’Qanillivoq Jehovap ullussarsua’
’Qanillivoq Jehovap ullussarsua’
„Qanillivoq [Jehovap] ullussarsua; qanilliartulertoqaaq!“ — SEFANIA 1:14.
1, 2. (a) Ulloq immikkut ittoq suna kristumiut qilanaaraat? (b) Apeqqutit suut apeqqutigisariaqarpavut, aamma sooq?
ARNAP inuusuttup nuannaangaartup ulloq katiffissani qilanaaraa. Anaananngortussap meerartaassami inunngornissaa qamannga pisumik qilanaaraa. Sulisartup qasoqisup sulinngiffeqalernissani qilanaarisorujussuuaa. Taakku suna assigiissutigaat? Tamarmik ullup immikkut ittup — ullup inuunerminnut pingaaruteqartussap — nalliunnissaa utaqqivaat. Itisuunik, assigiinngeqisunilli, misigissuseqarput. Ulloq qilanaarisaat piffissap ingerlanerani nalliutissaaq, neriuppullu nalliuppat piareersimassallutik.
2 Ullumikkut kristumiut ilumoortut ulloq immikkut ittoq, tassa ’Jehovap ullua’, qilanaaraat. (Esaja 13:9; Joeli 2:1; 2 Petrusi 3:12) ’Jehovap ullussaa’ suugami, tamatumalu nalliunnera inuiannut qanoq sunniuteqassava? Tamatuma nalliunnissaanut piareersimanerput qanoq ililluta qulakkeersinnaavarput? Apeqqutinut taakkununnga akissutinik maannakkut paasiniaanissarput pingaaruteqartupilussuuvoq, oqaatsimmi Biibilimeersut ukua ilumoornerat qularnanngivippoq: „Qanillivoq [Jehovap] ullussarsua; qanilliartulertoqaaq!“ — Sefania 1:14.
’Jehovap ullussarsua’
3. ’Jehovap ullussarsua’ suugami?
3 ’Jehovap ullussarsua’ suugami? Biibilimi tamarmi oqariartaaseq ’Jehovap ullussarsua’ piffissat immikkut ittut, Jehovap akeqqaminik eqqartuussiffii aterminillu angingaartumik naalannarsisitsiffii, pillugit atorneqartarpoq. Judami Jerusalemimilu najugallit ilumuunngitsut aamma Babylonimiut Egyptenimiullu naqisimannittut ’ullut’ taama ittut misigisarpaat Jehovap imminnut eqqartuussutini naammassigaangagit. (Esaja 2:1, 10-12; 13:1-6; Jeremia 46:7-10) Jehovalli ’ulluisa’ annersaat suli nalliutinngilaq. ’Ulloq’ taanna tassaavoq Jehovap aterminik mitaatiginnittunut eqqartuussutiminik naammassinniffissaa. Tamanna aallartissaaq ’Babylonersuup’, eqqunngitsumik upperisarsiornerup silarsuarmi tamarmi naalagaaffissuata, piuneerunneqarneranik, pissutsillu aaqqissuussaanerata ajortup sinnera Harmagedonimi sorsunnissami suujunnaarsinneqarpat tamanna sakkortunerpaassaaq. — Saqqummersitat 16:14, 16; 17:5, 15-17; 19:11-21.
4. Sooq inuit amerlanerit Jehovap ullussaata nalliutingajalersup siooraginissaanut pissutissaqarpat?
4 Inuit amerlanerit, nalunngikkaluarunikku nalugaluarunikkuluunniit, ullup nalliutingajalersup tamatuma siooraginissaanut pissutissaqarluarput. Sooq? Pruffiiti Sefania aqqutigalugu Jehova ima akivoq: „Ulloq taanna tassaassaaq kamannerup ullussaa, ulloq naalliuffissaq, annikilliorfissaq, ulloq piuneerussaaffissaq, aserugaaffissaq, ulloq taggarissuusussaq, ulloq qulisimasoq taartunillu nuialik.“ Siooranarpalungaarami! Pruffiitilu ima nangippoq: „Inuit annikilliortikkumaarpakka . . . [Jehovamut] ajortulioramik.“ — Sefania 1:15, 17.
