’uvdlune kingugdlerne’ Jehovap ajúngisârnera

„ĸaigitse, Jehovap ĸáĸânut majuarta.“ — Isaia 2:3, NW.

1, 2. (a) navianangârtoĸ suna mãna inuiangnik ârdlerinartorsiortitsiva? (b) silarssuarme sujulerssuissut ilaisa Harmagedon ĸanoĸ oĸauseĸautigissarpât?

’UVDLUT KINGUGDLÎT.’ suna píssutauvdlune oĸautsit táuko bîbilime sujuligtûtine atorneĸartarpat? tássa imáipa inuiait nunguvfigssât ĸagdlilersoĸ naggatâtigutdlo ajunârnerssuarme nunarssuarmut tamarmut nagdliúkumârtugssame nuna mána ûmássusigdlitdlo táussumanĩtut tamarmik piunêrúkumârtut? silarssuarme sujulerssuissut pisínaussugssaĸ tamána sujôragalugo oĸautigissarpât. ássersûtigalugo, 13. januar 1985-ime fjernsyníkut aperssorneĸarnermine Ruslandime nâlagauvfingnut avdlanut túngassutigut ministere Andrei Gromykop sovjetimiut mianerssorĸuvai „sualugtumik navianartup, sualugtumik ârdlerinartorsiortitsissup inuiangnut tamavingnut nagdliútôrsínaunigssânik“. oĸarĸigpoĸ: „sapíngisaĸ tamât atordlugo ârdlerinartorsiortitsissoĸ tamána pêrsíneĸartariaĸarpoĸ, Harmagedon inuit ukiune untritiligpagssuarne sujôragissât nagdliuterĸunago.“

² ãmátaoĸ USA-p præsidentiata Ronald Reaganip Harmagedon ardlaleriardlugo erĸartortarpâ. 30. oktober 1983-ime avîsime New Yorkime sarĸúmersartume Daily News-ime oĸauserisimassai uko íssuarneĸarput: „pruvfîtit itsarssuaĸ inûsimassut tastamantitorĸame  erĸartorneĸartut Harmagedonivdlo nagdliúnigssânut nalunaerĸutit uterfigãka, erĸarsautigilerdlugulo kinguârît uvagut tássaunersugut tamákunínga tamanik angumeringnigtugssat.“ taima ungasigtigíngitsumik, 8. februar 1985-ime, The Wall Street Journal-ime agdlagsimavoĸ: „præsidente Reagan oĸarpoĸ Harmagedon erĸarsautigissarine erĸartortardlugulo, . . . pilerssârusiornagule.“

3. (a) Harmagedon sunarpiauva? (b) ’uvdlut kingugdlît’ súpat?

³ ilumut, silarssuarme sujulerssuissut Harmagedon erĸartortarpât. oĸautsivdle bîbilimêrsup tamatuma ĸanoĸ isumaĸarnera pâsinerpât? pâsíngínguatsiarpât, Harmagedonime ajunârnerssuáusángilaĸ inuit nagdliutitagssât. tássáusaordle Gûtip sorssungnigssâ ĸilangme nunamilo piumârtoĸ, tássûnákutdlo kúngeĸatine, Jesus Kristus, ilagalugo inuiaĸatigîngnut ajortunut inungnutdlo ajortunut erĸartũssutine nãmagsiartorumârpâ. ’uvdlut kingugdlît’ Harmagedonip nagdliúnigssâ sákortuserugtorfigísavât. (Dâniale 10:14; sarĸúmersitat 16:14, 16) oĸautsit ’uvdlut kingugdlît’ ĸanoĸ pâsissariaĸarpat? nugtigkane avdlane nugterneĸartarput: „uvdlut nâlernigssât,“ ãma „uvdlut kingugdligssat“. (Buhl, Young) eprîarit oĸausê taimatut nugterneĸartut tássáuput ’acharithʹ hajjamimʹ. Theological Dictionary of the Old Testament, ugperissamut ilisimatusautit nâpertordlugit tastamantitorĸamik ĸinerdlerfigssiaĸ, maligdlugo oĸautsit táuko isumaĸartarput „uvdlut naggatigssât“, sujunigssamile piumârtugssat nalingínaussut pineĸartángitdlat, kisiánile „inuiait oĸalugtuarissauneráne pisimassut sákortuserugtorfigssât, tássa inernigssât“ pineĸartarpoĸ.

