sujunigssame nâgssáungitsûssume atassugssanik piarêrsaivugut

„igdlut tamarmik kimit piarêrsarneĸartarmata, tamanik piarêrsaissoĸ tássa Gûte.“ — EPRÎARIT 3:4, Weymouth.

1, 2. (a) kiap umiarssuaĸ ilusilersorpâ, ilitsersũssutitdlo ĸanoĸ perĸigsârtigât? (b) Noatut nâlangnigssarput sôĸ pissariaĸardluínarpa?

UKIUT 4000-it migssiliordlugit matuma sujornagut Jehovap Noa perĸuvâ umiarssualiorĸuvdlugo ánagfigssaussumik. Gûtivdle Noamut aulajangerĸúngilâ pugtasínaussumik ĸanoĸ ítûgaluartumigdlũnît sananigssâ. Noa perĸigsârdluínartumik ilitsersũpâ sanâgssanik, ĸanoĸ iluseĸarnigssânik, takíssusigssânik, atitússusigssânik, portússusigssânik, siláinarigsarneĸarnigssânik, iluatigutdlo silatâtigutdlo suliarineĸarnigssânik. „Nûalo taimailiorpoĸ, sôrdlo Gûtip inákâne taimardluínaĸ iliorpoĸ.“ — 1 Môrsase 6:13-16, 22.

² Jehovamut nalunaiaissunut uvdlumíkut inûssunut maligagssiuivdluássusia! Noatut ánáussiniarnermik suligssíneĸarpugut, uvdlumíkutdle ’inuit mãnákut inûssut milliûnigdlit ímaĸa toĸúngisáinartugssat’ ánangnigssât sulíssutigalugo. Noatut nâlangnigssavta pingâruteĸássusia! Noamit angnerussup, Jesus Kristusip, maligagssiânik malingningnigssarput nukingingnássusia, „iluarnermik oĸalũssi“vdluta! — 2 Pîtruse 2:5.

 anersãkut piarêrsaineĸ

3. (a) Jesusip oĸausê túngavigalugit piarêrsainerup suna kingunerísavâ? (b) suna pivdlugo Jesusip oĸalũssinera ugpernermik píssagtitsissarpa?

³ ukiut 1956-it ĸângiúsimáput Jesusip galilæamiunik tupâtdlagtitsineranîtdle imáitumik nalunaeruteĸarnermigut: „avdlamik isumatâritse, ĸilangmiup nâlagauvfia ĸanigdlingmat.“ oĸautsiminik malingnigtut túngavigalugitdlo suliaĸartut tamaisa ássersũpai „angúmut sianisûmut ĸaersume igdluliortumut“. angutip táussuma ugpíssusia aulajaitsûvoĸ, avdlángortitagssáungilaĸ, patajáipoĸ. tatineĸarnermine ugpernermigut nákáinásángilaĸ. Jesusip oĸalũssinera ugpernermik píssagtitsissarpoĸ. inuit ũmataisigut súnertarpai, jûtit ugperissarsiornerup tungâtigut pissortat iluartûssârtumik oĸalugtarneránit avdlauvdluínardlune. inuit nalingínait Jesusip ajoĸersuissausia tupigusûtigât. agdlâtdlo sákutût Jesus tigussariartordlugo autdlartitaussut tigusisimanatik uterput oĸardlutik: „inungmik táussumatut oĸalugtoĸángisáinarpoĸ.“ — Matîuse 4:17; 7:24, 25, 28; Juánase 7:46.

4. (a) ĸanoĸ ilivdlune Jesus sujunigssame atassugssaussumik piarêrsaiva? (b) pînsime ukiume 33-me sujunigssamut piarêrsaineĸ angnertôĸ suna autdlartíneĸarpa?

