„Sallusuissutsip anersaava“ piviuk?
„Sallusuissutsip anersaava“ piviuk?
’Ataatap . . . tuniumaarpaasi illersuisussamik allamik naassaanngitsumik ilissinniittussamik. Taanna tassaassaaq sallusuissutsip anersaava.’ — JOHANNESI 14:16, 17.
1. Jiisusip inuunermini nalunaaquttap-akunnerini kingullerni ajoqersukkani unnukkorsioqatigalugit pingarutilimmik sumik paasitippai?
„NAALAGAQ, sumunnarniaravit?“ Jerusalemimi unnukkorsiortillutik apustilit Jiisusi nalunaaquttap-akunnerini kingullerni ilagitillugu ilaatigut taama aperaat. (Johannesi 13:36) Unnuup ingerlanerani Jiisusip paasitippai maanna Ataataminukaqqilerami qimalerlugit. (Johannesi 14:28; 16:28) Inuttut ilageqqissanngilai taamaattumillu ajoqersoqqissinnaajunnaarpai apequtaallu akeqqissinnaajunnaarlugit. Imali oqarluni eqqississarpai: „Ataatarlu qinnuigiumaarpara, tuniumaarpaasilu illersuisussamik [imaluunniit tuppallersaasumik] allamik naassaanngitsumik ilissinniittussamik.“ — Johannesi 14:16, Ny Verden-nutsikkami quppernerup ataani nassuiaat.
2. Jiisusip qimagunnermi kingorna ajoqersukkani sumik aallartitsivigiumallugit neriorsorpai?
2 Illersuisussaq suunersoq Jiisusip oqaluttuaraa, nassuiarlugulu ajoqersukkami qanoq tapersersortigiumaaraat. Ima oqarfigai: „Aallaqqaataaniit tamatuminnga oqarfiginngilassi taamani najorassi. Maanna aallartitsisinnukalerpunga . . . Qimagukkuma ilissinnut iluaqutaaginnassaaq. Qimagutinngikkumami Johannesi 16:4, 5, 7, 13.
Illersuisoq ilissinnut tikiutissanngilaq; maanngali qimagukkuma Illersuisoq ilissinnukartikkumaarpara. Tikiukkunili, tassa sallusuissutsip anersaavata, sallusuissut tamaat ilissinnut ilitsersuutigissavaa.“ —3. (a) „Sallusuissutsip anersaava“ qanga kristumiunut siullernut aallartinneqarpa? (b) Anersaaq taanna ilaatigut qanoq ’illersuisorissavaat’?
3 Neriorsuut tamanna ukiumi 33-mi piinsip ulluani piviusunngortinneqarpoq, apustili Petrusip ima oqarluni uppernarsaaneratut: „Jiisusi taanna Guutip makitissimavaa. Uagut tamatta tamatuminnga nalunaajaasuuvugut. Taanna Guutip talerpianut qutsissisitaavoq neriorsuullu malillugu Anersaaq Illernartoq Ataatamit pisimallugu, taannalu maannakkut kuivaa. Tamassaavorlu ilissi takusarsi tusagarsilu.“ (Apustilit Suliaat 2:32, 33) Soorlu kingusinnerusukkut paasissagipput anersaaq illernartoq piinsip ulluani kuineqartoq kristumiut siulliit assigiinngitsorpassuartigut iluaqutigaat. Jiisusi neriorsuisimavoq ’sallusuissutsip anersaavata’ kristumiut ’oqaaserisaminik tamanik eqqaasikkumaarai’. (Johannesi 14:26) Jiisusip oqaluussineranik, ajoqersuineranik, aap, allaat oqaatsinik atugaanik eqqaasissavai, taakku allassinnaaqqullugit. Tamanna ingammik apustili Johannesip utoqqalisup iluaqutigaa ukiut hundredellit siulliit naalerneranni iivangkiiliuni allaleramiuk. Allagaasa ilaatigut imaraat Jiisusip toqunini pillugu eqqaaniaalluni nalliuttorsiortarnissaq pilersikkamiuk pingaarutilimmik ajoqersuinera. — Johannesi, kapitalit 13-imiit 17 ilanngullugu.
