ugperissarsiorneĸ — atausíngortitsíssutigssauva?

UGPERISSARSIORNEK’ amerdlanertigut silarssuarme atausíngortitsíssutigssausimava? imalũnît píssutauneruva toĸutsinermut aseruinermutdlo? avdlatut ajornartumik akissariaĸarpugut silarssûp ukiut untritigdlit akerdlerĩssuteĸangârfiussut — inuiaĸatigĩssutsimik pingârtitsivatdlârnerup autdlartitai, kisiánile ugperissarsiornerup sákortusisitai — atorai. 1909-mîtdle silarssuarme sorssungnerit angnerit ilaisa mingnerpâmik 14-it ugperissarsiorneĸ tunuleĸutarât. „itsarssuardle ukiut uvagut atugkavut tikitdlugit ardlaĸángitsúnguanik sorssungneĸarpoĸ ugperissarsiornerup angnerussumik angnikínerussumigdlũnît súniuteĸarfigíngisainik,“ Ernest Lefever, Washington, D.C.-me ilerĸoringnigssamik ajoĸersũtinik ínugtaoĸatigîngnutdlo pingârtûssunik misigssuissoĸarfingme pissortaĸ oĸarsimavoĸ.

taimáisasoringningneĸ nâpertordlugo ugperissarsiornerup silarssuarme erĸigseĸatigîngneĸ atatísínáusagaluarpâ. avîsiliortoĸ Mike Royko ima agdlagpoĸ: „sákutût ugpeĸatitik toĸúkumángíkaluarpatigik, sorssungnermik ingerdlatsineĸ ajornásagaluaĸaoĸ.“ kristumiũngitsutut ugperissagdlit ugpeĸatitik ’tûsintilíkûtârdlugit toĸússuatârait’ erĸartorêramiuk, oĸarpoĸ: „kristumiut kristumioĸatimingnut sorssũneĸ ajorineĸ ajorpât. ajorisimagaluarpássuk sorssungnerit angnertût Europame pisimassut ilarpagssue pisimángisáinarsimásagaluarput.“

tauva tupingnarpa inugpagssuit ugperissarsiorneĸ soĸutigíngivdluínarât? silamiut ingerdlausiánik atuagkap ĸúpernere aungmik serparsimassutdlusôĸ sorssungnermik ingerdlatsissut ugperissarsiortûssut Gûtip oĸausia, bîbile ivdlernartoĸ, soĸutigíngingmássuk, imalũnît oĸausertai erĸúngitsumik íssuartarmatigik nangminigssarsiordlutik pingârnerutitatik pivdlugit.

inôriauseĸ bîbilime únersũssutigineĸartoĸ maleruarneĸaraluarune, akerdlerîngnermik kingune- ĸásángilaĸ kisiáne erĸigsinermik atausiússuseĸarnermigdlo kinguneĸásavdlune. (ússatit 3:1-6) Jesusip ajoĸersugkane kajumigsârpai ’ĸíngarssortitik asauarĸuvdlugit, ûmigssortitigdlo ajúngitsuliorfigiuarĸuvdlugit’. (Lúkarse 6:27) ãma Jesusip ajoĸersugkaminut ilumôrtunut ilisarnautaussoĸ uparuarpâ oĸarame: „matumánga tamarmik ilisarísavâse ajoĸersugarigivse: asaĸatigîgkuvse.“ — Juánase 13:35.