Guutip Naalagaaffianik Oqaluussissutiginninnermit Nutaarsiassat

’Guuti kiffartorfigerusuppara’

QIMALLUGU ANIGITSI, innuttakka.“ Tassaana apustili Johannesip ukiuni hundredelinni siullerni inngili torlulaartoq tusaagaa. Ullutsinni eqqortumik isiginnittaasillit millionillit „Babylonersuaq“, eqqunngitsumik upperisarsiorneq, qimaqqullugu kajumissaarut qisuariarfigaat. (Saqqummersitat 18:1-4) Taakkua ilagaat Wilner Haitimeersoq, allaaserisami matumani oqaluttuartoq.

„1956-mi inunngorpunga ilaquttakkalu katuuliulluartut Haitimi illoqarfeeqqami St. Marc-imi najugaqatigaakka. Palasinngorniat atuarfianni St. Michel de l’Atalaye-imiittumi illoqarfitsinneersut allat marluk ilagalugit palasinngorniartussanngortinneqarama ilaqutariit nuannaarnerat takorluulaariarsiuk. 1980-mi Belgiamiittummut Stavelotimukartinneqarpugut suli annerusumik ilinniartitaaniassagatta katuullillu universitetianniinniassagatta.

Aallaqqaataani palasitut sulinissara isumalluarfigaara. Ullut ilaanni palasip gruppitsinniittup arlaannik oqarfigerusullunga nerisarfimmiinnerulaaqquaanga. Isertuarani kinguaassiuutitigut pilerissuseqarfigalunga oqarfigimmanga amiilaarnera takorluulaariarsiuk! Qaninniarnerigalua itigartippara, isumalluarunnaavippungali. Ilaquttakka allaffigalugit qanoq pisoqarsimaneranik oqaluttuuppakka, iluarinngikkaluaraallu qaammatialuit qaangiuttut palasinngorniartut atuarfianniikkunnaarpunga. Illoqarfeeqqami inissarsivunga allamillu ilinniagaqalerlunga.

St. Marc-imut uterama ilagiinnut katuullinut tatiginnikkunnaavippunga. Sulili Guuti kiffartorfigerusuppara, qanorli iliornissara nalullugu. Upperisarsiortunut attaveqanngilanga, taamaattumik adventistit, baptistit, Ebenezerit, mormonillu oqaluffiinukartalerpunga.

Taamaallunga eqqaalerpara Belgiami seminariamiitillunga Biibili Cramponsip nutsigaa atuarsimasara. Eqqaamavara tassani Guutip atia takunikuullugu. Taamaattumik Guutip atia atorlugu qamannga pisumik saaffigaara qinnuigalugulu upperisarsiornerup ilumoortup naninissaanut ikioqqullunga.

Kinguninnguagut Jehovap nalunaajaasui marluk eqqatsinnut nuupput. Eqqissisimasuunerat, ataqqinningaarnerat naleqquttumillu pissuseqarnerat malugaakka. Ullut ilanni aappaata ukiumoortumik Kristusip toquneranik eqqaaniaalluni nalliuttorsiornermut qaaqquaanga. Najuunnera nuannaraara Jehovap nalunaajaasuinillu aalajangersimasumik Biibilimik atuaqqissaaqateqarnissannik neqeroorfigineqarama akueralugu. Ukiup affaa qaangiutinngitsoq Guutimik ilumoortumik pallorfiginnilersimanera qulariunnaavippara. Inuunera Jehovamut tunniulluinnarpara novembarillu 20-ni 1988-mi kuisillunga.“

Kingorna Wilner piffissaq tamaat oqaluussisartunngorpoq. Ullumikkut utoqqaanertaavoq, taanna nulianilu meeqqatillu marluk ilagiinni ilaqutariiupput pilluartut. (wE 4/1 02)

[Qupp. 9-mi assiliartaq]

Wilnerip Biibilimik atuarnermigut paasivaa Guutip atia tassaasoq Jehova