4. Ukiuni hundredelinni siullerni kristumiut tanitat „sallusuissutsip anersaava“ qanoq iluaqutigaat?
4 Jiisusip ajoqersukkani siulliit aamma neriorsorpai anersaap ’tamanik ajoqersussagai’ ’sallusuissullu tamaat ilitsersuutigissagaa’. Taanna iluaqutigalugu Allakkani sallusuissutit itinerusut paasissavaat isummamikkut, paasinnittaatsimikkut siunertamikkullu ataasiussuseqartuarsinnaapput. (1 Korinthimiut 2:10; Efesosimiut 4:3) Taamaalillutik anersaaq illernartoq iluaqutigalugu kristumiut siulliit’kiffatut ilumoortutut silatuutullu’ ataatsimoorlutik kristumiut tanitat ataasiakkaat „piffissaq eqqorlugu“ anersaakkut ’nerisassissinnaavaat’. — Matthæusi 24:45.
Anersaap nalunaajaataa
5. (a) Ukiumi 33-mi nisanip ulluisa 14-ianni unnukkut Jiisusip ajoqersukkami periarfissaat nutaaq suna saqqummiuppaa? (b) Jiisusip neriorsuutaanut atatillugu anersaaq illernartoq qanoq pingaaruteqassava?
5 Ukiumi 33-mi nisanip ulluisa 14-ianni unnukkut Jiisusip ajoqersukkani pasitsassaarpai kingusinnerusukkut tikilluaqqujumaarlugit qilammilu Ataatamini ineqatigiumaarlugit. Ima oqarfigai: „Ataatama illuani inissat amerlaqaat. Taamaanngippat oqarfigisimassagaluarnerpassi inissassinnik piareersaakkiartorlusi aallarniarlunga? Inissassinnillu piareersaakkiartoreerussi tikiuteqqikkumaarpunga uannullu pisikkumaarlusi ilississaaq uanga najugarisanneeqqullusi.“ (Johannesi 13:36; 14:2, 3) Naalagaaffiani naalakkersueqatigilerumaarpaat. (Lukasi 22:28-30) Qilammi inuunissaq neriuutigilersinnaassagunikku ’anersaamit erniusariaqarput’ Guutip anersaakkut ernerisut Kristusillu qilammi kunngioqatissaasut palasioqatissaasullu tanineqartariaqarlutik. — Johannesi 3:5-8; 2 Korinthimiut 1:21, 22; Titusi 3:5-7; 1 Petrusi 1:3, 4; Saqqummersitat 20:6.
6. (a) Qilammit qaaqqussut qanga aallartippa, qaaqqusaasullu qassiuppat? (b) Qaaqqusat sumut kuisimappat?
6 ’Qilammit qaaqqussut’ tamanna ukiumi 33-mi piinsip ulluani aallartippoq, 1930-kkullu qiteqqunneranni qaaqqusineq tamanna naamassineqarluinnalerpasilluni. (Hebræerit 3:1) Anersaakkut Israelikkuusussatut anersaamit illernartumit naqissuserneqartut 144.000-upput, taakkulu ’inunnit immikkoortinneqarsimapput akiliunneqarlutik’. (Saqqummersitat 7:14; 14:1-4) Kristusimut kuisimapput, tassa Kristusip anersaakkut timaanut imaluunniit ilagiivinut, toquanullu. (Romamiut 6:3; 1 Korinthimiut 12:12, 13, 27; Efesosimiut 1:22, 23) Imermi kuisereerlutik anersaamillu illernartumik tanineqareerlutik imminut pilliutigeriaannaallutik inuulerput, toqunissartik tikillugu assuarnaattuarlutik. — Romamiut 6:4, 5.
