ikíngutit ilumôrtut kanok pigssarsiarinekarsínáupat?

„IKÍNGUTEKʹARUMAGÁINE avdlatut ajornartumik ikíngutaussariaĸarpoĸ,“ atuagkiortoĸ amerikamio Ralph Waldo Emerson oĸarpoĸ. inugpagssuitdle kiserdliorneĸ piumaneruvât. agssagtik isagtordlugo ikíngutíngorniarnatik, ĸanigdlivingnavêrsimatitsissũput. tamatuma suna kingunerissarpâ? „inuit kisimĩtartut ’suniángitsutut, pivdluaitsutut, silarssuarme inigssaĸavíngitsutut’ misigissarput,“ inuit ilerĸulersûtáinik misigssuissartoĸ avîsime Brasiliame sarĸúmersume íssuarneĸardlune oĸarpoĸ. nangitdlune agdlagpoĸ: „suliagssaĸángíkângamik, oĸaloĸateĸángíkângamik, ingmingnuínaĸ isumagilersarput. nangmineĸ ajornartorsiutinik so- ĸutigingnilerneĸ sapernángíneroĸaoĸ.“

taimatutdle ingassagtigilernigssâ ingalangneĸarsínauvoĸ. inuit tamangajangmik ikíngutauneĸ ilíniarsínauvât tássûnalo ikíngutitârtorsínauvdlutik. ĸanordle autdlartíniarsínauvât? ikínguteĸarniarnermine inûp nangmineĸ píssusê aperĸutaussorujugssûssarput. ússat itsarssuardle agdlagsimassoĸ imáipoĸ: „inûp inugsiarníssutse kajungernássuserâ.“ (ússatit 19:22, Jerusalem-bîbile) taimáitumik inugsiarníssusermik sarĸúmersitsissartut ilumôrtunik ikínguteĸalersínaussarput. ássersûtigalugo: inuit avdlat oĸarfigissaruvtigik pingârtíkivut, uvavtínik soĸutigingnilernigssât ilimanarnerúsaoĸ.

inugsiarnersoĸ oĸalugtoĸarângat tusarnârtarpoĸ. oĸaloĸatigîngníkut oĸalugpatdlârtartoĸ imalũnît ingminut pivdlune oĸalugtuáinartoĸ ikíngutigssarsisínaunaviásángilaĸ misigíssutsiminik  anguniagkaminigdlo soĸutigingnigkumassumik. inugsiarnersup ãmátaoĸ avdlanut oĸausigssane pârissásavai. „ĸanerminit anissôrtoĸartarpoĸ, oĸausê sôrdlo panap [kapissinere]; ilisimatûtdle oĸait katsorsautaúput.“ (ússatit 12:18) una ássersûtigitigo: ímaĸa malugivat inuk isumatsagtoĸ imalũnît ernumangârtoĸ. imáitumik ússateĸarpoĸ: „ũmámigut isumâlugdlune ũmat nakangassarpoĸ, oĸautsivdle ajúngitsup tipaitsugtítarâ.“ (ússatit 12:25) taimatut pissoĸartitdlugo katsorsautaussumik oĸarnigkut ilumôrtumik ikíngutitârsínáusautit.

ilumũssutsip pingâruteĸarnera

ússatit 18:24-me agdlagsimassunik agdlagkame ússásiortup inuit ingmingnut píssusînik pâsisimassaĸardluarnine erssersípâ: „ikínguteĸartarpoĸ ajunârtitsissunik, ikíngutdle ilumôrtoĸ ĸatángúmitdlũnît ilumôrneruvoĸ.“ (The New American Bible) ajornartorsiuteĸángíkângat aitsât ikíngutaujumassut kiap ikíngutigiumásavai? áipâtigutdle, David Jonatanilo erĸarsautigeriákit. Jonatanip David ajorisínausimagaluarpâ, nangminerme Israelíkúnut kúngigssaugaluarpoĸ, nalúngilâle David kúngíngorumârtoĸ. taimáikaluartordle Jonatanip David tamatigut ilumôrfigâ, sínganeĸ ajordlune, agdlâtdlo David pivdlugo navêrdlune. — 1 Sâmuale 18:1-3; 20:17, 31, 32; 2 Sâmuale 1:26.

ãmátaoĸ Rut ikíngutauvoĸ ilumôrtoĸ. sakine No’omi ĸimáinarnago, átavigiuáinarpâ. ilumôrnera nersornangârtíkamíko ilisarisimassai erĸortumik oĸarput Rut No’omimut ’iluaĸutaunerussoĸ ernernit arfineĸ mardlungnit’. — Rúte 1:16, 17; 4:15.

ivdlit taima ilumôrtigivit? imalũnît ikíngutingne ínardlûtigssarsigângavit, isumaitsumik avdlanut oĸalûserĩnartarpigit?