⁴ Jesus sujunigssamut piarêrsaivoĸ. suleĸatigissagssaminik katerssuivoĸ, sôrdlo Peter ĸaerĸugingne, ãmátaoĸ Kefasimik taigûteĸartoĸ, taigût táuna isumaĸarmat „ujarak“. ajoĸersugkamut táussumúnga Jesus oĸarsimavoĸ: „Pîtrusiuvutit, ĸaersumutdlo tamatumúnga igdluliariumârpáka ilagîgsíka.“ ’ujarĸat ûmassut’ amerdlasût Jesusimut, tássa ilagît ’ujaragtãnut teĸerĸugssaussumut’, igdluliarineĸartut kîsa Peter ilagilerpât. ilagît táuko pînsime ukiume 33-me u.n.a.k. pilersíneĸarput, Jesusip makísimassup, ĸilangme Gûtip talerpiata tungânîtdlune, ajoĸersugkat utarĸissut anersâmik iluartumik kuingmagit. — Matîuse 16:18; 1 Pîtruse 2:4-6; apustilit suliait 2:2-4, 32, 33.

5. uvdlumíkut ineriartornerit sût ilagît kristumiut uláputigingârpait?

⁵ uvdlumíkut ilagît kristumiut Jehovap sujunertaisa nãmagsineĸariartornerat uláputigingârpât. ukiune mákunane ’sarĸúmersitagssat kingugdlît’ sarĸúmersíneĸartarput, „ungasíngitsúkut piumârtugssat“ Gûtip „kivfainut“ nunamĩtunut nalunaerutigineĸartarmata. (sarĸúmersitat 1:1-3, NW ĸinerdlerfigssialik, ĸúpernerup atâne navsuiausiutdlugo ilángússaĸ) ukiut nagdlersimáput kivfat táukua ’Gûtip nâlagauvfianik tusagagssamik nuánersumik nunarssuarme tamarme nalunaiautigssatut oĸalũssíssutigingnigfê’, Satanip píssutsinik ârĸigssũssineranut ajortumut erĸartũssut Gûtimit nãmagsineĸartínago. ukiune mákunane kúngip, Jesus Kristusip, ĸilangme igsiavíssârssuarmine igsiassup, inuit ĸanilârtut, savatut ítut, inungnit nâlagserîtsunit, savaussatut ítunit, nâlagauvfingmik tikiuterĸussíngitsunit avigsârtípai, ’savatdlo’ táuko ilagîgsiminut anersãkut ’ĸatángúminut’ ilagititdlugit katerssoriartordlugit ’angnikitdliornartugssap angisûp’ nagdliutíngíkatdlarnerane. — Matîuse 24:14, 21; 25:31-40; sarĸúmersitat 7:14.

6. „umiarssuaĸ“ ássersûtaussoĸ uvdlumíkut ítoĸ sunauva, uvagutdlo ĸanoĸ iliordluta ánagsínauvugut?

⁶ umiarssuaĸ ánagfigssaussoĸ uvdlumíkut ítoĸ sunauva? tássauvoĸ anersãkut píssuseĸ Jehovap nalunaiaissuisa 1919-imíngãngîtdle píssuserissât, tássa anersãkut pâratîsiussoĸ. Noap ilaĸutai ássigalugit, kristumiut tanitaussut nuname sivnerútut ilagissaitdlo kigdligfigissaisa iluanĩtuartariaĸarput, nâlagdlutik ũmatíkutdlo ilũngardlutik sulivdlutik, anersãkut suliagssaĸ angnertôĸ Jehovap sujunertarissâ nãmagsiniardlugo. sujunertarâ „ĸilangmĩtutdlo nunamĩtutdlo tamaisa Kristusime atausíngortíkumavdlugit“, ’ĸilangmĩtut’, tássa tanitat ĸilangme inûnigssamik neriugissaĸartut ukioĸ 33 autdlarnerfigalugo katerssorneĸalerput, kîsalo ’nunamĩtut’, tássa „amerdlangârtut“ inuiaĸatigîngnit tamanêrsut nuname inûnermik nâgssáungitsumik neriugissaĸartut ingangmik 1935 autdlarnerfigalugo katerssorneĸalerdlutik. — Evfisumiut 1:10; sarĸúmersitat 7:9, 14.

’ĸarmaineĸ íkússuinerdlo’

7. suliagssaĸ mardlungnik sujunertalik suna mãnákut suliarineĸarpa, ĸanordlo iliordluta Noatut Jeremiasitutdlo pivdluarsínauvugut?