5. Inuit millionillit Jehovap ullussaanut qilanaarnerannut suna pissutaava?
5 Inuilli millionillit allat Jehovap ullussarsuata nalliunnissaa qilanaaraat. Sooq? Tamanna aamma naapertuilluartunik annaassinissamut aniguisitsinissamullu piffissaammat; ulluuvoq Jehovap qutsissisinneqarfissaa aqqatalu naalannartup illernarsisinneqarfissaa. (Joeli 4:16, 17; Sefania 3:12-17) Ulloq taanna siooragigaanni qilanaarigaanniluunniit inuunermik maanna qanoq atuineq apeqqutaasorujussuuvoq. Jehovap ullussaata nalliunnissaa qanoq isigaajuk? Piareersimavit? Jehovap ullussaata qanilliartupallannera ulluinnarni inuuninnut sunniuteqarpa?
’Mitallersut tikiukkumaarput’
6. Inuit amerlanersaasa ’Jehovap ullussaa’ qanoq isigaat, aamma sooq kristumiut ilumoortut tamanna tupaallaatiginngilaat?
6 Piffissaq nukinginnaraluartoq nunarsuarmiut amerlanersaasa ’Jehovap ullussaata’ qanillinera isumakuluutiginngilaat. Ullussap tamatuma nalliutingajalerneranik mianersoqqusisut asissorlugillu mitaatigaat. Kristumiulli ilumoortut tamanna tupaallaatiginngilaat. Mianersoqqussut apustili Petrusip allassimasaa una eqqaamavaat: „Pingaartumik ilisimassavarsi ullussani kingullerni tikiukkumaarmata mitallersut pilerissusertik maliinnarlugu inuusut mitallerlutillu ima oqartut: ’Tikiunnissaaninguna neriorsuut qanoq piniartoq? Siuaasat toqummatali suut tamarmik pinngortinneqaqqaarnermissut ittuaannarsimapput.’“ — 2 Petrusi 3:3, 4.
7. Piffissakinnitsinnik ilisimaarinnittuarnissamut suna iluaqutigisinnaavarput?
7 Taamatut qulalinnginnissamut piffissakinnitsinnillu ilisimaarinnittuarnissamut suna iluaqutigisinnaavarput? Petrusi ima allappoq: „Isummassi iluartuunissaat eqeersarniarsaraara eqqaasinniarlusi [Eqqaasitsinikkut eqqarsarluarsinnaassusersi eqeersarniarsaraara, NV] itsaq pruffiitit illernartut oqaaserisaat Naalakkattalu annaassisitta inassutai apustilissigut pisasi eqqaamassagassigit.“ (2 Petrusi 3:1, 2) Mianersoqqussutinik siulittuutaasunik eqqumaffiginninnerput ’eqqarsarluarsinnaassutsitsinnut eqeersaataassaaq’. Eqqaasitsissutit tamakkua immaqa tusaqattaareersimavavut, mianersoqqussutinilli eqqumaffiginninnissaq maanna aatsaat taama pingaaruteqartigaaq. — Esaja 34:1-4; Lukasi 21:34-36.
8. Sooq inuppassuit eqqaasitsissutit Biibilimeersut sumiginnartarpaat?
8 Sooq inuit ilaasa eqqaasitsissutit sumiginnarpaat? Petrusi ima nangippoq: „Inuit taama oqaluttut arajutsisimavaat [Namminneq kissaatigisartik malillugu arajutsivaat, NV] itsarsuarmiilli qilaqartoq nunaqarlunilu Guutip oqaasiagut imermit imikkullu pinngortumik, taamaattumillu silarsuaq taamanernisaq imermit qarsunneqarluni piujunnaarpoq.“ (2 Petrusi 3:5, 6) Aap, inuit ilaasa Jehovap ullussaata nalliunnissaa kissaatiginngilluinnarpaat. Inooriaatsimik taamaaginnarnissaa kissaatigaat. Inooriaatsiminnut namminissarsiortumut Jehovamit akisussaatinneqarnissartik kissaatiginngilaat! Petrusip allanneratut „pilerissusertik maliinnarlugu“ inuupput.
9. Inuit Noap nalaani Lotillu nalaani inuusut qanoq isiginnittaaseqarsimappat?
9 „Namminneq kissaatigisartik“ pissutigalugu mitaatiginnittut taakkua Jehovap pissutsinut inuiaat atugaannut siornatigut akuliuttarsimanera sumiginnarusunneruaat. Jiisusi Kristusip aamma apustili Petrusip eqqartorpaat Jehovap akuliussimaneri marluk, tassa „Noap ulluini“ aamma „Lotip ulluini“. (Lukasi 17:26-30; 2 Petrusi 2:5-9) Ulersuaq sioqqullugu inuit mianersoqqussut Noap oqaluussissutigisaa eqqumaffiginngilaat. Lotilu Sodomap Gomorrallu piuneerunneqarnissaat pillugu mianersoqqusimmat, ningaassaasa „quiasaaginnarsoraat“. — 1 Mosesi 19:14.