4. „uvdlut naggatigssât“ ĸanoĸ sákortuserugtorfigssamingnut ingerdlásápat, sunalo inernerísavât?

⁴ ukiut 70-it migssiliordlugit inuiait „píssutsit ârĸigssũssaunerata nâlerfia“ (NW) inûvfigât, sôrdlo Jesusip sujuligtûtigigâ Matîuse 24:3-míngãnît 25:46 ilángutdlugo. ukiut táuko, 1914-ime autdlarnersut, tássáuput „uvdlut naggatigssât“, ukiunilo tamákunane pisimassut ingerdlajuarput sákortuserugtorfigssamik tungânut. sákortuserugtorfigísavât ’angnikitdliornartugssaĸ angisôĸ’ Satanip peĸatigîgsortaisa ajortut tamarmik sûjungnaersíneĸarfigssât. (Matîuse 24:21, 22; sarĸúmersitat 7:14) tamatuma kingunerísavâ nuáningârtoĸ Jehovap arĸata ivdlernartup tusagaunerdlugkaluartup akitsisíneĸarnigssâ. — Hisĩkiale 38:16, 23.

Jehovap ajúngitsûtâ

5. oĸautsit ĸĩmagsautaussut sût Húsia 3:5-ime agdlagsimápat?

⁵ Jehova Gûtiuvoĸ kajumigsârissartoĸ. tamagingne oĸausîne ĸĩmagsautauvdluartunik kajumigsârutaussunigdlo nâpitagssaĸarpoĸ. sôrdlo oĸauseĸaut Húsia 3:5-ime agdlagsimassoĸ: „kingorna Israîlip kinguai sâgkumârput [Jehova] Gûtertik ujardlugo, Dâvilo kúngertik; uvdlugssane kingugdlerne ûligdlutik aggerumârput [Jehovamut] ajúngitsûtânutdlo.“

6. anersãkut Israelíkut kristumiûneraĸatigîngne ingmíkôrniaĸatigîngnit sût avdláussutigait?

⁶ ukiume 537-me u.n.a.s. Israelíkut sivnerútortait Babylonime autdlarússaorĸanermît angerdlamut autdlarput Jehovamik patdlorfigingningneĸ Jerusalemime pilerserĸigkiartorumavdlugo. ukiune kingugdlerne tamatumúnga ássingussumik pisimassoĸarpoĸ. 1919-ime anersãkut Israelíkut sivnerútortait tanitaussut Satanip peĸatigîgfianut inugsiaujungnaersíneĸarput ilungersordlutigdlo ’Jehova Gûtertik ujalerdlugo’. kristumiûneraĸatigîngne ingmíkôrniaĸatigîngnit tunússisimassunit avdlauvdluínássusiat! táukua ilaisalũnît Jehova ’Gûtimigtut’ akueriumángilât. Jehova ujarumanago, arĸalũnît atorumángivigpât.

7. Jehovap ínugtaisa táussuma arĸa ĸanoĸ ilivdlutik atarĸivât?

⁷ ’uvdlut kingugdlît’ autdlartilerneráne, The Watch Tower 1. januar 1926-me sarĸúmersoĸ ilángutagssiaĸarpoĸ akerĸusârutaussumik ĸuleĸutalingmik: „kia Jehova atarĸiumavâ?“ anersãkut Israelíkut sivnerútut katerssugaorĸigsimassut kãmagtût tamána ilumôrdlutik iliûseĸarfigât, tauvalo 1931-me taigût ’Jehovap nalunaiaissue’ nuánârutigalugo ilagsivât. (Isaia 43:10, 12, NW) uvdloĸ mána tikitdlugo Jehovap  nalunaiaissuisa inuiait táussuma arĸanik uparuartũniartarpait. ássersûtitut taineĸarsínauvoĸ 1984-ime atuagâraĸ takujuminartoĸ ĸalipautigigsârtoĸ Guds navn der vil bestå for evigt (Gûtip arĸa nâgssáungitsumik atassugssaussoĸ) oĸauserpagssuarne milliûniligpagssuángortitdlugo naĸitertísimangmássuk.