⁷ Jehovap kristumiut tanitaussut nuname sivnerútut suligssípai, sôrdlo pruvfîte Jeremias suligssísimagine, ’takusaissûtitdlugit inuiaĸatigîngnut nâlagauvfingnutdlo, nutsuerĸuvdlugit inguvtererĸuvdlugitdlo asiutitserĸuvdlugitdlo pîaerĸuvdlugitdlo, ãma ĸarmaerĸuvdlugit íkússuerĸuvdlugitdlo’. taimáitumik uvdlumíkut suliagssaĸ mardlungnik sujunertalik ingerdlavoĸ. sujugdlermik tássa Satanip silarssuarmik ârĸigssũssineranut ajortumut Jehovap erĸartũssutânik nalunaerutigingningneĸ, áipagssânigdlo peĸatigîgfingmik Gûtip ínugtainik ilaussortalingmik  ánagtugssaussumik piarêrsaineĸ aulajangersainerdlo. (Jerimia 1:10; 24:6, 7; Isaia 26:20, 21) tanitaussut sivnerútut ilagissaisalo amerdliartuínartut uvdlumíkut suliagssamik táussumínga suleĸatigîngnermíkut ila nuánângãssusiat! nuánârnerata ássigínguatsiarpâ Noákut eĸiasuitsut taimanerssuaĸ nuánârnerat.

8. ukiut 22-t kingugdlît ingerdlaneráne oĸalũssissartut amerdlássusîsigut ĸagfariarsimaneĸ suna malugissariaĸarparput?

⁸ inuit milliûnigdlit uvdlugssame Jehovap kamangnerata piane amiákûvdlutik inũsápat? tamána ilimanardluínarpoĸ, sôrdlo ukiume oĸalũssivfiussume 1985-ime Jehovap nalunaiaissuisa sulineránik nalunaerusiame takutitsiarneĸartoĸ. písanganaĸaoĸ malugísavdlugo oĸalũssissartut ĸáumáme atautsime amerdlanerssaisa ĸagfagsimássusiat. nâlagauvfingmik oĸalũssissartut ĸáumáme atautsime amerdlanerssait 3.024.131-ngorsimáput. 1963-ime oĸalũssissartut 1.000.000-íngorsimáput, 1974-ime 2.000.000-íngorsimavdlutik, mãnalo 1985-ime 3.000.000-íngorsimavdlutik. ukiut 22-t ingerdlaneráne 200 procentimik amerdleriarsimáput. Jehovamut anersâmigut naujartortitsissumut ĸujamasungârpugut! — Saggaria 4:6; 1 Korintumiut 3:6.

9. (a) pionerit amerdlássusîsigut ĸagfariarsimaneĸ suna pivdlugo sule malungnarneruva? (b) kivfartûteĸarneĸ suna kivfartûtigilerĸuvdlugo pisínaussut tamaisa kajumigsârumavavut, sunalo pivdlugo?

⁹ ukiune táukunane avdlamik atorfeĸaratik nâlagauvfingmik tusardlîssartut amerdliartorsimanerat sule kákaginarneruvoĸ. silarssuarme tamarme aningaussarsiornerup tungâtigut píssutsit nauk ajorsiartuínaraluartut, „pionerit“ sapîtsut táukua amerdlássusiat 1963-ime ĸáumámut avguaĸatigîgsitdlugit 38.573-imíngãnît 1985-ime 322.821-mut ĸagfagsimavoĸ — 737 procentimik ĸagfariarsimaneĸ! tamatuma suna takutípâ? takutípâ inuit avdlat ikiorniardlugit ingminut tunutdliúkumássuseĸ nersornangârtoĸ Gûtip ínugtaisa píssuserigât, Lúkarse 9:23-me Jesusip oĸausê nâpertordlugit. pioneritut kivfartûtigdlit angussaĸardluásagunik amerdlanertigut perĸigsârtumik periusigssamingnik ârĸigssuisínaussariaĸartarput ingmingnutdlo tunutdliutítariaĸardlutik. pioneriunerdle angisûnik akigssarsiagssaĸarnartarpoĸ. — Rûmamiut 12:1, 2; Malakia 3:10.