10. Jehovap eqqumaffiginninngitsut qanoq oqarfigai?
10 Ullumikkut pissutsit aamma taamaapput. Maluginiariarulli Jehova eqqumaffiginninngitsunut Sefania 1:12, 13) Inuit immaqa ulluinnarni iliuuserisartakkatik iliuuseriinnassavaat, suleruloornertilli ataavartumik iluaqutiginavianngilaat. Sooq? Jehovap ullussaa tassanngaannaq nalliutissammat, nunallu piisigut pisuussutit katersorsimasaasa taakkua annaassinnaanavianngilaat. — Sefania 1:18.
qanoq oqarnersoq: ’Pillarumavakka [Takusarumavakka, 1900/1961] angutit aalakoornerminnik naammaginniinnartut, uummatimikkullu oqartut: „Jehova ajunngitsumik ajortumilluunniit iliuuseqarnavianngilaq.“ Taakkua pisuussutaat tiguagassanngussapput illuilu piuneerussassanngorlutik. Illuliorumaarput inigissanagilli, viinnequtinik ikkussuiumaarput viinnialli imissanagu.’ („Ilimagiuaruk“
11. Kajumissaarut suna eqqaamasariaqarparput?
11 Silarsuartut guutiitsutut avatangiiserisatsitut pinnata kajumissaarut pruffiiti Habakkukip allagaa una eqqaamasariaqarparput: „Takorluugaq piffissarititami aatsaat eqquutissaaq, naggatissamik nalunaajaavoq eqquutinngitsuussananilu. Nalliutiaanngikkaluarpat utaqqiinnarina [ilimagiuaruk, NV], eqquutinngitsoorani piviusunngorumaarmat.“ (Habakkuki 2:3) Uagut naammalluinnanngitsumik naliliisarnerput naapertorlugu ulloq nalliunniaasaarsorigutsigu eqqaamasariaqarparput Jehova paamaarussinngitsoq. Ullussaa piffissaq eqqoqqissaarlugu nalliutissaaq, piffissami kikkut tamarmik ilimasunngiffianni. — Markusi 13:33; 2 Petrusi 3:9, 10.
12. Jiisusip suna mianersoqqussutigaa, aamma Jiisusip ajoqersugai aalajaatsut susimappat?
12 Jiisusip erseqqissarpaa Jehovap ullussaanik ilimaginnittuarnissap qanoq pingaaruteqartiginera, aamma mianersoqqussutigaa ajoqersukkami ilaasa allaat piffissap nukinginnassusianik sianiginnikkunnaarumaarnerat. Taakku pillugit ima siulittuivoq: ’Kiffarli ajortoq ima isumaliorpat: Naalagara mululerpoq! — kiffaqatinilu unatalerpagit nerillunilu imerlunilu imerajuttut ilagalugit, taava kiffap taassuma naalagaa ullormi ilimasunngiffiani nalunaaquttap-akunneranilu nalusaani tikiutissaaq toqussallugulu ilumoortuusaartullu atugarisaannik pineqartillugu. Tassaniittut qiallutillu qorsaqqortassapput.’ (Matthæusi 24:48-51) Inussiaqatigiilli aalajaallutillu silatuut ilumoorfiginnillutik piffissakinnitsinnik ilisimaarinnittuarput. Inussiaqatigiit eqqumasimapput piareersimasimallutillu. Taamaammat Jiisusip nunarsuarmi maani „pigisaminut tamanut“ paarsisunngortippai. — Matthæusi 24:42-47.
Piffissakinnerup eqqaamanissaa pingaaruteqarpoq
13. Kristumiut ingerlaannaq iliuuseqartariaqarnerat Jiisusip qanoq erseqqissarpaa?
13 Ukiuni hundredelinni siullerni kristumiut piffissap nukinginnarneranik eqqaamannittuarnissaat pingaaruteqartorujussuusimavoq. Jerusalemi „sakkutuunit unguneqarsimasoq“ takugunikku illoqarfimmit ingerlaannaq qimaassapput. (Lukasi 21:20, 21) Tamanna ukiumi 66-imi pivoq. Maluginiariaruk Jiisusip taamanikkut kristumiut ingerlaannaq iliuuseqartariaqarnerannik erseqqissaanera: „Illup qaavaniittoq aqqanngikkili illup iluaniittunik aallerluni, narsaammiittullu uterluni qallersaatini aanngikkiliuk.“ (Matthæusi 24:17, 18) Oqaluttuarisaanerli naapertorlugu aatsaat ukiut sisamat qaangiummata Jerusalemi piuneerunneqarpoq, taava sooq kristumiut Jiisusip ukiumi 66-imi peqqusineratut iliupallatariaqarsimappat?