8, 9. (a) oĸautsit ’David kúngertik ujarât’ ĸanoĸ pâsissariaĸarpat? (b) kúnge ĸanga ãmalo sume ivertíneĸarpa? (c) Jehovap ínugtaisa tamána ĸanoĸ pâsissaĸarfigilerpât?

⁸ kisiánile Hoseasip sujuligtûtigãtaoĸ anersãkut ĸitornaussut táuko ’sâgkumârtut David kúngertik ujardlugo’. Davidíkut kúngit nâlagáussusiánik kingornússissartut 607-ime u.n.a.s. nâlagáussusêrúneĸarneránîtdle uviníkut Israelíkut kúngeĸalerĸigsimángitdlat. ukiume tássane ukiut 2520-t Gûtimit nâlagkersorneĸángitsumik nâlagauvfeĸarfiussut — tássa „inuiaĸatigît uvdlugssait aulajangersimassut“, imalũnît Gûtimik nalussut uvdlugssait — autdlartíput. (Lúkarse 21:24, NW; Dâniale 4:16) 1914-imile, ’uvdlut kingugdlît’ autdlartilerneráne, Gûtip Davidimit angnerussoĸ — Jesus ĸristus — Zionime, tássa ’Jerusalemime ĸilangmĩtume’, kúngíngortípâ. — Eprîarit 12:22; Tussiaat 2:6.

⁹ Jehovap ínugtaisa nunamĩtut tamáko tamaisa taimaníkut pâsíngilait. kisiáne ’Davidimik kúngimingnik ujardlernerat’ kinguneĸardlualerpoĸ ilángutagssiaĸ „inuiaĸatigît nutât píngornerat“ The Watch Tower-ime 1. marts 1925-me sarĸúmermat. sarĸúmersitane kapitale 12-ime agdlagsimassut ugpernarsautigalugit ĸularutigssángitsumik navsuiarneĸarpoĸ Jehovap Messiasíkut nâlagauvfia 1914-ime ĸilangme erniarineĸarsimassoĸ mãnákutdlo Kristus ’akerĸame akornáne nâlagaulersimassoĸ’. — tugsiaut 110:1, 2, NW; 2:1-6.

10. (a) kíkut ’ûligdlutik Jehovamut aggerpat’, ĸanordlo ilivdlutik? (b) suna pivdlugo ’Jehovamik mianeringningneĸ’ uvdlumíkut taima pingârtigâ?

¹⁰ tanitaussut sivnerútut, tássame Jehovamut túniutdluínartut tamarmik, sujornatigut ajortuliarisimassatik ilisimavdluínarpait. manigûtdlutik ’ûligdlutik Jehovamut aggerput’, ĸínuvigalugo ajortuliarisimassamingnik isumákêrfigerĸuvdlutik. mãnalo ’uvdlut kingugdlît’ sákortuserugtorfigssât ĸagdlingmat Jehovamik asangnigtut sule mianerssornerúsáput Gûtimut ajortulioĸinagamik inatsisailo nâpertuivdluartut uniorĸuteĸinagamíkik. ’ûligdluta Jehovamut aggertuartariaĸarpugut,’ timerput tigdlûssartiterdlugo perssugtardlugo, Gûtip píssutsinik ârĸigssũssinigssânut nutâmut isersínáusaguvta. (1 Korintumiut 9:27) isumaliutigissáinásavarput „[Jehova] mianeralugu tassa ilisimanermut aallarniutaasoq“. — Tussiaat 111:10.

11. (a) Jehova sutigut ajúngitsûva? (b) suna píssutigalugo ’Jehovap ajúngitsûtânut ûligdluta agger’sariaĸarpugut?

