutit: „nâlagauvfît tikiutdle; perĸussat ĸilangmisut nunamísaoĸ pile.“ — Matîuse 6:10.

nâlagkersuissunigdle nalúngisaĸarpit avdlamut atanatik ingminut nâlagkersornermingnik taimaititsiumassunik Gûtivdlo nâlagauvfianut nâlagtigititdluínarumassunik? imáinerúngínerpale nâlagauvfît tamarmik ingmíkut avdlamut atanatik ingmingnut nâlagkersornertik aulajangiútarât iperarnavêrsârdlugo, avdlanut súnînertik angnertusisíniartuáinardlugo Gûtip nâlagauvfia pilersitaussoĸ soĸutiginago? (Tussiaat 2:1-9) ĸangalũnît súnguamigdlũnît ilimanauteĸarsimanerpa inuiaĸatigît nâlagáussusertik taimaitíkumagât Gûtimutdlo Kristusimutdlo túniúkumavdlugo? Nâlagauvfît Peĸatigît (FN) silarssuarme erĸigseĸatigîgsitsiniarnigssamut sákugssatut iluagtíngitsôrnerata erssersípâ nâlagauvfît nangmingneĸ soĸutigissait ingminuínardlo iluaĸutigissat aperĸutaugângata akerdlerissamingnut ĸasúkarumángínerat tamanutdlo oĸartugssaussumut atausĩnarmut nâlagkumángínerat. nâlagauvfît aulajangersimáput nunamut agtûmássuteĸartut nangmingneĸ piumassatik maligdlugit ârĸigssorniásavdlugit. (sarĸúmersitat 17:13, 14; 19:19) taimáitumik akiũnerssuaĸ Harmagedon nagdliutíneĸartariaĸarpoĸ nuname nâlagauvfît soriarsínaujungnaermata, tássûnalo kina nunamut nâlagaussugssaussoĸ pivdlugo aperĸut akerdlerĩssutiviussoĸ inârutaussumik aulajangerneĸásaoĸ.

inuit pissariaĸartitait pitíkumavdlugit

Jehovap Harmagedonime iliûseĸalerune inungnut iluaĸutaunerpât nãmagsiumârpai. erĸarsautigeriaruk. píssutsit silarssuarme atũkatdlartut ivdlit ĸanoĸ igaigit? nãmagaigit? atominik sákugssiat atordlugit sorssungnigssame sût tamarmik nungúneĸaratarsínaunigssât torĸigsisimârutigaiuk? nakûsernerit sualugsiartornerat ánilângatigaiuk, igdloĸarfiup najugkavit torĸigsinángínerujartornera malugalugo nuánaraiuk? ĸitornatit pivdlugit sujunigssâtdlo pivdlugo ernumavit? píssutsit pitsángoriartornigssât ilimanarpa? ĸangalũnît nâlagkersuissoĸarsimanerpa inuiangnik tamanik erĸigsisitsisínausimassunik pigigsârtitsisínausimassunigdlo? nâlagkersuissoĸarsimanerpa nuname nápautinik toĸumigdlo soraersitsisínausimassunik? imáinerúngínerpa: silarssuarme tamarme píssutsit ajorsiartuínartut nauk inuit teknikíkut angussaĸardluarsimagaluartut, amerdlasûtigutdlo teknikíkut ineriartûtit píssutsit ajorsíssutigissarait, ilâ? Gûtip nâlagauvfiata  iluartup kisime inuiait pissariaĸartitait tamákîssumik túniúsínáusavai. táunáinaĸ avĸutigalugo erĸigsineĸ piviussoĸ nunarssuarme tamarme atûtilersíneĸarumârpoĸ. akiũnerssuaĸ Harmagedon nagdliutíneĸartariaĸarpoĸ!

kisiánile Gûte iliûseĸaleriartorpat nuna minguiarniardlugo, inuit angnikitdliungãsángínerpat nâgdliungãsavdlutigdlo? sorssungnerit tamáko tamatigut nagsatarissarpait. ãmátaoĸ Harmagedonime inuit tamáko misigísavait inuiaĸatigît Gûtip nâlagkersuinera akerdlilerdlugo aulajangiússisimanerat píssutigĩnardlugo. inuiaĸatigît avdlatut iliorumanatik kisiáne akiũkumavdlutik agssortuiumáput. (Tussiaat 2:2, 3) Gûte tamatumúnga pissũngilaĸ. nalerĸútumik mianerssorĸuvai: „Ilissi kunngit silatusaaleritsi, oqaassaatinniaritsilu nunami eqqartuussisut ilissi, [Jehova] kiffartorfigisiuk mianeralugu! Uulluserlusi kunissigit isigai kamaleqqunagu nungutaaqqunasilu, suunngitsuusaaraluilluunniit kamaatigilersarmagit. Iluanaassaq taassuminnga qimarraveqartoq.“ — Tussiaat 2:10-12.