10. (a) oĸalũssissartut nalingínait sût nersorneĸautigísavait? (b) aitsât taima amerdlatigissunik angussat pingasûssut sût matumûna taissariaĸarpat, sunalo nalunarungnaersípât?

¹⁰ oĸalũssissartútaoĸ nalingínaussut ardlalingnik milliûniliussut Satanip silarssuâtalo tatissinere agssortortariaĸarpait. táukuátaordle „pigdliutinik ĸujaniutinik Gûte âtsivigi“ssarpât. (Eprîarit 13:15; Rûmamiut 10:9, 10) nalunaerĸútap akúnere amerdlasûgaluarpatalũnît ikigkaluarpatalũnît ilivse oĸalũssissartuse ilumôrtuse ĸáumatit tamaisa nalunaerutigissardlugit agdlagtagkase 1985-ime katitdlutik 590.540.205-íngorsimáput — nalunaerĸútap akúnere oĸalũssissarníkut atorneĸartut aitsât taima amerdlatigilerdlutik. tássauvoĸ 1984-imíngãnît 16,8 procentimik ĸagfariarsimaneĸ! pulaorĸingnerit 224.725.918-it soĸutigingnigtutdlo angerdlarsimavfîne bîbilimik atuarĸigsâĸatigîngnerit 2.379.146-t aitsât taima amerdlatigissut nalunaerutigineĸarmata pâsineĸarsínauvoĸ nâlagauvfingmik tusardlîssartut sume najugaĸaraluarunigdlũnît ajoĸersuitdlarĸigsúngorniardlutigdlo autdlússivdluardlutik oĸalũssissartúngorniarmata. — Matîuse 28:19, 20.

erĸigsinigssaĸ piviussoĸ torĸigsisimanigssardlo sulíssutigâvut

11. erĸigsinigssamik torĸigsisimanigssamigdlo neriût piviussoĸ ĸanoĸ oĸalũssíssutigineĸartarpa, ĸanordlo angnertutigissumik?

¹¹ 1985-ip nâlernerane Nâlagauvfît Peĸatigît (FN) nalunaerutigât 1986 tássáusassoĸ nâlagauvfît tamarmik erĸigsinermut ukiuat. ukiune kingugdlerne FN-ime erĸigsinigssaĸ torĸigsisimanigssardlo oĸatdlisigineĸartaĸaut. tusardliússardle pingâruteĸarnerussoĸ, tássa bîbile túngavigalugo erĸigsinigssamik torĸigsisimanigssamigdlo neriûtigssamik tusardliússaĸ 1985 -ime angnertusiartupatdlagtumik tusardliúneĸarpoĸ, Jehovavme nalunaiaissuisa silarssuarme tamarme bîbilit, atuagkat atuagârĸatdlo 38.805.561-it atuagagssiatdlo 300.545.609-t túniungmatigik, atuagagssianutdlo Napassuliaĸ Alapernaerssuivfik-mut Vågn op!-imutdlo 1.719.930-nik nutânik pissartagaĸalersitsivdlutik. naĸitigkatigut oĸalungníkutdlo ’erĸigsinermut Nâlagkap’ piviussup nâlagauvfia pilersitaorêrsoĸ aitsât taima angnertutigissumik nalunaiáissutigineĸarpoĸ. ilumôrpoĸ agdlagsimangmat „nâlagáussusiata agdliartornera erĸigsinerdlo soraerfeĸá“sángitsut. — Isaia 9:6, 7.

12. amerdliartorsimanerit sût atorfigssaĸartíneĸalersísimavait, atorfigssaĸartíneĸartutdlo nãmagsineĸarniarnigssât Jehovap kivfaisa ĸanoĸ ilivdlutik suleĸatigĩssutigât?

