inuit tamarmik naligîgput — ĸanoĸ?

ANGUTIT ARNATDLO inuiaĸatigîngnit tamanêrsut isúmamíkut ĸanoĸ-iliorníkutdlo ingmingnut naligîgsutut issigisínaunigssât ajornángila? ârĸigssũssauneĸ silarssuarme mãnákut atũtoĸ nautsorssûtigísaguvtigo tamána ajornartutut oĸautigissariaĸásaoĸ. ajornángínerale ĸularinago isumavdluarsínauvugut. suna ugpernarsautigisínauvarput? milliûnilingnik kristumioĸarpoĸ tamatuma ajornángíneranik takutitsisimassunik.

nalunángilaĸ piviussumik kristumiússuseĸ naligîgsitaunermut atatíneĸartûssoĸ. ássersûtigalugo, apustile Paulus agdlagsimavoĸ: „nâme Jûtitdlo Grîkeritdlo, nâme inugsiatdlo inugsiáungitsutdlo, nâme angutitdlo arnatdlo, tamavse atausiugavse Kristuse Jîsusime.“ (Galâsiamiut 3:28) tássáináupatdle erĸarsautáinarssorpatdlârtup oĸausê? kristumiut sujugdlît silarssuarme naligĩngisitsineĸangârfiussume inûssut oĸautsit táuko inûnermingne timitalersínausimavait?

kristumiut sujugdlît ĸatángutigĩssutsimik Jesus Kristusip ajoĸersûtigissânik ineriartortitsiniarnermingne ukiune táukûssune inôĸatimingnut súniuteĸangârnerat agdlautigineĸartaĸaoĸ. atuagkiamine The Early Christians After the Death of the Apostles-ime (kristumiut sujugdlît apustilit toĸorêrnerata kingornagut) Eberhard Arnold agdlagpoĸ:

„kristimiut ingmingnut naligîgsutut nautsorssũnerat, ĸatángutigîgsutut táunaussumik erĸartũneĸarumârtutut táunaussumutdlo ĸaerĸussaussutut ingmingnut issiginerata, nagsatarâ tamatigut naligîgdlutigdlo peĸatigĩssuteĸartarnerat. naligîgsutut ingmingnut atarĸeĸatigîngnerata nagsatarâ tamarmik ássigîgsunik pisínautitauvfeĸarnerat, tamarmik ássigîgsumik sulissugssaunerat, tamarmigdlo inûnerme ássigîgsunik periarfigssaĸarnerat. . . . kristumiut taimane inûssut ingmingnut atarĸeĸatigîngnerata nagsatarâ ínugtaoĸatigîngnermíkut peĸatigîgdluássuseĸ asangningnermik túngaveĸartoĸ, una túngavigalugo tamarmik naligîgdlutik inúngorsimanerat.“

atausiússutsimik Gûtip pilersitânik nalunaiautip ajúngingârssusia!

timime atausiússuseĸartume naligîngneĸ

kristumiut sujugdlît ilagîgsáine inuit atausiákât ássigĩngitsunik inúngûtsimingnit pigínáussuseĸarput sapíngisaĸardlutigdlo. ilait nipilerssornermut píkorigsûsimásáput, ilaitdlo inoĸatimingnit pitsaunerussumik erĸaimasínáussuseĸarput ilaitdlo nukeĸarneruvdlutik. tamákunûnatigut ássigĩngíssuseĸarnerata saniatigut, anersâp iluartup tuníssutinik pigínáussutsinigdlo ássigĩngitsunik tunissarpai, anersâvdle tuníssutai ingmingnut tapertarîgput. taimaingmat Paulus ima agdlagsínauvoĸ: „sôrdlume time atausiussoĸ amerdlasûnigdlo avateĸardlune, timivdlo avatai tamarmik amerdlagaluardlutik timiussut atauseĸ, taimáitaoĸ Kristuse ípoĸ. tamavtame anersãkut atausiussúkut kuisimavugut timíngordluta atauseĸ, Jûtiussugutdlũnît Grîkeriussugutdlũnît, kivfaussugutdlũnît kivfáungitsugutdlũnît.“ (1 Korintumiut 12:11-13) tamarmik oĸalũssissartũput, kisiánile ’inuit tuníssutaussut’, sôrdlo ilagîngnik pârssissunik sujuligtûtitigut taineĸartut, ássigĩngitsorujugssũput. — Evfisumiut 4:8, NW; tugsiaut 68:18, NW; kalâtdlisũngortitame verse 19).