¹¹ ĸanordle ilivdluta ûligdluta „ajúngitsûtânut“ aggersínauvugut? Jehova ajúngitdluínartûvoĸ. ilerĸugssatigut tamatigut pitsauvdluínartûvoĸ. pissariaĸartitavtínik tamanik pigssaĸartitsinermine nãmagdluínartûvoĸ. taimáitumik Daviditut isumavdluardluta oĸarsínauvugut: „[Jehova] paarsisigaara, sumik ajorsaateqanngilanga. . . . Tassami ajunngissutsip unneqqarissutsillu malittarissavaannga inuunera tamaat.“ (Tussiaat 23:1-6) mãna ’uvdlutdlo kingudlît’ nânigssâta tungânut ’ûligdluta Jehovap ajúngitsûtânut aggertuartariaĸarpugut’, ernerata, Jesusip, pigdliutâ erdlingnartoĸ ajortaerússutigigavtigo ajortuliavta matôrneĸarnigssât ĸularinago. (1 Juánase 2:1, 2) ĸujamasugdluta nalunaerpugut: „[Jehova] . . . ila angingaarmat avaaginnissutsit, ilinnik mianerinnittunut toqqortat.“ — Tussiaat 31:18, 20.

12. (a) ĸanoĸ ilivdluta Jehova avâgingníssusiagut malingniarsínauvarput? (b) taimailiornigssarput sôĸ pissariaĸardluínarpa?

¹² Satanip silarssuâ ajússutsip marugdlugtânut ápariartuínartitdlugo, uvagut Jehova ajúngíssusiagut malingniartigo inoĸativut nâlagauvfingmik tusagagssamik nuánersumik tusardlertardlugit inûnivtínilo Gûtip píssusê malingniardlugit píssuseĸarniardluta. anersâp inerititainik ilungersordluta ineriartortitsiniarta, ãmátaoĸ ajúngíssuseĸ ineriartortíniardlugo,  tamatigut — ilaĸutarîgdluta inûnivtigut, ilagîgdluta inûnivtigut, silamiunutdlo atássuteĸarnivtigut — malungnartíniardlugit. (Galâsiamiut 5:22, 23; Tussiaat 119:65-68) taimailiornerput pissariaĸardluínarpoĸ ’uvdlut kingudlît’ naggatigssãne aniguísaguvta.

atâtaunerpâp sujúnersûtâ

13. (a) Jakobip toĸulernermine sujuligtûtâ erĸarsautigísavdlugo uvdlumíkut kíkut iluaĸutigisínauvât? (b) sujuligtût tamána únersũssutinik sunik imaĸarpa?

¹³ ukiut 3700-t matuma sujornagut atâtaunerpâĸ Jakob (Israelimik taigorneĸartoĸ) toĸulernermine sujuligtuivoĸ. ernine arĸaneĸ mardlûssut, Israelíkut nagguveĸatigîgsortaisa ítue, sâgfigalugit oĸarpoĸ: „atautsimut ĸaigitse, nalunaerfigísavavse ilivsínut nagdliúkumârtugssanik uvdlugssane kingugdlerne.“ taussuma oĸausê uvdlumíkut anersãkut Israelíkúnut sivnerútunut, táukunûnatigutdlo ilagissáinut ’savanut avdlanut’, atortũput. táuko pitdlagagssángornatik Jehovap ilerĸugssatigut najorĸutagssiai sumigínarsínáungilait, sôrdlo Rubenip sumigínarai, ãmalo Simeonitut Levitutdlo perĸarnîtsorssuartut píssuseĸásángitdlat. kisiánile píssutsit sôrdlo ĸunujuíssuseĸ, Jehovamik tunâringningneĸ, inerititaĸardluarnerdlo, Israelip ernerisa avdlat píssuserissait, ineriartortítariaĸarpait. — 1 Môrsase 49:1, 3-7, 9, 18, 22; Juánase 10:16; nalerĸiúkit Pîtrusip agdlagaisa áipait 1:8-11. *

14. „uvdlut naggatigssât“ pivdlugit sujuligtûtit ingmingnut ássingussut sût ingangmik ’savanut avdlanut’ únersũssuteĸarpat?

