Meeqqat ilinniagassaat pingaarutillit

GLADYS Argentinami atuarfimmi Mendozamiittumi sulivoq. Ilaanni ini atuartitsivik saneqqukkamiuk malugaa ilinniartitsisup Biibilimik oqaluttuaatikka * 4. klassemi atuartunut atuffassissutigigaa. Gladysip ilinniartitsisoq ilassivaa oqaluttuullugulu nammineq Jehovap Nalunaajaasuisa ilagigaanni, neqeroorfigaalu atuagaq qanoq pitsaanerpaamik pissarsiffigineqarsinnaanera takutikkumallugu. Ilinniartitsisup Gladysip nassuiaatigisaa tupigutsaatigingaaramiuk atuagaq ilinniartitsinermini aalajangersimasumik atorusulerpaa. Atuarfiulli siulersuisuinit akueriteqqaartariaqarpoq, qujanartumillu akuerineqarpoq.

Kingusinnerusukkut ’ullormi atuakkanik atuarfimmi’ ilinniartitsisup atuartitani Biibilimik oqaluttuaatikka-mi kapitalimik ataatsimik atuaqatiminnut atuffassinissaannik suliassippai. Taamatut atuartarneq atuartunut ima sunniuteqarluartigaaq ilinniartitsisoq taqqavani tv-kkut aallakaatitassiamut peqataanissaminut qaaqquneqarluni. Atuartut pissuserissaartuunerat eqqaaneqarpoq, tassungalu atatillugu aallakaatitassiortup ima aperaa: „Qanoq ilillutit meeqqat klassemi naalatsittarpigit?“ Ilinniartitsisup akivaa Biibilimik oqaluttuaatikka atortarlugu. Nassuiaavoq atuagaq tiimimi upperisamik atuartitsiviusumi atorneq ajorlugu, meeqqalli ataqqinninnermik, akaarinninnermik, ataasioqatigiinnermik, suleqatigiinnermik, naalannermik asanninnermillu ilinniarnerminni atuagaq taanna iluaqutigisimagaat. Tamarmik isumaqarput tamakku meeqqat ilinniagassarigaat pingaarutillit.

Aamma illit meeqqatit pitsaasunik pingaartitaqalernissaannik ikiorusuppigit? Atuagaq nuannersoq Biibilimik oqaluttuaatikka perusukkukku Jehovap Nalunaajaasuisa ilaannut saaffiginnissinnaavutit. (wE 7/1 07)

[Quppernerup ataani ilanngussaq]