Asanninneq kusanarnerpaaq

OQAASEQ asanninneq Kristumiut Allagaataanni Grækerisuuni, aamma Testamentitaamik taaneqartartuni atorneqaraangami amerlanertigut oqaatsimit grækerisuumit agape-mit nutsigaasarpoq.

Oqaatsip taassuma isumaa pillugu qinerlerfissiami Indsigt i Den Hellige Skrift-imi * allassimavoq: „[Agaʹpe] nalinginnaasumik asanninnermik isiginnittaatsitut asanninnerunngilaq misigissutsinik aallaaveqartoq, asanninneruvorli piumassusermit aalajangerneqartoq, ileqqoreqqusanut, pisussaaffimmut pissuserissaarnermullu tunngasuusoq, tassami eqqortut suunersut naapertorlugit illuatungerisaq ilumoorullugu iluaqutissinniarneqartarpoq. Akeqqersimaarneq akornutaatinneqartanngilaq, akeqqersimaarnerlu taamaattoq najoqqutassianik eqqortunik sumiginnaanermik iliuuserineqartullu assinganik akisinermik kinguneqartinneqarneq ajorpoq.“

Agape-li misigissutsinut kissalaartunut atasinnaavoq. ’Asaqatigiigitsi ilungersorlusi asanninnerup ajorterpassuit matoortarmagit,’ apustili Petrusi kajumissaarivoq. (1 Petrusi 4:8, 1961) Taamaattumik oqartoqarsinnaavoq agape asanninnerusoq isumakkut uummatikkullu pisoq. Allassimaffiit asanninnerup kusanartup taassuma qanoq annertutigineranik qanorlu pissaaneqartigineranik takutitsisut soormi misissorukkit? Tamatumunnga atatillugu allassimaffiit makku atorneqarsinnaapput: Matthæusi 5:43-47; Johannesi 15:12, 13; Romamiut 13:8-10; Efesosimiut 5:2, 25, 28; 1 Johannesi 3:15-18; 4:16-21.

[Quppernerup ataani ilanngussaq]