¹⁴ kisiáne ’savat avdlat’ ’uvdlut naggatigssãne’ amiákûvdlutik inûnigssamingnik neriugissaĸartut ĸanoĸ iliortariaĸarnigssamingnik ingmíkut únersũneĸarput. únersũssutit tamáko ersserĸigsarniardlugitdlusôĸ bîbilime sujuligtûtine mardlungne ingmingnut ássingussune agdlagsimáput, tássa Isaia 2:2-5-ime ãmalo Migga 4:1-5-ime.

Gûtip igdluanut aggiassut

15. (a) Isaia 2:2 ĸanoĸ erĸũsimava? (b) inuit ĸanilârtut avdláussut suna mãna takulersimavât, takulerêramíkulo ĸanoĸ iliortardlutik?

¹⁵ Isaia 2:2-me (NW) agdlagsimavoĸ: „piumârpoĸ uvdlugssane kingugdlerne tauva Jehovap igdluata ĸáĸâ aulajangersitáusaoĸ ĸáĸasingnerssauvdlune, ĸáĸánguanit ĸutsingneruvdlune, inuiaĸatigîtdlo tamarmik tássunga aggiajumârput.“ 1935-míngãnît, ukiut 50-it sivnerdlugit, „inuiaĸatigît tamarmik kajungernarissait“ táuko Jehovap igdluanut gûtisiorfiussunut aggiajuarput ’igdlo tamána tamákerdlugo alutornarsisitdlugo’. ’uvdlut kingugdlît’ sákortuserugtorfigssât ĸagdliartormat ’aggiassut’ amerdliartuínarput. Jehovamik minguitsumik patdlorfigingningnerup ĸáĸâ ássersûtaussoĸ malungnarsiartuínarpoĸ, inuit ĸanilârtut takungnigsínaorĸuvdlugit „ĸáĸánguanit“ ’ĸáĸanitdlo’ ingmíkôrniaĸatitîngnut Satanip silarssuâne aulajangersumik pissauseĸángitsûssume ítunut ássersûtaussunit avdlauvdluínássusianik. erĸúngitsumik ugperissarsiornermit ’aniáput’ amerdliartuínardlutigdlo ĸáĸamut Jehovamik gûtisiorfiussumut ĸimârravdlutik. — Haggai 2:7, NW; sarĸúmersitat 18:2, 4, 5; Tussiaat 37:10, 11.

16. (a) inuit ĸanilârtut ĸaerĸússut suna mãna iliûseĸarfigilerpât? (b) „tuaviûtigiumâr“dlugo neriorssûtine Jehovap ĸanoĸ erĸûtíkiartorpâ?

¹⁶ inuit ĸanilârtut táukua kajumigsârut Isaia 2:3-me (NW) agdlagsimassoĸ nâlagpât: „’ĸaigitse, Jehovap ĸáĸânut majuarta, Jakobip Gûtiata igdluanut; avĸutigerĸussaminik ajoĸersorumârpâtigut, avĸusernisigutdlo ingerdlásaugut.’ inatsisit Zionimit aniumârmata, Jehovavdlo oĸausia Jerusalemimit.“ Jehovap neriorssûtine „tuaviûtigiumârpara nagdliuvfigssâgut“ erĸûtilerêrsimavâ. (Isaia 60:22) „amerdlangârtut“ amerdliartuínartut inuiaĸatigîngnit tamanêrsut Jehovamik gûtisiornermut aggiajuarput. táukua ilait 1982-ime 138.540-t kuisíput; 1983-ime 161.896-it; 1984-imilo 179.421-t. ’uvdlut kingugdlît’ naggatigssãne ánagkusugput. — sarĸúmersitat 7:9, 14.

17. (a) nalunaiaissordlât Jehovap ajúngisârnera pingârtíkigtik ĸanoĸ erssersitsisínáupat? (b) inássutit imailiorĸússutaussut sût tamavta maleruartariaĸarpavut?

