Gûtimut atássuteĸángíneĸ ajorame?

„Písanganartorsiorusugpunga.“ „ĸanoĸ iliornigssavnik perĸuneĸartuáinarnera ĸatsutivigpara!“ „kimigîserfigeĸinanga!“ oĸauseĸautit taimáitut átaveĸángíkumatunermut erssiutausínáuput. kristumiut agdlât ilâtigut taima oĸauseĸartarput.

kristumiut átaveĸángíkumatunermit, Gûtimut agdlât átaveĸángíkumatunermit, ĸanoĸ tunitdlagtítôrsínáupat? Jehova Gûtip píngitsôrane piumassainik kúkussumik isumaĸalerneĸ autdlarĸautaussarpoĸ. (Tussiaat 73:2, 13, 14) Gûtip inatsisai nuánârniarnermut akornutaussutut issigissarpait, uvfa inûnermik nuánâruteĸarnermut igdlersûtaugaluartut. silarssûp gûtîtsup pínersautikujuínartai asulĩnaliûtertailo nakutíneĸautigalugit isumaĸarput nuánârutinik píngitsôrdlutik. ivdlíme? Gûtimut átaveĸángíniarneĸ ĸanoĸ isumaĸarfigaiuk?

itsarssuardle ajornartorsiut

Gûtimut átaveĸángíkusungneĸ nutâjúngilaĸ. inugtut pisoĸautigingajagpoĸ. átaveĸángíkumatuneĸ Satanip Diâvulup atulersípâ. táussuma arnaĸ sujugdleĸ, Eva, sagdloĸítarpâ isumaĸalersitdlugo pivdluarnerusínáusassoĸ píngortitsissiminit sujulerssorneĸarnine iperarsínáusaguniuk. Eva isumaĸarpoĸ  nangminerssornerulísagune periarfigssaĸalísavdlune nutânik misiligtagarpagssuaĸarnigssaminut nuánârniutigssagssaminutdlo Gûtip ingminut atorĸúngisainik. — 1 Môrsase 3:1-5; sarĸúmersitat 12:9.

nangminigssarsiortumik kigsautigissane tákuterĸámersut tagpîtdlíssutigalugit, Evap uvine kajumigsârpâ pikigtitseĸatigilerĸuvdlune. Adamísaoĸ aulajangerpoĸ Gûtimut átaveĸarumanane. tamatuma kingunerâ aliasungneĸ pivdluarneĸ pínago. ajorte, kángusungneĸ, nápautit, ánerissaĸarneĸ toĸulo malingnáiput, Adamip Evavdlo pĩnarnatik ãmátaordle kinguâgssaisa tamarmik pigssait. — 1 Môrsase 3:6, 16-19; Rûmamiut 5:12.

bîbilime oĸalugtuarineĸarpoĸ íngilítaoĸ Gûtimut átaveĸángínialersut inuit panê pínersut iluángitsumik nuánârsautiginiartardlugit. Gûtimut átaveĸaratik taimailiornerat piviussumik tugdlûsimârnarpa? nâgga. ingassagtumigdle kángunartuliornerpagssuarnut angutausernerpagssuarnutdlo píssutaungmat Jehova aulajangerpoĸ inuit iluaitsut silarssuât taimane ítoĸ sûjungnaersísavdlugo. íngilit nangminerssorumavatdlârtut íngilipilúngorput; tássauko mãna pikigtitsiumatunermik aseruíssutaussumik inungne sujuarsaissut. — 1 Môrsase 6:1-7, 11; Evfisumiut 2:2; Jûtarse 6-12.

