Qimaaffissanngoraangat

ULLUMIKKUT nalinginnaasuuvoq qanorluunniit pissusilersorfigineqarnerup akueriinnarneqaannartannginnera, kisianni tassa peqqarniitsoq assinganik akillugu. Usernartorsiornerit akiorniarneqartarneri amerlasuunit sianiilliornertut isigineqartarput. Assortuunnernit usernartorsiornermiilluunniit qimaasoq qunutuutut isigineqalertarpoq illaruaatigineqarsinnaallunilu.

Biibilimili ersarissumik oqaatigineqarpoq ilaatigooriarluni qimaapallannissaq silatusaarnerullunilu sapiitsuliornerusoq. Jiisusip tamanna erseqqissarpaa ajoqersukkani oqaluussiartoqqullugit aallartikkamigit imalu siunnersorlugit: „Illoqarfiit ilaanni qinugineqarussi taava allamut qimaagitsi.“ (Matthæusi 10:23) Aap, Jiisusip ajoqersugai malersortiminnit qimaaniartussaapput. Kiffartornerat ilerfiarnertut inngilaq inuit pingitsaalillugit isumataartinniarlugit. Eqqissinissamik tusarliussaq oqaluussissutigaat. (Matthæusi 10:11-14; Apustilit Suliaat 10:34-37) Taamaattumik kristumiut kamassassanngillat kamassaarisuniilli qimaguttussaallutik. Taamaalillutik nalunngeqatiginnissutertik kisiat pinnagu aammali Jehovamut attaveqarnertik naleqangaartoq illersussavaat. — 2 Korinther 4:1, 2.

Ussatit-ni, angut inuusuttoq ussernartumit qimagutinngitsoq eqqaaneqarpoq. Atortittartoq malippaa „assigalugu ussik toqutaaffissaminukartoq.“ Qanoq kinguneqarpa? Ajortumik — usernartoq inuunerminik navianartorsiortitsisoq naalaannaramiuk. — Ussatit 7:5-8, 21-23.

Kanngunartuliornissamut ussernartorsiortitaagaluaruit arlaatigulluunniit navianartorsiorlutit qanoq iliussagaluarpit. Guutip oqaasia naapertorlugu qimaanissaq silatusaarneruvoq, navianartorsiorfiusumit qimagutipallalluni. — Ussatit 4:14, 15; 1 Korinther 6:18; 2 Timotheusi 2:22.  (wE 4/15 02)