Unneqqarissuunermigut maligassaalluartoq

NELMAP, Brasiliami Cruzeiro do Sulimi nujalerisuusup, ungasinngitsukkut kristumiutut assuarnaassusia misilinneqarpoq. Najugaqarfimmini qarsutsineqarmat nujalerisartakkaminit atisanik tunisippoq. Nelmap atisat immikkoortitertillugit aningaasat 6000 koruuninik naleqartut qarliit kaasarfiini nassaarai.

Nelma taama amerlatigisunik aningaasarsissaguni qaammatit arfineq-marluk sulisariaqarpoq, aningaasallu pisariaqartittorujussuuai. Qarsutsinermi illua ajoquserpoq, aamma angutaata qatanngutaasalu pigisatik tamangajaasa annaasimavaat. Aningaasat taakku atorlugit illumi iluarsaannera naammassisinnaavaa ilaquttanilu ikiorsinnaallugit. Nelmalli nalunngeqatiginnissutini Biibili tunngavigalugu ilinniartitaammat aningaasat tigummiinnarsinnaanngilai. — Hebræerit 13:18.

Aqaguani suliartorfissani nallertinnagu suliffimminukarpoq arnarlu niuertoq atisanik tunniussisoq saaffigalugu. Nelma atisanut qujavoq nangillunili oqarluni aningaasat nassaani tigummiinnarsinnaanagit. Arnap aningaasaatini tigoqqikkamigit nuannaaqaaq. Sulisuni akilersinnaajumallugit aningaasat immikkoortissimavai. „Unneqqarissut qaqutigoorput,“ oqarpoq.

Ilimanarpoq isumaqartoqassasoq unneqqarissuuneq imminut akilersinnaanngitsoq. Guutimilli ilumoortumit iluarisaassagaanni unneqqarissuuneq pissusiuvoq pingaaruteqarluinnartoq. (Efesosimiut 4:25, 28) „Allatut iliorsimagaluaruma unnuakkut sinissinnaasimanavianngikkaluarpunga,“ Nelma oqarpoq. (wE 2/15 07)