Gûtimit sujulerssorneĸartariaĸarneĸ

matuma sujulîne agdlagsimassut ilumôrtumik túngaviussumik pâsitísavâtigut, tássa: ajúngitsumik nuánersumigdlo inûseĸásagune, inûp Gûtimit sujulerssorneĸarnigssane píngitsôrsínáungilâ. ilâtigut tamána píssutigalugo bîbilime agdlagsimavoĸ: „nalúngitdluínarpara, Jehova-â, inûp ingerdlavigsse oĸartugssauvfigíngíkâ. ingerdlassup avdloriartarnime sangunavêrnigssât pigíngilâ.“ (Jerimia 10:23, NW) angutip silatûp itsarssuardle inûssup Salomonip pâsivâ Gûtimit sujulerssorneĸarniarnane inûnermut nangminerissaminik najorĸutagssiorniarnerup navianássusia. ima agdlagpoĸ: „avĸuteĸarpoĸ inûp iluarsorissânik, [isuanĩputdle] toĸumut avĸutaussut.“ — ússatit 14:12.

tamána mardlungnik ássersûsiortigo. tingmissartunik ilaussulingnik ingerdlatitsissut tamarmik tingmissartut mítarfîne sulissut ilitsersûtait soĸutigíngíkuníkik kisiáne súkutdlũnît piumatdlerângamik sumutdlo piumassamingnut mítardlutik, tingmineĸ ĸanoĸ isumangnaitsigísanerpa? imalũnît igdlulioĸatigît agssagssortut igdlugssap titartarnere igíkaluaruníkik igdluliornermingnilo tamarmik ingmíkut suliagssatik iluarissamingnik suliaralugit, igdluliât  ĸanoĸ issíkoĸásanerpa? nalúngilarput najorĸutagssat aulajangersimassut najorĸutarineĸartariaĸartut ârĸigssugauvdluartunik ínugtaoĸatigêĸásagpat.

tamákunínga najorĸutagssiorsínaunigssaminut pitsaunerussumik piúkúnauteĸartoĸángilaĸ kisiáne inungmik píngortitsissoĸ, Jehova. inuk píngortitáinaungmat kisiánile Jehova Gûte píngortitsissûgame, táuna kisime pissugssauvfeĸarpoĸ maligagssiat píngortitame silagdlit inûnermingne maligagssait aulajangísavdlugit. táussuma pisínaussavta kigdlingat nalúngilâ; táussuma pivdluarnartup alianartuvdlo kigdleĸarfiat erĸordluínartumik ilisimavâ. (apustilit suliait 17:26, 27) inûnerme misiligtagarineĸartut takutítaĸátârpât Gûtip avĸutigerĸussai kinguneĸardluartartûssut. maleruásavdlugit ĸanoĸ iliûserisínaussavta pitsaunerssarât.

Jehovap sût maligagssiarinerai erĸoriartariaĸángilavut; oĸautsimigut bîbilime tamatumínga asangnigtumik oĸalugtũpâtigut: „inatsisit tamákua agdlagsimavfiat ĸanernit nigúsángilaĸ, erĸarsautigísavatdle uvdlúkutdlo únuákutdlo, tássane agdlagsimassut tamaisa maleruarĸigsârĸuvdlugit; tauvame pivdluarumârputit avĸutigissagssangne, tauvalo sianisûtut iliorumârputit.“ (Jôrsua 1:8) Gûtip maligagssiaisa tamanik agtuinerat apustile Paulusip navsuiarpâ. Timûtiusimut agdlagkame áipáine 3:16, 17-ime ima agdlagpoĸ: „agdlagkat ivdlernartut tamarmik Gûtip súnîneratigut isumagssarsiarititáuput iluaĸutauvdlutigdlo ajoĸersûtauvdlutik, inerterĸutauvdlutik, iluarsiartûtauvdlutik, iluarnermut perorsautauvdlutik, inuk Gûtip pigissâ pigínauneĸardluarĸuvdlugo, ajúngitsuliornernut tamanut piarêrsagauvdluarĸuvdlugo.“ — NW.