nákutigdlîssut anersãkut inersimavdluartũput, grîkerisôrdlugo taineĸardlutik epi’skopoi. oĸalût tamatumúnga ássingussoĸ episkope’o (nákutigdlîvoĸ) pivdlugo W. E. Vine ima agdlagpoĸ: „oĸauseĸ táuna isumaĸartíneĸásángilaĸ akissugssautítoĸ, kisiáne akissugssáussutsine erĸortíkâ. imáingilaĸ atorfinigtitaussoĸ, kisiáne pissugssáussutsiminik nãmagsingnigtoĸ.“ nákutigdlîssut ivertitaussut táuko suleĸateĸarput diako’noi-mik taineĸartunik, oĸauserdlo grîkerisôĸ táuna nugterneĸartarpoĸ ’kivfartortut’, ’ilagîngnut kivfartortut’ imalũnît ’diakonit’, tássa utorĸaunertanut ikiortaussut. W. E. Vine oĸarpoĸ oĸauseĸ táuna isumaĸartíneĸarnerúsassoĸ „kivfartortoĸ, atorfinigtitauvdlune pingãngínerussunik  suliaĸaraluartoĸ imalũnît akigssarsiaĸarane ikiortauvdlune sulissaraluartoĸ, suliagssap ĸanoĸ ítûnigssâ tainago“. kivfartûtigdlit táukua tamarmik sût kivfartûtigissait pingârnerpáuput. atorfilik nangmineĸ pingârtíneĸarneĸ ajorpoĸ, Gûtimingme patdlorfigingnigtutut tamarmik naligîgput, Gûtivdlo tamaisa kivfarai.

Jesusip nauk angutit 12-it ĸinerai apustilíngortitdlugit, ãmátaoĸ arnat nuánârutigalugo Jesus ilagissarpât. eĸiasuíput, ingmíkutdlo taineĸarput Maria Magdalenep, Johannap Susannavdlo Jesus kivfartorfigissarât. ukiume 33-me pînsip uvdluane arnátaoĸ anersâp iluartup tuníssutainik tunineĸarput. tamána píssutigalugo oĸautsinik avdlanertanik inuit tutsãne oĸalugsínãngorput kristumiututdlo ugperissamik ilumôrtortai nalunaiautigisínauvdlugit. kisiánile ĸatángutit arnat kristumiûssut ilagîngne sujulerssuivdlutik ajoĸersuineĸ ajorput, áipâtigutdle ĸatángutit angutit peĸatigalugit Gûtip oĸausianik tamanut oĸalũssíssutigingneĸatauvdlutik. — Lúkarse 8:1-3; apustilit suliait 1:14; 2:17, 18; 18:26.

ãmátaoĸ inuínartut ilerĸutik erĸarsautigalugit kristumiut ikioĸatigîngnermíkut maligagssaussumik najorĸutagssiorput. ássersûtigisigo, Jerusalemimut tikerât ukiume 33-me pînsip nalâne apustilit tupingnartuliorníkut suliait ilisarileramíkik, tikerârfigssarigaluartik ĸângerpât nerissagssaerutdlutigdlo akigssaerutdlutik. bîbilimile ima oĸalugtuarineĸarpoĸ: „ajorssartumigdlume ilaĸángitdlat, nunautinigdlũnît igdlunigdlũnît pigissaĸartortaisa tamáko tunissarmatigik, tunissamigdlo akê aggiútarpait,“ apustilit sujulerssuineratigut tunioráuneĸarĸuvdlugit. kristumiut sujugdlît táuko nersornangârtumik anersâĸarnertik erssersípât, nalunarungnaersitdlugo asangningnermik naligîngnermigdlo suliatigut atorneĸarsínaunigssât! oĸautigineĸarsínáuput „sût tamaisa pigeĸatigîg“kait. — apustilit suliait 4:32, 34, 35.

