Gûtip okausia ûmavok

inûssaliak patdlorfigísagaluarpiuk?

inûssaliamik imalũnît ássersũmik avdlamik patdlorfigingnigkumángitsut toĸumik pitdlagagssaussugssaugaluarpata, ivdlit ĸanoĸ iliúsagaluarpit? ivdlit inûssaliaĸ patdlorfigísagaluarpiuk? ukiut 2500-t matuma sujornagut Babylonime ítut tamána ĸinigagssarât.

KÚNGE NEBUKADNEZARIP inûssaliaĸ kûltiussoĸ angisôrujugssuaĸ 27 meterimik portússusilik Durap narssarssuane nápartípâ. tauva nâlagauvfingme atorfeĸartut nunamit tamarmit atautsimut ĸaerĸuvai inûssaliaĸ patdlorfigiartorĸuvdlugo. najũtut ilagait Jehovamik patdlorfigingnigtut ilait pingasut, tássa: Sjadrak, Mesjak ãmalo Abed-Nego.

kúngip oĸauseĸartitâta suaorutigâ tamarmik ’sêrĸúmerdlutik patdlorfigísagât inûssaliaĸ kûltiussoĸ kúngip Nebukadnezarip nápartitâ’. ivdlit tássanĩsimagaluaruvit, ĸanoĸ iliorsimásagaluarpit? tamarmik sêrĸúmerdlutik inûssaliaĸ patdlorfigât, kisiáne Sjadrak, Mesjak Abed-Negolo pínatik. táuko nikorfáput nalúngínamíko inûssaliamik patdlorfigingningneĸ Gûtip inatsisânut akerdliussoĸ. — 2 Môrsase 20:4, 5.

Jehova Gûtimik patdlorfigingnigtut pingasut táuko kúnge Nebukadnezarimut savssartíneĸarput. „piâraluse pivise,“ aperai, „Gûtiga kivfartũngínavsiuk, inûssaliaĸ náparterĸussara patdlorfigíngínavsiuk?“ tauva oĸarpoĸ:  „patdlúngíkuvsile, tauváinaĸ ûtsivigssûp ingnerínaussup ĸerĸanut igíneĸásause. kiame tauva Gûtiussup agssavnit aniguisísanerpâse?“

taimatut sujôrasârneĸaraluaruvit, ivdlit ĸanoĸ iliorsimásagaluarpit? sôrdlo takusínaugit, Sjadrak, Mesjak Abed-Negolo ĸunusuitdlutik oĸarput: „ata, Gûtivta kivfartũssavta . . . aniguisíneĸ sapíngilâtigut, . . . píngíkaluarpatdlũnît, taimáitoĸ ilisimásautit, kúnge-â, Gûtisit kivfartũkumángíkivut, inûssaliardlo kûltiussoĸ náparterĸussat patdlorfigiumángíkigput.“

kúnge kamangâlerpoĸ. perĸussivoĸ: ’ûtsivigssuaĸ kíssagtísiuk kíssagtítarnera arfineĸ mardloriardlugo! ĸilerssorsigik ûtsivigssuarmutdlo igitdlugit!’ Sjadrakimutdle, Mesjakimut Abed-Negomutdlo ĸanoĸ pissoĸarpa? ingnerup ĸerĸanut nákarput. tauva ĸeĸarput pisulerdlutigdlo.

kúnge ûtsivigssuarmut ĸiviarame, takulerpai inuit sisamat tássane ingerdlassut ûneĸángitsut, pingasuínaunatik! sisamât íngiliuvoĸ Jehovap autdlartitâ kivfane ilumôrtut sernigiartorĸuvdlugit. tauva kúnge ánilângârpoĸ tordlulavdlunilo: „Sâtragdlo Mîsagdlo Apánîgulo, Gûtip ĸutsingneruvsârtup kivfai ukorsê, anivdluse ĸaigitse.“ nâlagpâtdlo. — Dâniale 3:1-30. (wD 15/7 84)

kivfame ilumôrtuarnerat sapĩssusiatdlo Jehovap tipaitsûtigâ. uvagútaoĸ iluarísavâtigut inûssaliaĸ imalũnît ássersût silamiune sujulerssuissut nápartitait ĸanoĸ ítutdlũnît sapîtdluta patdlorfigiumángíkuvtigik nersorumanagitdlo.