7. Sooq kristumiut tanitaannaat eqqaaniaalluni nalliuttorsiornermi assersuutinik ilanngiisussaatitaappat?
7 Anersaakkut Israelikkutut kristumiut tanitat Galatiamiut 6:16; Jeremia 31:31-34) Angeruseq nutaaq taanna Kristusip aavata kuineratigut atulersinneqarpoq. Jiisusip tamanna ilisimatitsissutigaa toqunini pillugu eqqaaniaalluni nalliuttorsiorneq pilersikkamiuk. Lukasi ima oqaluttuarpoq: „Timiusarlu tiguaa, qujallunilu aggorpaa, taakkununngalu tunniullugu oqarpoq: ’Tassa timiga ilissi pillusi tunniunneqartoq. Taamaaliortaritsi uanga eqqaaniarlunga!’ Taamattaaq nerereeramik ermuseq tiguaa oqarlunilu: ’Ermuseq manna tassa angerusisaaq uanga aakkut pillusi kuineqartukkut.’“ (Lukasi 22:19, 20) Sinneruttut, tassa 144.000-t ilaat suli nunarsuarmiittut, Kristusip toquneranik eqqaaniaalluni nalliuttorsiornermi assersuutinik, timiusamik viinnimillu, ilangiisussaatitaapput.
angerutsimut nutaamut, Jehovap ’Israeli Guutip pigisaanut’ angeruseqarfigisaanut, ilaapput. (8. Tanitat qanoq nalunngilaat qilammut qaaqqusaallutik?
8 Tanitat qanoq nalunngilaat qilammut qaaqqusaallutik? Anersaamit illernartumit qularnaalluinnartumik nalunaajaaffigineqarput. Apustili Paulusip ima allaffigai: „Guutimmi Anersaavanit ingerlatinneqartut tamaasa Guutip qitornarai. . . . Anersaaq nammineq uagut anersaarput peqatigalugu nalunaajaavoq Guutip qitornarigaatigut. Qitornaaguttami kingornussisussaavuguttaaq, tassaalluta Guutip kingornussisussaatitai Kristusillu kingornussisussaqatai; naallioqatigigatsigumi naalannarseqatigissavarputtaaq.“ (Romamiut 8:14-17) Anersaap nalunaajaataa ima qularnanngitsigimmat, qilammut qaaqqusaasimanerminnik qularinnittut, qaaqqusaanatik isummernissaminnut tunngavissaqarluarput, taamaattumillu eqqaaniaalluni nalliuttorsiornermi assersuutit ilangeeqataaffigissanngilaat.
Anersaaq aamma savat allat
9. Iivangkiiliuni Saqqummersitat-nilu immikkooqatigiit marluk kikkut eqqaaneqarpat?
9 Jiisusip nalunnginnamiuk kristumiut killilimmik amerlassusillit taamaallaat anersaakkut Israelikkunnut ilaasussaasut, ’savarpannguatut’ eqqaavai. Taakku angerutsip nutaap ’ungalusaa’ iserfigisinnaavaat, ’savat allat’ kisissaanngitsut Jiisusip aamma katersugassarineragaasa iserfigisinnaanngikkaat. (Lukasi 12:32; Johannesi 10:16) ’Savat allat’ ulluni kingullerni katersorneqartut tassaapput ’amerlangaartut’ ’annikilliortitaangaarnermit aniguissussat’, nunarsuarmilu paratiisiusumi inuunissamik neriugisallit. Soqutiginarpoq Johannesip ukiut hundredellit siulliit naalerneranni takorruugaani amerlangaartut taakku 144.000-tillu anersaakkut Israelikkunnut ilaasortaasut immikkoortinneqarnerat. (Saqqummersitat 7:4, 9, 14) Savat allat aamma anersaaq illernartoq pivaat, taamaappallu inuunerannut qanoq sunniuteqarpa?
10. Savat allat „Ataatap Ernerullu Anersaallu Illernartup aqqani“ kuisinnerat qanoq paasisariaqarpa?
10 Anersaaq illernartoq savanut allanut pingaaruteqangaassaaq. Jehovamut tunniulluinnarnertik takutittarpaat „Ataatap Ernerullu Anersaallu Illernartup aqqani“ kuisinnermikkut. (Matthæusi 28:19) Jehovap kisimi oqartussaanera akueraat, Kristusimullu kunngimittut utertitsisumittullu naalatsigitipput Guutillu anersaavanit, pissaaneranit sulissutiginnittumit, inuunerminni siulersortipput. Ullut tamaasa inuunerminni ’anersaap inerititai’, pissutsit soorlu „asanninneq, nuannaarneq, eqqissineq, kamajasuunnginneq, inussiarnisaarneq, ajunngitsuuneq, unneqqarissuseq, qanilaarneq imminullu naalakkersinnaaneq“, ineriartortittarpaat. — Galatiamiut 5:22, 23.
