suna ilingnut pingârnerpauva?

SILARSSUARME pisûnerpâtut issigineĸarsimavoĸ. J. Paul Gettymik ateĸarpoĸ, nangminerdlo aningaussautaisa milliârdit ardlagdlit angusimavait. iluagtitsinerpauvfigssamut angussisimassutut amerdlasûnit nersorneĸarsimavoĸ. taimáikaluartordle toĸunigsse ukiunik mardlungnik sujorĸutdlugo ima oĸarsimavoĸ: „aningaussauteĸaráine tássa imáingilaĸ pivdluardlune. pitsaunerúsagunarpordlo oĸásavdlune aningaussat tássa imáitut pivdluarnermik amigauteĸarneĸ.“

ilumôrdluínarpoĸ táuna ûliasiorfiutiligssuaĸ amerdlasût anguniagarísavdlugo pingârtitãnik ilungersûtdlugo angussiniarnermine iluagtitsivdluarsimaĸingmat. kisiáne sulerulôrdlune pigssarsinermigut pivdluarnermik nanissisimassutut nipeĸarpa? imalũnît sulerulũssutigisimassame soĸutauvatdlãngitsûnerinik aitsât pâsingnilersimassutut nipeĸarneruva?

sujunertarissaĸ inornartoĸ

suna ilingnut pingârnerpâtut issigaiuk? inuit ilait oĸásagaluarput naĸisimaneĸángíneĸ pingârnerpâtut issigigigtik. avdlat ímaĸa oĸásagaluarput sût ardlãnik iluagtitsineĸ pingârnerpâjussoĸ. avdlatdlo nangmingneĸ inugtut angussaĸarnigssartik tamanit pingârnerutítarpât.

amerdlasût navsuerutigíngíkaluardlugo inûssautsimíkut iliûtsimíkutdlo erssersítarpât aningaussat nuánârniutitdlo tamanit pingârnerutíkitik. pisũngorniarnertik inûnermigdlo nâlagarsioratik atuiniarnertik aulajangiútangâramíkik, soĸutigíngilât ĸanoĸ inôriautsimik ilaĸútatik, perĸíssusertik imalũnît anersãkut soĸutigissatik ajoĸusísagaluaruníkik. ãmátaoĸ agsut soĸutiginarpoĸ bîbilime sujuligtûtigineĸarmat „uvdlugssane kingugdlerne“ inuit inûjumârmata „ingmingnik asassut, aningausseritût“ ãma „Gûte kajumiginago nuánârutinut kajumigtut“. — 2 Timûtiuse 3:1, 2, 4.

pingârnerussoĸ

Jesus Kristus, kristumiússutsimik túngavilîssoĸ, ĸanga erĸarsautigssarsinartumik aperisimavoĸ: „silarssuardlũnît tamât inûp pigileraluaruniuk, tarninile [inûninile, Today’s English Version] ánaivdlugo, sugssarísavâ tauva?“ (Mákorse 8:36) nâmik, ilumut ûmanane suliaĸartoĸarsínaugame? nâmerdluínaĸ! — akugdlîssup oĸausê 9:5, 10.

ímaĸa ivdlit sule inûsugtûvutit isumaĸardlutitdlo piumassatit sûtdlũnît pivfigssaĸardluarfigalugit. kisiáne taimáipa? sorssungnerit, pinerdlungnerit, nápautit ajutôrneritdlo — tássángáinartumik pakasaivdlutigdlo  — angutit arnatdlo perĸigsut ajoĸuteĸángitsutdlo amerdlaĸissut naláusimavait. tauva pilerssârutait anguniagaitdlo sumut pípat?

ímaĸa áipaĸarputit mêraĸardlutitdlo, imalũnît utorĸalilerdlutit. ímaĸa isumaĸarputit avdlat erĸarsautigíngíkaluardlugit pivfigssat nukititdlo tamaisa atortariaĸardlugit ivdlit asassavitdlo sujunigssarse erĸanaersarniardlugo. kisiáne suna ĸularnaitsûsoraiuk? sôrdlo nalúngíkit aningaussat nalêrúkiartornerata, aningaussatigut ajutôrnerssuit, sulivfigssaerúneruvdlo inugpagssuit sipâgáinik arsârsimangmatigik ajorssartúngortitdlugit angerdlarsimavfêrutsitdlugitdlo. silarssuarme píssutsit taima tutsuviginángitsigititdlugit ĸanoĸ ilivdlutit ĸulákêrsínauviuk sulíssutigerulôrsimassavit ilimagíngisangnik pissoĸarneratigut sûjungnaersíneĸarsínáungínigssât?

ĸularnángitsumik pâsivat ĸanoĸ pingârtigissoĸ ivdlit nangmineĸ anguniagkavit isumaliutiginigssât. tássa: suna ilingnut pingârnerpauva? (wD 1/4 85)