Ataatsimeersuarnermut „Kiffaanngissutsip ikinngutai“-nut matumuuna qaaqquneqarputit

NOVEMBERI 1989 aallarnerfigalugu oqaaseq kiffaanngissuseq aatsaat taama salliutinneqartigilersimavoq. Inuit Europap kangianiittut ukiuni 40-ni imaluunniit amerlanerusuni kingullerni angusimasaminnit politikkikkut kiffaanngissutsimik annerusumik angusisimapput.

Kiffaanngissuseqarporli politikkikkut kiffaanngissutsimit sumilluunniit pingaarnerungaartumik. Kiffaanngissutsimut tamatumunnga tunngasut Guutip oqaasiani, Bibelimi, atuarneqarsinnaapput. Jesus Kristus oqarsimavoq: „Sallusuissut ilisarissavarsi, sallusuissutillu [kiffaajunnaarsissavaasi].“ (Juánase 8:32) Aap, kristumiut tunniulluinnarsimasut inunnut siooranerminnit aammalu ajortip toqullu inussiaatitsineranit aniguisinneqartarput, soorlu Rûmamiut 6:18, 22-mi atuarsinnaagipput. Aammattaaq allassimavoq ’sumiittaraangat Jehovap anersaava tassaniippoq kiffaajunnaarneq’. (2 Korintumiut 3:17) Guutip oqaasiani siunissamut neriuut saqqummiunneqarmat ’pinngortitat aserujasumut kiffaasut kiffaajunnaarsinneqarumaarput Guutip qitornaasa kiffaanngissusiata naalannaataat pigilerlugu’. — Rûmamiut 8:21.

Kristumiulli kiffaanngissusiat tamanna angujumagaanni sapinngisaq tamaat iliuuseqartariaqarpoq. Man kan. . . Tamaviaarnerusariaqarpugullu nukiit kiffaanngissutsimik pigisatsinnik arsaariniaasut eqqarsaatigalugit: Satan Diaavulu, taassuma silarsuaa ajortunngorsimasoq, aammalu nammineq ajortilittut ilioriaatsivut kingornussavut. Jehovalli oqaatsini isumassarsiarititaasut, anersaani illernartoq peqatigiissortanilu takussaasut aqqutigalugit uagutsinnik ikiuinissani isumagaa. — Lúkarse 11:13.

Inuit kiffaanngissutsimik nuannarisaqartut kiffaanngissutsiminnik aalajaannerusumik pigiuliussinissaannik ikiorumallugit, ukioq manna Jehovap Nalunaajaasuisa ataatsimeersuaqattaarnissaat qulequtaqassapput „Kiffaanngissutsip ikinngutai“. Ataatsimeersuarnerit ulluni pingasuni sivisussuseqassapput. Tallimanngornermi ullaap tungaa 9.30 aallartittassapput sapaammilu nalunaaqutaq 16.00 naasassallutik. Oqalugiaatit kajumissinartut, apeqqarissaarnerit soqutiginartut, takutitsinerit piviusorpaluttut isiginnaagassiallu ullutsinneersut eqqarsaatissiisut najuuttunik tamanik anersaakkut nutaannguallaataallutillu nakussatsissutaassapput. Aammattaaq ikinngutitaat ikinngutitoqqallu ilaginissaat, tuusintilikkuutaat allat ilagalugit, Naalagaaffiup erinarsuutaanik eerinarsorneq ilumoorlunilu qinoqatigiinneq nuannaarutigisinnaassavaat.

Jehovap kiffaasa tunniulluinnarsimasut tamarmik aalajangiusimalluinnartariaqarpaat ataatsimeersuarnerup tallimanngornermi aallartinnerani najuunnissaminnut sumilluunniit akornusertinnginnissartik. Bibeli erinarsuutillu kisiisaanngitsoq, aammattaarli allaat allattaaviillu nassarniarigit. Inuiannut kiffaanngissuseqartunut ilaasutut anersaakkut pisariaqartitsinerit eqqumaffiginiaruk. (wD 15/2 91)