túniutdluínarnivtigut Jehovamut nâlagtigitípugut

„ILISIMAVUGUT Gûtimit pissugut, silarssuardle ilũngât ajortup píssauneĸarfigigâ.“ taima oĸarnermigut ilumôrtoĸ inuit amerdlanerssaisa tusarumángisât apustile Johannesip nalorninaitdlisípâ, tássa imáitoĸ: silarssuaĸ ilũngât ’ajortup’, tássa Satanip, píssauneĸarfigigâ. kisiánile Gûtimit ilumôrtumit, Jehovamit, pissut Satanip ’nâlagauvfigísángilai’. taimáitumik inuit ûmassut tamarmik Jehovap nâlagkersuinerata atânĩkumángíkunik Satanip nâlagkersuinerata atânĩsáput. tamarmik ingmíkut tamána ĸinigagssarât. ivdlit kimut nâlagtigitíkumavit? Satanimut Jehovamutdlũnît? — 1 Juánase 5:18-20, NW; ãmátaoĸ takúkit New International Version; Today’s English Version.

inuit tamarmik ingmíkut ĸinersivfigssât aitsât mãna taima nukingingnartigilerpoĸ. (Lúkarse 21:31, 32) Jesusip takutípâ atautsíkut igdlugîngnut tamanut ataneĸ ajornaĸissoĸ. oĸarpoĸ: „iligíngisama nungutdlutik akerartorarãnga, katerssueĸatigíngisákalo nungutdlutik saggaissaraut.“ (Matîuse 12:30) Kristus katerssueĸatigigigput súkut tamána pâsísavarput? ugperutsit ingmíkôrtitersimassut ássigĩngitsunigdlo ugperissagdlit ima amerdlatigissut kristumiûnerartarmata, „ánagsimassû“nerardlutik „erniorĸigsimassû“nerardlutigdlo, oĸautsit táuko ingmingne kimêrúsimáput. (Matîuse 19:16-26; Juánase 3:3; 10:9) unale najorĸutagssauvoĸ: Jesusip ugperissâ nalunaiautigissâlo uvagut ugperinerparput nalunaiautigissardlugulo? Jesus jûtiugame ingminut nersornarsisimángivigpoĸ Gûtimik atausiuvdlunilo pingasûssumik ajoĸersût nalunartoĸ ajoĸersûtigalugo. (Juánase 14:28; 17:1-5) tusardliússâ ersserĸigdluínarpoĸ: Gûtip nâlagauvfia nalunaiautigâ. ingminut nãmagserĸussaĸ ilisimavdlugo, Jesus oĸarpoĸ: „nunaĸarfingnut avdlanútaoĸ Gûtip nâlagauvfianik îvangkîlio oĸalûtigissagssarâra, tamána pivdlugo autdlartitaugama.“ — Lúkarse 4:43.

„mãna akuerĩnánga“

Gûtip nâlagauvfianik oĸalũssíssutigingningnerminik tamanut kivfartũssinine autdlartíngitsiardlugo, Jesus pissariaĸartumik iliorpoĸ ingmisut iliordlutik atâtânut nâlagtigitíkumassunut tamanut maligagssaussumik. Mattæusip imáitumik agdlautigâ: „taimane Jîsuse Galilîamit Jôrtanimut piartorpoĸ Juánasimut, táussumúnga kuerĸuvdlune.“ Johannes akerdlilîvdlune oĸarmat nangmineĸ kuisítariaĸaraluardlune, Jesusip akivâ oĸardlune: „mãna akuerĩnánga, taimailivdlugo iluartugssaĸ tamarme uvavtínut nãmagsissariaĸarmat.“ — Matîuse 3:13-15.

’iluartugssaĸ tamât’ nãmagsigamiuk Jordanime imermut morssugtíneĸarnermigut maligagssiuerêrame, kingusingnerussúkut Jesusip ajoĸersugkane perĸusínauvai: „taimáitumik autdlaritse inuitdlo inuiaĸatigîngnit tamanêrsut ajoĸersugángortísigik, atâtap erneruvdlo anersâvdlo ivdlernartup arĸanut kuivdlugit, ajoĸersorsigigdlo ilivsínut perĸussáka tamaisa maleruarĸuvdlugit.“ (Matîuse 28:19, 20, NW) ĸângĩnagagssáungitsut avdlat ilángutdlugit kuisíneĸ ilisarnautáusaoĸ Gûtimut ilumôrtumut, Jehovamut, nâlagtigitíkumavdlutik aulajangersimassunut, Satanip nâlagáussusiata atânĩkumanatik. ukiume oĸalũssivfiussume kingugdlerme (september 1984-august 1985) silarssuarme tamarme inuit 190.000-it patdligdlugit kuisínermíkut taimatut ĸinersisimanertik erssersípât. tássûna erssersitsíput Jehovap kisime oĸartugssaunera Satanip oĸartugssauneraníngãnît piumanerugigtik. — ússatit 27:11.

