kivfáungíssutsip kigdlinge

„inugsiautaussunit tamanit neriûteĸángínerussut tássa kivfáungíssuseĸarnerardlutik kúkussumik isumaĸartut.“ — Goethe.

KIVFÁUNGÍSSUSEK’! oĸautsip tusarningãssusia! ivdlitdle ĸanoĸ isumaĸartípiuk? kivfáungíssuseĸarneĸ tássaunerpa ánaissagssáungitsumik pisínautitauvfeĸarneĸ piumassaminik iliúsavdlune, piumassaminik súkutdlũnît ãma sumilũnît, inuit avdlat ínimiginagit iliorsínautitauvdlune? sôruname nâgga! inatsisiliorsínautitaussut ĸanoĸ iliorsínáussuserput kigdlilertarpât inuit avdlat pisínautitauvfê soĸutigissaitdlo igdlersorniardlugit. tamáname ínugtaoĸatigît ingerdlavdluarnigssãnut pissariaĸardluínarpoĸ, ilâ?

una ássersûtigisigo: angalaorsínautitauvutit, kisiáne bîlertitdlutit ĸanoĸ iliorsínaunerit inatsisit kigdlilerpât. kigdlilînerit táuko, imalũnît inatsisit, inuit avdlat igdlersugaunigssât pĩnarnago ãmátaordle ivdlit igdlersugaunigssat sujunertarât. taimáitumik piviussumik kivfáungíssuseĸarneĸ tássáungilaĸ tamatigut kigdliligáungíneĸ, nâlagarsiortitáungíneĸ ãma sumigdlũnît taimaititsissariaĸángíneĸ; ãmalo tássa imáingilaĸ inatsisit erĸortut iluaĸutaussutdlo pêrneĸásassut. soĸutiginartumik Black’s Law Dictionary-me kivfáungíssuseĸ ima píssusersiordlugo navsuiarneĸarpoĸ:

„piumassamik iliorsínauneĸ . . . nákutigissaunane, akornusersugaunane inerterneĸaranilo kisiáne inatsisit nâpertuivdluartut pissariaĸartutdlo ãma ínugtaoĸataunerup pissugssauvfigerĸussai kisîsa malitagssaralugit.“

kivfáungíssuseĸásaguvta inûnerput kigdligssarititaussut mardluk iluáne atortariaĸarparput — píngortitame pissartut ingerdlanerata ilerĸorigsârneruvdlo inatsisaisa iluáne.

inuit píngortitarssuarme pissartunit kigdliligáuput

inuk kinalũnît ĸeĸertánguame imarpigssuarmĩtume avíngarusimavdlune inûgaluarune agdlât tamatigordluínaĸ kivfáungíssuseĸarsínáungilaĸ. timâta pissariaĸartitaisa píssusigssamigsut ítut inûvdlo avatangîssiminut píngitsôrane atanerata kivfáungíssusia kigdlilersortarpât. píngortitsissoĸ, Jehova Gûte, píngortitanut túngassutigut kigdlingnik tamákunínga aulajangîsimavoĸ avdlanigdlo inatsisimigut ilerĸorerĸussamigutdlo aulajangîsimavdlune. — apustilit suliait 17:26-28.

Gûtip píngortitarssûp inatsisai silarssuarme avatânĩtunilo ítunik tamanik tupingnangârtumik ingmingnut nalerĸutdluartumik ingerdlatitsissut autdlartísimavai. píssusigssamigsut pissartut tamáko uvagut iluaĸutigssavtínut atorput. una ássersûtigisigo: nusugsisimangningnermit Gûtip píngortitarssuarme tamane atûtititânit naĸisimaneĸartutut misigivit? sôruname nâgga! nusugsisimangningneĸ píssauneruvoĸ pissariaĸartoĸ silarssuarme avatânilo ítunik tamanik katíngatitsissoĸ ilingnigdlo nunamit ĸangátarnavêrsaissoĸ.

ĸanordle pissoĸásava nusugsisimangningneĸ piâralutit soĸutigíngíniásagugko ivnârssungmitdlo 30 meterinik portússusilingmit pigsigdlutit? ajunãngíkuvit angnertûmik arĸunásagaluarputit. kivfáungíssuseĸarnigssat kingunerinaviángilâ, kisiáne pisínaussavit angnikínerulernigssât. píngortitarssuarme pissartut píssusigssamigsut ingerdlassut soĸutigíngíniaruvtigik avdlatut ajornartumik kingunere atortariaĸarpavut. kigdlilînerile soĸutigalugit pissaruvta, iluaĸutigísavavut.

inatsisit pissarnivtínik kigdlilîssut

ukiut 300 migssait matuma sujornagut ilisimarĸigsârniap tulûp John Lockep kivfáungíssuseĸ  inuitdlo inatsisiliait pivdlugit ímaĸa ivdlítaoĸ pâsisimassatit pingârnersiordlugit navsuiarpai. ima agdlagpoĸ: „inatsiseĸángíkáine kivfáungíssuseĸartoĸarsínáungilaĸ. kivfáungíssuserme tássauvoĸ inungnit avdlanit píngitsailissáungíneĸ nakûserfigissáungínerdlo, inatsiseĸángigpatdle tamána ajornaĸaoĸ; kivfáungíssuserdlo imáingilaĸ, sôrdlo oĸartartut, ’kíkut tamarmik iluarissamingnik iliorsínaussut’. kivfáungitsoĸarsínaunerdlune inuit avdlat tamarmik isumâta avdlángoĸátârneranit ĸunutitaujuartumik?“

oĸautsit táukua nalerĸutdluássusê inuit inatsisiliait ilerĸunik ajoĸutausínaussunik kigdlilersuissut pineĸarpata! inuit takusínaugpássuk ínugtaussunik aĸutsissunik inatsiseĸartariaĸarnera, taima ítunik inatsiseĸarnerup pissariaĸássusia píngortitsissuátaoĸ takusínáusángínerdlugo? imáipa Gûtip píngortitarssuarme pissartut píssusigssamigsut ingerdlanerat pilersíkâ kisiáne inuit ilerĸulersûtáinik aĸutsissunik inatsisiliúngitsôrdlune? taimáingilaĸ. — Matîuse 6:8.

píngortitsissup inungnut inatsisai agdlagsimáput atatitauvdlutigdlo inûnerme nâpítagkavut ĸanoĸ pitsaunerpaumik iliûseĸarfigisínaunerivut ilisimarĸuvdluta. (2 Timûtiuse 3:16, 17) táuko pivdlugit bîbilime agdlagsimavoĸ: „[Jehovap] inatsisai innarluitsuupput, tarnimik tumannguersaasarput. [Jehovap] nalunaajaatai sallusuitsuupput, paasisakitsumik ilisimatuunngortitsisarput. [Jehovap] maleruagassiai naapertuilluartuupput, uummammik nuannaartitsisarput. [Jehovap] peqqussutai sukuluipput, isinik qaamaneqalersitsisarput.“ — Tussiaat 19:8, 9.

ilerĸulersûtitigut tamatigordluínaĸ kigdliligaunane inûssauseĸarniartup ássigâ umiarssuaĸ pujorsiutaerutdlunilo aĸûtaerútoĸ. sujunertaĸarane tamâne tarfivoĸ. isumangnaitsumik torâgagsse sujúnerfigíngíkuniuk ajunârnigssáinaĸ ilimagisínauvâ. tauva una aperĸutaulerpoĸ: Gûtimut atanata inûnerput isumangnaitsumik aĸúsínaunerigput? (wD 1/11 85)