Avatangiisinit tatisinerup akiornissaanut ikiorneqarneq

AKUERINEQARUSUNNERUP amerlasuut avatangiisimissut eqqarsalersittarlugillu iliuuseqalersittarpai. Ingammik inuusuttut aalajaatsumik pissuseqarnissaq pisariaqartippaat imminnut ajoqutaasinnaasunut, soorlu ikiaroornartunut atornerluinermut kanngunartuliornermullu, naaggaarnissaminnut. Qanoq ilillutik avatangiisinit tatisineq akiorsinnaavaat?

Polenimi niviarsissat marluk qanittukkut allapput: „Ilutivut silarsuup anersaavanit sunnerneqarsimasut malunnarpoq. Soraarummeernermi peqquserluttarput, oqaatsit kanngunartut atortarpaat, atisat pikitsitserpalaartut torinngitsullu nipilersuutillu kanngunartut nuannaraat. Nuannaarutigaarput allaaserisaqartarmat inuusuttunut saaffiginnittunik, inuusuttuaqqanit naammagittaallutillu pikitsitsiumatuunit sunnerneqarnissamut illersuutaasarmata.

Napasuliaq Alapernaarsuiffik-mi allaaserineqartartut takutippaat inuusuttuusugut atorfissaqartinneqarlutalu pingaaruteqartugut, qujamasunnerpullu qanoq ersersissallugu naluarput. Biibilimit unnersuussutisiarisartakkavut aqqutikkut eqqortukkut ingerlanissatsinnut iluaqutigisarpavut, taamaalilluta Jehova nuannaartittuarsinnaagatsigu. Qularutiginngilarput Jehovap kiffartuunneratigut inuunerput pitsaanerpaamik atorsinnaallutigu.“

Aap, inuusuttunut ajornanngilaq avatangiisinit tatisineq akiussallugu. Kristumiut inuusuttut ’paasinnissinnaanertik’ sungiusaraangamikku, silatusaartumik aalajangiisinnaaneq ilikkartarpaat, ’silarsuup anersaavanit’ pinngitsumit anersaamilli Guutimit pisumit. — Eprîarit 5:14; 1 Korintumiut 2:12, NV.