¹⁷ nalunaiaissordlât táukua sagdlusuíssutip ĸaumassortânut ingerdlangmatik Jehovap ajúngisârnera ĸujássutigât, kigsautigingârdlugulo inuit avdlat taimatut ajúngisârfigiumavdlugit. Jehovap oĸautsimigut peĸatigîgsortamigutdlo ajoĸersuinera ĸujássutigât. Mosesip inatsisai inerterĸuterpagssuarnik — ’imailiorĸúngíssutinik’ — ilaĸarput, Israelíkutdlo tamáko nâlagdlutik maleruartariaĸarpait. (takúkit Môrsasip agdlagaisa áipait 20:3-17) kristumiunutdle  inássutit pingârnerussut mardlûssut Jesusip oĸautigissai ’imailiorĸússutáuput’, perĸuneĸaravta ’Jehova Gûterput asarĸuvdlugo ũmativtigut ilũngardluta tarnivtigutdlo ilũngardluta isumavtigutdlo ilũngardluta nukivutdlo tamákerdlugit, tugdlerputdlo ingmivtitut asarĸuvdlugo’. (Mákorse 12:29-31) Jehovap nalunaiaissuisa ârĸiagîgdlutik „inatsisit“ Gûtip ’Jerusalemimit ĸilangmĩtumit’ autdlarartitai maleruartarpait, najorĸutagssartait túngaviussut nâpertuivdluartut maleruardlugit.

18. (a) maligtarissagssat ĸanoĸ ítut maleruartariaĸarpavut? (b) maligtarissagssanik perĸingnartunik maleruaineĸ ĸanoĸ iluaĸutigisínauvarput?

¹⁸ tássale imáingilaĸ Jehovap ínugtai maligtarissagssanik sunigdlũnît maleruaissariaĸángitsut. apustile Paulusip erĸaisípâtigut: „tamatigut igpingnángitsumik nalingínángitsumigdlo [torersumigdlo, NW] ilioritse.“ (1 Korintumiut 14:40) rigssaline maligtarissagssat pissariaĸarsínáuput, elektricitetip sipârniarnigssânut imalũnît atautsimêrêrnerne mêrĸat Gûtip igdluanik patdlorfigingnigfiussumik pínguartarfíngortitsiniarnerat pitsailísavdlugo. ilaĸutarît ítue najorĸutagssanik aulajangîssariaĸartarput, sôrdlo uvdlut tamaisa ilaĸutarît agdlagsimavfingmik uvdlormut erĸarsautigissagssaussumik atuaĸatigîgtarnigssât ârĸigssordlugo. Betel-ime ilaĸutarîngnut maligtarissagssaĸartarpoĸ, sôrdlo ilaĸutarîngnut ilaussortaussut piumavfigalugit pîtaiuitsumik atissaĸarnermíkut issíkoĸarnermíkutdlo tusagagssamik nuánersumik alianarsainigssãnik. (1 Timûtiuse 2:9) „magpersagkat“ Jesusip nâlagkersuinigssâne ukiunik tûsintinik sivisússusilingme magperneĸartugssat ĸularnángitsumik maligtarissagssanik imaĸásáput inuiait iluaĸutigssãnik. maligtarissagssat perĸingnartut ârĸigssũssaunerup atatíneĸarnigssâ sujunertaralugo inungnigdlo avdlanik ínimigingningnermit aulajangigaussut maleruarniardlugit mãnákut sungiusarsimaniardlune iluaĸutauvoĸ. — sarĸúmersitat 20:12; 1 Korintumiut 10:24; Filípimiut 2:3, 4.

silarssuarme nakûserneĸangârfiussume

19, 20. (a) Jehovap ínugtaisa tamatigut najorĸutaussoĸ Migga 4:3-me agdlagsimassoĸ ĸanoĸ iliûseĸarfigât? (b) ’uvdlune kingugdlerne’ mákunane taimailiornertik ĸanoĸ iluaĸutigât?