uvdlumíkut naligîngneĸ suliatigut atorneĸartoĸ

uvdlumíkut silarssuarme ínugtaoĸatigît ârĸigssũssaunere píssutigalugit, ãmátaoĸ silarssuarme avigsârtitersimaneĸ píssutigalugo, kristumiut sujugdlît maligagssiãnik malingningniarneĸ ajornaitsũngilaĸ. tamatigutdle Jehovap nalunaiaissuisa tamána anguniarpât. taimailiorniarnermingne angingâtsiartumik angussaĸarsimanerat nalunángilaĸ. Encyclopedia Canadiana-me agdlagsimavoĸ:

„Jehovap nalunaiaissuisa suliagssarât kristumiorĸât píssusînik Jesusip apustilîsalo ukiunik nautsorssuissarnivta autdlartínerata kingornagut ukiut untritigdlit sujugdlerne áipáinilo atortagãnik pilersitserĸingniarnigssaĸ atulersitserĸingniarnigssardlo. . . . tamarmik ĸatángutigîgput.“

kristumiut ĸatángutigîgsutut peĸatigîgsortait ukiut 1900-t matuma sujornagut ilerĸumigtut itdlutik uvdlumíkútaoĸ uvdlune atugardliorfiussune suliatigut ikiũtarput. 1980-ime novemberime Italiap ilai nunap sajungnerssuatigut erĸugaungmata, uvdlup táussuma únuane bîlit agssartûtit atortugssanik usilersugkat nalunaiaissut piarêrsagaisa sujugdlersât naláuneĸarfingmut apũsimavoĸ. pissortatigôrtumik nalunaerusiame agdlagsimavoĸ:

„ikiûtigssat taima piârtigissumik tákúnerat ĸatángutivta tugpatdlautigeĸât. ingerdláinartumik igavfigssiorpugut, tássanilo ĸatángutit arnat nerissagssiait uvdlut tamaisa ĸatángutinut tamanut tunioráuneĸartarput. igdloĸarfiup inue avdlat ikiûtigssanik sule utarĸigamik, sapíngisamingnik atugkatik nãmagĩnartariaĸarpait. ĸatángutivut sôruname nangminigssarsiúngitdlat, nerissagssarpagssuitdlo nalunaiaissũngitsunut avguáuneĸartarput.“

1982-ime augustime Swazilandip kúngia Sobhuza II-p toĸorêrnerane, Jehovap nalunaiaissue malerssorneĸarput ugperissarsiorníkut alianartumik nagdliússinermut ilerĸûssut peĸatauvfigiumángínamíkik. Tuluit-nunãne Jehovap nalunaiaissuisa ilait mardluk, áipâ ĸaĸortumik amilik áipâlo ĸernertumik amilik, mardlûvdlutik Swazilandimit ingmíkut pigínauneĸartitaussumut ĸutdlermut savssarput, malerssugaussut píssussiánik sákukitdlisaisitsiniardlutik. sivisungâtsiartumik tusarnârêrdlune, pissortaussup Swazilandimêrsup nalunaiaissoĸ ĸernertumik amilik, niuverniarnerme atorfíkâĸ ilíniagaĸardluartoĸ, sâgfigâ aperalugulo: „ivdlíme? sôrme tamânĩpit?“ akivâ: „ĸatángutíka kristumioĸatíka ivdlit nunangne ítut ernumássutigigavkit.“ pissortaussup pâsisínáungilâ suna píssutigalugo angut pigigsârtoĸ afrikamiut nuname takusimángisáinagkamine najugaĸartut atausioĸatigissutut misigíssuseĸarsínaussoĸ.

sôrme rigssalime igdloĸarfingme najugkangnĩtume atautsimĩneĸ imalũnît atautsimêrssuarneĸ najûfigísángiliuk angutip táussuma pâsisínáungisâ nangmineĸ takungnigdlutit pâsiniardlugo? pâsiumârpat ínugtaoĸatigît rigssalime  katerssũtartut inûsugtut utorĸaitdlo, pisût pîtsutdlo, angnerussumik ilíniagaĸarsimassut atuarsimángisáinartutdlo tamaisa ássigîgsitdlugit tikitdluarĸussarait. tamarmik ĸatángúmik taineĸartarput, inuitdlo atausiákât nagguvigissatik, tunuleĸutarissatik imalũnît silarssuarme inigssísimanertik najorĸutaralugit nalilerneĸarneĸ ajorput. tamarmik ingmíkut kristumiutut píssutsitik pigínáussutsitigdlo pivdlugit pingârtíneĸartarput.

