Qanoq ililluni silarsuup matuma naggatissaanit aniguisoqarsinnaava?

AAQQISSUUSSAANERUP matuma atuuttup naggatissaa Biibilimi allaatigineqarpoq „Ulloq taanna tassaassaaq kamannerup ullussaa, ulloq naalliuffissaq, annikilliorfissaq, ulloq piuneerussaaffissaq, aserugaaffissaq, ulloq taggarissuusussaq, ulloq qulisimasoq taartunillu nuialik“. (Sefania 1:15) Ulloq taamaattoq qilanaarnartanngilaq. Taamaattoorli apustili Petrusip kristumioqatini kajumissaarpai ’Guutip ullussaata nalliunnissaa utaqqeqqullugu piaarnerusumillu nalliunnissaa ilungersuutigalugu qilaat ikumallutik nungukkumaarmata, pinngoqqaartullu ikuallallutik aakkumaarmata. Neriorsuutaa naapertorlugu ilimagisaraavut qilaat nutaat nunalu nutaaq iluassutsip najugarisassai.’ — 2 Petrusi 3:12, 13.

Petrusip uani eqqartugai tassaanngillat qilaap nunallu piviusut suujunnaarsitaanissaat. „Qilaat“ aamma „nuna“ Petrusip eqqartugai, taassaapput maannakkut naalakkersuisut peqquserluttut inuit pilersitaat inuiaallu guutiitsut. „[Jehovap] ullussaani“ nunarsuaq aserorneqassanngilaq, kisianni ’inui ajortuliortut piiarneqassapput’. (Esaja 13:9) Inunnut ullutsinni inuiaqatigiit ajortut suliaannik „maajunnartuliat pillugit anersaarulullutik kappialasunut“ ulluuvoq annaanneqarfissaq. — Ezekieli 9:4.

Kisianni qanoq ililluni ’[Jehovap] ullussaani angeqisumi siooranangaaqisumilu’ annattoqarsinnaava? Pruffiitimi ilaannut ’Jehovap oqaasiisa’ akivaatigut: „Kinaluunniillu [Jehovap] aqqanik torlorfiginnittoq annaanneqassaaq.“ (Joeli 1:1; 3:4, 5) Jehovap Nalunaajaasuisa kingunerisassai paaseqqullugit nuannaarlutik ikiorumavaatsit. (wE 03/01 02)