„Tunissutigisat naleqangaartoq“

BELGIAMI ministeriunerusimasup atuagaq Inuk inuit inuusimasut pingaarnerpaartaat taama allaatigaa. * Saniliminit ikinngutinnersumik pulaarneqarsimavoq atuakkamillu taamaattumik pisimalluni. Kingusinnerusukkut qujaniarluni ima allappoq: „Ikinngutinnersumik pulaarnerit killitsissutigeqaara, kisianni tunissutigisat naleqangaartoq — atuagaq ’Inuit pingaarnerpaartaannut’ tunngasoq — suli killitsissutigineruara.“

Ministeriunerusimasup taassuma atuagaq misissorsimavaa imalu isummersimalluni: „Inuit iivangkiiliumi oqariartuutigineqartumik soqutiginninnerugaluarpata Jiisusi Kristusillu najoqqutassiaanut naapertuuttunik iliortarlutik, ullumikkut silarsuaq allaanerulluinnassagaluarpoq. Taava FN-ip isumannaallisaanermut rådia pisariaqartissanngikkaluarparput; pinerliiniarluni saassussisoqartassanngikkaluarpoq, nakuusernerlu nunarsuaq tamakkerlugu inerteqqutaassagaluarpoq.“ Tamakku piviusorsiorpalunnginnerat nassuerutigigaluarlugu sanilimi ajunngitsumik suliniuteqarneranik ataqqinninnini ersersippaa.

Allagai ima nangipput: „Inunnut nersortarialinnut, neriulluarniartuunatillu qularinninniartuunngitsunut, kisiannili isumalluarniartunut, tassa inuit pissutsillu pitsaanerulersinneqarsinnaanerannik upperinnittunut, ilaavutit.“

Jehovap Nalunaajaasuisa upperaat inuit ilungersuuteqarneraanngitsoq, Guutilli akuliunnera, naggataatigut silarsuarmik pitsaanerulersitsiumaartoq. Taakkua Jiisusi Kristusip maligassiaanik malinninniarsaripput. Jehovap Nalunaajaasuinit pulaarneqaqqammerpit? Qularnanngilaq inuit inuusimasut pingaarnerpaartaat pillugu taakkua oqaloqatiginissaat nuannarissagit. Taakkua aamma atuakkamik ministeriunerusimasup killitsissutigeqisaanik tuninissat nuannaarutigissavaat. (wE 12/15 07)

[Quppernerup ataani ilanngussaq]