ilagîngne utorĸaunertat ilagîngnilo kivfartortut ivertitaungmata, táukua ajoĸersuineĸ ingerdlatítarpât, kristumiut sujugdlît ilagîgsáine ajoĸersuiníkut ilerĸûssoĸ maligdlugo. atautsimĩnernilo nunarssuarme tamarme ássigîgsumik naligîngneĸ ârĸiagîngnerdlo malungnarput. ilagîngne Tuluit-nunãne nâlagauvfingmut atássuteĸartune palase oĸarsimavoĸ:

„píssusigssamisôrtumik píssusigssamisũngitsumigdlũnît atautsimĩtarângata atautsimĩnerit tamarmik perĸigsârtumik ajoĸersuivfigssaussarput. ilaussortat tamarmik piumavfigineĸarput sapâtíkut atautsimĩnermut piarêrsartarnigssamingnik, Napassuliaĸ Alapernaerssuivfik-me ilángutaĸ atuardlugo, agdlagsimavfît bîbilime únersũneĸartut atuardlugit aperĸutitdlo ilisimassamingnik imaĸartut akiniardlugit akíssutigssatik piarêrsardlugit. atautsimĩnerne ilagît tamarmik kajumigdlutik akissarnermíkut peĸataussarput. ajoĸersûtit táukûssut silarssuarme tamarme atautsíkut ajoĸersûtigineĸarnerat erĸarsautigalugo nakússagtíssutigât.“

Napassuliaĸ Alapernaerssuivfik sarĸúmersoĸ una uvdlune ĸúpernerme 2-me agdlagsimassune ilagît atautsimĩtarfiánut nagsarugko, ilagît atuarĸigsâĸatigîngnerat malingnaivfigisínáusavat.

oĸaloĸatigîngnerne ilagît neriugissât sangmineĸartarpoĸ, tássa: nuname pâratîsiussume sorssungneĸángivfiussume inûnigssaĸ, inuit tamarmik pigínáussutsitik iluaĸutaussumik suliorníkut atúsagamíkik, ’agssangmik suliait’ nuánârutigivdluínardlugit. inuit nâlagtut tamarmik Gûtip nâlagauvfiata aĸutsinerata atâne inũsáput. kâgtoĸarungnáisaoĸ nunarssuarme inerititaĸangârfiussume nerissagssat nãmangârtut ineritíneĸartásangmata. nápautit nâgdliugtitsiungnáisáput, nunarssûp inue tamarmik ássigîgdlutik perĸigdluínardlutik inũmaríssuseĸásangmata. — Isaia 2:4; 33:24; 65:22, 23; Saggaria 8:11, 12.

âp, kristumiut neriugissât tamána piviuvoĸ. ãmátaoĸ ĸularnángivigpoĸ kristumiut ilagîgsaisa mãnákut ârĸigssũssaunerat nuname pâratîsiussume ingerdláinartumik atũtuáinásassoĸ. inuit píssutsimíkut ínugtaoĸatigîngnilo inigssísimanermíkut naligĩngínerata inuiaĸatigîtdlo naligĩngisitaunerisa pêrneĸardluínarumârnigssãnut túngavilerneĸarêrsimassoĸ angnertusisíneĸarumârpoĸ. tamatuma piumârnigssâ ĸanoĸ ĸulákêrsínauvarput? bîbilime sujuligtûtigineĸarsimangmat kristumiut „inuiaĸatigît ingmíkutdlo nagguveĸatigîgsut ingmíkutdlo inuiaussut ingmíkutdlo oĸausigdlit tamarmik ilait“ taimaníkugssaĸ Jehovamik Gûtimik erĸortumik patdlorfigingnigtuásassut. táussuma sâne tamarmik naligîgsitaujumârput. ivdlit ilaĸútavitdlo táuko ilagisínauvatit. — sarĸúmersitat 7:9, 10. (wD 15/8 85)

[Qupp. 7-mi assiliartaq]

Jehovap nalunaiaissuisa atautsimĩnerine naligîngneĸ atũpoĸ