ãmátaok únerkaríssusertik avdlanit avdláussutigât

UVGUAK’AOK’ takuleramiuk agdlagartánguaĸ politît bîlip sâvata igalâvanut tagiartûtip aulajuartup atânut ilissât. bîlimik sivisuvatdlâmik inerterĸutaussumigdlũnît inigssînermut akilîsitsíssutauvoĸ. 25 dollarinik, tássa 250 krûnit sivnerdlugit, pitdlarneĸardlune akilêrĸuneĸarpoĸ, erĸúngitsumigdle akilêrĸuneĸarame uvgûtigâ. bîlinik inigssînigssap inerterĸutauneranut ilisarnaĸutsiússaĸángivigpoĸ. ãmátaoĸ ungasigsume najugaĸarpoĸ, igdloĸarfingmutdlo uternigssaminut akigssaĸarnane erĸartũssivingme igdlersorniarnigssaminut. taimáitumik bîlip inigssíneĸarfia erĸâlo ássilivai, takutíniardlugo bîlinik inigssînigssaĸ inerterĸutáungitsoĸ. tauvalo, Jehovap nalunaiaissuisa ilagingmáne, ugpeĸatime ilât ĸínuvigâ sivnerdlune erĸartũssivingmut savssarĸuvdlugo.

ikíngutâta matumûna oĸalugtuarâ uvdlup ĸerĸata sujornagut erĸartũssivingme suna pisimassoĸ:

„erĸartũssissumut savssarĸuneĸartup atine najugkanilo taissariaĸarpai. tauvalo ilumôrtumik oĸalungnigssaminut ugpernarsaissariaĸarpoĸ. ugpernarsaerĸuneĸángitsiartungale, agdlagtuivfingnut agdlagtaissup, angutip utorĸassâp, oĸarfigânga najugara taerĸerĸuvdlugo. oĸarama ’Columbia Heights normo 124’, najugaĸ ilisarínguatsiarpâ, nalunago Jehovap nalunaiaissuisa agdlagfeĸarfîsa pingârnerssarigât. erĸartũssissoĸ sâgfigalugo oĸarpoĸ: ’tauva, erĸartũssissoĸ-â, isumâlûtigssaĸángilaĸ. inuit uko ajúngitdlat. sagdlussángitdlat! sagdluneĸ ajorput! sagdlusuitsũput! ugperissarsiornerata sagdlunerup akerdlerâ, ugperissarsiornertigdlo najorĸutarivdluínartarpât. táukunúnga ilaussune sagdlussumik tusagaĸarsimángisáinarpunga. — angutitáine nâmik, agdlâtdlo arnartáine nâmik. nunarssuarme tamarme tássa inuit únerĸaringnerpât. ardlaleriardlunga takussarpáka bîlimik inigssînermit akilîsitsíssúmik angnikitsuínarmik sagdlusimagaluarunik akilĩngitsôrsínaugaluartut, sagdlujumángitdlatdle.’

tauva uvanga sâgfigânga oĸardlunilo: ’nalúngilavkit sagdlujumángitsutit, nalúngínerpiungme kina ilivermine agssakásagaluartoĸ sagdlugaluaruvit?’ ’kina piviuk?’ aperâra. ’erĸartũssissoĸ — erĸartũssissoĸ Rutherford,’ akivânga. Rutherford Vagttårnip peĸatigîgfiane ĸanga præsidentiugaluarpoĸ. ’ukiut 47-t matuma sujornagut táussumúnga agdlagkanik âterissartûvunga. uvanga Jehovap nalunaiaissue nalúngiláka amerdlasũngíkatdlarmata. erĸartũssissoĸ táuna — tássa angutauvdluaĸ!’

taimatut oĸarêrneragut erĸartũssissup ugpernarsaerĸúngilângalũnît. pisimassoĸ navsuiarĸuvdlugo ĸínuvigineĸarpunga, taimailiordlungalo. erĸartũssutip inernerâ: ’pissũngitsoĸ.’“

Jehovap nalunaiaissuisa ilungersûtigât „tamatigut agssuarnaitsutut iliorniar“dlutik. (Eprîarit 13:18) únerĸaríssutsimíkútaoĸ silarssûp inuinit avdláuput. (wD 1/4 85)