„Ilumut Guuti anniarfimmut ikualasumut eqqartuussisarpa?“

„Palasinngorniartuuisi?“

Joeli Carlilu tupaallaatigisaminnik aperineqarput. Angutit inuusuttut taakku, Brooklynimi New Yorkimiittumi Jehovap Nalunaajaasuisa peqatigiiffiata qullersaqarfianni sulisut, atuagaarniami atuakkanik misissuipput. Joelili paasissutissanik Biibilimut tunngasunik misissuitillugu Carlip oqaluussilluni oqaloqateqarsimanerminik oqaluttuuppaa. Angutip eqqaanniittup oqaloqatigiinnerata ilaa tusaavaa saaffigalugillu.

Palasinngorniartuuneralli paaserusuinnanngilaa, imminulli pilluni saaffiginnippoq. Nassuiaavoq: „Juutiuvunga, ikinngutima kristumiut ilaasa oqaluttuuppaannga juutit Jiisusi akuerinngimmassuk anniarfimmut ikualasumukarumaartunga. Tamanna toqqissisimanngissutigeqaara. Guuti asannittoq taamatut pillaaniaruni naapertuilluartuusinnaanngilaq. Ilumut Guuti anniarfimmut ikualasumut eqqartuussisarpa?“

Joelip Carlillu angut ilumoorluni soqutiginnittoq oqaluttuuppaat Biibilimik atuartorujussuullutik. Toqungasut ilisimanngitsut makinnissamillu tungaanut toqumi siniinnartutut ittut Biibilimit takutippaat. Taamaattumillu anniarfimmi ikualasumi anniartitaanngillat. (Tussiaat 146:3, 4; Oqaluussisartup oqaasii 9:5, 10; Danielimik 12:13; Johannesi 11:11-14, 23-26) Akunnerup ataatsip missaani oqaloqatigeereerlutik angutip adresseni tunniuppaa oqaloqatigiissutigisartillu pillugu paasissutissanik amerlanerusunik qinnuigalugit.

Anniarfeqartuuppat ikualasumik tassunnarusuttoqassagaluarnerluni? Ataataanerpaap Jobip naalliuutiminit aniguisitaanissaminik kissaateqalluni qinnutaa Biibilimik nutsikkat ilaanni ima nutserneqarsimavoq: „Kia anngiiartissavaanga, anniarfimmi illersorniannga toqqornianngalu kamannerit qaangiutserlugu?“ (Jobi 14:13, Douay) Nalunanngitsumik Jobip „anniarfik“-mut pinissani upperinngilaa. Biibilimi oqaaseq taanna nutsikkat ilaanni „anniarfik“mik nutserneqartartoq, tassani inuiaat ataatsimut ilerrat, toqungasut piunatik sumiiffiat pineqartarpoq.

Toqugutta qanoq pisoqassanersoq toqungasullu sumik neriuutissaqarnersut paasisaqarnerorusukkuit neqeroorutitsinnik atorluaaqqullutit kajumissaarpatsigit. (wE 15/7 01)