Malersugaaqqaaraluariarlutik ilassilluarneqartut

UKIUALUNNGUIT matuma siorna Santiago nulialu Lourdes illoqarfimmut kusanartumut Huillcapatamut Perumiittumut nuupput, neriuut Biibilimeersoq oqaluussissutiginiarlugu. Kinguninnguali palasi illoqarfimmit Cuzcomit tikippoq, illoqarfimmiullu katersuutitippai mianersoqquniarlugit. Taanna oqarpoq Jehovap Nalunaajaasuisa tamaaniinnerat pissutigalugu nappaalaneqarumaartoq nersutaataasalu toqunerannik naatitamillu inerittuisa asiunerannik kinguneqartumik aperujussuartarumaartoq.

Inuppassuit „siulittuut“ ilumooruppaat, ukiullu affaa sinnerlugu Santiago Lourdesilu Biibili pillugu kursusernissamik neqerooruteqaraangamik itigartinneqartuaannarput. Allaat angutip qaffasissumik atorfillip Miguelimik atillip nalunaajaasut taakku marluk ujaqqanik milluujutigalugit aqqusinikkut malersorpai. Oqaluussisartulli taakkua kristumiutut eqqissisimaannarput.

Piffissap ingerlanerani illoqarfimmiut ilaat Biibili pillugu kursusernissamut akuersipput. Allaat Miguel isummaminik allannguivoq. Santiagop Biibili pillugu kursusernissamik neqeroorutaanut akuersivoq, imigassartortarnini aqussinnaalerpaa eqqissisimasunngorlunilu. Kingusinnerusukkut Miguel nulialu paniisalu ilaat marluk Jehovamut nalunaajaasunngorput.

Ullumikkut illoqarfimmi tassani Jehovap Nalunaajaasuinik sulilluartunik ilageeqarpoq. Miguelip nuannaarutigaa ujaqqat milluutigisami ilaannaannik Santiago Lourdesilu eqqoramigit, qujamasuutigaalu oqaluussisartut taakkua marluk eqqissisimanermikkut maligassiuilluarmata. (wE 1/1 06)

[Qupp. 17-mi assiliartaq]

Santiagop Lourdesillu (saamerliit) eqqissisimanerat pissutigalugu Miguel (talerperleq) isummaminik allannguivoq