ĸanorme tauva ikíngutit asangâgkat ilât sualugtumik ínardlûteĸarpat ernĩnaĸ suliarissariaĸartumik? ikíngutip ilumôrtup oĸautigissariaĸartoĸ oĸautigíngitsũsángilâ áiparme ĸanoĸ periarnigssâ ârdlerĸutigĩnaramiuk. „asangnigtup patitsinere ilumôrnermik píssuteĸararaut,“ bîbilime agdlagsimavoĸ. (ússatit 27:6) tássale imáingilaĸ sukangnersumik imalũnît píssusigssamut nalerĸutíngitsumik oĸalûtísagit. kristumiut itsarssuaĸ Galatiame najugaĸartut ilãne navsuitsumik perorsarneĸartariaĸarput. malugiugdle apustile Paulusip ĸanoĸ ilisimangnigtigissumik oĸautigineĸartariaĸartoĸ oĸautigigâ, tauvalo aperissoĸ: „tauva ilumôrdlunga pigavse ûmigilerpisinga?“ (Galâsiamiut 4:16) ’ilumôrdlutit pigigungne’, nauk perorsautaussunik oĸauseĸarfigigaluarungne, ikíngutip ilumôrtup asásavâtit. — ússatit 9:8.

tunissineĸ pivdluarnarpoĸ

ikíngutigîngnerit ilumôrtut soraiángitsutdlo akeĸartarput. inuit piniáinartut tunissinerdle ajordlutik pivdluarneĸ Jesusip oĸautigissâ una pâsíngisáinásavât: „tunissineĸ tigusinermit pivdluarnarneruvoĸ.“ (apustilit suliait 20:35; Lúkarse 6:31, 38) taimáitumik ilagissartagkatit  issigalugit ĸanoĸ iliorfigisínauneritit erĸarsautiginiariuk, ĸanoĸ pigssarsivfigisínauneritit erĸarsautiginago.

bîbilime kristumiut kajumigsârneĸarput ’túkorĸuvdlugit ikiuissarĸuvdlugitdlo’. (ússatit 11:25; 1 Timûtiuse 6:18) ímaĸa nunap pînik peĸarpatdlãngilatit, pivfigssáme? ulapítuáinarpit? ikíngutigîngnermut pivfigssaĸ atortariaĸarpoĸ, inûvdlo inuit avdlat pivfigssaĸarfigiumángigpagit ikíngutigîngnerit nuánîtdliartúsáput. ímaĸa ilagsingníssut atorneĸarajugtoĸ „ĸanoĸ ípit?“ atortarpat. imatutdle pivfigssaĸarfigiumatigiviuk unigtardlutit aperĸúmut tamatumúnga akíssutigssaĸ tusarnârumavdlugo? erĸaimariaruk Jesus nauk ulapítaraluardlune orningneĸartarângame tusarnârnigssaminut pivfigssaĸartartoĸ. — Mákorse 6:31-34.

ikíngutigîngneĸ ĸanoĸ ũmârigtuartíneĸarsinaussoĸ

ikíngutigîlersimagáine sapíngisamik ũmârigtuartíniartariaĸarpoĸ. ingmingnut ilisarinerulerunik ikíngúmik sángĩssutai ínardlûtailo malugileriatãsavait. iluanârnerúsáputdle sángĩssutit angnikínerussut akueralugit avdlatut ajornartutut issigiguníkik. nalorninartoĸarângatdlo akâringnigtuliornerúsaoĸ nalorninartoĸ ikíngúpit iluaĸutigssânut isumaĸartísavdlugo, pasingnigkajungnavêrdlutit. ’asaĸatigîgsutut kamageĸatigîgitse,’ Paulus oĸaor- ĸigsârivdlune oĸarpoĸ. ãmalo Peter oĸarpoĸ: „tamanitdle angnerussumik asaĸatigîgitse ilungersordluse asangningnerup ajorterpagssuit matôrtarmagit.“ — Evfisumiut 4:2; 1 Pîtruse 4:8.

sule sujúnersûteĸarpoĸ: ikíngutivit ilingnik soĸutigingningnerat taimáitugssáinartut issiginavêriuk! nauk ĸaningârtumik ikíngutigigaluaruvtigik, ikíngutivut ilâtigut kisimĩkusugtarput. sivisuvâtdlârtumik, akulikípatdlârtumik imalũnît pivfigssamik akornusîssumik pulaortarnerit ĸasunarsisínáuput, ímaĸalo kîsa pulaortarnerit kigsautigineĸásáisáput. ínimigingnigdlutit atarĸingnigdlutitdlo aggerniarnigssat sujorĸutdlugo ajornángíkângat isumaĸatigĩssuteĸarfigissarniákit. ússatit 25:17-ime imáitumik sujúnersûteĸarpoĸ: „isigkatit tugdlivit igdluanut ĸaĸutigôrdlit, avâkatdlagdlune ûmigileĸinavâtit.“