¹² oĸalũssissarneĸ angnertusiartuínarmat, tamatuma naligissânik peĸatigîngnerup tungâtigut suliarineĸartartut angnertusisíneĸartariaĸarsimáput. 1985-ip ingerdlanerane silarssuarme tamarme Jehovap nalunaiaissuisa ilagîgsait 47.869-iugaluartut 49.716-íngorput. tamatuma atorfigssaĸartíneĸalersípai atautsimĩtarfît nutât untritigdlit, nunarpagssuarnilo oĸalũssissartut rigssaliliornigssamingnut akigssarsiornermingne pivdluarĸussaunerat nuánârutigârput! pissariaĸarângat inuit atausiákât ilagîtdlo nangminigssarsioratik ilagît avdlat rigssalinik sanaortortitsinerisigut ikiortarpait, ĸatángutigîgsutut peĸatigîngne silarssuarme tamarme ilaussoĸarfiussune „atauseĸ naligineĸarĸuvdlugo“. — 2 Korintumiut 8:14, 15.

13. rigssalinik sanaortortitsinermut inuit atausiákât ĸanoĸ tapĩssuteĸarsínaussarpat?

¹³ nunane ajornángitsunik píssuseĸarfiussune Vagttårnip peĸatigîgfiata rigssaliliornerit tapersersortarpai. USA-me Canadamilo inugpagssuit atausiákât rigssaliliornigssamut ingmíkut aningaussauteĸarfingmut aningaussanik tapĩssuteĸartarput, aningaussauteĸarfíkutdlo tássûna amerdlanerussunik rigssaliliornigssamut taorsigagssarsisitsissarsínausimavoĸ. inuit avdlat rigssaliliornerit tapersersorumavdlugit nukitik pigínáussuseĸardluarfitigdlo atordlugit sulissarput, tamánalo iluagtitdlugo rigssalit ilarpagssue arfiníngornerup sapâtivdlo ingerdlanerínãne sananasuarneĸarsínaussarput. sanaortortitsinerit taimáitut tarnermíkut ilũngardlutik Jehovamutdlusôĸ sulíssutigalugit, inuit avdlat ajornarneragait nalunaiaissuisa nãmagsisínaussarpait. — Kulorsamiut 3:23.

14. atautsimêrssuartarfingnik atorfigssaĸartitsineĸ ĸanoĸ nãmagsineĸartarpa?

¹⁴ nunane ardlaligpagssuarne Jehovap nalunaiaissuisa ukiumut mardloriardlutik ilagêĸatigĩkûtârdlutik atautsimêrssuartarnerinut nalerĸútumik atautsimêrssuartarfigssaileĸineĸ angnerussumik ajornartorsiutaussarpoĸ. tamatumúngátaoĸ atatitdlugo atorfigssaĸartitaĸ matôrniardlugo nalunaiaissut nuánârdlutik sanaortortitsinermíkut suliaĸalerput, itsarssuaĸ Gûtip kivfaisa suliumássusiat maligdlugo sanassalerdlutik. sôrdlo ivdlernartûtip sananigssânut atortugssanik katerssuisitsineĸalermat, Israelíkut peĸatigîgdlutik Gûtip perĸússutâ maleruarpât: „[Jehovamut] tuníssutigssamik ilioragagssamik tigusigitse pivsínit; nalingínait ũmatimíkut kajumigtut aggiutdlisigik [Jehovamut] tuníssutigssat ilioragagssat.“ atorfigssaĸartíneĸartunit amerdlanerungârtut taimane pigssarsiarineĸarput, suliagssardlo inârasuarneĸarpoĸ. — 2 Môrsase 35:5-19; 36:7.

15. (a) Vagttårnip peĸatigîgfiata ingmíkôrtortaĸarfê sutigut agdlíssuteĸarpat? (b) suliagssat tamáko ĸanoĸ nãmagsineĸarpat?