¹⁹ uvdlumíkut píssutsit ajorsiartuínarmata, uvdlugssat ĸagdlinasuarput „nungutdlutik áiparmik agssait tigúsagait agssangmingnigdlo silugfigeĸatigîgsardlutik“. (Saggaria 14:13) silarssuarmiut inatsisaitsuliornere perssugtaissarnerilo sualugsiartuínarmata, Jehovap ínugtai ĸanoĸ iliorpat? Migga 4:3-me agdlagsimassoĸ nâpertordlugo iliûseĸarput, tássane agdlagsimangmat: „panatik káukumârpait ivssumut sîtsisíngordlugit ĸalugiussatigdlo ivigkanut kivdlûtigssángordlugit.“ Jehovap nalunaiaissuisa perssugtaissarnerit ĸanoĸ íkaluartutdlũnît atorumángilait. „sorssungnermigdlo ilíniásángitdlat kingorna.“ ĸularnángitsumik „uvdlugssane kingugdlerne“ taimailiornertik iluaĸutigiuásagât, sôrdlo mána tikitdlugo iluaĸutigissarât.

²⁰ Vagttårnet-ime 15. oktober 1983-ime sarĸúmersume navsuiarneĸarmat autdlaisinik pigingningneĸ kristumiunut tugdluángitsoĸ, Jehovap nalunaiaissuisa Ny Caledoniamĩtut autdlaisitik pigiumajungnaerpait. tamatuma kingunínguagut igdloĸarfingme aulajangersimassume politikilereĸatigît ingmíkut igdlut tamaisa ujâssivfigait, igdlutdlo autdlaisinik navssaivfigineĸartut  tamaisa nungutdlugit ikuatdlagtitdlugit. igdlunigdle Jehovap nalunaiaissuisa pigissáinik ikuatdlagtitaĸángilaĸ. akerdlerîgsut ardlãnutdlũnît ilángúnavêrsârnine ilisimaneĸartísimavdlugo amerdlasûtigut igdlersûtauvdluartarpoĸ, sôrdlo pâsineĸartarsimassoĸ Irlandime avangnardlerme, Libanonime, Zimbabweme nunanilo avdlane.

21. (a) pivdluardluínarusugkuvta ĸaerĸússut suna iliûseĸarfiginiásavarput, ĸanordlo iliordluta aulajangísavdluta? (b) ĸanoĸ ilioruvta aitsât Jehovap ajúngisârnera misigiumârparput?

²¹ ila pivdluássusigssarput ĸaerĸússut Isaia 2:5-ime (NW) agdlagsimassoĸ iliûseĸarfigiguvtigo: „ĸâigitse, . . . Jehovap ĸaumássusiane saĸisa“! ãmátaoĸ pruvfîtip Mikap oĸautigissânik aulajaitsumik aulajangersimassugut tamavta pivdluásaugut, táuname torĸigsisimaneĸ erĸigsinerdlo pâratîsimitut ítut Gûtip nangmineĸ ínugtaisa akornáne atũtut agdlautigerêrdlugit oĸarĸigpoĸ: „inuiaĸatigît tamarmik ingerdlajumârput nungutdlutik gûtimik arĸa tunâralugo; uvagutdle ingerdlajumârpugut Jehovap Gûtivta arĸa tunâralugo soraiuitdluta, nâgssáungitsumik agdlât.“ (Migga 4:5, NW) ĸularutigssáungitsumik ilumôrtumik gûtisiorníkut erĸigsisimassumik atausiússuseĸartuartugut tamavta Jehovap ajúngisârnera misigiumârparput, „uvdlugssane kingugdlerne“ ánagtíneĸardluta. (wD 1/7 85)

[Quppernerup ataani ilanngussaq]

aperĸutit uterĸitagssat

□ ’uvdlut kingugdlît’ ĸanoĸ isumaĸartípigit?

□ ĸanoĸ ilivdluta ’ûligdluta Jehovamut ajúngitsûtânutdlo aggersínauvugut’?

□ Isaia 2:2-5 ãmalo Migga 4:1-5 nâpertordlugit ĸanoĸ isumavdluarnartumik iliûseĸarsínauvugut?

[Atuaqqissaarnermi apeqqutit]

[Qupp. 12-mi assiliartaq]

Hoseasip kajumigsârpâtigut Jehova ajúngíssusiagut malingniarĸuvdlugo

[Qupp. 14-mi assiliartaq]

Esajasip ĸaerĸuvâtigut ’Jehovap ĸaumássusiane saĸerĸuvdluta’