11, 12. (a) Tanitat immikkut ittumik qanoq illernarsarneqarpat? (b) Savat allat qanoq illernarsarneqarpat?
Johannesi 17:17; 1 Korinthimiut 6:11; Efesosimiut 5:23-27) Pruffiiti Danielip ’Qutsinnerusaartup illernartortaanik’ taavai, allaatigaalugillu ’inuup ernerata’ Jiisusi Kristusip ataani Naalagaaffimmik tunineqatut. (Danieli 7:13, 14, 18, 27) Tamanna sioqqullugu Mosesi Aronilu aqqutigalugit Jehova inuiaqatigiinnut Israelikkunnut oqarpoq: „Uangami tassaavunga [Jehova] Guutersi. Illernarsassaasi illernartuullusilu uanga illernartuugama.“ — 3 Mosesi 11:44.
11 Aamma savat allat Guutip oqaasia anersaarlu illernartoq minguiaatittariaqarpaat illernarsisitsisillugilluunniit. Tanitat immikkut ittumik illernarsisinneqareerput, Kristusip nuliassaatut naapertuilluartutut illernartutullu oqaatigineqaramik. (12 Oqaaseq „illernarsarneqarneq“ isumaqarpoq „iliuuseq iliuuseqarnerluunniit illernarsaalluni imaluunniit Jehova Guutimut atugassamik kiffartorfiginisaanulluunniit immikkoortitsinneq. Iliuuseq „illernassuseqalersitsisoq“. 1939-mili Vagttårnet-imi allaaserineqarpoq ’Jonadabikkut’ imaluunniit savat allat „ilinniartariaqaraat tunniulluinnarneq illernarsarneqarnerlu amerlangaartunut ilaajumasunut nunarsuarmilu inuujumaartunut tamanut piumasaqaataasoq“. Amerlangaartunik takorruukkami Saqqummersitat-niittumi katersanut taakkununnga ilaasut ima allaatigineqarput: ’Atisaminnik Savaaqqap aavanut eqqiaasimasut qaqortitillugit’. Aamma allassimavoq Jehova ’naalaffiani kiffartorfigigaat ullukkut unnuakkullu’. (Saqqummersitat 7:9, 14, 15) Anersaaq illernartoq iluaqutigalugu savat allat sapinngisaminnik iliuuseqartarput Jehovap illernassusermut atatillugu piumasaqaatai naammassiniarlugit. — 2 Korinthimiut 7:1.
Kristusip qatanngutai ajunngitsuliorfigisarpaat
13, 14. (a) Jiisusip savanik savaasanillu assersuusiaa naapertorlugu savat annaaneqarnissaannut suna aalajangiisuua? (b) Naggatissap matuma nalaani Kristusip qatanngutai savanit allanit qanoq ajunngitsuliorfigineqartarsimappat?
13 Jiisusip savanik savaasanillu assersuusiaani ’pissutsit aaqqissuussaanerata naggatissaanik’ siulittuummut ilaasumi, Jiisusip savat allat savarpannguillu imminnut qanittumik attaveqarnerat tikkuarpaa. Assersuusiami erseqqissarneqarpoq savat allat tanitanut, Jiisusip ’qatannguminik’ taasaanut, pissusilersornerat annaaneqarnissaannut pingaaruteqarluinnartoq. Ima oqarpoq: „Kunngip talerpimmi tungaaniittut ima oqarfigissavai: ’Qaagitsi, ataatama pilluaqqusai, naalagaaffik silarsuup tunngavilerneqarneraniit ilissinnut pisassarititaasoq kingornussarisiuk. . . . Ilumut oqarfigaassi, ukununnga qatanngutima minnerpaat ilaannut iliuuserisasi uannut iliuuserisimavasi.’“ — Matthæusi 24:3; 25:31-34, 40.