¹⁵ bîbilit atuagkatdlo bîbililerssârutaussut amerdlanerussut atorfigssaĸartíneĸaleriartormata, Vagttårnip peĸatigîgfiata ingmíkôrtortaĸarfîsa 94-iussut ilarpagssue silarssuarme tamarme ítut igdlûtitik pigissatigdlo agdlisítariaĸarpait. naĸiteriveĸarfît Brooklynimĩtut Watchtower Farmsimĩtutdlo angnerpáuput, peĸatigîgfiuvdle ingmíkôrtortaĸarfîsa iláine 36-ne atuagagssiat naĸiterneĸartalersimáput, ingmíkôrtortaĸarfîsalo iláine arfinilingne ãmátaoĸ  atuagkanik naĸiterissarput ungalulîssardlutigdlo. táukua iláine Tysklandime, Italiame Japanimilo bîbilit naĸiterneĸartarput. naĸiteriveĸarfingme Seltersime Tysklandimĩtume pisínauneĸ tamákerdlugo sulissarput. Ebiname Japanimĩtume ĸatángutit naĸiteriveĸarfiup agdlíssutigssâ arfinilingnik ĸulerîlik angerdlarsimavfiuvdlo Betel-ip agdlíssutigssâ arfineĸ pingasunik ĸulerîlik suleĸatigssat 280-it inigssaĸarfigssât sanalersimavait. sôrdlo Jehovap ínugtai Salomonip nâlagfingmik sanaortortitsinera ’ũmatimíkut ilũngardlutik’ tapersordlugo tuníssuteĸarsimassut, uvdlumíkut nunane amerdlasûne Gûtip ínugtai ’kajumigdlutik Jehovamut túniússissarput’, táussumalo táuko pivdluarĸussarpai suliagssat inârneĸarnigssãnut. — 1 nalunaerssûtigdlit 22:14, 15; 29:7, 9.

16. suna pivdlugo sanaortortitsinerit ârĸigssũssineritdlo tamáko atorfigssaĸartíneĸarpat?

¹⁶ sanaortortitsinerit ârĸigssũssineritdlo tamáko tamarmik atorfigssaĸartíneĸardluarnerpat? âp, atorfigssaĸartíneĸarput ’inugsiaĸ ilumôrdlunilo silatôĸ’ „pivfigssaĸ erĸortoĸ nagdliútarângat“ anersãkut inũssutigssaĸartitsiuásagpat. inũssutigssat tamáko pissariaĸardluínarput ’Gûtip inoĸutai’ ineriartortuásagpata nunarssuarmilo tamarme oĸautsine 200-t patdligdlugit oĸalũssineĸ ingerdláinásagpat. (Matîuse 24:45, NW; Evfisumiut 2:19; 4:15, 16) Jehovap ínugtaisa ilaisa pigínáussuseĸardluarfitik ilíkagkatigdlo atortípait ássilîníkut naĸitigagssanik iliorĸainermik periautsip oĸauserpagssuarnik suliaringnigsínaussup elektronikíkut ingerdlatitap (MEPS-ip) ineriartortíneĸarneranut, tamánalo Vagttårnip peĸatigîgfiata ingmíkôrtortaĸarfîsa iláinut 26-nut túniúneĸarêrsimavoĸ. tamatuma ajornarungnaersísimavâ silarssuarme tamarme periauseĸ atausĩnaĸ atordlugo offset-itortumik naĸiterissarneĸ, suleĸatausimavdlunilo naĸitigkat Gûtip nâlagauvfianik tusardliússamik imagdlit silarssûp ilarpagssuine atautsíkut naĸitertíneĸartarnerat. — nalerĸiuguk Isaia 52:7-9.

17. ĸutdlersaĸarfingme Brooklynimĩtume suna atorfigssaĸartíneĸarpa, tamánalo ĸanoĸ suliarineĸarpa?

¹⁷ Jehovap peĸatigîgsortaisa uvdlumíkut agdliartornera sôrdlo unigfigssaĸángitsoĸ. peĸatigîgfiup ĸutdlersaĸarfiane Brooklynime, New Yorkime, suleĸataussut angerdlarsimavfiáne Betel-ime ilaĸutarît amerdliartuínarsimangmata inigssiat tamarmik inigineĸalerêrsimáput. Jehovap piumásagpago, igdlo inigssialik portusôrssuaĸ Betel-ime suleĸatigssat 1000-it angerdlarsimavfigssât peĸatigîgfiup nunautâne Columbia Heightsimĩtume ímaĸa sananeĸarumârpoĸ. tamánale pisínáungigpat, Jehovamut utarĸísaugut tamána pivdlugo sujulerssuinigssânik. agdlíssutigssiornerit tamáko tamaisa pivdlugit ĸatángutigît silarssuarme tamarme ítut ĸínússinere tapersersuineratdlo ĸujássutigineĸangârput. — nalerĸiúkit apustilit suliáinik agdlagkat 21:14; Tásalûníkamiunut agdlagkat áipait 3:1.