ilisimássut túngavigalugo aulajangîneruvoĸ

ãmátaoĸ ukiormána inuit tûsintiligpagssuit atautsimêrssuarnigssane silarssuarme tamarme piumârtune kuisigssamârput. kuisíngínermingne, kuisíkumassut tamarmik ilagît utorĸaunertait ilagalugit bîbilime ajoĸersûtit kristumiutdlo ilerĸugssáinut najorĸutagssat pingârnerussut perĸigsârtumik oĸaloĸatigĩssutigait, ilagîngnut ĸulákêrsínaorĸuvdlugo  kuisíkumassunut piumassaĸautit erĸortísimagitik. taimáitumik kuisíkumavdlune aulajangerneĸ tássáungivigpoĸ periasârneĸ misigíssutsip pilersitâ. nâgga; kisiánile tamarmik ingmíkut ’sianigilerêrsimavât sunaussoĸ Gûtip perĸussâ ajúngitsoĸ iluarissagssardlo nãmagdluínartordlo’, perĸussânutdlo tamatumúnga nâlagtigitíkumavdlutik aulajangersimavdlutik. — Rûmamiut 12:2.

atautsimêrssuarnerup nalâne kuisíkumassunut oĸalugiarnerup naggatâta tungâne kuisítugssat pâsingnigdluardlutik pingârtitsivdluardlutigdlo angersínáusáput aperĸutinut pâsiuminartunut mardlungnut, aperĸutinutdlo tamákunúnga akinermíkut ugpernarsarpât Kristusip maligagssiânik malingningnerup kingunigssainik pâsingnigsimavdlutik. aperĸut sujugdleĸ imáipoĸ:

Jesusip Kristusip pigdliutâ túngavigalugo ajortuliatit perĸigsimíssutigaigit, Jehovamutdlo túniutdluínarsimavit táussuma perĸussâ nãmagsiumavdlugo?

aperĸutit áipât imáipoĸ:

pâsiviuk túniutdluínarnigkut kuisínigkutdlo Jehovap nalunaiaissuinut ilángutdlutit nalunaertutit ilagît Gûtip anersâmigut aĸutai peĸatigalugit?

aperĸutit tamáko akivdlugit angerêrunik, kuisítugssat erssersípât ũmatimíkut erĸortumik píssuseĸardlutik, kristumiututdlo kuisísínaulerdlutik.

tugdluartumik periauseĸarneĸ

atissat ĸanoĸ ítut kuisítugssanut tugdluartûnersut ilâtigut aperĸutigineĸartarput. nalúnguvfasit kuisítugssap atugai erssiutáusáput ilerĸoríssusianut pîtaiuíssusianutdlo. tamána ingangmik uvdlumíkut ersserĸigsarneĸartariaĸarpoĸ, nutaunerussunik atissagssiortitsissut angutit arnatdlo ingmingnut kajungíssusiánik sualugtumik pingârtitsissûssarmata atissalersorsimagaluartutdlo tamaĸángingajangnigssât anguniartûssarmássuk. erĸaimassariaĸarportaoĸ nalúnguvfasit ilait panerdlutik issornaitsutut issíkoĸaraluartut, masagdlutigdle avdlauvdluínartutut issíkoĸartarmata. kuisínerit pisimassûngmata pingâruteĸardluínartut, kuisítut ingmingnut sangutitsiumásángitdlat mamiatsagtitsiumásanatigdlo. — Filípimiut 1:10.

ilâtigut ingassáussissoĸartarsimavoĸ kuisítut tuníssutinik akisûnik tunivdlugit imalũnît amerdlasûnik katerisimârtitsíssutdlugit. sôruname kuisíneĸ tipaitsungârfiuvoĸ, avdlanik tipaitsoĸatigingnigkumavfiussoĸ. matumanile mianerssorĸussilârnigssaĸ tugdluásaoĸ. bîbilime agdlagsimavoĸ: „ĸanoĸ ilissup naggatâ pilerĸautânit ajúngínerussarpoĸ.“ (akugdlîssup oĸausê 7:8) kuisíneĸ pilerĸautáinauvoĸ — kristumiutut arpangnerup inûnigssamut ánangniarnerup piata kuisíneĸ pilerĸautigâ. kuisínermigut kristumio sivisûmik kivfartũssissûsimángíkatdlarpoĸ. sôrme tauva ugpilerdlât ússerniásavavut ingmingnut pingârtípatdlâlernigssãnik? — nalerĸiuguk Timûtiusimut agdlagkat sujugdlît 3:6.

bîbilime oĸalugtuarineĸartoĸ nâpertordlugo suna pisimava pînsip uvdluane ukiume 33-me 3000-t kuisínerisa kingornagut? „táukualo apustilit ajoĸersuinere ilagĩssutdlo timiussatdlo avgorneĸartarnerat ĸinussarneritdlo aulajangerfigait.“ anersâp pê tamaviârutigiuarpait inorôrsârfigeĸatigîgtuardlutigdlo. (apustilit suliait 2:41, 42) kuisíneĸ erĸigsisimavdlune erĸarsarĸigsârfigssauvdlunilo silatusârdlune isumatusârfigssauvoĸ. bîbilimik atuarĸigsâĸatigissavta ilatâvta avdlorneĸ pingârtoĸ tamána nãmagsingmássuk takuvdlugit nuánârutigissaĸârput. kuisítoĸarfingmilo periautsivtínik issigingnigtut pâsísavât kuisítugssat pingâruteĸaĸissumik aulajangiússaĸarsimassut — Gûtimut Nâlagkamut kisime oĸartugssaussumut nâlagtigitíkamik aulajangersimavdlutigdlo Jehovamut nalunaiaissutut silarssuarmut ’ajortup píssauneĸarfigissâ’nut iláusanatik. — 1 Juánase 5:19, NW; Matîuse 4:10. (wD 1/6 85)