Piitsuussuseq akiorneqarsinnaanngila?

TURISTIT Naalagaaffiit Peqatigiit qullersaqarfiannut New Yorkimiittumut takornariat aamma Aningaasaqarniarnermik Innuttaaqatigiinnermullu tunngasunik Ataatsimiititaliap ataatsimiittarfianut isertinneqartarput. Tusarnaartut issiaviisa qulaanni qilaami takussaapput ruujorit kabilillu aqqutaat. Takornariat ima nassuiaanneqarput: „Qilaaq ’naammassineqarsimanngitsoq’ Naalagaaffiit Peqatigiit aningaasaqarniarnikkut innuttaaqatigiinnikkullu suliniuteqarnerat naammassineqanngisaannarnissaanut eqqaasitsissutaaginnarpoq. Nunarsuup inuisa inuuneranni atugarissaarnerulersitsiniaasoqartuaannassaaq.“

Qullersaqarfiup siunertagissaarluni suliniutigaa kikkut tamarmik pissaqassusiata qaffassarnissaa, suliniulli tamanna naammassineqanngisaannassagunarpoq. Jesus ukiuni hundredelinni siullerni nunarsuarmiikkallarami soqutiginaatilimmik oqarpoq: ’[Jehovap] anersaata qulangerpaanga, taamaattumik tanippaanga iivangkiiliu piitsunut oqaluutigeqqullugu.’ (Lúkarse 4:18) Oqaluussissutigisaa ’iivangkiiliu’ sunaava? Oqariartuutaavoq naalagaaffik Jehova Guutip, ’piitsut annikilliornerminni qimarnguiata’, Jesus Kristus kunngigalugu pilersitassaa pillugu. Naalagaaffiup tamatuma suna naammassissavaa? „Katersaarsuit [Jehovaat] . . . neriartortitsissaaq sassarlugit nerisassat pikkunartut viinnilu kimittooq, nerisassat patermik orsuarnequtillit viinnilu kimittooq pitsaalluinnartoq. [Jehovap] toqu nungutissavaa piujunnaarsivillugu. Guutillu [Jehovaasup] isit tamaasa qullingiarumaarpai.“ — Jesaja 25:4-6, 8.

Paaserusussiinnaviuk Guutip naalagaaffia qanoq ’nunarsuup inuisa inuuneranni atugarissaarneriulersitsissasoq’ kikkut tamarmik pisariaqartitaat matussuserlugit? Taamaappat aamma kissaatigigukku ajoqersuillaqqissumik pulaarneqarnissat uani quppernermi adressimut allaannarsinnaavutit, paasissavallu Biibilimi tamanna pillugu qanoq allassimasoq. (wE 15/2 01)