„Naalagaaffilersaarfimmut pulaarnera“

Laura, * ilinniartoq naalagiaqquneqarsimavoq naalagiarnerlu qanoq ingerlasimanersoq allaasereqqullugu. Jehovap Nalunaajaasuisa ataatsimiinnerat qinersimavaa, allaaserisanilu ima qulequtsersimallugu: „Naalagaaffilersaarfimmut pulaarnera.“ Jehovap nalunaajaasuisa allanit allaanerussutaat suut Laurap malugisimavai? Allaaserisarpassuisa ilaat imaapput:

Meeqqat: „Meeqqat inersimasullu ataatsimoorput. Oqaluffinni allani tamani ornissimasanni angajoqqaat meeqqatik ilagisanngineq,ajorpaat sapaammi atuarfimmiittaramik.“

Naggueqatigiit ataasiussuseqarnerat: „upperisassiortut assigiinngitsut naggueqatigiinnit imaluunniit inuiaqatigiinnit aalajangersimasunit kajungerineqartarput . . . Kisianni Jehovap Nalunaajaasui immikkuutaarnatik tamarmik ataatsimoorput.“

Inussiarnersuuneq: „Amerlasuut ornillunga oqaloqatigaannga. . . . Ilaasa allaat aperaannga Biibilimik atuaqqissaaqatigineqarnersunga. Kimigiiserfigineqartutulli misiginngilanga. Uanga nammineq aalajangiitippaannga.“

Aningaasanik katersuisitsisoqarneq ajorpoq: „Tupaallaatigisara tassaavoq aningaasanik katersuisitsisoqanngimmat. . . . Oqaluffiit allat isersimasakka allaammi sapaammi atuartitsinermi meeqqanit aningaasanik katersuisitsisoqartarpoq.“

Jehovap Nalunaajaasui nunarsuaq tamakkerlugu 90.000-ingajannik ilageeqarput. Soormi naalagaaffilersaarfik qaninneq isilaarukku? (wE 15/11 99)

[Quppernerup ataani ilanngussaq]