Guutip soqutigaatigut?

ISUMAQARPIT ilaqutariinnermi, peqqinniarnermi, sulinermi pingaarutilimmilluunniit akisussaaffeqarnermi ajornartorsiutit misigissutsikkut ilaannikkut artornartorujussuusut? Amerlasuut taamatut misigipput. Ullumikkut kina naapertuilluanngitsuliornernik, pinerluttuliornerni nakuusernernillu nalaataqanngila? Pisut Biibilimi allassimasutut ipput: ’Pinngortitat tamarmik suli peqatigiillutik anersaarulullutillu nimaarput.’ (Romamiut 8:22) Taamaattumik tupinnanngilaq amerlasuut ima aperimmata: ’Guutip soqutigaatigut? Ikiorniarpaatigut?’

Kunngi silatooq Salomo Guutimut qinnummini oqarpoq: ’Illit kisivit inuit qitornaasa uummataat ilisimavatit.’ Salomop tatigilluinnarpaa Guutip ilisimaannarnata aamma inuttut ataasiakkaatut soqutigigaatigut. Guuti qinnuigaa qilammi naalaaqqullugu inuillu mianerinnitsimi tamarmik ’perluutiminnik erloqissutiminnillu’ tassunga saqqummiussaat tusaaqqullugit. — 2 Nalunaarsuutit 6:29, 30, 1900/1961.

Aamma ullumikkut Jehova Guutip soqutigaatigut qinunikkullu torlorfigeqqulluni kajumissaarluta. (Tussiaat 50:15) Piumasaanut naapertuuttumik ilumoorluta qinnutivut akiumallugit neriorsuivoq. (Tussiaat 55:17, 23; Lukasi 11:5-13; 2 Korinthimiut 4:7) Aap, Salomo oqarpoq, ’qinnutit tamaasa piumaartussat inummit nalinginnarmit innuttaminillu Israelikkunnit tamanit’ qinnutigineqartut Guutip tusartarai. Guutimut tatiginnikkutta, tassungalu ikioqqullutalu palligukkutta asannittumik isumassuinera siulersuineralu misigissavarput. (Ussatit 3:5, 6) Biibilimik allattup Jaakup qularunnaarsippaatigut: „Guuti qaninniarsiuk, taava taanna ilissinnut qanillissaaq.“ — Jaaku 4:8.  (wE 1/1 04)