Aappariinnersi qanoq nakussatsissinnaagissi
Aappariinnersi qanoq nakussatsissinnaagissi
TAKORLOORIARUK illu aserfallassimasoq. Qalipaataa katagarpoq, qaliata qaava ussiippoq silataalu tukappoq. Nalunanngilaq illu ukiut ingerlaneranni anorersuarnit nalaanneqartarsimasoq aserfallatsaalineqarsimanngitsorlu. Isaterneqartariaqarnerpa? Taamaattariaqanngikkaluarpoq. Tunngavia qajannaappat sananeqarneralu aamma qajannaappat illu qularnanngitsumik nutaatut ilerseqqinneqarsinnaavoq.
Aappariinnersi illumut tassunga eqqaanarpa? Immaqa ukiut ingerlaneranni aappariinnersi ’anorersuarsiortarsimavoq’, imaassinnaavorlu arlassi tamassiluunniit aappariinnersi sumiginnarsimagaat. Immaqa Sandytut misigivutit, taanna aappariinnerminni ukiut 15-inngoreerlugit oqarmat: „Aappariinnerput ataatsimoorutituaraarput. Tamannalu naammanngilaq.“
Ilissittaaq aappariinnersi taamaakkaluartoq ima paasisariaqanngilaq annaanneqarsinnaanngitsoq. Qularnanngitsumik inooqatigiillualeqqissinnaavusi. Apeqqutaavoq illit aappallu aappariinnissi nakussatsinneqarnissaanut atanissaanullu qanoq aalajangersimatiginersusi. Ataqatigiinnissarsi aalajangiussimagussiuk aappariinnersi ima qajannaatsigilersinnaavoq allaat ’anorersuaraluarpalluunniit’ atasinnaalerluni. Kisianni aappariikkumalluni neriorsoqatigiinneq qanoq eqqortinneqarsinnaava? Tamatumunngalu kajuminnerulernissassinnut Biibili qanoq iluaqutigisinnaavisiuk?
Pisussaaffigeqatigiissutut misigigitsi
Oqaaseq pisussaaffik ilaannikkut inummut tunngassuteqarpianngitsutut suliamulli tunngassuteqarnerusutut atorneqartarpoq. Assersuutigalugu entreprenøri illuliornissamik isumaqatigiissuteqarsinnaavoq taamaalilluni piumasaqaatit aalajangersimasut naammassinissaannut pisussaaffeqalerluni. Immaqa isumaqatigiissuteqarfigisani inuttut ilisimanngikkaluarpaa, taamaattorli neriorsuutimi eqqortinnissaanut pisussaasutut misigivoq.
Aappariinneq soorunami tassaanngilaq suliamik isumaqatigiissut, aammali taanna isumaqatigiissutaavoq pisussaaffiusoq. Aappallu qularnanngitsumik Guutip saavani ilisimannittullu najuutsillugit neriorsuisimavusi atoruminartuni Matthæusi 19:4-6) Tassa ajornartorsiuteqalerpat aappallu aalajangertariaqarpusi immissinnut neriorsuutersi naammassissallugu. * Arnaq oqarpoq: „Aatsaat avinnissaq periarfissatut eqqarsaatigiunnaaratsigu siumukalerpugut.“
atoruminaatsunilu asaqatigiikkumallusi. Jiisusi oqarpoq: ’Pinngortitsisup angut arnarlu pinngortippai oqarlunilu: „Tamanna pillugu angutip ataatani anaananilu qimassavai nulianilu attavigalugu.“’ Nangipporlu: „Guutimmi ataqatigiilersitai inuup avissaartissanngilai.“ (Taamaattorli aappariikkumallusi neriorsuutissi eqqortinnissaanut pissutiginiagaq tassaaginnassanngilaq pisussaasutut misigineq. Suna alla aamma pisariaqartinneqarpa?
Ataqatigiilluarneq kajumissinartuuvoq
Naak aappariit aappariikkumallutik neriorsuutimik eqqortinnissaanut piumassuseqaraluarlutik immaqa tamatigut isumaqatigiittanngillat. Isumaqatigiinnginneqaleraangat ajornartorsiutip aaqqinneqarnissaanik ilumoorlutik kissaateqartariaqarput, angerfigeqatigiissimanertik pissutigiinnarnagu, aammali misigissutsikkut ataqatigiikkamik. Jiisusi ui nuliarlu pillugit oqarpoq: ’Marluujunnaarlutik uiniulissapput ataaseq.’