ãmátaoĸ silatusârneruvoĸ marserpatdlârnane, igtûjuitsûvatdlârnane ĸagdliuniarpatdlârnanilo. angneruniajuínermit isumasiaminik aulajangiússiniarpatdlârnavĩsaoĸ. ikíngutigîngnerup pisínautíngilâtigut ikíngutivut isumasiavtínik imalũnît piumanerussavtínik píngitsailiussásavdlugit. ’ilisimássúmit pavánga pissumit’ súnerneĸaruvta ingassáussiniásángilagut. — Jâko 3:17.

ikíngutitit tapersersorniartákit misigingneĸatigalugitdlo, sôrdlo Paulusip sujúnersûtigigâ Rûmamiunut agdlagkamine 12:15-ime: „tipaitsugtut tipaitsoĸatigisigik, ĸiassutdlo ĸiaĸatigisigik.“ âp, ikíngutitit aliasungnerisigut, pakatsinerisigut, nuánârnerisigut angussaĸardluarnerisigutdlo peĸatigíkit. ĸuianartugssanik pâsisimassaĸarniarit, inuit avdlat  kúkunere pĩnarnagit nangminertaoĸ kúkunitit igdlautigiumavdlugit. perĸusîleĸinartoĸarnerane ikíngutingnersumik ĸuiasârdlune oĸauseĸarneĸ písangajungnaersitsisínauvoĸ. âp, ikíngutigîngneĸ ilungersorneruvoĸ. ingminutdle akilersínáungínerpa?

ikíngutit ilumôrtut pigssarsiariniardlugit

ikíngutitdle ilumôrtut sume navssâgssáupat? ilagît Jehovap nalunaiaissue igdloĸarfingnĩtut ujardlerfigssauvdluarput. kristumiut ilumôrtut táuko ima ajúngitsigissumik píssuseĸarfigeĸatigîgkamik ingmingnut taissarput „ikíngutit“, sôrdlo ugpeĸatitik ukiune untritilingne sujugdlerne taimáitartut. (3 Juánase 14)

[Qupp. 7-mi ungalusaq]

ikíngutigîngnek atausíngortitsissok

Jehovap nalunaiaissue imaigínángitdlat anersãkut ĸatángutigît, ãmátaordle ikíngutigîgput. ikíngutigîngneratalo túngavigigamiuk Jesus Kristusip inássutainik maleruainerat, nunat kigdlê unigfigíngilai. (Juánase 15:14) ikíngutigîngneĸ taima ítoĸ Gûtimit pivdluarĸussauvoĸ, Gûtivdlo pivdluarĸussinerata tamatuma atausíngortípai torĸigsisimatitdlugitdlo savautit inimingnĩtut ássigalugit. — Migga 2:12.

ikíngutigîngneĸ atausiússuserdlo igdluliorfingme amigautaussarput. kisiánile, Jehovap nalunaiaissue atautsimut kátúkângata „sananasuardlugit“ rigssaliliordlutik, suleĸatigîgkumássuseĸ atautsimigdlo anguniagaĸarníkut ikíngutigîgkumássuseĸ tamatigut malungnartarput. ássersûtigalugo nalunaiaissut USA-mêrsut, Englandimêrsut Walesimêrsutdlo suleĸatigîgput rigssaliliornermigdlo periautsitik peĸatigĩssutigalugit. tamatuma suna kingunerâ?

„aitsât taima ítumik takussaĸarpunga,“ Roger ĸarmaissoĸ Englandimêrsoĸ oĸarpoĸ. „sanassut ĸarmaissutdlo atautsíkut suleĸatigîgsut takusimángisáinarpáka, silamiunime tamána píngisáinarmat. rigssaliliorfingmile takussarpatit ĸatángutit ĸaliaĸ ĸagdlersorât ĸaliavdlo atâne sanassut ĸarmaissutdlo sulititdlugit ĸalipaissut naterssualerissutdlo atautsíkut suleĸatigigait. tamarmik ârĸiagîgdlutik sulíput. ila nuáningãssusia!“

Mikep mardlungnik ĸitornagdlup Walesimêrsup malugâ „tamarmik atautsimik anguniagaĸarnermíkut ikíngutigîngneĸ peĸatigĩssutigisínaugât“. tamatumúngalo suna píssutaussoĸ ikíngutâta Malcolmip pâsivâ, oĸardlune: „ĸatángutit tamarmik atautsitut suleĸatigîgkângata, Gûtip arĸa tunâralugo, tauva Gûtip suliagssaĸ anersâminik pivdluarĸussarpâ.“