Gûtimut ugperdlune — nãmagpa?

„GÛTIMUT imalũnît píngortitarssûp anersâvanut avdlamut ugperpit?“ George Gallupip inûsungnerup tusâmassap inungnik isumasiuinerane aperĸutit tamána ilagât. ímaĸa inuit ilaisa tusardlugo tupigusûtigísavât inersimassut (30-t sivnerdlugit ukiugdlit) inûsugtutdlo aperssorneĸartut 95 procentê angerdlutik akingmata! kisiánile ĸavsit ugpernertik inûnermingnut ilagitípât? amerdlavatdlãngínguatsiarput. George Gallupip erĸartorpâ inûsungnerussut ilait ima aperisimavdlugit: „Gûtimut ugpernerit uvdluínarne isumaliortautsingnut ĸanordlo iliûseĸartarningnut ĸanoĸ agtigissumik súniuteĸarpa?“ 26 procentĩnait akíput: „angnertûmik.“ * — The Search for America’s Faith George Gallupip inûsungnerup David Polingivdlo atuagkiarât.

Gûtimik ugperingnĩnarneĸ nãmángilaĸ. ajoĸersugaĸ Jakob agdlagpoĸ: „ivdlit ugperât Gûte atausiussoĸ; [ajúngitsumik iliorputit]; anersâpiluítaoĸ ugperât ûligdlutigdlo. . . . ugperneĸ sulianik ilaĸángitsoĸ sũngitsû[voĸ].“ (Jâko 2:19, 20) bîbilimile oĸalugtuarineĸarput inuit ugpĩnaratik ãmátaordle suliaĸartut. ássersûtigalugo taineĸarsínauvoĸ Enokip ’Gûte ilumôrtoĸ saĸeĸatigiuarâ’. (1 Môrsase 5:24, NW) tamatuma kingunerâ Enokip Gûtivdlo ima ĸanigtigissumik ikíngutigîlernerat, sôrdlulusôĸ ingerdlaĸatigîgsut! sunale pivdlugo Enokip Gûtimut taima naleĸángitsigissumik píssuseĸarneĸ ingmíkut akuerineĸautiginerpâ? sujugdlermik, iluartumik inôriauseĸarnera píssutauvoĸ, nauk ugperissarsiorníkut ajortúngorsimassut silarssuãne inûsimagaluardlune, iluaitsuliorneritdlo piuáinaraluartut. ĸunusuitdlune ilumôrdlunilo inôĸatime iluaitsuliortarnere ĸulaiarpai sujuligtuivdlune oĸarame: „ata, [Jehova] iluartortane tûsintiligpagssuit ilagalugit aggersoĸ, tamaisa erĸartũkiartordlugit iluaitsortaitdlo tamaisa pitdlariartordlugit iluaitsuliortarnermingne suliait tamaisa pivdlugit, oĸautsitdlo mamianartut tamaisa ajortuliortut sorĸusaitsut agssortorniardlune oĸauserissait pivdlugit.“ — Jûtarse 14, 15.

Enokip Gûte saĸeĸatigigamiuk navianartorsiortíneĸartarpoĸ. akeraisa pilerssârutigínguatsiarpât terdlinganêrdlugo toĸúniardlugo sujuligtuissarnera narrutsangnartoĸ taimaititíniardlugo. Gûtile saĸeĸatigissâ akuliúpoĸ. bîbilime oĸalugtuarineĸarpoĸ: „ugperníkut Ênoĸ nûgtitauvoĸ toĸumik misigitínago, nanineĸángilardlo Gûtip nûgtingmago.“ âp, Gûtip toĸúkut nûgtípâ; ĸularnángitsumik tássûna akerĸaminit angutauserfigineĸarníkut toĸutaunigssaraluane anigorpâ. — Eprîarit 11:5, 13; 1 Môrsase 5:24; ãma takûk Juánase 3:13, NW.

Noavtaoĸ „Gûte saĸeĸatigâ“. Enokitut Noa „inôĸatimine angutauvoĸ iluartoĸ inûsia tamarmiussoĸ“. (1 Môrsase 6:9) taimáipoĸ nauk nalimine inûnerdlungneĸ atugaungâraluartoĸ angutausernerdlo sualungâraluardlune. Noale Gûtimik mianeringnigdlune iliûseĸartarpoĸ aulajaitsumigdlo „iluarnermik oĸalũssi“ssûvdlune. tamána píssutigalugo Gûtip Noa ilaĸutailo ánagtípai taimane silarssuarme ulerssuaĸartitsigame! — 2 Pîtruse 2:5; Eprîarit 11:7; 1 Môrsase 6:5, 11.

Gûtip sule ĸaerĸunerdluta saĸeĸatigerĸuvdlune? âp! apustile Paulus oĸarsimavoĸ Gûte „tamavtínit ungasíngíkaluaĸissoĸ“, kisiánile uvagut táuna ujaruvtigo nanisínaugigput. (apustilit suliait 17:27) ĸanordle ilivdluta taimailiorsínauvugut? ãmalo Gûte saĸeĸatigalugo ĸanorpiaĸ isumaĸarpa? (wD 1/9 85)

[Quppernerup ataani ilanngussaq]