’Uiniussapput ataaseq’ qanoq paasisariaqarpa? Apustili Paulusi allappoq ’uiusut nuliatik asassagaat namminneq timimittut’. (Efesosimiut 5:28, 29) ’Uinik ataaseq’ ilaatigut ima paasisariaqarpoq aappat ilittut soqutigitigisariaqarit. Aappaqartut eqqarsarnatik ’uanga’ aamma ’pigisara’ eqqarsartariaqarput ’uagut’ aamma ’pigisarput’. Siunnersuisartoq ima allassimavoq: „Tamarmik aappaqanngitsutut eqqarsarunnaarlutillu misigiunnaartariaqarput aappariittutulli eqqarsarlutillu misigilertariaqarput.“
Illit aappallu aappariittut eqqarsarlusilu misigisarpisi? Ilaat ukiorpassuarni aappariissimapput suli eqqarsaatikkut misigissutsikkullu ’uiniunatik ataaseq’. Atuakkamili Giving Time a Chance (Taamaatiaarpallaarnasi) allassimavoq: „Aappariinneq tassa inuuneqaqatigiinneq, inuillu marluk peqatigiinnerujartortillutik tunngaveqaqatigiinnerujartortarput.“
Aappariit pilluanngitsut meeqqatik aningaasalluunniit piinnarlugit qimanneq ajorput. Ilaat qimanneq ajorput allat qanoq eqqarsarnissaat isumakuluutigalugu, imaluunniit avinnissaminnut nangaalertaramik ileqqussarititaasut pillugit ilerasuuteqarlutik. Soorunami qimannani ataqatigiiginnarneq nersortariaqartuuvoq, eqqaamajulli siunertaq tassaaginnassanngimmat aappariinnerup ataavarnissaa, aammali pilluarnartuunissaa.
Namminissarsiunnginnerup aappariinneq nakussatsissavaa
Biibilimi siulittuutigineqarpoq inuit „ullussani kingullerni namminissarsiortuussasut“. (2 Timotheusi 3:1, 2) Siulittuummut tamatumunnga naapertuuttumik ullumikkut inuppassuit imminnut guutisiorfigisarpullusooq. Aappariinni amerlavallaani sanngiinnertut isigineqartarpoq nammineq pissarsinissaq qulakkeeqqaarnagu imminut tunniukkaanni. Aappariinnermili qajannaatsumi aappariit namminissarsioratik imminnut tunniunnissaminnut kajumissuseqarput. Qanoq illit taamaaliorsinnaavit?
Aappariinneq qanoq pissarsiffigisinnaanerlugu eqqarsaatigivallaarnagu imminut aperigit: ’Nakussatsinniarlugu qanoq iliortarpunga?’ Kristumiut Biibilimi ima peqquneqarput: „Tamassi immikkut nammineq iluaqutissarsi pinnagu inoqatississaaq iluaqutissaat isumagisiuk.“ (Filippimiut 2:4) Tamatumunnga atatillugu eqqarsaatigiuk sapaatip-akunnera kingulleq qanoq ingerlasimanersoq. Aappat nuannaartiinnarniarlugu qanoq iliuuseqarsimavit? Aapparpit oqaloqatigiumagaangatit tusarnaartarpiuk — naak immaqa kajumippallaanngikkaluarlutit? Qassinik iliuuseqaqatigiissimanerpisi aapparpit ilinnit soqutiginerusaanik?
Isumakulussanngilatit namminissarsiunnginnerit arajutsineqassasoralugu imaluunniit pissarsissutiginngitsuussasoralugu. „Aappariinnerni amerlanerpaani iliuutsit ajunngitsut akilerneqartarput; taamaattumik illit nammineq ajunngitsumik ileqqoqarnikkut aapparisat ajunngitsumik iliuuseqarnissaanut pissutissaqalersittaruk,“ qinerlerfissiami taama allassimavoq. Namminissarsiunnginnerpit takutissavaa aappariinneq pingaartikkit atatittuarusullugulu, tamatumalu ataqatigiinnersi nakussatsissavaa.
Aappariinneq ataavartussatut isigineqartariaqarpoq
Jehova Guutip unneqqarissuseq pingaartippaa. Biibilimi allassimavoq: „Unneqqarissumik iliortarputit [Jehova] unneqqarissumut.“ (2 Samueli 22:26) Guutimut unneqqarissagaanni aamma aappariinnermut pilersissimasaanut unneqqarissuusariaqarpoq. — 1 Mosesi 2:24.
Immissinnut unneqqariffigigussi ataqatigiittuarnissarsi qulakkeersinnaavarsi. Qaammatit, ukiut ukiulluunniit qulillit siunissamiittut eqqarsaatigalugit suli immissinnut aappariittut takorloorsinnaavusi. Aappariikkunnaarnissarsi takorlooruminaatsissavarsi — tamannalu toqqissisimanartuuvoq. Arnaq oqarpoq: „[Uiga] kamaatingaaraluaraangakkuluunniit aappariinnitta atajuarnissaa ernumassutigisanngilara. Ernumassutigisarpara qanoq ajunngitsumik ingerlaleqqissinnaanersugut. Qularisanngivippara ajunngitsumik ingerlaleqqissinnaasugut — nalugallaannartarpara qanoq iliussasugut.“
Aappariinneq ataavartussatut isigigukku nakussatsinniarnissaanut kajumissuseqarnerungaassaatit. Ajoraluartumilli amerlasuut aappariinneq Jaaku 3:8) Sioorasaarigutta naggasiiniartutullu piumasaqarutta assigiinnassavaa oqarutta: ’Aappariinnerput ataavartussatut isiginngilara. Qaqugukkulluunniit qimagussinnaavunga.’ Tamanna aappariinnermut aserorsaataavoq.
