Qitornatit ataatsimiinnerni akisarnissaannut ilinniartikkit
Qitornatit ataatsimiinnerni akisarnissaannut ilinniartikkit
PERLA Mexicomiu meeraalluni Napasuliaq Alapernaarsuiffik-mik atuaqqissaaqatigiinnermi naatsumik akinissaminut anaanami qanoq piareersaqatigisaraani eqqaamavaa. Maanna Perla tallimanik ukiulimmik erneqarpoq. Qanoq ikiortarpaa? „Nammineq piareersaqqaartarpunga. Piareersarninni immikkoortumik ernerma paasisinnaasaanik, nammineq oqaatsini atorlugit oqaatigisinnaasaanik, ujaasisarpunga. Taava ’immikkoortuutiminik’ taasaa sammisarparput. Immikkoortoq taanna ulluinnarni pisimasunit assersuuteqarluni nassuiaqqusarpara. Taava akissutissaa arlaleriarlugu sungiusartarparput. Mikrofonitut atsigisoq atortarparput akigaangami qanoq tigummisarnissaa ilikkarniassammagu. Nuannaarutigaara oqarsinnaagama ataatsimiinnerit tamaasa akisarmat nappaalluniluunniit. Ataatsimiinneq aallartitsinnagu amerlanertigut atuaqqissaarnermi aqutsisoq oqarfigisarpaa immikkoortoq sorleq nammineq ’immikkoortuutiginerlugu’.“
Jens gruppimi hindisut oqaluttuni utoqqaanertaavoq, marlunnik sisamanillu ukiulinnik erneqarpoq. Nulianilu qitornatik ataatsimiinnernut piareersaqatigigaangamikkik periaaseq Jensip angajoqqaaminit ilikkagaa atortarpaat. Ima oqaluttuarpoq: „Paasiniartarparput pineqartut ilaat sorliit meeqqat paasisinnaaneraat. Taakkua imarisaat eqikkarlugu oqaluttuarisarparput allaaserisarluunniit pingaarnersiorlugu. Taava ataatsimiinnermi akisinnaasaannik aperisarpavut. Akissutigisartagaat tupaallaatigisarpavut. Oqaatiginneriaasiisa ersersippaat suut paasisimaneraat, taamaalillunilu akissutaat ilumut Jehovap aqqanik unnersiutiginninneruvoq uppernerannullu ersiutaalluni.“ (wE 11/15 06)