18. suna pivdlugo uvdlumíkut sanaortortitsinerit taima amerdlatigilersimápat, nauk Harmagedon taima ĸanigtigigaluartoĸ?

¹⁸ aperiumassoĸarsínauvordle: ’sôrme taima amerdlatigissunik agdlíssutigssiornermik sanaortortitagssaĸarpa Harmagedon taima ĸanigtigissoĸ?’ tássame, Harmagedonip ĸanigdlinerane Jehovap peĸatigîgsortai matuniángitdlat. Satanip peĸatigîgsortaisa kisimik tamána matuvfigssarât. Jehovap peĸatigîgsortai sujunigssame nâgssáungitsûssume atassugssanik piarêrsáiput. inuit igdluliait Harmagedonip silardlungnigssâne atásanersut atásángínersutdlũnît nalugaluardlugo, nalúngilarput Gûtip peĸatigîgsortai ingerdlavdluardlutik atáinásassut, nalunagulo Jehovap peĸatigît táuko peĸatigîgfingmigdlo ilumôrdlutik tapersersuissut atorumârai pâratîsime alutornangârtume nunamĩtugssame Gûtip neriorssûtigissâne erĸigsinigssaĸ torĸigsisimanigssardlo soraiuitsumik atassugssat atûtilersíkunigit. — sarĸúmersitat 7:9, 14-17; 21:1, 4, 5.

sujunertalingmik piarêrsaivugut

19. 1985-ime erĸainiaivdlune nagdliútorsiornermut najũtut amerdlássusiat sôĸ unangmigdlernertut issigisínauvarput?

¹⁹ Noa sujunertaĸardlune umiarssualiorpoĸ, uvagútaoĸ sujunertaĸardluta piarêrsaissariaĸarpugut. ukiume oĸalũssivfiussume 1985-ime nalunaerusiame nalunaerutigineĸartut ilât ingmíkut erĸarsautigssarsinarpoĸ. imáipoĸ: Jesusip toĸua erĸainiardlugo nagdliútorsiornerme aprilip 4-áne 1985-ime pisimassume inuit taima amerdlatigissut — 7.792.109-t — najûngmata — 1984-ime najũtunit 375.135-nik amerdlanerússuteĸardlutik. nuáneĸaoĸ! kisitsisitdle táuko unangmigdlernerúput. nâlagauvfingmik oĸalũssíssutigingningnermut peĸataussut ĸáumáme atautsime amerdlanerssauvdlutik 3.024.131-ungmata, 4.000.000-init amerdlanerungârtut ilagissarpãtigut, ĸaĸutigôrtumik akulikínerussumigdlũnît, kristumiut oĸalũssissarneránut peĸataulernermíkut sujunigssamut piarêrsaissariaĸalerdlutik. táuko ĸanoĸ ilivdluta ikiorsínauvavut?

20. unangmigdlerneĸ tamána iliûseĸarfigísavdlugo sôĸ nukingingnarpa, ĸanordlo pitsaunerpâmik tamána sulíssutigisínauvarput?

 ²⁰ soĸutigingnigtut táukua amerdlanerssait ilisarisimassarâvut, ilait erĸardlerâvut, ilait bîbilimik atuarĸigsâĸatigissarpavut, ilait atuagagssiautivtínik pissartagaĸartũput, avdlatdlo. imalũnît kingugdlermik erĸainiaivdlune nagdliútorsiornivtínîtdle soĸutigingnilersoĸarsimásaoĸ. mãnákut ingmíkut norĸainiardluta táuko anersãkut inũssutigssamik tunisínaunerpavut, bîbilimik atuarĸigsâĸatigissardlugit ineriartortíniardlugit, Jehovap ârĸigssũssinerane aniguivfigssarsiorsínaorĸuvdlugit ’navianartorsiornarnera ĸângiutserdlugo’? (Tussiaat 57:1) ’angnikitdliornartugssaĸ angisôĸ’ tássáusaoĸ Jehovap akiniaivdlune suliagssarssua, ulerssuarmît Noap uvdluine pisimassumit pingâruteĸarnerungârdlunilo inârutauneruvdlune. soĸutigingnigtut táuko ajoĸersûtit ilumôrtut inũssutaussut píssagtitsíssutigalugit ineriartortíkumavavut, ’Jehovap arĸanik tordlorfigingningnigssãnut’, pêrsitaorĸunagitdlo. (Matîuse 24:21, 22, 39; sarĸúmersitat 7:14; Sivfânia 2:3; 3:8, 9) Gûtip oĸausianik atuarĸigsâĸatigissariartigik, atuagaĸ atuarĸigsâĸatigĩssutaussoĸ Du kan opnå evigt liv i et paradis på jorden (kalâtdlisôrdlugo taigûteĸásagaluartoĸ: pâratîsime nuname nâgssáungitsumik inûsínauvutit) imalũnît atuagkat bîbililerssârutaussut ugpernermut nakússagtínartut avdlat atordlugit.

