Ilaqutariittut oqaloqatigiittarpisi?

„Qanigisatsinnut attaveqarniartarnerput ajorsigaluttuinnarpoq,“ Polenimiut atuagassiaat Polityka paasissutissiivoq. USA-mi missiliuunneqarpoq aappariit ullormut isumaqarluartunik oqaloqatigiittarnerat minutsinik arfiniliinnarnik sivisussuseqartoq. Ilisimatuut isumaqarput avinnerit averusernerillu attaveqatigiilluannginnermik peqquteqartut.

Angajoqqaammi meeqqallu akornanni attaveqatigiittarneq? Nalunaarummi takutinneqarpoq amerlanertigut „oqaloqatigiinnerunani killisiuinerusartoq. Assersuutigalugu: Atuarfimmi qanoq ingerlavit? Ikinngutitit qanoq ippat?“ Nalunaarut apeqqummik naggasiivoq: „Qanoq ilillutik meeqqat misigissutsitsigut ataqatigiissinnaaneq ilikkassavaat?“

Attaveqatigiissinnaaneq imaaliallaannarluni takkussinnaanngimmat, taava qanoq ililluta pitsaanerusumik oqaloqateqarsinnaanngorsinnaagatta? Ajoqersukkap kristumiup Jaakup pingaarutilimmik imaattumik siunnersorpaatigut: „Kinaluunniit tusarasuartarli, kisianni oqalukkumaataartuulluni kamajaatsuullunilu.“ (Jaaku 1:19) Aap, ineriartornartumik oqaloqatigiissagaanni tusarnaarluaqqissaarnissaq pisariaqarpoq naammagittaalluta oqalunneranit kipitsitsinata inernileeriipallannataluunniit. Aamma isornartorsiuinaveersaartariaqarpugut oqaloqatigiinnermik kipititsisinnaammat. Jiisusip oqaloqatigisani killisiorneq ajorpai, periaaserillunili uummammiorisaat paasiniarniarlugit ataqatigiinnerallu nakussatsinniarlugu aperisarpai. — Ussatit 20:5; Matthæusi 16:13-17; 17:24-27.

Najoqqutassiat Biibilimeersut malinneratigut siulliullutit qanigisatit oqaloqatiginiarsinnaavatit. Ukiorpassuarni —  aap, inuunerit naallugu — nuannaarutigisinnaasannik kissalaartumik qanittumillu attaveqalernermik kinguneqarsinnaavoq. (wE 6/1 05)