14 Oqaatsimi ’iliuuserisasi’-mi pineqarput Kristusip qatanngutaanut anersaakkut ernerineqartunut, Satanip silarsuaani takornartatut iliorfigineqartartunut ilaatigullu allaat parnaarunneqartartunut, ajunngitsuliornerit. Nerisassaqarnissartik, atisassaqarnissartik isumagineqarnissartillu pisariaqartippaat. (Matthæusi 25:35, 36) Naggatisap tamatuma nalaani 1914-imiilli misigisartakkatsini tanitat ilarpassui taama pisariaqartitaqartarsimapput. Jehovap Nalunaajaasuisa ukiuni nutaanerusuni oqaluttuarisaanerata takutippaa suleqatiminnit ilumoortunit, savanit allanit, anersaamit siulersorneqartunit ikiorneqartarsimasut.
15, 16. (a) Ingammik suliassamik sumik Kristusip qatanngutai tanitat nunarsuarmiittut savanit allanit ikiorneqartarpat? (b) Savanut allanut qujamasunnertik tanitat qanoq oqaatigisimavaat?
15 Naggatissap matuma nalaani Kristusip qatanngutai tanitat nunarsuarmiittut ingammik suliassaminni Guutimeersumi, tassa ’naalagaaffimmik nutaarsiassamik nuannersumik tamatuminnga nunarsuarmi inuit najugarisaanni tamarsuarmi inuiaat tamarmik nalujunnaarutissaannik oqaluussissutiginninnerminni’, savanit allanit ikiorneqartarsimapput. (Matthæusi 24:14; NV. Johannesi 14:12) Ukiut ingerlaneranni tanitat nunarsuarmiittut ikiliartortillugit, savat allat ima amerliartortigipput maanna millionilikkuutaajullutik. Taakkua ilaat tusindillit piffissaq tamaat oqaluussisartutut — pioneeritut ajoqersuiartortitatullu — kiffartorput Naalagaaffimmillu nutaarsiassaq nuannersoq „nunarsuup isua tikillugu allaat“ nalunaajaatigalugu. (Apustilit Suliaat 1:8) Allat sapinngisannguartik tamaat oqaluussisarput, suliassarlu pingaarutilik tamanna aningaasatigut tapersersortarlugu.
16 Kristusip qatanngutaasa tanitat suleqatimik, savat allat, ilumoorlutik tapersersuinerat qujamasuutigaat. Atuakkami Sikkerhed i verden under Fredsfyrsten-imi ’kiffaqatigiit’ 1986-imi saqqummersitaanni misigissutsitik ersersilluavikkaat allaatigineqarput. Ima allassimavoq: „Sorsunnersuup aappaata nalaanniilli Jiisusip suliassaq ’pissutsit aaqqissuussaanerata naggatissaata’ nalaani naammassineqartussaq pillugu siulittuutaa pingaartumik ’savanit allanit’ ’amerlangaartunit’ suliarineqartarsimavoq. . . . Taamaattumik ’amerlangaartut’ inuiannit immikkullu oqaasilinnit tamaneersut qutsavigineqangaartariaqarput [Jiisusip] Matthæusi 24:14-imi siulittuutaata eqquunnerani peqataangaarsimagamik!“
’Uagut ilagitinnata naammalluin-nartunngortinneqassanngillat’
17. Aalajaatsut itsaq inuusimasut nunarsuarmut makikkunik tanitat ilagitinnagit naammalluinnartunngortinneqassanngitsut qanoq paasisariaqarpa?
17 Apustili Paulusip nammineq tanitaasup, angutit arnallu aalajaatsut Kristusi sioqqullugu inuusimasut eqqartoreerlugit, ima allappoq: „Tamakku tamarmik uppertuunertik nalunaajaatigineqaraluartoq neriorsuutisiamik eqquunnerat angumerinngilaat Guuti uagut [tanitat] pilluta ajunnginnerusumik siunertaqarmat, tassa taakkua uagut ilagitinnata [naammalluinnartunngortinneqassanngillat, NV].“ (Hebræerit 11:35, 39, 40) Guutip ukiuni tusindini naalagaaffiani Kristusip qatanngutaasalu tanitat 144.000-iusut qilammi kunngitut palasitullu kiffartorlutik Jiisusip utertitsisutitut pilliutaata iluaqutissartai inunnut nunamiittunut iluaqutaalersissavaat. Tamatumuuna — tanitat peqatigalugit — savat allat isumakkut timikkullu ’naammalluinnartunngortinneqarumaarput’. — Saqqummersitat 22:1, 2.
