Jesusip inuunera ajoqersuineralu

„Jesusip inuunera ajoqersuineralu“ tassaavoq atuagassiaq nangeqattaartoq nutaaq Napassuliaĸ Alapernaerssuivfik-mi normumi uani aallartittoq.

1982-IMI martsiminngaanniit Napassuliaĸ Alapernaerssuivfik-mi allaatigisanik marlunnik quppernilinnik assiliartalersukkanik „Gûtip oĸausia ûmavoĸ“-mik qulequtalinnik ilanngutassiisarsimavugut. Taamaaliornitsigut siunertaraarput Bibelimi oqaluttuat ajoqerssutillu, oqaasertalersornerisa assiliartalersornerisalu ataatsimoornerisigut, uumassuseqarpaluttumik paasiuminartumillu saqqummiunnissaat. Allaatigisaq nangeqattaartoq taanna naasussanngormat, nangeqattaartumik allamik nutaamik maanna aallarniivugut, Jesusip inuuneranik ajoqersuineralu eqqartuisumik.

Immikkoortoq siulleq quppernerni tulliuttuni marlunni atuarsinnaavat. Qaammatini aggersuni Napassuliaĸ Alapernaerssuivfik-up saqqummerneri tamaasa immikkoortumik ataatsimik ilanngussiisartussaassaagut, aammalu oqaasertai assiliartaalu ataasiutinniarsarissallutigit.

Tulluarluinnassaaq Napassuliaĸ Alapernaerssuivfik-up Jesus Kristus taamatut ililluni pingaarnerusutut saqqummiunniarmagu, tassami Jesus inunnit allanit inuiaat oqaluttuarisaaneranni sunniuteqarnerpaasimavoq. Tamanilli pingaarnerpaavoq inuit millionillit naggueqatigiinnit assigiinngitsuninngaanneersut Jesusip inuuneranik ajoqersuutaanillu paasinnissimammata, inuunerminnilu allanngorneq angisooq pitsaasorlu misigisimallugu.

Qularnanngilaq matuminnga atuartoq Jesusip inuunera ajoqersuutaalu pillugit ilisimasaqariissasoq. Kisiannili ajornaatsuinnaanngilaq pisimasut assigiinngitsut sumi qangalu pisimanersut eqqaamaniassallugit. Soorlu assersuutigalugu, qangamaajuna Jesusip apustilini aqqaneq-marluk toqqarai — tamanna sulinerata aallartinnerani imaluunniit kingusinnerusukkut piva? Arnap Samariamiup Jesusip Messiasiuneranik paasinnereerneratigut imaluunniit siusinnerusukkut? Aamma sumimaajuna aqqaneq-marluusut qinerai, imaluunniit tupinnartuliornikkut inuit 5000-it nerisassaannik pissarsissukkai, imaluunniit sumimaajuna qaqqami oqaluussinera piva? Ilanngutassiami nangeqattaartumi tassani pisimasut tamakkua ukiut piffii tulleriiaarlugit oqaluttuareqqittassavagut. Tamatuma assiliartalersornerisa, uumassuseqarpaluttunngorlugulu allanneqarsimanerata pisimasut tamakkua pingaaruteqartut uagutsinnut eqqaamajuminartunngortissavai.

Allaatigisat tamakkua Bibelimik ilisimasaqareersunuinnaanngitsoq iluaqutaassapput. Meeqqanik Bibelimillu atualeqqaanik ilinniartitsinermi atussallugit pitsaasuupput. Atuaqqissaaqatigiinnermi atugassanik akisassanik apeqqusersugaapput. Tassa taamaaliornerput kristumiussutsip tunngaviliisuanik ajoqersuutaanillu inunnut allanut ilisimannilersitsiniaaneruvoq pitsak! Immaqa illit nammineq allaaserisat tamakkua qanoq ilillutit ilaquttannut inunnullu allanut isumassarsisinnaavutit. Eqqaamajuk inuit amerlanerit oqaluttuanik pitsaasunik nuannarisaqarmata, aammalu amerlasuut oqaluttuanik nangeqattaartunik nuannarisaqarlutik.

Taamaattumik inuit allat kajumissaarniakkit oqaluttuap aallaqqaataaniit malinnaanissamut. Immaqa malugissavat Bibeliminngaanniit issuaagaangatta ilaatigut allanngortilaartarivut, paasinarneruniassammata. Ilaatigulli Bibelip atuagartai Det danske Bibelselskabimit 1980-ikkunni allattaaseq nutaaq atorlugu naqitertinneqarsimasut issuaaffigineqartarput. Immikkoortut tamarmik naaneranni Bibeliminngaanniit tigulaakkatta sumiiffii innersuussutigineqarsimasarput. Silatusaarneruvorlu Bibelimi namminermi oqaluttuat tamakkua nammineerluni atuassallugit. Taanna atuagassiaq nangeqattaartoq ajoqersuganngortitsiniaaninni atorluarniarniaruk! (wD 1/4 85)