una erĸarsautigeriaruk: silarssuarmut agtûmássuteĸartut iluarsarniardlugit Gûte iliûseĸalísángíkaluarpat, silarssuarme píssutsit ĸanoĸ ítúngúsagaluarpat? sorssungnerit, nakûsernerit ûmigssuineritdlo migdlinatik nangítuáinásángíkaluarpat, sôrdlo ukiut untritiligpagssuit inuit nâlagkersuivfigissaisa ingerdlaneráne taimáituartut? mãnákutdlo píssutsit ajorsiartuínángínerpat, mássa inuiait tamavingmik ârdlerĸutigait atominik sákugssiat atordlugit sorssungneĸarsínaunigssaĸ kingornagutdlo ĸíngornernit ulorianartunit toĸunartoĸalersitsissartunit nápartíneĸarsínaunigssartik? Harmagedonip nagdliúnigssâ nunarssuarmut matumúnga pisínaussunit tamanit iluaĸutaunerpâjuvoĸ! nâlagauvfît nangminigssarsiornermit ingerdlausiat ingminut toĸúnertut ítoĸ Harmagedonip taimaitísavâ. píssutsinik ârĸigssũssinerit inuiangnik nâgdliugtitsissartut pêrsíkumârpai, atulersísavdlugulo ârĸigssũssineĸ nutâĸ sutigut tamatigut nâpertuivdluartoĸ, ârĸigssugagssamilo nutâme aliasungnerit, ániarnerit toĸulo inuit pilersitait nangerĸigtariaĸángitsumik peĸarungnáisáput. taimaníkugssaĸ ’sujugdlît pêrsimásáput’, Gûtip neriorssûtâ erĸûtíneĸásangmat. — sarĸúmersitat 21:4; 2 Pîtruse 3:13.

erĸaimassariaĸarparput Gûtip ilisimatûgame suna inuiangnut iluaĸutaunerpaussoĸ nalúngíkâ, nãmagsineĸarnigssânutdlo suna pissariaĸartugssaĸ ilisimagâ. nuname nâlagkersuissut sorssungnigssamik pilersârtarput sorssugtardlutigdlo sujunertaralugo nâpertuivdluángínertut isumaĸartíneĸarsínaussut iluarsarneĸarnigssât, imalũnît anguniagaĸ kussanartûtitartik sorssûtigiumavdlugo. kisiánile Gûte kisime nãmagtumik ilisimatússuseĸarpoĸ tamatigut nâpertuivdluartumik sorssugsínaunigssaminut. táuna kisime ingmíkôrtitsivdluínardlune sorssugtitsisínauvoĸ inuit ajúngitsumik ũmatigdlit sume najugaĸaraluarpatalũnît ánagtíneĸarfigssãnik. (Matîuse 24:40, 41; sarĸúmersitat 7:9, 10, 13-17) ãmalo Gûte kisime nunarssuarmut tamarmut kisime oĸartugssauvdlune nâlagaussugssauvoĸ, nunarssuaĸ píngortitarigamiuk. âp, ajússuseĸ ajússusigdlitdlo tamavingmik inârutaussumik pêrneĸásagpata, nâpertuivdluángínerit, erĸúngitsumik ugperissarsiornerit ĸunutitsissut, agdlâtdlo ajortimut píssutiviussoĸ taimaititíneĸásagpata, Gûtivdlo arĸa ivdlernartoĸ ivdlernartíneĸardluásagpat — Harmagedon nagdliutíneĸartariaĸarpoĸ. nagdliutíneĸásaorme, ’Gûte asangnigtûngmat’! (wD 1/2 85)

[Qupp. 4, 5-mi assiliartaq]

HARMAGEDONIP . . . . . . erĸigsinigssaĸ avĸutigssiûtísavâ