taama isiginngilaat. Isumaqatigiinngingaatsialerunik ilaat immaqa oqassapput: „Qimappakkit!“ imaluunniit: „Allamik nassaarsinnaavunga uannik pingaartitsisumik!“ Soorunami oqaatsit taamaattut ilaannikkut pimoorunneqarneq ajorput. Taamaattoq Biibilimi paasitinneqarpugut ’oqaq toqunartumik toqussutaasartumik ulikkaartoq’. (Aappariinneq ataavartussatut isigigukku ullut ajunngippata ajorpataluunniit aappat ilagiumassavat. Taamatut aalajangersimaneq iluaqutaassaaq, tassa sanngiissutisi kukkunisilu akueriuminartinnerussagassigik, kamageqatigiillusilu isumakkeerfigeqatigiissinnaassagassi. (Kolossemiut 3:13) Aappariinneq pillugu atuagaq naapertorlugu „aappariilluartut marluullutik tamarmik kukkusinnaapput, tamannali aappariinnerup aseruutigineq ajorpaa“.
Katikkavit aappariinnermik aaqqissuussaanermut neriorsuinak inummut piviusumut aappariumasannut neriorsuivutit. Tamanna maannakkut eqqarsariartaatsinnut iliuutsinnullu sunniuteqartariaqannginnerpa? Tassa aappariittuarnissassinnut pissutigisat tassaaginnassanngilaq aappariinnerup aaqqissuussinertut illernartuuneranik upperinninnerit, aammali tassaassalluni aapparilersimasannik asanninnerit. (wE 9/15 03)
[Quppernerup ataani ilanngussaq]
^ imm. 7 Pissutsini immikkut ittuni aappariit averusernissaannut pissutissaqarsinnaavoq. (1 Korinthimiut 7:10, 11; takuuk Ilaqutariittut pilluarneq isertugaateqarpoq, quppernerit 159-61, Jehovap Nalunaajaasuinit naqitigaq.) Aamma kinguaassiuutitigut inuunerlunneq Biibili naapertorlugu avissutaasinnaavoq. — Matthæusi 19:9.
[Qupp. 5-mi ungalusaq/assiliartaq]
Maannakkut qanoq iliorsinnaasutit
Aappariinnersi qanoq ingerlava? Immaqa isumaqarputit pitsaanerusumik ingerlasinnaassagaluartoq. Taamaappat nakussatsitsiniarlutit imaaliorsinnaavutit:
● Imminut apereriarit: ’Aappaqartutut eqqarsarlungalu misigivunga, imaluunniit suli aappaqanngitsutut eqqarsariaaseqarlungalu periaaseqarpunga?’ Paasinialaaruk aapparpit tamanna pillugu qanoq isumaqarfigigaatit.
● Allaaserisaq manna aappallu atuaqatigiissutigisiuk. Taavalu eqqissillusi oqaloqatigiissutigisiuk qanoq attaveqarnissi nakussatsinnissaanut kajuminnerulersinnaasusi.
● Ataqatigiinnissi nakussatsissutigisinnaasaanik marluullusi iliuuseqartaritsi. Soorlu: Aappassiariikkallarassi katernaajugallarassiluunniit nuannarisassinnik iliuuseqartaritsi. Napasuliaq Alapernaarsuiffik-mi Iteritsi!-milu aappariinneq pillugu allaaserisat atuaqatigiissutigisigik.
[Qupp. 6-mi ungalusaq/assiliartaq]
Aappariikkumallusi neriorsuutissi eqqortinnissaanut kajumissaataasussat . . .
● Pisussaaffeqarneq „Neriorsuutit naammassiniaruk! Eqqortissinnaanngikkukkuli ajunnginnerussaaq neriorsuinngiinnaruit.“ — Oqaluussisartup oqaasii 5:4, 5.
● Ataqatigiinneq „Marluugaanni ataasiinnaanermit pitsaaneruvoq . . . Arlaat orluppat aappaata nikuitittarpaa.“ — Oqaluussisartup oqaasii 4:9, 10.
● Namminissarsiunnginneq „Tunisineq pilluarnarneruvoq tigusinermit.“ — Apustilit Suliaat 20:35.
● Aappariinneq ataavartussatut isigalugu „Asanninneq . . . tamatigut ilalaartarpoq.“ — 1 Korinthimiut 13:4, 7.
[Qupp. 7-mi assiliartat]
Aapparpit oqaloqatigiumagaangatit tusarnaartarpiuk?