18. (a) Kristumiut Allagaataanni Grækerisuuni Kristusip qatanngutaasalu tanitat kisiinnangajammik eqqartorneqarnerat, savat allat paasinninnissaannut qanoq iluaqutaava? (b) Savat allat suna neriuutigalugu „Guutip qitornaasa saqqummersitaanissaat“ qilanaarutigaat?
18 Tamakku tamaasa savat allat killinneqaatigingaartariaqarpaat, Kristumiullu Allagaataanni Grækerisuuni Kristusip qatanngutaasalu tanitat sooq kisiinnangajammik eqqartorneqarnerannik tanitallu Jehovap siunertaanik naammassinninneranni pingaaruteqarluinnartumik inissisimanerannik paasinninnissaminnut iluaqutigisariaqarpaat. Romamiut 8:19-21.
Taamaattumik savat allat immikkut pisinnaatitaaffittut isigaat periarfissat tamaasa atorlugit katersat tanitaasut tapersersorsinnaagamikkik Harmagedonimi Guutillu ukiuni tusindini naalagaaffiani „Guutip qitornaasa saqqummersitaanissaat“ utaqqitillugu. Qilanaarutigisinnaavaat ’nungujassusermi inussiaataanermit kiffaanngissuseq Guutip qitornaasa naalannarsiffissami pisassaat pigilissallugu’. —Eqqaaniaalluni nalliuttorsiornermi anersaakkut ataasiussuseqarneq
19. Tanitat suleqataasalu „sallusuissutsip anersaava“ qanoq iluaqutigaat, marsillu 28-ani unnukkut qanoq immikkut ittumik ataasiussuseqassappat?
19 Ukiumi 33-mi nisanip 14-ianni unnukkut naggasiilluni qinunermini Jiisusi oqarpoq: „Qinnuppakka . . . tamarmik ataasioqqullugit, soorlu illit, Ataataq, uanniittutit uangalu ilinniittunga, taakkuttaaq aamma uatsinneeqqullugit silarsuarmut uppereqqullugu illit aallartikkimma.“ (Johannesi 17:20, 21) Asanninnermigut Guutip ernini aallartippaa taassuma inuunini pilliutiginiassammagu tanitat inuiaallu naalattut annaanniarlugit. (1 Johannesi 2:2) Kristusip qatanngutai suleqataallu ’sallusuissutsip anersaavata’ ataasiussuseqartippai. Marsip 28-anni seqernup tarrinnerata kingorna katersat taakku marluk tamarmik katersuutissapput Kristusip toqunera Jehovallu ernermigut, Jiisusi Kristusikkut, pilliutaa aqqutigalugu pillutik iliuuserisai tamaasa eqqaaniarlugit. Pisussami pingaarutilimmi tamatumani najuunnermikkut ataasiussusertik qanortoq nakussatsillissuk, Guutillu piumasaanik iliortuarumallutik qanortoq aalajangeqqillik, taamaalillutik ersersissinnaavaat Jehovap asasaasa akornanniinnertik nuannaarutigalugu. (wE 2/1 02)
Uteqqiineq
• „Sallusuissutsip anersaava“ qanga kristumiunut siullernut aallartinneqarpa, taannalu qanoq ’illersuisuusarsimava’?
• Tanitat qanoq nalunngilaat qilammut qaaqqusaallutik?
• Guutip anersaava savanut allanut qanoq sunniuteqartarpa?
• Savat allat Kristusip qatanngutai qanoq ajunngitsuliorfigisarpaat, sunalu pillugu tanitat ’ilagitinnagit naammalluinnartunngortinneqassanngillat’?
[Atuaqqissaarnermi apeqqutit]
[Qupp. 27-mi assiliartaq]
Ukiumi 33-mi piinsip ulluani „sallusuissutsip anersaava“ ajoqersukkanut kuineqarpoq
[Qupp. 29-mi assiliartat]
Savat allat Kristusip qatanngutai ajunngitsuliorfigisarpaat Guutip oqaluussissutigeqqusaanik ikiorlugit oqaluusseqataanermikkut