14, 15. Sooq kristumiut Jerusalemi sakkutuunit unguneqarsimasoq takugunikku ingerlaannaq iliuuseqartariaqarsimappat?
14 Ilumoorpoq Romamiut sakkutuuisa aatsaat ukiumi 70-imi Jerusalemi piuneerukkaat, ukiunili sisamani taakkunani pissutsit eqqissisimananngilluinnarput. Ukiut taakku pinerlunnermik aammillu kuisinermik ulikkaarput. Oqaluttuarisaanermik ilisimatuup ukiuni taakkunani Jerusalemimi pissutsit „innuttaasut sorsuunnerattut aassunneqisutut, tataannartunik naakkittaatsuliornertalittut“ allaatigai. Angutit inuusuttut qarmarsuarni illersuisussatut sakkutuussarsiarineqartarput. Ullut tamaasa sakkutuunut sungiusaqataasariaqarput. Periaaserineqalersunik sakkortuunik akuerinninngitsut killuussisutut isigineqartarput. Kristumiut illoqarfimmit ingerlaannaq qimaasimanngitsuugunik ulorianartorsiortupilussuusimassagaluarput. — Matthæusi 26:52; Markusi 12:17.
15 Maluginiartariaqarparput Jiisusip oqaatigimmagu „Judæamiittut“, Jerusalemimiittuinnanngitsut, qimaassasut. Taamaaliornissaq pingaaruteqarpoq, Romamiummi sakkutuui Jerusalemimit tunuarnerminnit qaammatialunnguit qaangiuttut uteqqipput sorsoqqilerlutillu. Siullermik Galilæa ukiumi 67-imi tiguarpaat, aappaaguanilu Judæa aaqqissuulluakkamik tiguarneqarpoq. Tamanna nunami tamarmi innuttaasunut naalliunnartorpassuaqalerneranik kinguneqarpoq. Aamma juutimut Jerusalemimit qimaanissaq ajornakusoorneruleraluttuinnarpoq. Illoqarfiup isaaffii nakkutigineqarput, qimaasoqariaraluaraangallu ilimagineqartarpoq Romamiunut ililiunniarlutik qimaasut.
16. Ukiuni hundredelinni siullerni kristumiut annikilliornartoq anigorniarlugu qanoq isiginnittaaseqartariaqarpat?
16 Tamakku tamaasa eqqarsaatigalugit paasivarput sooq Jiisusip kristumiut sukkanerpaamik qimaasariaqarnerat erseqqissarneraa. Pilliuteqariaannaasariaqarput, pigisanik allamut saasaateqarnatik. Tassa Jiisusip mianersoqqussutaa malikkumallugu ’pigisatik tamaasa sussakkeeriaannaasariaqarpaat’. (Lukasi 14:33) Naalallutik ingerlaannaq Jordanip illuatungaanut qimaasut annaanneqarput.
Piffissakissuserput ilisimaariuaruk
17. Sooq piffissakinnerput ilisimaarinerusariaqarparput?
17 Biibilimi siulittuutini ersersinneqarpoq naggatissap nalliutingajalernerani inuusugut. Piffissap nukinginnassusiata sianigiuarnissaa aatsaat taama pingaaruteqartigaaq. Sakkutooq sorsuttoqartinnagu sorsuffimmi navianartorsiornermisulli naalarulunneq ajorpoq. Tamatumali kingunerisaanik sorsunnissamut piareersimanissamut Lukasi 21:36; 1 Thessalonikamiut 5:4) ’Jehovamit tunuariartoqarsimaguni’, taava taakkununnga maanna piffissaavoq taassuma ujaqqinnissaanut. — Sefania 1:3-6, 1900/1961; 2 Thessalonikamiut 1:8, 9.
pissutissaqarsorinngikkuni, taava sorsugiaqquneqariataaruni qularnanngitsumik piareersimanavianngilaq, tamannalu ajortorujussuarmik kinguneqarsinnaavoq. Anersaakkut sorsunnitsinnut tunngatillugu aamma taamaappoq. Piffissakinnerput puiuinnarutsigu, saassunneqarutta piareersimanngeriaannaavugut, Jehovallu ullussaa nalliuppat pakasarneqarsinnaavugut. (18, 19. ’Guutip ullussaata piaarnerusumik nalliunnissaanik ilungersuutiginninnissamut’ suna iluaqutigissavarput?