21. ugpernermik Noap ugperneratut ítumik uvavtíne avdlanilo ĸanoĸ ilivdluta ineriartortitsisínauvugut?

²¹ Jehova Gûte piarêrsaitdlarĸigsûvoĸ inuiangnigdlo tamanik pigssaĸartitsissûvoĸ angisôĸ. (Tussiaat 127:1; 145:16; akugdlîssup oĸausê 3:10-13) táunauvoĸ Noamik únerssũssissoĸ umiarssûp ĸanoĸ ilusilersugaunigssânik sananeĸarnigssânigdlo. Noamit angnerussup, Jesus Kristusip, piumavdlune suleĸatigingningnera iluagtitdlugo, ârĸigssũssinermigut inuit nâlagtut ajortimit toĸumitdlo aniguisitaunigssât isumagâ. erninilo avĸutigalugo ’umiarssuarmik’ uvdlumíkut atũtumik piarêrsaisimavoĸ, tássaungmat anersãkut pâratîse ineritdluartoĸ angutit arnatdlo ugperdluartut ánagfigisínaussât, soraiuitsumik inûnigssaĸ neriugissaralugo. (Matîuse 20:26-28; Juánase 3:16; 17:3) inugpagssuit avdlat ikioriartigik ugpernermik ineriartortitserĸuvdlugit tássûnalo Jehovamut erneranutdlo ĸanigtumik píssuseĸalerniarĸuvdlugit. ikioriartigik nâpertuivdluarnermik nuánarissaĸalerĸuvdlugit ajortumigdlo ûmigssuerĸuvdlugit. (Eprîarit 1:9) taimailioruvta uvagut, Noatut ugpíssuseĸardluta, sujunigssame nâgssáungitsûssume atassugssanik suleĸatigîgdluta piarêrsaiuarsínáusaugut. — 1 Timûtiuse 4:15, 16. (wD 1/1 86)

aperĸutit uterdlugit atuartariaĸartut:

□ Jesus ĸanoĸ ilivdlune sujunigssame atassugssaussunik piarêrsaiva?

□ 1985-ime pisimassunik nalunaerusiame sût malungnarnerutípigit?

□ suna píssutigalugo Gûtip peĸatigîgsortaine sanaortortitsinerit agdlineritdlo pissariaĸarpat?

□ ĸanoĸ ilivdluta tamavta sujunertaĸardluta piarêrsaisínauvugut?

[Atuaqqissaarnermi apeqqutit]

[Qupp. 14-mi ungalusaq]

Afrikame nunat ilãne Jehovap nalunaiaissuisa sulinerata inerterĸutigineĸarfigissâne oĸalũssissartut 95-iúput, tamarmik ĸáumatit tamaisa oĸalũssissartûssut. atautsimîtitsinerinut inuit avguaĸatigîgsitdlugit 130-t najũtarput, tamanutdle angmassumik oĸalugiarneĸarnernut 160-it najũtarput. ilait pingasut avdlamik atorfeĸaratik pioneriúput, ungasíngitsúkutdlo ilait arfineĸ pingasut ikiortauvdlutik pioneriúput. ĸáumatit arfinilĩnait ingerdlaneráne pilerdlât 21-t oĸalũssissartúngorput.