Kissaatigissagaluarpiuk . . .

□ ulloq unnuarlu angerlarsimaffinni ernumanatit toqqissisimallutillu misigisinnaanissat?

□ parnaarsaatinik, igalaanut assiaquttanik, kalerrisaarutinik, matuni itsuartarfinnik, paarsisunik, qimminik paarsisunik isumannaarsuinernillu allanik atorfissaqartitsinnginnissat?

□ toqqissisimalluinnarlutit kisimiillutillu aqqusinerni pisuttuarsinnaanissat, unnuakkut allaat?

□ ikiaroornartunik atuinerlunneq ajornartorsiutillu tamatumunnga atasut qanganngoreersimanissaat?

□ sorsunnerit tamarmik soraarsinneqarnissaat, sakkussaliorneqarunnaarlunilu sakkussamaasersortoqarunnaarnissaa?

□ silaannaap, erngup nerisassallu mingutsinneqarunnaarnissaat?

□ perulluliornerit, inunnik sallunaveeqqutitut tiguaasarnerit qaartartunillu sioorasaarisarnerit qaangiunnissaat?

□ pinngortitap tunniussinnaasaasa paarineqarluarnissaat silatuumillu inuit tamarmik iluaqutissaannut atorneqartarnis- saat?

□ inuit piumatuunermik namminissarsiornermillu aqunneqannginnissaat?

□ meeqqat ileqqorluttuunnginnissaat allallu pigisaannik ataqqinninnissaat?

□ arnat qunutinneqannginnissaat atornerlunneqannginnissaallu?

□ inatsisit peqqussutillu tamarmik naapertuilluarnissaat tamanullu iluaqutaalluarnissaat?

□ naalagaasut namminneq naalakkersuinikkut iluatsikkiartornissartik piinnarnagu inuinnaat pisariaqartitaannik eqqarsaatiginninnerunissaat?

□ oqaatsit tusarnersut kiffaanngissutsip naligiissutsillu piviusunngorsimanissaat?

□ piitsoqannginnissaa, tamarmilli peqqissinnaanissaminnut pilluarsinnaanissaminnullu pisariaqartitaminnik pigisaqarnissaat?

□ meeqqat tamarmik asaneqarnissaat pisariaqartitaminnillu pilersorneqartarnissaat, tamarmillu atornerlunneqannginnissaat paarinerlugaannginnissaallu?

□ nappaatit toqullu ajugaaffigineqarnissaat naalliunnerillu tamarmik soraarsitaanissaat?

□ inuit tamarmik inussiarnersuunissaat, ikiuukkumatuullutillu tatiginarnissaat?

□ inuit tamarmik pingaartinneqarnissaat ataavartumillu pilluarnissaat?

□ upperisarsiornerup inunnut avissaartuussutaannginnissaa ingasappallaartumik ilungersornermik, uumissuinermik sorsunnermillu kinguneqannginnissaa?

□ inuit tamarmik nuannersumik najugaqarnissaat inissaaleqisoqannginnissaalu?

Apeqqutit tamakkua arlaannaanulluunniit angersinnaaguit, ilanngutassiat tulliuttut atuassallugit soqutigissavatit. (wD 1/10 90)