18 Tassa apustili Petrusip pissutissaqarluarluni ’Guutip ullussaata piaarnerusumik nalliunnissaanik ilungersuutiginninnissarput’ pillugu eqqaasippaatigut. Qanoq ililluta taamaaliorsinnaavugut? Ilaatigut ’iluartumik ileqqoqarnermut Guutimullu tunniusimanermut naapertuuttunik iliuuseqarnissaq’ (NV) ulapputigalugu. (2 Petrusi 3:11, 12) Sammisassanik anersaakkut ittunik ulapputeqarneq ’Jehovap ullussaata’ nalliunnissaanut qilanaarnissamut iluaqutigissavarput. Soorunami Jehovap ullussaa piaarnerusumik nalliutitissinnaanngilarput. Jehovalli ullussaa utaqqitillugu Guutimut kiffartorneq ulapputigigutsigu piffissaq sukkanerusumik ingerlasutut issaaq. — 1 Korinthimiut 15:58.
19 Guutip oqaasia eqqarsaatigeqqissaartarutsigu eqqaasitsissutillu tamatumaniittut pigiliukkutsigit Jehovap ullussaata nalliunnissaa, Biibilimik nutsikkani allani marlunni allassimaneratut, ’erinigingaalissavarput (ilimagalugu aamma pilertortillugu)’ imaluunniit ’ilimagiualissavarput’. (2 Petrusi 3:12, The Amplified Bible; The New Testament William Barclaymit) Eqqaasitsissutit tamakkua siulittuuterpassuarnik, Jehovap ullussaata nalliunnissaa pillugu siulittuutaannaanngitsunik, aammali pilluaqqussuterpassuarnut ’Jehovamut isumalluartuartunut’ tunniunneqartussanut tunngasunik ilaqarput. — Sefania 3:8, NV.
20. Kajumissaarut suna naapertorlugu iliuuseqartariaqarpugut?
20 Maanna piffissaavoq pruffiiti Sefania aqqutigalugu uagutsinnut kajumissaarutigineqartoq kimittooq una naapertorlugu tamatta iliuuseqarnissatsinnut: „[Jehovap] kamangaarneranit eqqorneqanngikkallartillusi, ulloq [Jehovap] kamaaffissaa ilissinnut nalliutinngikkallartillugu. [Jehova] ujarsiuk nunami maniguuttusi tamassi, peqqussutaanik maleruaasusi. Iluarsuseq noqqaassutigisiuk, maniguunneq noqqaassutigisiuk. Immaqa taava qimarnguissarsiumaarpusi ullormi [Jehovap] kamaffissaani.“ — Sefania 2:2, 3.
21. Guutip innuttaasa 2007-imi suna aalajangiusimaniarpaat?
21 Taamaammat ukiumut 2007-imut allassimaffik toqqarneqarsimasoq naleqquttupilussuuvoq: „Qanillivoq [Jehovap] ullussarsua.“ ’Qanilliartulertornera’ Guutip innuttaasa qularutiginngilluinnarpaat. (Sefania 1:14) ’Eqquutinngitsoorani piviusunngorumaarpoq’. (Habakkuki 2:3) Taamaammat ullup tamatuma nalliunnissaa utaqqitillugu naggatissap nalaani inuulluta siulittuutillu eqquutingajalernerat eqqaamajuartigu!
Qanoq akissavit?
• ’Jehovap ullussarsua’ suua?
• Sooq inuppassuit piffissap nukinginnarnera sumiginnarpaat?
• Sooq ukiuni hundredelinni siullerni kristumiut ingerlaannaq iliuuseqartariaqarsimappat?
• Qanoq ililluta piffissakinnerput ilisimaarinerulersinnaavarput?
[Atuaqqissaarnermi apeqqutit]
[Qupp. 17-mi issuagaq]
Ukiumut 2007-imut allassimaffik imaappoq: „Qanillivoq [Jehovap] ullussarsua.“ — Sefania 1:14.
[Qupp. 14, 15-mi assiliartat]
Mitaatiginnittut Jehova akuliuppat Noap nalaanisut pakasarneqassapput
[Qupp. 16-mi assiliartaq]
Kristumiut Jerusalemi „sakkutuunit unguneqarsimasoq“ takugunikku ingerlaannaq iliuuseqartussaasimapput