1996-imi ataatsimeersuarnissaq „Eqqissinermik Guutip pianik tusarliisut“

QANGA itsaq Jehovap innuttai ukiut tamaasa assigiinngitsunik angisuunik pingasunik nalliuttorsiuteqartarsimapput. Ullumikkuttaaq tamatumunnga assingusumik Jehovap innuttai ukiumut pingasoriarlutik nalliuttorsiuteqartarput. Ataatsimeersuarnerit minnerusut ullunik ataatsimik marlunnilluunniit sivisussusillit aammalu ataatsimeersuarnerit annerusut ullunik pingasunik sisamanilluunniit sivisussusillit nuannaarutigalugit najuuffigisarpaat. Ukioq manna ataatsimeersuarnissat imaattumik qulequtaqassapput: „Eqqissinermik Guutip pianik tusarliisut“.

Ila sammisassaq naleqqutingaarami! Guuterput Jehova tassaavoq ’eqqissinerup Guutia’, aap, ’Guuti eqqissisaasoq’. Uagut siulersorterput, Jesus Kristus, tassaavoq ’Naalagaq eqqissisitsisoq’, nalunaarullu tamanna Jehovap ikiortaanit siaruarterneqartoq tassaavoq eqqissinermik Guutip pianik tusarliussaq. (Filípimiut 4:9; Rûmamiut 15:33; Jesaja 9:6; Nahum 2:1) Ataatsimeersuarnermi saqqummiussassat piareersarneqarput najuuttut tamarmik eqqissinerup Guutip piata pingaaruteqarneranik paasisaqarluarnissaannut.

Aasaq manna Nuummi juulip ulluisa 27-aniit 29-at tikillugu ataatsimeersuartoqassaaq. Kikkut tamarmik eqqissinermik piviusumik ataavartussamik soqutiginnittut inussiarnersumik tikilluaqquneqarput.