Atuartartut apeqqutaat
Atuartartut apeqqutaat
Kristusip pilliutaa utertitsissutaasoq tunngavigalugu Jehova ajortulianik isumakkeerfiginnikkumammat sooq kristumiut ajortuliaminnik ilagiinni utoqqaanertanut nassuerutiginnittariaqarpat?
Soorlu Daavimi Batsebamilu erseqqissumik paasineqarsinnaasoq Jehovap Daavip ajortuliaa, sualukkaluartoq, isumakkeerfigaa ilumoorluni allamik isumataarmat. Daavi pruffiitip Natanip saaffigimmani isertuarani nassuerpoq: „[Jehovamut] ajortuliorsimavunga.“ — 2 Samueli 12:13.
Ajortuliortup ilumoorluni nassuernera Jehovap ilassiinnarnagulu isumakkeerfigiinnanngilaa. Naagga, aammattaaq ajortuliortup anersaakkut iluarsiartuaarnissaa asannittumik isumagaa. Pruffiiti Natani aqqutigalugu Daavi ikiorneqarpoq. Ullumikkut ilagiinni utoqqaanertat anersaakkut inersimalluartut ikiuisinnaapput. Ajoqersugaq Jaaku nassuiaavoq: „Akornassinni [anersaakkut] napparsimasoqaruni taassuma ilagiit utoqqaanertaat qaaqqussavai, taakkualu [Jehovap] aqqani uuliamik tanissavaat qinnullugulu. Uppernikkut qinnutaasup napparsimasoq annaatissavaa, [Jehovallu] ajorunnaarsissavaa; ajortulisimagunilu isumakkeerfigineqassaaq.“ — Jaaku 5:14, 15.
Ajortuliortup peqqissimisup uummatimini anniaataa nipaallisarniarlugu utoqqaanertat misilittagallit iliuuseqarsinnaasorujussuupput. Tassunga Galatiamiut 6:1) Inuup ajortuliani nammineq nassuerutiginngikkaluaraa utoqqaanertat saaffigalugu immaqa peqqissimitissinnaassavaat soorlu Natanip Daavi taamaaliortikkaa. Taamaaliorlutik utoqqaanertat tapersersuinerisa ajortuliortoq ajortuliorteqqinnaveersaarsinnaavaat. Taamaallilluni ajortuliortarnerup manngertittarnerullu kingunipilui pinngitsoorsinnaavai. — Hebræerit 10:26-31.
iliuuseqarnerminni Jehova malinniartarpaat. Sukannerusunngilluinnarput avoqqaarinningaarsinnaagaluarunilluunniit. Akerlianilli misiginneqataallutik taassuma maannakkut pisariaqartitai eqqarsaatigissavaat. Qasusuillutik Biibili ikiortigalugu pitsaanerusumik eqqarsalersinniassavaat. (Kanngusuutigisat isumakkeerfigineqaatigerutallu allanut nassuerutiginissaat oqitsuunngilaq. Qamuuna nukittusariaqarpoq. Qinigassalli aappaat eqqarsaatigilaaruk. Sualuttumik ajortuliornerminik ilagiinni utoqqaanertanut nassuerutiginnissimanngitsoq ima oqarsimavoq: „Peerumanngitsumik qamuuna anniaateqarpunga. Oqaluusseqataaneruleraluarlunga suli ilerasuuteqarpunga.“ Isumaqarpoq ajortulianik qinunikkut Guutimut nassuerutiginninneq naammaattoq, taamaannginnerali erseqqippoq kunngi Daavitulli misigilermat. (Tussiaat 51:10, 13) Pitsaaneruqaaq Jehovap asannittumik utoqqaanertat aqqutigalugit ikiuineranik ilassinninneq! (wE 1/6 01)