Jehovap kajumigsârpâtigut maligagssiane misilerĸuvdlugit, ’nalorninaitsumik pâsiniarĸuvdlugo sunaussoĸ Gûtip perĸussâ ajúngitsoĸ iluarissagssardlo nãmagdluínartordlo’. (Rûmamiut 12:2, NW) erĸorĸigsârtumik taimailiorsínáusaguvta bîbile perĸigsârtumik ilíniarĸigsârtariaĸásavarput. bîbilimik atuarĸigsârdluta pilerdlâjugaluaruvta imalũnît ukiut ĸuligdlit ardlagdlit atuarĸigsârtûgaluaruvta, erĸordluartumik ilisarssiniarnigssarput Gûtivdlo perĸussânik pâsisimassaĸardluarniarnigssarput anguniagauvoĸ pingâruteĸartoĸ. pâsingnigsínáussuserput atortarneratigut sungiusángitsôruvtigo, Jehovap najorĸutagssiai ersserĸigsumik issigiuarnaviángilavut. — Eprîarit 5:14.

Gûtip maligagssiai soĸutiginagit ajornartorsiornásaĸaoĸ. inûnerme akornusersûtit amerdlavatdlâĸingmata inuk nangmineĸ pâsisimassane túngavigĩnardlugit ingminut napatísínaunaviángilaĸ. sujugdlermik Satanip íngilipiluisalo inungnit pigínaunerussut súnînere nakutitseriautaussut akiugagssáuput. (1 Juánase 5:19; sarĸúmersitat 12:12) ãmátaoĸ silarssuarme tamarme inuit píssutsinik  ârĸigssũssinerat nâlángíkumatunermit nangminigssarsiungârnermitdlo tamarmigut súnigaussoĸ akiugagssauvoĸ. (Evfisumiut 2:2; 1 Juánase 2:15-17) ãmalo uvagut nangmineĸ kúkussarnivut ũmativtalo isumaliorajungnere sagdloĸítautaussut sôruname akiorniagagssarâvut. (Tussiaat 51:5-7; Jerimia 17:9, 10) tássa Jehovamit sujulerssorneĸarnane inûniarneĸ imatut sianîtdliornerutigaoĸ sôrdlo bîlime ipiteruteĸángitsume bîlerniarneĸ.

Gûtip sujulerssuineranik pingârtitsissutut Jesus Kristus maligagssat piussut pitsaunerssarât. nauk nãmagdluínartûgaluardlune pivdlune oĸarpoĸ: „erneĸ isumaminik ĸanoĸ-iliorsínáungilaĸ, kisiáne atâtaĸ taimailiortoĸ takuguniuk.“ (Juánase 5:19) Jesus ingminut nuánârutigssiorniáinardlune inũngilaĸ. ardlâtigut ima oĸarpoĸ: „[isumavnik ĸanoĸ-iliúngilanga]; kisiáne sôrdlo atâtama ajoĸersorânga taima oĸalugpunga. autdlartitsissimalo najorpânga; kisimîtíngilânga iluarissânik pissarsínarama.“ (Juánase 8:28, 29) najorĸutagssaĸ Jesus Kristusip akuerissâ ivdlítaoĸ najorĸutariniarpiuk? — 1 Pîtruse 2:21.

Gûtimit sujulerssugaunerup iluaĸutáussusia

Jehova Gûtiuvoĸ pivdluartoĸ. (1 Timûtiuse 1:11) nuánârniarnermik, písanganartorsiornermik pivdluarnermigdlũnît perĸingnartûssunik arsârumángilâtigut. oĸautsit pâsiuminartut Rûmamiunut agdlagkane 1:28-32-me agdlagsimassut erĸarsautigilâriákit. Gûtimut átaveĸángíniarneĸ kingunipilugsiornáinarpoĸ, tássane agdlagsimangmat:

„Gûtimigdlo ilisarssinigssaĸ sugssaríngingmássuk Gûtip ilagínáinalerpai isumamut sugssáungitsumut pisitdlugit agssuarnartuliortúngordlugit, iluáinernik ajorssusermigdlo piumatûnermigdlo iluaitsuliornermigdlo tamanik ilumioĸangârtut, sínganermik toĸutsinermigdlo saĸitsainermigdlo perĸusersûnermigdlo ilerĸordlungnermigdlo tátoĸítut, oĸautigssuaissut, mamardlîssut, Gûtimik ûmigssuissut, angutausersut, angneruniartut, usorssitsâpilugtut, ajortunik navssârniartut, angajorĸâmingnut nâlángitsut, sianîtsut, ilumũngitsut, asangniuitsut, nãkigtaitsut; táukua Gûtip perĸussâ ivdlernartoĸ ilisimagaluardlugo, taimailiortut toĸutagssaussut, taimáitoĸ taimailiorput agdlâtdlo taimailiortut iluarissardlugit.“

akerdlianigdle, Gûtip maligagssiai najorĸutaralugit inûjumassut kajumigsârneĸarput píssuserigaluartik Gûtimut átaveĸángíkumássusertâ táputdlugo iperarĸuvdlugo, píssusertârdlo Kristusip pianut ássingussoĸ aterĸuvdlugo. píssusertâĸ atisimavdlugo ajúngitsumik iliorfigeĸatigĩsáput, isumagssuigajugdlutigdlo isumákêrfigeĸatigîgdlutigdlo. (Evfisumiut 4:20-32) píssusertâĸ atisimavdlugo Gûtip anersâvata inerititai inûneráne malungnarsísáput, tássa: „asangningneĸ, tipaitsungneĸ, erĸigsineĸ, kamagingningneĸ, avâgingningneĸ, ajúngíssuseĸ, ugperneĸ, saimaneĸ, ingminut nâlagkersorsínauneĸ.“ — Galâsiamiut 5:22, 23, NW.

inûp píssuserisínaussai ássigĩngitsut mardlûssut misigssorêragkit, ivdlit ĸanoĸ ítûvit? píssutsit táukua ardlait sût ilagissartagkavit píssuserísagait kigsautigaiuk?

ãmátaoĸ bîbilime ajoĸersûtigineĸarpoĸ ungasíngitsúkut inuit iluaitsut tamarmik Gûtip nâlagkîneratigut sûjungnaersíneĸásassut. (2 Pîtruse 3:7; 2 Tásalûníkamiut 1:7-9) Jesus Kristusip sujuligtûtigâ Gûtip nunamik minguiainigssâta sujunitsiánguagut inuit amerdlanerssait Gûtip maligagssiainik maleruarniainigssamik ima soĸutigingníngitsigísassut inugtut Noap uvdluine inûssutut. (Lúkarse 17:26-30) taimáitumik Gûtip maligagssiaisa iluaĸutáussusiánik tamákîssumik pingârtitsiniarnigssarput nukingingnartorujugssûvoĸ. tamána ánangnigssavtínut pissariaĸartigaoĸ sôrdlo Noamut taimane taimatut pissariaĸartigissoĸ.

taimáitumik inerdlugo oĸarsínauvugut Gûtimut átaveĸángíniarneĸ piviussumik pivdluarnartũngitsoĸ; Gûtivdle perĸussânik iliorneĸ pivdluarnartûvoĸ. Jehovamit sujulerssugaujumassut akigssarsiarísavât inûneĸ nâgssáungitsoĸ nuname inungnik Kristusip píssusiatut píssusilingnik ulivkârtume. — Tussiaat 37:27-29. (wD 1/11 85)

[Qupp. 5-mi assiliartaq]

igdluliât ĸanoĸ ísagaluarpa igdluliortut igdlup titartarnere atorumásángíkaluarpatigik tamarmigdlo ingmíkut iluarissamingnik sanagaluarpata?

[Qupp. 6-mi assiliartaq]

bîlimik ingerdlatitsisínautitauvutit, isumangnaratitdle bîlísaguvit angalassut maligtarissagssait nâlagtariaĸarpatit